Tímaþjófar

Auður Jónsdóttir fer yfir nokkur umkvörtunarefni sem hafa lengi legið henni á hjarta, umkvörtunarefni sem eiga það öll sameiginlegt að vera tímaþjófar.

Auglýsing

Kona nennir sjaldn­ast að kvarta. Kannski bara því ég vil ekki vera kvart­andi kerl­ing, ég er jú orðin 49 ára og upp­lifi mig gamla skrukku þegar ég tuða um hvað mætti betur fara. Hégóm­inn stendur mér fyrir þrif­um. En! Ef ég er hvort sem er að verða gam­all kver­úlant, þá er líka allt í lagi að leyfa sér að vera það. Og tuða! Nú eru jú páskar, hátíð vors­ins. Upp­risan bíður okkar og myrkrið verður ljós. Af hverju ekki að leyfa sér að trúa að sumt sé hægt að laga? Hér er smá listi yfir umkvört­un­ar­efni sem hafa lengi legið mér á hjarta. Öll eiga þau sam­eig­in­legt að vera tíma­þjóf­ar.

Tíma­þjófur númer eitt

Hér gæti ég byrjað að tuða yfir nokkrum vinum mínum sem koma oft seint en tím­inn er það dýr­mætasta sem ég á. En ég nenni ekki að tuða yfir vin­unum svo ég beini orð­unum frekar að fyr­ir­tækj­um.

Fyrst má nefna bak­arí í nágrenni mínu sem til­heyrir vin­sælli keðju; Brauð & Co. Á kóvid­tímum ánetj­að­ist sonur minn brauð­met­inu þar, enda tók bara nokkrar mín­útur fyrir mig að skjót­ast þang­að. Nú er staðan hins vegar sú að þegar verst lætur getur tekið hálf­tíma að fara þang­að, þó að bak­aríið sé við hlið­ina á okk­ur, á Frakka­stíg. Bak­aríið er ofur vin­sælt hjá ferða­fólki – sem væri bara fagn­að­ar­efni, ef ekki fyrir þá stað­reynd að of oft er það und­ir­mannað miðað við fyr­ir­sjá­an­legan fjölda við­skipta­vina. Í þessu bak­aríi hef ég aðeins hitt frá­bært starfs­fólk; eldsnöggt og raunar sér­stak­lega elsku­legt, en á mestu anna­tímunum ham­ast það klukku­tímunum saman til að hafa við bið­röð­inni sem getur náð langt út á götu. Svo ég spyr: Hvernig væri að fjölga starfs­fólki og jafn­vel afgreiðslukössum, nú þegar er við­búið að við­skipta­vinum eigi eftir að fjölga? Að öðrum kosti eru eig­endur fyr­ir­tæk­is­ins að ræna mig tíma. Ég er nefni­lega sauð­tryggur við­skipta­vinur því sonur minn dýrkar bak­aríið svo að ég hætti ekki að skipta við það, þó að ég húki þar í langri röð, stundum nývöknuð á nátt­föt­unum úti í rign­ingu. Og ekki búin að fá morg­un­kaffi!

Auglýsing

Þetta á reyndar við ýmis vin­sæl fyr­ir­tæki í miðbæ Reykja­vík­ur. Til að mynda Sand­holt, annað bak­arí í næstu götu. Þangað hef ég í tvígang skot­ist þegar ég gefst upp á röð­inni í þessu. Þar er sama sagan; hætta á bið­röð út á götu og starfs­fólkið gott en á yfir­snún­ingi. Svo í bæði skiptin hef ég gef­ist end­an­lega upp og farið brauð­laus heim.

Tíma­þjófur númer tvö

Um dag­inn, þegar sonur minn átti afmæli, skaust ég í Bónus á Lauga­veg­in­um. Á síð­asta snún­ingi að kaupa inn fyrir afmælið sem var sama dag. Það skrif­ast á mig en ekki bætti úr skák að þegar ég kom í búð­ina var hvergi inn­kaupa­kerru að sjá. Þegar ég spurði um kerru sagði afgreiðslu­stúlkan að það væru bara fimm kerrur í búð­inni en allar í notkun svo ég þyrfti að bíða.

Þegar biðin slag­aði upp í tutt­ugu mín­útur fór ég að ókyrr­ast. Á end­anum spurði ég um yfir­mann­inn og þá kom greið­vik­inn piltur aðvíf­andi og gekk strax í mál­ið, skömmu síðar var búið að finna kerru handa mér. En þá var líka búið að snuða mig um næstum því hálf­tíma af tíma mínum – sem er af svo skornum skammti að ég hafði ekki haft tíma fyrr í inn­kaupa­ferð­ina.

Tími minn er of dýr­mætur til að ég tími að spreða honum í vin­sæl fyr­ir­tæki á spari­skón­um. Og ég á ekki að þurfa þess. En Bónus snuð­aði mig um meiri tíma því þegar ég ætl­aði að kaupa burða­poka til að rog­ast með mat­inn heim kom í ljós að pok­arnir voru bún­ir. Ég komst ekki heim með allan þennan mat í pínu­litlum pokum svo ég hringdi í systur mína og beið í annan hálf­tíma þangað til hún sótti mig og mat­inn. Við rétt náðum að rigga upp afmæli áður en gest­irnir komu. Svo Bónus skuldar mér klukku­tíma úr lífi mínu!

Tíma­þjófur númer þrjú

Svo eru það sund­braut­irn­ar. Ég geri mér grein fyrir að þetta umkvört­un­ar­efni er ein­kenn­andi fyrir kver­úlant. En ég læt það gossa því ég er alltaf að hugsa um þetta. Svo er mál með vexti að mér finnst skemmti­leg­ast að synda rösk­legt bringu­sund. En þegar ég mæti í almenn­ings­laug á anna­tíma þarf ég oft að bíða lengi með að synda vegna þess að á braut­unum eru stunduð ólík sund­tök. Á fyrstu braut­inni er mann­eskja að synda baksund, hægt og á miðri braut­inni. Á næstu braut er ein­hver að synda íþrótta­manns­legt skrið­sund svo þar er heldur ekki gott að synda bringu­sund. Á þriðju braut­inni er ekki ólík­legt að sjá aðra mann­eskju að synda baksund. Og á þeirri fjórðu er ein­hver að synda höfr­unga­sund með tölu­verðri fyr­ir­ferð. En hvar á ég þá að synda?

Hvernig væri að eyrna­merkja alla­vega eina braut fyrir hið ofur vin­sæla bringu­sund? Slíkt fyr­ir­komu­lag myndi auð­velda líf mitt til muna. Reyndar lagði ég þessa hug­mynd undir góð­vin minn og hann sagði: „Í Þýska­landi tíðkast ekki sá siður að fólk syndi þvert á móti hvert öðru, heldur syndir fólk hvert á eftir öðru og í hringi eftir braut­un­um. Og þykir þar almenn kurt­eisi að taka ekki mikið framúr eða býsnast yfir öðr­um. Almennt er svona skipu­lagn­ing á hlut­unum talin Þjóð­verjum til lastar og til marks um skort á frjáls­ræði. Það er ekki rétt. Fáar þjóðir eru eins frjálsar í hugsun eins og Þjóð­verj­ar. Kjör­sundstíll Þjóð­verja er, líkt og allir vita, bringu­sund. Öfugt við til dæmis Banda­ríkja­menn sem frekar kjósa skrið­sund. En hrað­syndur maður lenti þó í því, bund­inn af hringsund­hefð Þjóð­verja og almennu óþoli gagn­vart fram­úr­tök­um, að þurfa að stilla sund­hrað­ann í takt við aðra og fóru þar fjörutíu mín­út­ur.“

Ég er sam­mála hinum ónefnda vini mínum að meintur skipu­lags­agi í þýskri þjóð­ar­sál sé til marks um frelsi í hugs­un. Samt getur of úthugsað skipu­lag haft ókosti í för með sér, eins og frá­sögn hans ber vitni um. Það breytir þó ekki því að reglu­verk í þágu neyt­enda verður seint ofmet­ið, sam­an­ber hin atriðin á list­anum mín­um. Og þá að leigu­bíl­um.

Tíma­þjófur númer fjögur

Ég á ekki bíl og tek oft leigu­bíl ef ég þarf að koma mér skyndi­lega á milli staða, eins og til tann­læknis eða í útvarps­við­tal. Of oft hef ég lent í því að þurfa að bíða svo lengi eftir bíl að á end­anum er erindið orðið úrelt og ég neyð­ist til að sleppa tíma hjá tann­lækni eða missi af fundi. Ástæð­an! Jú, stórt skemmti­ferða­skip liggur við höfn­ina og því eru engir leigu­bílar lausir á með­an. Eða eitt­hvað annað furðu­legt. Ég veit ekki hversu oft ég fengið að heyra að bíl­arnir séu upp­teknir og nokkur bið á að bíll­inn komi. Stundum hef ég haldið langa ræðu fyrir ein­hvern á sím­anum hjá Hreyfli þess efnis að það flokk­ist undir þjóð­fé­lags­legt örygg­is­at­riði að leigu­bílar séu til­búnir þegar þörf er á þeim. Ég er farin að vor­kenna fólk­inu þar að þurfa ítrekað að hlusta á mig í ræðu­ham.

Reyndar hef ég ein­stak­lega góða reynslu af leigu­bíl­stjór­unum hjá Hreyfli sem eru hver öðrum skemmti­legri að spjalla við. Og skjótir að keyra á milli staða þegar bíll­inn er á annað borð kom­inn og lagður af stað. En ef að fyr­ir­tæki gefur sig út fyrir að þjón­usta land­ann með leigu­bíl­um, þá verða bíl­arnir að vera til­búnir akkúrat þegar kona þarf á þeim að halda. Ann­ars er ekki hægt að reiða sig á leigu­bíla. Þá er skárra að létta á reglu­verk­inu í þessum efnum og leyfa frjáls­ari og fjöl­breytt­ari mark­að. Í þágu neyt­and­ans. Þjóð­verjar vita það jú, að reglu­verk kallar á frjálsa hugsun – og öfugt. Í öllum við­skiptum þarf ramma ­– en að sama skapi er bráð­nauð­syn­legt að hugsa út fyrir rammann.

Nú er þessi pist­ill orð­inn of langur svo ég læt hér við sitja, þó að ýmis­legt annað brenni á mér, og bið les­endur að afsaka tíma­þjófn­að­inn. Gleði­lega páska!

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Seðlabankinn hafnar því að aflétta leynd um ESÍ á grundvelli almannahagsmuna
Árið 2019 var ákvæði bætt við lög um Seðlabanka Íslands sem veitir bankanum heimild til að víkja frá þagnarskylduákvæði ef hagsmunir almennings af birtingu gagna vega þyngra en hagsmunir sem mæla með leynd.
Kjarninn 6. október 2022
Í austurvegi
Í austurvegi
Í austurvegi – Komdu í leirkerið 请君入瓮
Kjarninn 6. október 2022
Jón Björnsson, forstjóri Origo.
Eigið fé Origo margfaldast við söluna í Tempo fyrir 28 milljarða króna
Árið 2009 stofnuðu starfsmenn TM Software lítið hugbúnaðarfyrirtæki, sem nefnt var Tempo. Í dag er það metið á 85,4 milljarða króna og Origo var að selja hlut sinn í því á 28 milljarða króna. Við það fer eigið fé Origo úr níu milljörðum í 31 milljarða.
Kjarninn 6. október 2022
Kjartan Magnússon borgarfulltrúi bar tillöguna fram í borgarstjórn.
Borgarhverfi framtíðarinnar eða loftslagsskógur á Geldinganesi?
Tillögu sjálfstæðismanna í borgarstjórn Reykjavíkur um að skipuleggja Geldinganes undir íbúabyggð var hafnað á fundi borgarstjórnar á þriðjudag. Afar mismunandi sjónarmið komu fram um það hvernig skyldi nýta nesið til framtíðar.
Kjarninn 5. október 2022
Jón Daníelsson
Ósvífinn endurupptökudómur
Kjarninn 5. október 2022
Samkeppniseftirlitinu falið að kortleggja stjórnunar- og eignatengsl í sjávarútvegi
Matvælaráðuneytið mun fá skýrslu um stjórnunar- og eignatengsl í sjávarútvegi afhenta fyrir lok næsta árs. Þar verða eignatengsl sjávarútvegsfyrirtækja sem hafa fengið ákveðið umfang aflaheimilda úthlutað, og áhrifavald eigenda þeirra, kortlögð.
Kjarninn 5. október 2022
Mette Frederiksen forsætisráðherra Danmerkur og formaður Sósíaldemókrataflokksins.
Kosið til þings í Danmörku 1. nóvember – Frederiksen vill mynda breiða ríkisstjórn
Mette Frederiksen forsætisráðherra Danmerkur tilkynnti á blaðamannafundi í morgun að þingkosningar yrðu haldnar í landinu 1. nóvember, eða eftir tæpar fjórar vikur.
Kjarninn 5. október 2022
Heiðrún Jónsdóttir.
Heiðrún ráðin framkvæmdastjóri Samtaka fjármálafyrirtækja
Katrín Júlíusdóttir hætti skyndilega sem framkvæmdastjóri SFF um síðustu mánaðamót. Nú hefur nýr framkvæmdastjóri verið ráðinn og hún hefur þegar hafið störf.
Kjarninn 5. október 2022
Meira úr sama flokkiÁlit