Kast­ljós RÚV greindi frá því í gær að dóm­nefnd sem skipuð var til að meta hæfi umsækj­enda teldi Karl Axels­son hrl. hæf­astan til að gegna emb­ætt­inu. Aðrir umsækj­endur voru Ing­veldur Eiríks­dótt­ir, settur hæsta­rétt­ar­dóm­ari, og Davíð Þór Björg­vins­son, dóm­ari við Mann­rétt­inda­stól Evr­ópu. Dóm­nefndin sem mat Karl hæf­astan er skipuð fimm körl­um. Ing­veldur og Davíð Þór hafa bæði meiri reynslu af dóm­ara­störfum en Karl, og eru með meiri mennt­un, en nefndin taldi mikla reynslu af stjórn­sýslu- og lög­manns­störfum hafa mikið um það segja að Karl væri hæf­ari.

Eins og greint var frá í dag telja Hæsti­rétt­ur, dóm­stóla­ráð og Lög­manna­fé­lag Íslands sig ekki bundin af jafn­rétt­islögum þegar kemur að því að skipa full­trúa í nefnd sem fjallar um hæfi umsækj­enda um emb­ætti hæsta­rétt­ar­dóm­ara og hér­aðs­dóm­ara. Þau telja að ákvæði um nefnd­ina í lögum um dóm­stóla ­gangi framar jafn­rétt­islög­unum og eftir bréfa­skriftir ákvað dóms­mála­ráðu­neytið árið 2010 að láta undan og skipa þá karla í nefnd­ina sem höfðu verið til­nefndir til að byrja með.

Nýr dóm­ari við Hæsta­rétt verður skip­aður frá 1. októ­ber. Ólöf Nor­dal inn­an­rík­is­ráð­herra mun skipa dóm­ar­ann. Ljóst er að hennar bíður nokkuð vanda­samt verk, þrátt fyrir ein­hug karl­anna í dóm­nefnd­inni. Allir þrír umsækj­endur hafa margt til brunns að bera og ekki aug­ljóst hver verði skip­aður dóm­ari.

Ólafar bíður vanda­samt verk. Mynd: Skjá­skot/Alt­hing­i.