Auglýsing

Tæp vika er nú liðin frá því að vetr­inum lauk á Alþingi. Það má lík­lega slá því föstu að þessa fyrsta þingárs undir for­sæti Sig­mundar Dav­íðs Gunn­laugs­­sonar verði í fram­tíð­inni fyrst og fremst minnst fyrir skulda­nið­ur­fell­ing­ar. Fá önnur mál verið sett í for­gang hjá stjórn­völdum á þessu fyrsta ári, nema kannski lækkun veiði­gjalda og mis­heppnuð til­raun til að draga til baka umsókn að Evr­ópu­sam­band­inu, og fá þeirra munu hafa eins miklar afleið­ing­ar.

 Aft­ast í gogg­un­ar­röð­inni



Mál­efni útlend­inga hafa verið áber­andi í almennri umræðu í vetur en það er sann­ar­lega ekki að und­ir­lagi stjórn­valda, sem hefðu lík­lega viljað sleppa tali um þau með öllu. Það er ekki skrýtið eftir heldur slaka frammi­stöðu. Reyndar fóru í gegn lög á síð­ustu dögum þings­ins sem bæta rétt­ar­stöðu útlend­inga, með skipun óháðrar úrskurð­ar­nefndar í mál­efnum þeirra og hrað­ari máls­með­ferð. Því má fagna. Það mál var fyrst lagt fram í tíð síð­ustu rík­is­stjórn­ar, sem mistókst að koma því, sem og heild­ar­end­ur­skoðun sinni á mál­efnum útlend­inga utan EES, í gegnum þing­ið. Slík heild­ar­end­ur­skoðun á lög­unum er nauð­syn­leg, því hafi það farið fram­hjá ein­hverjum eru þessi mál í ólestri á Íslandi, svo vægt sé til orða tek­ið. Útlend­inga­mál hafa ekki verið sett í for­gang. Það er ekki nóg að standa í tíma­bundnu átaki til að stytta bið­tíma hæl­is­leit­enda og lofa að skoða mál­ið. Það þarf að taka til í öllu heila batt­er­í­inu og til þess þarf vilja, en það þarf líka pen­ing. Pen­ing sem hefði til dæmis getað komið í gegnum lítið brot af banka­skatt­inum sem nú er eyrna­merktur nið­ur­­­fell­ing­unum ef hann á annað borð inn­heimt­ist.

almennt_22_05_2014

Á síð­ustu dögum þings­ins náð­ist líka í gegn þings­á­lykt­un­ar­til­laga um upp­bygg­ingu á Land­spít­al­an­um. Því má líka fagna. Sú til­laga var hins vegar ekki á vegum stjórn­valda, heldur lögð fram af stjórn­ar­and­stöðu­þing­manni, enda hefur flokk­ur­inn sem er í for­sæti áður talað fyrir því að fresta fram­kvæmdum við nýjan spít­ala. 60 millj­arða upp­bygg­ing­una sem nú er búið að sam­þykkja á að fjár­magna með því að selja eignir rík­is­ins, eignir almenn­ings. Það er nefni­lega nauð­syn­legt að fjár­mögn­unin fyrir verk­inu sé tryggð í þessu til­viki, þótt það horfi aðeins öðru­vísi við þegar kosn­inga­lof­orð Fram­sóknar á í hlut.

Auglýsing

Gall­arnir við kosn­inga­lof­orðið eru vel þekktir og óþarfi að fara mjög náið út í þá. Nóg er að nefna að fjöldi fólks sem fær nið­ur­fell­ingu getur varla talist hafa orðið fyrir for­sendu­bresti og fjöldi er ekki eða verður í neinum vand­ræðum með lánin sín. Þetta fólk þarf ekki á nið­ur­fell­ingu skulda sinna að halda, og það vita stjórn­völd alveg því fjöl­margir hafa bent á það. Einnig hefur verið sýnt fram á ósann­girn­ina í því að leigj­endur sitji eftir í súp­unni eftir þessar nið­ur­fell­ing­ar, hóp­ur­inn sem hefur farið einna verst út úr efna­hags­á­standi síð­ustu ára. Nú segir for­sæt­is­ráð­herra að til standi að gera eitt­hvað í málum þeirra á næst­unni en eftir stendur samt sem áður að sá hópur var ekki í for­gangi hjá stjórn­völd­um. Hann mætir afgangi.

Fátæka fólk­ið, veika fólkið og útlend­ing­arnir eru fólkið sem var sett aft­ast í gogg­un­ar­röð­ina hjá stjórn­völdum þetta fyrsta ár. Samt eru þetta hóp­arnir sem standa höllustum fæti. Á sama tíma og þingið var að ljúka störfum sínum kom út skýrsla á vegum Rauða kross­ins sem sýndi að for­dómar færu vax­andi, sér­stak­lega í garð inn­flytj­enda, og að næstum einn af hverjum tíu Íslend­ingum væri undir fátækt­ar­mörk­um. Þrettán pró­sent til við­bótar eiga á hættu að verða fátæk. Þessir hópar þurfa mesta hjálp.

Ekki bara kosn­inga­lof­orð



Skulda­nið­ur­fell­ing­arnar eru ekki bara kosn­inga­lof­orð Fram­sóknar um upp­risu óskil­greindrar milli­stétt­ar. Þær eru skýrt merki um for­gangs­röðun í þágu þeirra sem hafa það upp til hópa ágætt. Þær eru val stjórn­ar­innar um að setja 80 millj­arða af almannafé til að borga fólki sem að stórum hluta til þarf ekki á því að halda. Sem þýð­ir, eins og líka hefur verið bent margoft á og úr mörgum átt­um, að þessir pen­ingar fara í aukna neyslu þessa fólks, sem kemur svo niður á öllum í formi verð­bólgu. Þetta eru neyslu­lán til sumra sem allir þurfa að borga til baka.

Kannski myndu þessi mál horfa öðru­vísi við ef unnið hefði verið jöfnum höndum að aðgerðum fyrir aðra þjóð­fé­lags­­hópa og þessa óskil­greindu milli­stétt. Og kannski er bara gott að þingið er farið í langt frí. Þá má láta sig dreyma um að tím­inn fram á haust dugi til að breyta hugs­un­ar­­hætt­inum svo að þing komi saman í haust og vinni öllum til hags­bóta, ekki bara sum­um.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Ingibjörg Dögg Kjartansdóttir er ritstjóri Stundarinnar, en Jón Trausti Reynisson er framkvæmdastjóri útgáfufélagsins auk þess að vera blaðamaður á miðlinum.
Útgáfufélag Stundarinnar tapaði rúmlega milljón krónum á síðasta ári
Tekjur útgáfufélags Stundarinnar námu 233,9 milljónum króna á síðasta ári og jukust þær um fjögur prósent á milli ára. Tapið af rekstrinum nam 1,2 milljónum króna í fyrra, samanborið við rúmlega sjö milljóna hagnað árið 2020.
Kjarninn 12. ágúst 2022
Þórdís Kolbrún Reykfjörð Gylfadóttir er utanríkisráðherra.
Inga Hrefna nýr aðstoðarmaður Þórdísar Kolbrúnar
Utanríkisráðherra er nú komin með tvo aðstoðarmenn. Alls má ríkisstjórnin ráða 27 aðstoðarmenn. Laun og starfs­­kjör aðstoð­­ar­­manna ráð­herra mið­­ast við kjör skrif­­stofu­­stjóra í ráðu­­neytum sam­­kvæmt ákvörð­unum kjara­ráðs.
Kjarninn 12. ágúst 2022
Jón Gunnarsson er dómsmálaráðherra.
Leggur til að sameina héraðsdómstóla landsins í eina stofnun
Jón Gunnarsson dómsmálaráðherra er með áform um að sameina þá átta héraðsdómstóla sem eru í landinu í eina stofnun. Forsenda sameiningarinnar er að sameinaður dómstóll hafi starfsstöðvar á landsbyggðinni.
Kjarninn 12. ágúst 2022
Kolafarmi frá Suður-Afríku skipað upp í pólskri höfn í sumar.
Pólverjum er vandi á höndum
Stærsti framleiðandi kola í Evrópu utan Rússlands er í vanda staddur eftir að hafa bannað innflutning á rússneskum kolum vegna innrásarinnar í Úkraínu.
Kjarninn 12. ágúst 2022
Kristján Loftsson forstjóri Hvals hf. virðir hér fyrir sér dauðan hval í Hvalfirði í júlímánuði.
Lögregla væntir þess að Hvalur hf. skili dróna svissneska ríkisútvarpsins í dag
Teymi frá svissneska ríkisfjölmiðlafyrirtækinu SRG SSR flaug dróna yfir hvalstöð Hvals hf. fyrr í vikunni. Starfsmenn Hvals hf. hirtu af þeim drónann og lögreglan á Akranesi hefur krafið fyrirtækið um að skila dróna Svisslendinganna.
Kjarninn 12. ágúst 2022
Hildur Björnsdóttir oddviti Sjálfstæðisflokksins í Reykjavík.
Hildur varði 9,3 milljónum í prófkjörsslaginn og átti eina og hálfa milljón afgangs
Hildur Björnsdóttir oddviti Sjálfstæðisflokksins átti 1,5 milljónir eftir í kosningasjóði sínum þegar prófkjör Sjálfstæðisflokksins í borginni var um garð gengið. Það fé ætlar hún að færa félagi sem hún sjálf stjórnar, en það heitir Frelsisborgin.
Kjarninn 12. ágúst 2022
Skúli Mogensen hefur byggt upp mikla ferðaþjónustu í Hvammsvík i Hvalfirði.
Áformin einkennist af „einhvers konar firringu“
Zephyr Iceland, sem áformar vindorkuver í Hvalfirði, „forðast að snerta á kjarna málsins“ í matsáætlun á framkvæmdinni. Kjarninn er sá að mati Skúla Mogensen, eiganda sjóbaðanna í Hvammsvík, að áformin einkennast af „einhvers konar firringu“.
Kjarninn 12. ágúst 2022
Vatnsyfirborð Rínarfljóts hefur lækkað stöðugt síðustu vikur.
Hættuástand að skapast í Rínarfljóti – Munu skipin geta siglt?
Vatnsyfirborð Rínarfljóts gæti á næstu dögum orðið hættulega lágt að mati þýskra yfirvalda. Sífellt erfiðara er að flytja vörur um ána, m.a. kol og bensín. Gríðarmiklir þurrkar hafa geisað víða í Evrópu með margvíslegum afleiðingum.
Kjarninn 11. ágúst 2022
Meira úr sama flokkiLeiðari
None