Píratadrottningin og hakkarinn

Þórný Hlynsdóttir, forstöðumaður bókasafns Háskólans á Bifröst, skrifar í tilefni af viku opins aðgangs 2020 (Open Access Week) 19.-25. október.

Auglýsing

Þann 11. jan­úar 2013 svipti ungur maður sig lífi síðla kvölds á heim­ili sínu og unn­ustu hans í Brook­lyn í New York. Hann var aðeins 27 ára gam­all, tölvunörd og hakk­ari og dáður í þeim hópi. Þessi ungi maður var þá þegar orð­inn snill­ing­ur, höf­undur RSS áskrift­ar­vakans, Mark­down for­rits­ins og Creative Comm­ons afnota­leyf­is­ins sem margir sem nota netið þekkja vel. Árið 2010 fékk hann starf við rann­sóknir í Harvard háskóla og fram­tíðin virt­ist björt. 

Hvað leiddi til þess að svo hæfi­leik­a­ríkur ungur maður grípur til slíks örþrifa­ráðs? Jú, hann hafði nýlega verið hand­tek­inn af lög­reglu MIT (Massachu­settes Institute of Technology) fyrir þjófnað og inn­brot eftir að hafa notað net­kerfi og net­þjóna MIT til að hlaða niður á kerf­is[bund­inn hátt vís­inda­greinum úr JSTOR tíma­rita­safn­inu á gesta­að­gangi stofn­un­ar­inn­ar. JSTOR er stór útgef­andi sem sér­hæfir sig í að gera eldra efni aðgengi­legt á vef. Banda­rísk yfir­völd höfðu því birt honum stefnu aðeins tveimur dögum fyrr þar sem saka­giftir gátu valdið 35 ára fang­elsun eða sekt upp á eina milljón Banda­ríkja­dala. 

Ekki eru allir sam­mála um að Aaron Schwarz hafi verið glæpa­mað­ur. Hann barð­ist gegn ósann­girni í útgáfu vís­inda­rann­sókna, auknum höf­und­ar­rétti vís­inda­manna á rann­sóknum og skrifum á net­inu, hlutum sem honum fannst þá þegar stefna í óefni. Eftir dauða sinn var hann tek­inn inn í félaga­sam­tökin Inter­net Hall of Fame, sam­tök sem heiðra þá sem hafa náð eft­ir­tekt­ar­verðum árangri í fram­þróun netheima.

Hinum megin í heim­inum var ung kona nokkrum árum fyrr að brjót­ast til mennta í Rúss­landi en Alex­andra Elbakyan, var stöðugt að rekast á svo­kall­aðan greiðslu­vegg (e. paywall) þar sem hún var rukkuð fyrir aðgang að því vís­inda­efni sem hún þurfti að kom­ast í. Ef hún ekki borg­aði gat hún ekki lesið og þetta pirraði hana og hún greip til sinna ráða. 

Greiðslu­veggir eru hönnun útgef­enda, bæði sú áskrift sem þeir bjóða og síðan gjald­taka fyrir ein­staka grein­ar. Greiðslu­veggjum er stýrt með IP-­tölu aðgengi eða aðgangs­orð­um, háskólar sem kaupa áskrift gefa upp IP-­tölu mengi sinna skóla og fá þannig aðgang. Greiðslu­mód­elið sem útgef­endur bjóða háskólum er oft­ast nær svo­kall­aður stór­pakki (e. Big Deal). Þeir stjórna því hvað pakk­inn inni­heldur og geta breytt inni­haldi hans jafn­vel meðan á áskrift stend­ur. Nýj­ustu rann­sóknum er þó mjög oft haldið utan við áskrift­ina, algeng bið eftir að nýj­ustu greinar birt­ist áskrif­endum eru sex til átján mán­uð­ir, en getur þó verið enn lengri tími. Þessi birt­ing­ar­töf hefur þær afleið­ingar að þeir áskrif­endur sem ekki eru til­búnir að borga auka­lega fyrir nýlega rann­sókn geta þurft að bíða eftir að hún verði aðgengi­leg í pakka­á­skrift­inni. Þetta er því orðin tvö­föld hindr­un, eða tvö­faldur greiðslu­vegg­ur, þegar not­andi þarf að borga fyrir aðgang að vís­inda­grein, jafn­vel þott hann sé með áskrift og ætti því að hafa aðgang.  

Auglýsing
Rússneski háskól­inn sem Alex­andra stund­aði nám við hefur án efa verið áskrif­andi að ein­hverjum vís­inda­tíma­ritum árið 2009, en greiðslu­veggir eru stað­reynd þrátt fyrir áskrift­ir. Staðan er því miður þannig að heilar heims­álfur eru meira og minna utan við greiðslu­vegg­ina, litlar rann­sókna­stofur eru utan þeirra og almenn­ingur víð­ast hvar kemst ekki í rann­sóknir sam­landa sinna þrátt fyrir að þær séu kost­aðar af almanna­fé. Aðeins lít­ill hluti rann­sókn­ar­nið­ur­staðna skilar sér í raf­ræn varð­veislu­söfn háskól­anna sem eru í opnum aðgangi.

Stór­pakk­arnir eru dýrir og getur áskrift að þeim hlaupið á tugum millj­óna  króna á ári sem gerir það að verkum að tæki­færi fátækra ríkja og rann­sak­enda í smærri háskólum til að nálg­ast vís­inda­legt efni á net­inu, efni sem þeir þurfa að nálg­ast til að þróa rann­sóknir sín­ar, eru enn verri en þeirra sem hafa þó aðgang gegnum stór­pakka. 

Fólk er smám saman að átta sig á þessum vanda. Hér á landi er Lands­að­gangur sem er stór­pakka­á­skrift bæði að tíma­rita­söfnum og gagna­söfn­um. Hann virkar á öllum IP-­tölum á Íslandi, þannig að við gerum okkur mörg hver illa grein fyrir hvaða bar­átta fer fram í heim­inum fyrir bættum aðgangi að rann­sókn­um, gögnum þeirra og birtum nið­ur­stöð­um. Flestir sem stunda rann­sóknir á Íslandi hafa þó rek­ist á að kom­ast ekki í grein nema gegn gjaldi þrátt fyrir þennan stóra aðgangs­samn­ing sem inni­heldur 22 þús­und tíma­rit og kost­aði okkur Íslend­inga ríf­lega 230 millj­ónir króna árið 2019 sjá www.hvar.is.

Víkjum þá aftur að Alexöndru Elbakyan og tengslum hennar við Aaron Schwartz. Alex­andra sagði eins og Aaron þessu mód­eli stríð á hend­ur, snill­ing­ur­inn sem hún er fann leið fram­hjá greiðslu­veggjum og stofn­aði pírata­síð­una Sci­Hub sem veitir þús­undum aðgang að millj­ónum rann­sókna­greina sem eru læstar í greipum stór­fyr­ir­tækja, m.a. Elsevi­er. Alex­andra býr í Rúss­landi þar sem banda­rísk lög­gjöf nær ekki til hennar en þarf þó að fara huldu höfði þar sem stór­fyr­ir­tækin eru á eftir henni með mál­sóknir til­búnar.

Á þeim skamma tíma sem lið­inn er síðan tíma­ritin breyttu útgáfu­formi sínu frá pappír í pdf (tæp 20 ár) hafa rann­sóknir vís­inda­manna orðið féþúfa banda­rískra og breskra stór­fyr­ir­tækja sem velta millj­örðum Banda­ríkja­dala árlega og halda háskólum föstum í greipum áskrifta að aðgangi í stað kaupa á tíma­rit­um, áskrift að aðgangi tryggir þó ekki að bóka­safnið eigi tíma­ritin og grein­arnar eins og áður var. Um leið og bóka­safnið hættir áskrift, missir það aðgang­inn. Þetta módel þekkjum við öll, þetta er snilldar leið til að græða pen­inga. Hvort sem áskriftin er tón­list (Spoti­fy), sjón­varps­þættir (Net­fl­ix), bækur (Storyt­el) eða vís­inda­legar rann­sókn­ir.

Sann­gjarnt væri seint orð sem hægt er að nota um pakka­á­skriftir stóru útgef­end­anna og það tang­ar­hald sem þeir hafa á háskóla­sam­fé­lag­in­u. Andóf Alexöndru og Sci­Hub hefur samt haft þau áhrif að háskóla­bóka­söfn hafa sum hver tekið þá áhættu að segja upp áskriftum og víða um heim hafa vís­inda­menn ákveðið að snið­ganga tíma­rit stór­fyr­ir­tækja uns sann­gjarn­ari samn­ingar nást

Alex­andra og Aaron eiga það sam­eig­in­legt að hafa brotið sér leið fram­hjá greiðslu­veggj­unum og opnað fyrir aðgang að rann­sóknum fyrir almenn­ing og unga náms­menn víða um heim. Fyrir það eru þau fræg sem Pírata­drottn­ingin og hakk­ar­inn. Fyrir það eru þau hetjur og njóta þess vafa­sama heið­urs að vera ofsótt af banda­rískum yfir­völd­um. Ég full­yrði ekki að leið þeirra sé rétt­læt­an­leg, en kannski er hún skilj­an­leg í ljósi þess fyr­ir­komu­lags sem nú ríkir um eign­ar­hald á rann­sókn­um. Kannski og von­andi hafa aðgerðir Aar­ons og Alexöndru náð að auka skiln­ingi á vanda­mál­inu. Því hver skyldi eiga rann­sóknir íslenskra vís­inda­manna sem stund­aðar eru fyrir opin­bert fé? Er það Elsevi­er, Sage, ProQuest, JSTOR, Wiley, vís­inda­mað­ur­inn eða við öll?

Höf­undur er for­stöðu­maður bóka­safns Háskól­ans á Bif­röst.

#Hvar­er­OA­stefn­an? #openaccessweek2020

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
„Bleika húsið“, heilsugæsla sem þjónustar konur í Mississippi er eina heilsugæslan í ríkinu sem veitir þungunarrofsþjónustu. Henni verður að öllum líkindum lokað innan nokkurra daga.
Síðustu dagar „bleika hússins“ í Mississippi
Eigandi einu heilsugæslunnar í Mississippi sem veitir þungunarrofsþjónustu ætlar að halda ótrauð áfram, í öðru ríki ef þarf, eftir að Hæstiréttur Bandaríkjanna felldi rétt til þungunarrofs úr gildi.
Kjarninn 27. júní 2022
Á Fossvogsbletti 2 stendur einbýlishús og geymsluhúsnæði.
Borgin steig inn í 140 milljóna fasteignakaup í Fossvogsdal
Borgarráð Reykjavíkurborgar samþykkti á dögunum að nýta forkaupsrétt sinn að fasteignum á Fossvogsbletti 2. Fjárfestingafélag ætlaði að kaupa eignina á 140 milljónir og gengur borgin inn í þau viðskipti.
Kjarninn 27. júní 2022
Sífellt fleiri notendur kjósa að nálgast sjónvarpsþjónustu í gegnum aðrar leiðir en með leigu á myndlykli.
Enn dregst leiga á myndlyklum saman en tekjur vegna sjónvarps halda áfram að aukast
Tekjur fjarskiptafyrirtækja vegna sjónvarpsþjónustu hafa rokið upp á síðustu árum. Þær voru 3,8 milljarðar króna á árinu 2017 en 14,9 milljarðar króna í fyrra. Þorri nýrra tekna í fyrra var vegna sjónvarpsþjónustu.
Kjarninn 27. júní 2022
Hagstofan býst við að hagvöxtur verði enn kröftugri en spáð var í lok vetrar
Hagstofan býst við því að hagvöxtur verði 5,1 prósent á árinu og 2,9 prósent á næsta ári, samkvæmt nýrri þjóðhagsspá. Búist er við því að um 1,6 milljónir ferðamanna sæki landið heim í ár, en fyrri spá gerði ráð fyrir 1,4 milljónum ferðamanna.
Kjarninn 27. júní 2022
Þórdís Kolbrún Reykfjörð Gylfadóttir er utanríkisráðherra.
Telja að upplýsingar um fjölda sérstakra vegabréfa geti skaðað tengsl við önnur ríki
Utanríkisráðuneytið vill ekki segja hversu mörg sérstök vegabréf það hefur gefið út til útlendinga á grundvelli nýlegrar reglugerðar. Það telur ekki hægt að útiloka neikvæð viðbrögð ótilgreindra erlendra stjórnvalda ef þau frétta af vegabréfaútgáfunni.
Kjarninn 27. júní 2022
Bjarni Benediktsson, fjármála- og efnahagsráðherra og formaður Sjálfstæðisflokksins.
Fjármálaráðuneytið segist ekki hafa yfirlit yfir fjársópseignirnar sem seldar voru leynilega
Fjármála- og efnahagsráðuneytið segist ekki hafa komið að ákvörðunum um ráðstöfun eigna sem féllu íslenska ríkinu í skaut vegna stöðugleikasamninga við kröfuhafa föllnu bankanna.
Kjarninn 27. júní 2022
Frá brautarpalli við aðallestarstöðina í þýsku borginni Speyer. Ef til vill hafa einhverjir þessara farþega nýtt sér níu evru miðann.
Aðgangur að almenningssamgöngum í heilan mánuð fyrir níu evrur
Níu evru miðinn gildir í allar svæðisbundnar samgöngur í Þýskalandi til loka ágústmánaðar. Þetta samgönguátak er hluti af aðgerðapakka stjórnvalda vegna vaxandi verðbólgu og hækkandi orkuverðs en er einnig ætlað að stuðla að umhverfisvænni ferðavenjum.
Kjarninn 26. júní 2022
Steingrímur J. Sigfússon hætti á þingi í fyrrahaust. Síðan þá hefur hann verið skipaður til að leiða tvo hópa á vegum ríkisstjórnarinnar.
Steingrímur J., Óli Björn og Eygló skipuð í stýrihóp til að endurskoða örorkukerfið
Fyrrverandi formaður Vinstri grænna, þingmaður Sjálfstæðisflokks, fyrrverandi félagsmálaráðherra og aðstoðarmaður ríkisstjórnarinnar mynda stýrihóp sem á að endurskoða örorkulífeyriskerfið. Hópurinn á að skila af sér eftir tvö ár. Ingu Sæland er óglatt.
Kjarninn 26. júní 2022
Meira úr sama flokkiAðsendar greinar