Betri tíð

Nánast hvergi á byggðu bóli ríkir meiri jöfnuður en á Íslandi, hvort sem litið er til eigna eða tekna. Engu máli virðist skipta hvar borið er niður, skrifar framkvæmdastjóri Samtaka atvinnulífsins.

Auglýsing

Horfur í þjóð­ar­bú­skapnum voru bjartar eftir mörg gjöful ár þegar bann­sett veiran kom og sneri öllu á haus í lok febr­ú­ar. Þessi óboðni gestur hefur varpað dökkum skugga á þjóð­lífið og leikið mörg grátt. Bless­un­ar­lega hafa inn­viðir sam­fé­lags­ins reynst nægi­lega sterkir til að halda far­aldr­inum í skefj­um, en það hefur kostað miklar fórn­ir.  

Slæmu frétt­irnar

Grund­völlur ferða­þjón­ustu, sem öðrum atvinnu­greinum fremur lyfti þjóð­inni úr öldu­dal banka­hruns­ins á undra­skömmum tíma, hvarf á einni nóttu án þess að nokkur fengi rönd við reist. Stjórn­völd hafa verið gagn­rýnd fyrir aðgerðir eða aðgerða­leysi með réttu eða röngu. Þeirra hlut­verk er ekki öfunds­vert því flest sem gert er orkar tví­mælis og for­dæmi til að styðj­ast við eru eng­in. Eins og hendi sé veifað horfum við á blóm­leg fyr­ir­tæki án tekna og tugi þús­unda vinnu­fúsra handa án verk­efna. Höggið bitnar beint og óbeint á öllum rekstri, þó að enn séu í land­inu sterk fyr­ir­tæki, sem betur fer.

Auglýsing

Lands­fram­leiðsla dróst saman um meira en 10 pró­sent á þriðja fjórð­ungi árs­ins miðað við sama tíma­bil í fyrra. Ferða­þjón­ust­an, helsta upp­spretta gjald­eyr­is­tekna, var ekki svipur hjá sjón. Sam­drátt­ur­inn þar nam 77 af hundraði. Um er að ræða mesta sam­drátt í einu hag­kerfi í Evr­ópu. Dökkar tölur eru enn í spil­un­um.

Mót­vægið

Við­brögð við þreng­ing­unum hafa að mörgu leyti heppn­ast vel. En mót­væg­is­að­gerð­irnar hafa í för með sér að rík­is­sjóður þenst út, miklu meira en gengur upp til lengd­ar. Ríkið hefur þurft að taka lán fyrir þessum útgjöld­um. Áætlað er að sam­an­lagður halli rík­is­sjóðs á þessu ári og því næsta verði meira en 500 millj­arðar króna.

Gripið var til nauð­syn­legra úrræða á borð við greiðslu launa á upp­sagn­ar­fresti, hluta­bóta­leið, lok­un­ar­styrki og brú­ar­lán til fyr­ir­tækja. Tekju­falls­styrkjum verður útdeilt til ein­yrkja og smærri rekstr­ar­að­ila.

Starf­semi stærsta fyr­ir­tækis lands­ins, Icelanda­ir, hefur meira og minna verið í skötu­líki síðan ósköpin dundu yfir. Engum duld­ist á miðju ári að fyr­ir­tækið reri líf­róð­ur. Rík­is­á­byrgð á lána­línum var afar mik­il­væg fyrir hluta­fjár­út­boð­ið, sem ráð­ist var í. Und­ir­tektir fjár­festa voru þegar upp var staðið vonum fram­ar. Umfram­eft­ir­spurn var eftir hluta­bréfum og félagið komst fyrir vind.

Um miðjan nóv­em­ber kynnti rík­is­stjórnin svo aðgerðir sem hún kallar við­spyrnu fyrir Ísland. Þar má finna almennar og sér­tækar félags­legar aðgerðir og við­spyrnu­að­gerðir fyrir fyr­ir­tæki. Í þessum aðgerðum felst til dæmis að rekstr­ar­að­ilar sem hafa orðið fyrir að minnsta kosti 60 pró­sent tekju­falli geta fengið styrk úr rík­is­sjóði til að mæta rekstr­ar­kostn­aði.

Góðu frétt­irnar

Góðu frétt­irnar eru þær að bólu­setn­ing er þegar haf­in. Þar njótum við smæð­ar­inn­ar. Með sam­hentu átaki allra, sem við höfum svo oft náð í mót­byr, getum við bólu­sett stóran hluta þjóð­ar­innar á met­tíma.

Heil­brigð­is­kerfið hefur sannað sig, svo ekki verður um vill­st, í þessu risa­verk­efni og fram­lag einka­að­ila til þeirrar bar­áttu hefur skipt sköp­um. List­ir, menn­ing og íþróttir blómstra svo eftir er tekið um lönd og álf­ur. Ísland er í fremstu röð í jafn­rétt­is­mál­um, þótt auð­vitað þurfi að halda jafn­rétt­is­bar­áttu áfram. Hér ríkir bæði mál­frelsi og tján­ing­ar­frelsi og öfl­ugir fjöl­miðlar eru starf­rækt­ir.

Auglýsing

Ekki má gleyma inn­flytj­end­un­um, útlent fólk sem sest hefur að á Íslandi um lengri eða skemmri tíma setur mark sitt á þjóð­líf­ið. Það er ekki síst aðfluttu fólki að þakka að hjól sam­fé­lags­ins snú­ast á þessum erf­iðu tím­um. Lyk­il­stofn­anir eins og sjúkra­hús og hjúkr­un­ar­heim­ili eru mönnuð vinnu­fúsu fólki frá öllum heims­horn­um. 

Nán­ast hvergi á byggðu bóli ríkir meiri jöfn­uður en á Íslandi, hvort sem litið er til eigna eða tekna. Engu máli virð­ist skipta hvar borið er nið­ur. Ísland er öruggt land - hér er gott  að vera barn og full­orðin og allar for­sendur eru til að finna öllum vinnu­fúsum höndum verðug verk­efni. Þannig komumst við í gegnum þetta, reynsl­unni rík­ari.

Fram­tíðin

Verk­efni dags­ins er að þreyja þorrann, klára nauð­syn­legar bólu­setn­ingar og þannig tryggja að við getum umgeng­ist hvert annað eðli­lega. Getum hitt vini og fjöl­skyldu á manna­mót­um, farið á tón­leika, í bíó og leik­hús. Mætt í vinn­una, ferð­ast og stundað lík­ams­rækt. 

Þá tekur allt við sér og við komumst fljótt og örugg­lega upp úr þess­ari óvæntu kreppu, öfl­ugri en nokkru sinn­i. 

Bráðum kemur nefni­lega betri tíð.

Höf­undur er fram­kvæmda­stjóri Sam­taka atvinnu­lífs­ins



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Frosti Sigurjónsson
Nóbelsverðlaunahafi segir ivermectin vinna á COVID-19
Kjarninn 19. apríl 2021
Kári Stefánsson (t.v.) og Þórólfur Guðnason.
Samstarf Þórólfs og Kára „langoftast“ og „næstum því alltaf“ ánægjulegt
Mun meira máli skiptir hvernig við hegðum okkur heldur en af hvaða afbrigði veiran er, segir Kári Stefánsson forstjóri Íslenskrar erfðagreiningar. Sóttvarnalæknir segir þátt fyrirtækisins í baráttunni gegn COVID-19 hafa skipt sköpum.
Kjarninn 19. apríl 2021
Alls störfuðu um 130 manns hjá SaltPay hér á landi áður en til uppsagna dagsins kom.
Hópuppsögn hjá SaltPay
SaltPay segir upp tugum starfsmanna hér á landi í dag, aðallega starfsmönnum sem hafa starfað við að þróa og viðhalda eldra greiðslukerfi Borgunar. SaltPay keypti Borgun síðasta sumar.
Kjarninn 19. apríl 2021
Samfylking sé tilbúin með frumvarp sem skyldar komufarþega til að dvelja í sóttvarnahúsi
Formaður Samfylkingar spurði forsætisráðherra hvort til stæði að breyta sóttvarnalögum í óundirbúnum fyrirspurnatíma á Alþingi í dag. Ekki við núverandi fyrirkomulag að sakast að mati forsætisráðherra, heldur við þá sem fylgja ekki reglum.
Kjarninn 19. apríl 2021
Sigríður Ólafsdóttir verður í öðru sæti listans og Eiríkur Björn í því fyrsta.
Eiríkur Björn og Sigríður leiða Viðreisn í Norðausturkjördæmi
Fyrrverandi bæjarstjóri á Fljótsdalshéraði og Akureyri verður oddviti Viðreisnar í Norðausturkjördæmi í komandi kosningum.
Kjarninn 19. apríl 2021
Harpa opnaði árið 2011. Kostnaður við rekstur fasteignarinnar og uppsafnað viðhald er að skapa alvarlega stöðu.
„Alvarleg staða“ hjá Hörpu vegna skorts á fjármagni til að sinna viðhaldi
Alls hafa eigendur Hörpu, ríki og borg, lagt húsinu til 14,4 milljarða króna í formi greiðslna af lánum vegna byggingu þess og rekstrarframlaga. Í fyrra nam rekstrarframlag þeirra 728 milljónum króna. Mikill vandi framundan vegna uppsafnaðs viðhalds.
Kjarninn 19. apríl 2021
Víðir Reynisson, Þórólfur Guðnason og Alma Möller á upplýsingafundi dagsins.
44 smit um helgina – Breytingar orðið í niðurstöðum landamæraskimanna
„Atburðir helgarinnar eru vissulega vonbrigði og við höfum fengið nú staðfest svo um munar að breska afbrigðið er til staðar í samfélaginu,“ segir Alma Möller landlæknir.
Kjarninn 19. apríl 2021
Styrkir til að hjálpa fyrirtækjum í ferðaþjónustu að rifta ráðningarsambandi við starfsfólk sitt hafa staðið til boða frá því í maí 2020.
Fyrirtæki tengd Icelandair Group hafa fengið 4,7 milljarða króna í uppsagnarstyrki
Alls hafa 17 fyrirtæki hafa fengið meira en 100 milljónir króna í uppsagnarstyrki úr ríkissjóði frá því í maí í fyrra. Næstum 40 prósent upphæðarinnar hafa farið til fyrirtækja sem tengjast Icelandair Group.
Kjarninn 19. apríl 2021
Meira úr sama flokkiÁlit