Verður að skapa jarðveg fyrir sátt

Auglýsing

Eftir að upp úr slitn­aði í kjara­við­ræðum og verk­falls­að­gerðir fóru form­lega upp á teikni­borðið hjá verka­lýðs­hreyf­ing­unni þá hefur umræðan um kaup og kjör farið ofan í kunn­ug­legar skot­graf­ir.

Það versta við þá umræðu er að fólk við samn­inga­borðið túlkar rök­ræð­una með gjör­ó­líkum hætti. Sam­tök atvinnu­lífs­ins sendu fjöl­miðlum á föstu­dag­inn tengil á umfjöllun um kröfu­gerð Efl­ingar í kjara­við­ræð­un­um, þar sem full­yrt var að laun ættu að hækka um að allt að 82 pró­sent á samn­ings­tím­an­um. 

Mein­ing­ar­munur

Fólkið í for­svari fyrir stétt­ar­fé­lögin hafnar þessu með öllu og sagði Stefán Ólafs­son pró­fess­or, sér­fræð­ingur hjá Efl­ingu, að þetta væri alrangt hjá Sam­tökum atvinnu­lífs­ins. Hið rétta væri rúm­lega 40 pró­sent hækkun lægstu launa á samn­ings­tím­an­um. 

Auglýsing

Stefán bætir reyndar um betur og full­yrðir að svig­rúm stjórn­valda fyrir útspil inn í kjara­við­ræð­urnar sé ekki 14,7 millj­arð­ar, eins og boð­aðar aðgerðir eru metnar á, heldur 56,3 millj­arð­ar, að teknu til­liti til afgangs á fjár­lögum upp á 29 millj­arða.

Óhætt er að segja að þetta sé ekki traust­vekj­andi, þessi mein­ing­ar­munur þeirra sem sitja við samn­inga­borð­ið, jafn­vel þó skýr­ingin séu ólíkt sjón­ar­horn og ólíkar for­send­ur. Þeim ber skylda til þess að reyna að ná samn­ingum og lág­marks­krafa ætti að vera sú, að báðir séu með sama skiln­ing á þeim atriðum sem eiga að telj­ast stað­reynd­ir. 

Rétt­ast væri að gera allar kröfur opin­berar jafn­óð­um, þegar mál eru komin til Rík­is­sátta­semj­ara, svo að það sé hægt að veita þeim sem eru að leiða málin til lykta gott aðhald. Spuna­meist­ara­hlut­verk myndu þá heyra sög­unni til.

Launa­skrið sem veldur vand­ræðum

Aug­ljóst er að mikið launa­skrið ráða­manna og stjórn­enda hjá rík­is­fyr­ir­tækjum hefur valdið miklum erf­ið­leikum og gert snúna stöðu enn erf­ið­ari. Nú síð­ast voru sagðar fréttir af því að stjórn­endur Íslands­pósts hefðu hækkað veru­lega í launum á sama tíma og fyr­ir­tækið var á leið í þrot. Aðal­fundi var frestað og árs­skýrsla hefur ekki verið birt enn, fyrir síð­asta ár. Engar skýr­ingar hjá fjár­mála­ráð­herra hafa feng­ist, en hann fer með hluta­féð í fyr­ir­tæk­inu.

Ef það kemur í ljós að stjórn­endur pósts­ins hafi fengið mikla launa­hækkun - þvert ofan í vonda stöðu fyr­ir­tæk­is­ins - þá verður það enn eitt áfallið fyrir þá sem sitja við samn­inga­borðið og almenn­ing í leið­inni.

Það verður að telj­ast sorg­legt að útspil stjórn­valda inn í við­ræður séu þessar ákvarð­anir um launa­hækk­anir stjórn­enda, upp á tug­pró­senta höfr­unga­hlaups­hækk­an­ir. 

Það er huggun í því að bæði atvinnu­rek­endur og stétt­ar­fé­lög hafa harð­lega mót­mælt fram­ferði íslenska rík­is­ins, þegar kemur að launa­skrið­inu. Þau eru sam­mála um það. 

Það stendur upp á stjórn­völd að láta kné fylgja kviði og grípa til aðgerða gagn­vart þeim sem hafa staðið svona að mál­um. Ábyrgð þess fólks er mik­il. Það segir sína sögu, að Bene­dikt Jóhann­es­son, fyrr­ver­andi fjár­mála­ráð­herra, sér mest eftir því að hafa ekki rekið allar stjórnir rík­is­fyr­ir­tækj­anna sem fylgdu ekki til­mælum um að sýna hóf­semd í launa­þró­un, enda liggja afleið­ing­arnar nú fyr­ir. 

Varn­að­ar­orð frá Gylfa

Varn­að­ar­orð sem eru sett fram af yfir­vegun og með vel rök­studdum mál­flutn­ingi hafa komið fram að und­an­förnu, meðal ann­ars hjá Gylfa Zoega, hag­fræði­pró­fess­or, í Vís­bend­ingu fyrr í mán­uð­inum. Þar segir hann meðal ann­ars að staðan í hag­kerf­inu bjóði ekki upp á það að hækka laun mik­ið. „Í ljósi þess að mik­ill kostn­aður inn­­­lendra fyr­ir­tækja og hátt inn­­­lent verð­lag er að valda umsnún­­ingi í útflutn­ings­­greinum og minni hag­vexti á næstu árum má leiða líkum að því að launa­hækk­­­anir myndu leiða til ann­­ars hvors: sam­­dráttar og minni atvinnu, eða hærra verð­lags og lægra geng­is, að öðru óbreyttu. Það sem gæti breyst og rétt­lætt slíkar launa­hækk­­­anir væri mik­ill bati í við­­skipta­­kjörum, stór­­aukin fram­­leiðni eða auk­inn áhugi á íslenskum útflutn­ingi óháð verði hans. En fátt bendir til þess að þetta muni ger­ast,“ segir Gylfi. 

Gylfi verður ekki sak­aður um að vera í liði með neinum nema þá helst fræð­unum og hvað stað­reynd­irnar eru að segja okkur sam­kvæmt þeim. 

Atvinnu­rek­endur og stétt­ar­fé­lögin hljóta að átta sig á því að ný þjóð­ar­sátt hlýtur að byggj­ast á því að samið sé um kaup og kjör sem hag­kerfið getur staðið und­ir. Atvinnu­rek­endur verða að sýna við­semj­endum virð­ingu og það sama á við um stétt­ar­fé­lög. Verk­falls­vopnið getur vel skilað árangri, en það getur líka valdið tjóni og verk­falls­sjóðir end­ast ekki að eilífu. 

Hingað og ekki lengra

Stjórn­völd verða að hemja þessar glóru­lausu ákvarð­anir sem teknar hafa verið hjá dótt­ur­fé­lögum rík­is­ins, einkum í stjórnum þeirra, þar sem stjórn­endur hafa rokið upp í launum um tugi pró­senta. Engar afsak­anir duga fyrir þessu og mót­mæli Katrínar Jak­obs­dóttur for­sæt­is­ráð­herra, ættu að hafa þau áhrif til varn­að­ar. Hingað og ekki lengra, og draga fram skýr­ingar á því hvernig þetta gat átt sér stað, þvert ofan í djúpar deilur á vinnu­mark­að­i. 

Eins og bent hefur verið á í leið­urum á þessum vett­vangi þá er Ísland í öfunds­verðri stöðu að mörgu leyti, í sam­an­burði við aðrar þjóð­ir, þegar kemur að stoðum hag­kerf­is­ins. Skuldir hafa lækkað veru­lega á und­an­förnum árum og atvinnu­leysi verið lít­ið, í miklum hag­vexti, og tæki­færin fyrir okkar frið­sæla og gjöf­ula land til fram­tíðar eru fjöl­mörg. 

Þess­ari mynd þarf að halda fyrir framan þá sem eru við samn­inga­borð­ið. Algjör óþarfi er hjá atvinnu­rek­endum að teikna upp svarta mynd af stöð­unni, ef laun lág­launa­fólks hækka hóf­lega, heldur ætti frekar að reyna að finna flöt­inn sem skiptir máli: hvernig megi auka kaup­mátt þeirra hópa sem horft er til sér­stak­lega, og styrkja hag þeirra sem samið er um launin fyr­ir.

Mild­ari tónn

Póli­tísk deilu­mál um hvernig eigi að byggja upp skatt­kerfið og með hvaða mark­mið, hafa oft verið hluti af kjara­við­ræðum og stundum hafa útspil stjórn­valda skipt miklu máli. Þetta er hluti af rök­ræðu um hvernig eigi að skipta þjóð­ar­kök­unn­i. 

En eflaust gæti það dýpkað deil­urnar mikið ef það verður að helsta atriði við samn­inga­borð­ið, að gera miklar breyt­ingar á skatt­kerf­inu, enda er það verk­efni Alþingis að taka ákvörðun um þær.  

Atvinnu­rek­endur og stétt­ar­fé­lögin verða að sýna skýran vilja til að ná samn­ing­um, og tæki­færin til að tryggja sterkar efna­hags­for­sendur í land­inu eru fyrir hendi. Ef stjórn­völd sýna með sann­fær­andi hætti, að þau séu ósátt við launa­skriðið hjá stjórn­endum rík­is­fyr­ir­tækj­anna, þá gæti tónn­inn mild­ast og betri sam­skipti átt sér stað, sem eru for­senda þess að samn­ingar geti orðið að veru­leika. 

Halldór Auðar Svansson
„Hinn svokallaði flati strúktúr verður að byggjast á einhvers konar strúktúr“
Fyrrverandi borgarfulltrúi Pírata segir að tilgangur með strúktúr innan flokks eigi meðal annars að vera sá að gefa fólki lágmarksvinnufrið. Annars vinni þeir frekustu hverju sinni og frekju sé mætt með enn meiri frekju þar til allt sýður upp úr.
Kjarninn 22. júlí 2019
Andri Snær Magnason
Minnast fyrsta jökulsins sem hvarf vegna loftslagsbreytinga
Andri Snær Magnason, ásamt hópi vísindamanna, mun afhjúpa minningarskjöld um Okjökul í ágúst. Skjöldurinn er hugsaður sem áminning og ákall um aðgerðir gegn loftslagsbreytingum en Okjökull var afskráður sem jökull árið 2014.
Kjarninn 22. júlí 2019
Hægrisinnaðir franskir þingmenn vilja sniðganga Gretu Thunberg
Heimsókn Gretu Thunberg í franska þingið hefur vakið deilur á meðal þingmanna þar í landi. Hægrisinnaðir þingmenn vilja að ávarp hennar verði sniðgengið.
Kjarninn 22. júlí 2019
Tæpar fjórar milljónir söfnuðust í Málfrelsissjóðinn
Forsvarskonur Málfrelsissjóðsins segjast vera í skýjunum með árangurinn en söfnuninni lauk í gær.
Kjarninn 22. júlí 2019
Aldrei fundist eins margar blautþurrkur við strendur landsins
Samkvæmt talningu Umhverfisstofnunar hefur fjöldi svokallaðra blautklúta aukist frá talningu síðustu ára.
Kjarninn 22. júlí 2019
Sjómannasamband Íslands mótmælir harðlega breytingum á lögum um áhafnir skipa
Sambandið hefur sent inn umsögn um breytingar á lögum um áhafnir íslenskra fiskiskipa, varðskipa, skemmtibáta og annarra skipa. Það telur að mönnun fiskiskipa og annarra skipa eigi alltaf að taka mið af öryggi skips og áhafnar.
Kjarninn 22. júlí 2019
Kínverskum fjárfestingum í Bandaríkjunum fækkar um 88 prósent á tveimur árum
Fækkun fjárfestinganna hefur áhrif á sprotafyrirtæki og fasteignamarkaðinn í Bandaríkjunum. Bretland, Kanada, Japan og Þýskaland fjárfesta meira í Bandaríkjunum en Kína.
Kjarninn 22. júlí 2019
TM gerir aftur tilboð í Lykil
TM hefur gert Klakka kauptilboð í fjármálafyrirtækið Lykil. Tilboðið miðast við að 9,25 milljarðar króna verði greiddir fyrir Lykil í reiðufé auk hagnaðar Lykils á þessu ári eftir skatta.
Kjarninn 22. júlí 2019
Meira úr sama flokkiLeiðari