Bakherbergið: Umboðsmaður almennings dró tjöldin frá

16320772126_6901561999_z.jpg
Auglýsing

Fólkið í bak­her­berg­inu er sam­mála um, að dag­ur­inn í dag hafi verið sögu­legur og atburða­rásin for­dæma­laus. Ein mesta von­ar­stjarna íslenskra stjórn­mála, sé horft aðeins nokkur ár aftur í tím­ann, Hanna Birna Krist­jáns­dótt­ir, fyrr­ver­andi borg­ar­stjóri í Reykja­vík og inn­an­rík­is­ráð­herra, gerð­ist aug­ljós­lega brot­leg við laga­reglur þegar hún skipti sér af rann­sókn lög­reglu á leka­mál­inu þar sem ráðu­neyti hennar og póli­tískir aðstoð­ar­menn voru til rann­sókn­ar. Hanna Birna við­ur­kenndi að hafa skipt sér óeðli­lega af mál­inu, fyrir tveimur vikum síð­an, sem gerði Umboðs­manni Alþingis auð­veld­ara um vik að ljúka frum­kvæð­is­at­hugun sinni með afger­andi og óum­deildri nið­ur­stöðu. Alvar­leik­inn er öllum ljós, og málið er nið­ur­lægj­andi fyrir Hönnu Birnu, Sjálf­stæð­is­flokk­inn, íslensk stjórn­mál og rík­is­stjórn Sig­mundar Dav­íðs Gunn­laugs­son­ar.

Sigmundur DavíðEinn sigu­veg­ari máls­ins er aug­ljós; Tryggvi Gunn­ars­son, umboðs­maður Alþings og jafn­framt almenn­ings. Það sem vekur athygli fólks­ins í bak­her­berg­inu, er hversu beitt skrif Tryggva voru alveg frá fyrstu stigum máls­ins. Hann ákvað strax, eftir að Stefán Eiríks­son hafði upp­lýst hann um hin dæma­lausu afskipti ráð­herra af lög­reglu­rann­sókn­inni á ráðu­neyti henn­ar, að þetta mál yrði til lykta leitt fyrir opnum tjöld­um, enda snérist málið um leynd og valda­brölt bak við tjöld­in. Fyrsta mál á dag­skrá Tryggva var að draga tjöldin frá, og hefja síðan að óska eftir upp­lýs­ingum með hníf­beittan penn­ann að vopni, alveg þar til málið var til lykta leitt og sekt Hönnu Birnu í mál­inu var öllum ljós, og hún búin að afsaka sig í bak og fyrir beint gagn­vart hon­um. Ein rit­deila í þess­ari mögn­uðu rimmu Tryggva við stjórn­völd, sem Tryggvi gjörsigr­aði og steig aldrei feil­spor í, var þegar hann spurði Sig­mund Davíð hár­beittra spurn­inga um hvort ráð­herrar í rík­is­stjórn hans störf­uðu eftir siða­regl­um, líkt og lög gera ráð fyr­ir. Sig­mundur Davíð full­yrti að svo væri, sem reynd­ist ekki vera rétt líkt og Tryggvi hafði grun­semdir um, og svar­aði síðan með skæt­ingi eins og ofdekraður ung­ling­ur, hvort umboðs­maður Alþingis hefði sjálfur sett sér siða­regl­ur! Umboðs­maður svar­aði þessu kostu­lega bréfi for­sæt­is­ráð­herra af yfir­veg­un, og hélt áfram að rök­ræða sig í gegnum allar hindr­an­irnar sem stjórn­völd settu upp­ til þess að kæfa störf Tryggva nið­ur.

Það er rétt sem Tryggvi Gunn­ars­son sagði á opnum fundi stjórn­skip­un­ar- og eft­ir­lits­nefndar í dag, að nú þyrfti að draga lær­dóm af mál­inu svo það væri tryggt að mál af svip­uðum toga myndi ekki end­ur­taka sig. Það er ekki hægt að gera annað en vona það besta í þeim efn­um. En jafn­framt er það fagn­að­ar­efni að kerfið sem á að hafa eft­ir­lit með vald­níðslu ráð­herra virkar þegar á reyn­ir. Í það minnsta þegar það er með menn eins og Stefán Eiríks­son, fyrr­ver­andi lög­reglu­stjóra, og Tryggva Gunn­ars­son inn­an­borðs.

Auglýsing

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiBakherbergið
None