Auglýsing

Banda­ríska versl­ana­keðjan Costco ku hafa raun­veru­legan áhuga á að hasla sér völl á Íslandi. Fréttir af áhuga smá­söluris­ans fóru sem eldur um sinu í fjöl­miðlum lands­ins þegar af honum frétt­ist, enda renna margir hýru auga til auk­innar sam­keppni á smá­sölu­mark­aðnum hér á landi og meira frelsis í við­skipt­um.

Costco vill nefni­lega ekki bara selja okkur grill­aða kjúklinga, bar­becue-sósur í tveggja lítra flöskum eða golfsett, heldur sömu­leiðis áfengi, lyf, elds­neyti og ferskt inn­flutt kjöt frá Banda­ríkj­un­um. Fyr­ir­ætl­an­ir, eða öllu heldur lang­an­ir, fyr­ir­tæk­is­ins urðu til þess að margir bein­línis hváðu. Þeim fannst skilj­an­lega algjör­lega óhugs­andi, með til­liti til sög­unn­ar, að þjóðin sem byggir þetta litla kreppta land myndi nokkru sinni láta hvarfla að sér að slaka á reglu­fargan­inu. En til þess að áform banda­rísku versl­ana­keðj­unnar geti gengið eftir þarf að ráð­ast í umtals­verðar og löngu tíma­bærar breyt­ingar á áfeng­is-, lyfja- og mat­væla­lög­gjöf­inni og land­bún­að­ar­kerf­inu.

Það er ekki laust við að maður hafi fyllst barna­legri bjart­sýni þegar Ragn­heiður Elín Árna­dótt­ir, iðn­að­ar- og nýsköp­un­ar­ráð­herra, sagði í sjón­varps­fréttum RÚV í síð­ustu viku: „...það eru aug­ljós­lega atriði sem þarf að greiða úr, en á meðan þeir (Costco) sýna þessu eins mik­inn áhuga og mér finnst þeir gera, þá erum við á þessum enda til­búin til að gera það sem í okkar valdi stendur til að greiða úr þeim úrlausn­ar­efnum sem fyrir hendi eru.“

Auglýsing

[em­bed]htt­p://issu­u.com/kjarn­inn/docs/2014_07_10/4[/em­bed]

Ógeðs­lega hráa kjötið frá útlöndum



Maður gat heyrt langar leiðir hvernig gömlu og skil­virku áróð­urs­vél­arnar voru gang­­sett­ar, eins og alltaf þegar talið berst að mögu­legum inn­flutn­ingi á ferskum kjöt­­vörum til lands­ins. Eins og þeirra er von og vísa kapp­kosta „vél­arn­ar“ við að hamra á því að kjötið frá útlöndum sé hrátt, ekki ferskt, enda hrátt kjöt mun ólystugra kjöt í hugum neyt­enda en ferskt kjöt. Þetta vita vél­arn­ar, alveg eins og þær vita mæta vel að kjötið sem við flytjum út í stórum stíl til útlanda er sömu­leiðis hrátt og sömu­leiðis ferskt. Svo virð­ist and­staða við hrátt kjöt vera háð duttl­ung­um, því að stundum finnst mönnum ekk­ert að því að flytja það inn, pakka í íslenskar umbúðir og selja sem ferskt íslenskt kjöt.

Það hefði verið gaman ef maður hefði haft vit á því að setja skeið­klukk­una í gang, eftir að frétt­ist af áhuga Costco, til að mæla við­bragðs­flýti hags­muna­að­ila. Sig­rún Magn­ús­dótt­ir, þing­flokks­for­maður Fram­sókn­ar­flokks­ins, lét að því liggja að inn­flutn­ingur á fersku kjöti til lands­ins gæti bein­línis orðið þjóð­inni ald­urtilla. Í við­tali í fréttum Stöðvar 2 sagði hún: „...viljum við fórna því, að spara kannski ein­hverjar krónur í hráu inn­fluttu kjöti, gegn heilsu­leysi síðar á ævinni? Ég segi nei takk.“ Þegar frétta­mað­ur­inn spurði Sig­rúnu hvort það ætti ekki bara að leyfa neyt­endum að hafa sitt val um það var svar hennar ein­falt og ósjokker­andi: „Nei.“ Enda hefur Fram­sókn­ar­flokk­ur­inn fyrir löngu öðl­ast svart belti í hræðslu­á­róðri hvers hátt­ar.

Auk þessa skrif­aði þing­flokks­for­mað­ur­inn grein í Frétta­blaðið þar sem hún kveðst laf­hrædd við smit­sjúk­dóma­hættu vegna óhefts inn­flutn­ings á „hráu“ kjöti frá löndum sem allir vita að með­höndli dýr með allt öðrum hætti en sé gert hér á landi? Er Íslend­ingum ómögu­legt að ráð­ast í breyt­ingar á stöðn­uðu kerfi án þess að hér fari allt til and­skot­ans? Er ekki hægt að liðka til án þess að slaka á gæða­kröf­um?

Bjart­sýni sem ekki reynd­ist inni­stæða fyrir



Eins og við var að búast hefur iðn­að­ar- og nýsköp­un­ar­ráð­herra síðan dregið í land, enda fátt nýtt í því að Sjálf­stæð­is­­flokk­inn skorti þor til að gera þarfar og löngu tíma­bærar breyt­ingar á lögum hér­lend­is, neyt­endum til hags­bóta.

En ekki sáu allir yfir­vof­andi skamm­lífi og hörm­ungar fyrir íslenska þjóð sam­fara Costco. Sam­tök versl­unar og þjón­ustu fögn­uðu mögu­legum laga­breyt­ingum með til­komu smá­sölurisans, enda hafa sam­tökin lengi barist fyrir nauð­syn­legum breyt­ingum á lagaum­hverfi smá­söl­unn­ar.

Það olli hins vegar tölu­verðum von­brigðum að heyra Guð­rúnu Haf­steins­dótt­ur, for­mann Sam­taka iðn­að­ar­ins, stilla mál­inu þannig upp að það væri furðu­legt ef íslensk stjórn­völd væru allt í einu reiðu­búin að koll­varpa „kerf­inu“ um leið og banda­rísk versl­ana­keðja bank­aði upp á. Auð­vitað fel­ast tæki­færi fyrir alla á íslenskum mark­aði ef ráð­ist verður í breyt­ingar á starfs­um­hverfi smá­sala. Málið snýst líka ekk­ert bara um Costco, heldur þarfar breyt­ingar sem ráð­ast þarf í fyrir alla sem sinna smá­sölu í land­inu.

Því miður er Ísland gróðr­ar­stía fákeppni, frænd­hygli, þjóð­ern­is­gor­geirs, hags­muna­gæslu og kunn­ingja­nudds. Það er óþol­andi að við völd í land­inu séu ann­ars vegar flokkur sem kennir sig við frjáls­hyggju, sem skortir allt þor til breyt­inga í átt að auknu frelsi, og hins vegar stjórn­mála­flokkur sem komst til valda með því að lofa kjós­endum pen­ingum sem þeir áttu ekk­ert til­kall til. En við það búum við í dag. Stjórn­mála­menn munu áfram verja hags­muni fárra á kostnað margra.

Miðað við við­brögð ráða­manna við umleit­unum Costco er í það minnsta ekki hyggi­legt að veðja háum fjár­hæðum á að breyt­ingar séu í nánd.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Telur stjórnvöld vinna gegn eigin markmiðum með hagræðingarkröfu á Hafró
Forstjóri Hafrannsóknastofnunar segir að stjórnvöld gangi gegn eigin markmiðum um eflingu haf- og umhverfisrannsókna með því að gera sífellda hagræðingarkröfu á Hafró. Hann segir stofnunina sinna hættulega litlum grunnrannsóknum.
Kjarninn 5. júní 2020
Inga Sæland
Segir sama gamla spillingarkerfið blómstra sem aldrei fyrr
„Hvenær hættir maður að verða hissa á sérhagsmunagæslunni í pólitík?“ spyr formaður Flokks fólksins.
Kjarninn 5. júní 2020
Leirdalur með Leirdalsvatni og Leirdalsá falla í Geitdalsá. Í Leirdal hugsar Arctic Hydro sér upphafslón Geitdalsárrvirkjunar.
„Nýtt virkjanaáhlaup“ á hálendi Austurlands verði stöðvað
Stjórnvöld þurfa að koma í veg fyrir að hálendi Austurlands verði raskað frekar og standa við fyrirheit sem gefin voru um að þar yrði ekki virkjað meira. Þetta kemur fram í tillögu að ályktun sem lögð verður fyrir aðalfund Landverndar á morgun.
Kjarninn 5. júní 2020
Lilja D. Alfreðsdóttir, mennta- og menningarmálaráðherra.
Ráðherra metur næstu skref með lögmönnum
Mennta- og menningarmálaráðherra fer nú yfir úrskurð kærunefndar jafnréttismála með lögmönnum. Hún segir að ekki hafi skipt máli að Páll Magnússon væri framsóknarmaður.
Kjarninn 5. júní 2020
Komufarþegar munu þurfa að greiða sjálfir fyrir sýnatöku frá 1. júlí.
Komufarþegar greiða 15 þúsund fyrir sýnatöku
Sýnataka á landmærum Íslands verður gjaldfrjáls fyrstu tvær vikurnar en frá 1. júlí munu komufarþegar þurfa að greiða 15 þúsund krónur fyrir rannsóknina.
Kjarninn 5. júní 2020
Óvenjulegur sjómannadagur framundan
Vegna COVID-19 faraldursins verður sjómannadagurinn í ár ólíkur því sem Íslendingar eiga að venjast. Þó verður lágmarksdagskrá víða um land með heiðrunum aldinna sjómanna, minningarathöfnum og veittar verða viðurkenningar fyrir björgunarafrek.
Kjarninn 5. júní 2020
Jane Goodall fór á þrítugsaldri inn í skóga Tansaníu og dvaldi þar lengi í hópi simpansa. Rannsóknir hennar gjörbreyttu þekkingu manna á öðrum dýrategundum.
Mannkynið er „búið að vera“ ef það skiptir ekki um kúrs í kjölfar COVID
„Við erum komin að tímamótum í sambandi okkar við náttúruna,“ segir Jane Goodall sem barist hefur verið náttúruvernd í sex áratugi. Hún segir að nú hafi opnast lítill gluggi til að gera róttækar breytingar svo koma megi í veg fyrir frekari hörmungar.
Kjarninn 5. júní 2020
Lilja D. Alfreðsdóttir og Björn Leví Gunnarsson
„Það eru nákvæmlega svona mál sem halda aftur af Íslandi“
Þingmaður Pírata gagnrýnir ákvarðanir mennta- og menningarmálaráðherra. „Svona mál leiða til lélegri niðurstaðna í öllu sem gerist í framhaldinu af því að hæfasta fólkið er ekki að taka ákvarðanirnar.“
Kjarninn 5. júní 2020
Meira úr sama flokkiLeiðari
None