Nokkur orð um leikreglur

Sólveig Anna Jónsdóttir, formaður Eflingar, telur að hinn sanni mælikvarði á samfélag sé geta þeirra sem það byggja að sýna manngæsku og samhygð.

Auglýsing

„Ef maður snapar sér yfirvinnu er uppbótin tekin í skatt. Jólauppbót og orlofsuppbót, allt er tekið í skatt. Þetta er eins og synda í tjöru.“

Sigurgyða, láglaunakona og meðlimur í Eflingu.

Fyrir nokkrum dögum síðan spjallaði ég við konu, félagsmann Eflingar, eina af fjölmörgum sem tilneyddar vinna undir þeirri kvenfjandsamlegu láglaunastefnu sem fengið hefur að dafna meira og minna óáreitt á íslenskum vinnumarkaði. Þessi kona er með sýkingu í öðru eyranu en sökum þess að henni er gert að komast af á launum sem allt heiðarlegt fólk veit að duga ekki til eins né neins og vegna þess að hún er fráskilin tveggja barna móðir sem þarf að reka heimili getur hún ekki leyst út lyfin sem hún þarf að nota fyrr en um mánaðarmótin. Þessi kona hefur árum saman staðið sína plikt sem vinnuafl, sem „hagsmunaaðili“ á íslenskum vinnumarkaði. Svona er staðan engu að síður í hennar lífi. Ég held að það sé óhætt að segja að hagsmunir hennar hafi þurft að lúta í lægra haldi fyrir hagsmunum hinna hagsmunaaðilanna á vinnumarkaðnum.

Auglýsing

Konur um víða veröld rísa nú upp og krefjast þess að langanir þeirra og þarfir verði ekki áfram afgangsstærðir þegar kemur að því að skipuleggja mannlega tilveru, að þær fái pláss til að ákveða hvernig líf þær vilja. Láglaunakonur á Íslandi eru í nákvæmlega þessari baráttu: Okkur hefur verið gert að spila eftir leikreglum sem við komum ekki nálægt að semja og hin óumflýjanlega niðurstaða þeirrar tilhögunar er sú að leikreglurnar henta okkur alls ekki vel. Þvert á móti; þær henta okkur afskaplega illa. Það hentar okkur illa að þurfa að vinna langa daga í krefjandi störfum til þess eins að eiga kannski (og kannski ekki) nóg fyrir nauðsynjum. Það hentar okkur illa að enginn hafi axlað þá ábyrgð að gæta þess að við höfum aðgang að góðu húsnæði á eðlilegu verði. Það hentar okkur illa að skattbyrði hafi verið aukin á þau sem minnst hafa á milli handanna. Það hentar okkur illa að við sjálfar höfum ekkert um verðlagninguna á vinnu okkar að segja; af því leiðir að við erum verðlagðar eins og hvert annað drasl. Við erum neðstar í hinu efnahagslega stigveldi.

Við eigum því ekki annarra kosta völ en að hafna leikreglunum; ef að við samþykkjum óbreytt ástand erum við að samþykkja að okkur sé ekki ætlað annað hlutskipti en að vera ódýrt vinnuafl. Og það kemur ekki til greina.

Við verka- og láglaunakonur eigum skilið hærri laun. Við eigum skilið skattkerfi sem gerir líf okkar betra og auðveldara. Við eigum skilið að fá að hefja vegferð okkar í átt að því frelsi sem okkur hefur kerfisbundið verið neitað um. Fyrir þessu ætlum við að berjast.

Þau sem taka afstöðu gegn kröfu verka og láglaunafólks um að lágmarkslaun verði 425.000 krónur á þremur árum eru í raun að krefjast þess að láglaunakonur haldi áfram að færa fórnir, að við höldum áfram að selja tíma okkar og líf ódýrt, að við höldum áfram að vera ófrjálsar. Til þess hafa þau nákvæmlega engan rétt.

Það er einfaldlega komið að skuldadögum; við ætlum okkur að fá það sem við eigum inni.

Hinn sanni mælikvarði á samfélag er geta þeirra sem að það byggja til að sýna manngæsku og samhygð. Þegar við gefum þau gildi upp á bátinn og látum sem framagirni og auðsöfnun, yfirráð og valdagræðgi, arðrán og misskipting séu betri, í raun hin réttu gildi erum við í vondum málum. Þegar við látum eins og það sé sjálfsagt mál að konur vinni langa og erfiða daga en geti samt aldrei látið sig dreyma um efnahagslegt öryggi, geti ekki látið enda ná saman, geti ekki leyst út lyf, þurfi að sætta sig tilveru sem er eins og synda í tjöru höfum við gengið til liðs við óréttlætið. Því það er augljóst að það er einfaldlega óréttlátt að ætlast til þess að við sem vinnum á útsölumarkaði íslensks atvinnulífs samþykkjum möglunarlaust að okkar yfirgengilega lágu laun séu lykilinn að stöðugleika á Íslandi.

Við getum ekki samþykkt að áframhaldandi kúgun á okkur sé eina niðurstaðan í leiknum. Ef að leikreglurnar eru svo gallaðar eigum við einfaldlega ekki annara kosta völ; við verðum að breyta leiknum, reglunum og niðurstöðunni. Og það ætlum við, verka- og láglaunakonur, að gera.

Höfundur er formaður Eflingar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Frá vígslu málverkanna í febrúar árið 2018. Síðan þá hafa þau ekki verið sýnd hlið við hlið.
Portrettmyndir Obama-hjónanna gera víðreist um Bandaríkin
Aðsóknarmet var slegið í National Portrait Gallery í Washington D.C. eftir að opinberar portrettmyndir Obama-hjónanna bættust í safneignina árið 2018. Nú eru myndirnar á leið í 11 mánaða reisu vítt og breitt um Bandaríkin.
Kjarninn 19. júní 2021
Stefan Löfven, forsætisráðherra Svíþjóðar.
Afnám leiguþaks gæti orðið Löfven að falli
Svíþjóð hefur, líkt og önnur lönd í Evrópu, reynt að sporna gegn hröðum leiguverðshækkunum með leiguþaki. Nú gæti farið svo að sænska ríkisstjórnin falli vegna áforma um að afnema slíkar takmarkanir fyrir nýbyggingar.
Kjarninn 18. júní 2021
Frá Akureyri.
Starfsfólki sagt upp á hjúkrunarheimilinu Hlíð á Akureyri
Forseti ASÍ gagnrýnir hagræðingaraðgerðir sem bitna fyrst og fremst á starfsfólki að hennar mati. Heilsuvernd tók við rekstri Öldrunarheimila Akureyrar í apríl á þessu ári.
Kjarninn 18. júní 2021
Kona gengur fram hjá minningarvegg um fórnarlömb COVID-19 í London.
Delta-afbrigðið á fleygiferð á Bretlandseyjum
Tilfellum af COVID-19 fjölgaði um 50 prósent í Bretlandi á einum mánuði frá 5. maí til 7. júní. Smitum af völdum Delta-afbrigðisins svokallaða fjölgaði um tæp 80 prósent milli vikna. Ný bylgja segja sumir en aðrir benda á að hún verði aldrei skæð.
Kjarninn 18. júní 2021
Komum erlendra ferðamanna til landsins fækkaði um 81 prósent milli 2019 og 2020.
Íslendingar eyddu minna á ferðalögum innanlands í fyrra heldur en árið 2019
Heildarútgjöld íslenskra ferðamanna innanlands námu 122 milljörðum króna í fyrra og drógust saman um 14 prósent frá 2019. Hlutfall ferðaþjónustu í landsframleiðslu dróst saman um rúmlega helming á tímabilinu, fór úr átta prósentum niður í 3,9 prósent.
Kjarninn 18. júní 2021
Upplýsingar um alla hluthafa og hversu mikið þeir eiga í skráðum félögum hafa legið fyrir á opinberum vettvangi undanfarið. Þetta telur Persónuvernd stríða gegn lögum.
Persónuvernd telur víðtæka birtingu hluthafalista fara gegn lögum
Vegna nýlegra lagabreytinga hefur verið hægt að nálgast heildarhluthafalista skráðra félaga í Kauphöllinni í samstæðureikningum á vef Skattsins. Persónuvernd telur þessa víðtæku birtingu fara gegn lögum.
Kjarninn 18. júní 2021
Flókið að fást við fólk sem lætur sannleikann ekki þvælast fyrir sér
Kerfið brást Helgu Björgu harðlega eftir að hún upplifði stöðugt áreiti borgarfulltrúa Miðflokksins í um tvö ár án þess að geta borið hönd fyrir höfuð sér. Málið hefur haft margvíslegar alvarlegar afleiðingar á andlega og líkamlega heilsu hennar.
Kjarninn 18. júní 2021
Horft frá Nauthólsvík yfir á Kársnes og að Hamraborg, þar sem Kópavogsbær stefnir á uppbyggingu þéttrar byggðar meðfram væntum borgarlínuleiðum.
Telur kjörnum fulltrúum skylt að rýna í hugmyndir um ódýrari Borgarlínu
Bæjarfulltrúi Sjálfstæðisflokksins í Kópavogi vill rýna betur í hugmyndir um ódýrari Borgarlínu, sem lagðar hafa verið fram að undanförnu, svo vilji sveitarstjórna sé skýr í málinu. Einnig viðrar hún sérstakar áhyggjur af rekstrarkostnaði.
Kjarninn 18. júní 2021
Meira úr sama flokkiAðsendar greinar