Útskýring – leikrit í einum þætti

Anna Dóra Antonsdóttir, rithöfundur, skrifar leikrit um meðlimi í „sérstöku Öryggisráði plágunnar sem stofnað var á dögum heimsfaraldurs“.

Auglýsing

Sviðið er fund­ar­her­bergi á ótil­greindum stað. Fund­ar­borð og átta stólar á sviði.

Per­sónur eru 8: For­sæt­is­ráð­herra, fjár­mála­ráð­herra, sótt­varn­ar­ráð­herra, flug- og rútu­bíla­ráð­herra, sá bólu­setti (aldr­aður maður með staf), sá óbólu­setti, litli síma­mað­ur­inn og full­trúi lækna.

Allar per­sónur eru með­limir í Sér­stöku Örygg­is­ráði plág­unnar sem stofnað var á dögum heims­far­ald­urs. Deilur stóðu um hvort litli síma­mað­ur­inn ætti erindi í slíkt Ráð en nið­ur­staðan varð sú að það gæfi Ráð­inu trú­verð­ugan svip út á við.

For­sæt­is­ráð­h.: Þar sem ég er sjálf­skip­aður fund­ar­stjóri býð ég ykkur öll vel­komin og vona að umræður verði mál­efna­leg­ar. Ennþá er vá fyrir dyrum í sam­fé­lag­inu þar sem enn grein­ast smit, nú er ind­verska veiran komin til lands­ins og hópsmit úti á landi.

Sótt­varn­ar­ráð­h.: Ég er óró­leg­ur, ég verð að segja það. B.1.617 er ekk­ert lamb að leika sér við. Ég hefði lík­lega átt að vera ákveðn­ari í reglu­gerð­un­um. Kannski hefði átt að vanda betur síð­asta frum­varp.

Fjár­mála­ráð­h.: Síð­asta frum­varp, bíddu, hvaða frum­varp var það nú aft­ur? Var það kross­götu­frum­varp­ið?

Litli símam.: (Skelli­hlæj­andi) Kross­göt­ur, hvert lágu þessar götur all­ar? Var ein­hver smit­laus gata?

For­sæt­is­ráð­h.: (Lítur hvasst á litla síma­mann­inn) Ég frá­bið mér allan gal­gopa­skap, þetta verður að taka alvar­lega. Strák­arnir eru víst farnir að aug­lýsa á Times Squ­are svo eitt­hvað verður til bragðs að taka. Þeir vilja fara að fá pen­inga í kass­ann aum­ingja menn­irn­ir, ann­ars fáum við bara flug­geir­ann í fang­ið.

Hitt er spurn­ing hvort við ættum ekki að bólu­setja rík­is­stjórn­ina í þriðja sinn, svona til örygg­is.

(Litli síma­mað­ur­inn hlær ákaft og sá óbólu­setti býr sig undir að taka til máls).

Auglýsing

Flug- og rútu­b.ráð­h.: (Lágt við fjár­mála­ráð­herra sem situr við hlið hans) Ég var alltaf á móti því að hleypa litla síma­mann­inum í þetta Ráð. (Hærra) Auð­vitað vilja allir pen­inga í kass­ann og það verður bara að segja eins og er að ferm­ing­ar, brúð­kaup og jarð­ar­farir gefa lítið af sér, að minnsta kosti í sam­an­burði við bless­aða túristana. Túrist­arnir koma með pen­ing­ana sem við þurfum svo sárt á að halda.

Sá óbólu­setti: (Óþol­in­móð­ur) Mætti maður taka til máls, minn hópur er auð­vitað algjör­lega and­vígur opnun landamæra og við höfum á til­finn­ing­unni að bólu­efni sé af skorn ...

Sótt­varn­ar­ráð­h.: (Grípur fram í) Við höfum nægar brigðir af þessu danska þarna – Jan­sen og Kín­verjar hafa lofað okkur ótak­mörk­uðu magni af sínu efni, þeir eru nú alltaf í þuml­inum við okk­ur. Svo hafði Kýpur sam­band, og vildi bjóða okkur bólu­efni sem þeir fram­leiða, þeir mega nú kall­ast vina­þjóð okkar og mér finnst ekki skipta höf­uð­máli hvort Evr­ópu­sam­bandið er búið að leggja blessun sína yfir það. Við eigum bara að sprauta með því sem við fáum. Okkur kemur ekk­ert við hvað Norð­menn og Danir eru að banna eða ekki banna.

Fjár­mála­ráð­h.: (Hallar sér fram á borðið með hönd á lofti) Algjör­lega sam­mála síð­asta ræðu­manni. Danir voru búnir að stjórn­ast nógu lengi með okk­ur, við hlustum ekki á bullið í þeim leng­ur. (Þegir smá­stund) Eða þá Norð­menn, sem vildu og vilja enn stela sjálfum Snorra Sturlu­syni frá okkur og kon­unga­sög­unum og, og …

For­sæt­is­ráð­h.: Svona, svona við skulum halda okkur við efn­ið, bólu­efn­ið.

Sá bólu­setti: Já, í öllum guð­anna bænum takið hlut­unum með ró, nú er búið að bólu­setja fullt af fólki, fullt af fólki ...

Sá óbólu­setti: (Grípur fram í, orð­inn mjög æst­ur) Þú getur trútt um tal­að, kom­inn á eft­ir­laun og þarft ekk­ert fyrir líf­inu að hafa, en við, við sem berum atvinnu­lífið uppi og fram­færsl­una, við eigum bara að vera úti í kuld­anum og veikj­ast. Ég segi það satt að ...

Litli símam.: (Iðar í skinn­inu) Já láttu þá hafa það óþveg­ið, ætli sé ekki komin bull­andi spill­ing í þessi bólu­setn­ing­ar­mál, lyfja­fyr­ir­tækin græða og græða, Ind­verjar eiga í vök að verj­ast og við eyðum tím­anum í einskis nýtar umræð­ur.

For­sæt­is­ráð­h.: Þið eruð með alltof mikil framíköll, mér finnst ég sé að missa tökin á fund­in­um, ég bið ykkur að rétta upp hönd og þá fáið þið orð­ið.

Full­trúi lækna: (Réttir upp hönd) Það verða öll sjón­ar­mið að koma fram, við læknar erum fremur and­vígir opnun landamæra og ég verð bara að segja að þegar heims­far­aldur geisar ætti heldur að hlusta á lækna en for­ystu­mann ferða­mála sem útskýrir allt á einn veg sem sé: okkur vantar túrista, okkur vantar pen­inga. Við verðum líka að huga að sjúkra­hús­plássum, og mann­skap. Það þarf mann­skap til að sprauta, gleymið því ekki, hvort sem við tölum um Jan­sen, Kín­verja eða Kýp­ur. Heims­plága getur staðið lengi yfir.

Flug- og rútu­b.ráð­h.: (Mjög óþol­in­móð­ur) Já, já já, stóra­bóla gekk í margar aldir og voru það ekki prestar og hrepp­stjórar sem bólu­settu við henni, ekki man ég bet­ur, við getum látið prest­ana bólu­setja þeir kunna bæði grísku og lat­ínu og geta vel lært að fara með sprautu­nál, það geta raunar allir lært.

Og ég segi bara, ekki tala illa um útskýr­ingar ferða­málafor­yst­unn­ar. (Lágt við fjár­mála­ráð­herra) Við hefðum eig­in­lega átt að fá Útskýrand­ann sjálfan sem gest á fund­inn, hann er svo sann­fær­andi. (Enn lægri röddu) Hann er að setja pressu á okkur fyrir kosn­ing­arnar í haust. Þeir vilja auð­vitað fá okkur aftur í stjórn­ar­ráð­ið.

Fjár­mála­ráð­h.: (Svarar flug og rútu­b.ráðh í sömu tón­teg­und) Já, að okkur skyldi ekki detta það í hug. Hann hefði tekið þetta lið niður á auga­bragði, eða bara að fá Boga.

For­sæt­is­ráð­h.: ( Hefur fylgst með hjali fjár­mála­ráðh. og flug og rútu­b.ráð­h.) Ég bendi á að þetta er fundur um sótt­varnir og bendi líka á að Íslandi er ekki stjórnað af sér­hags­muna­öfl­um.

(Flestir fund­ar­menn skella uppúr og fjár­mála­ráð­herra hlær hátt).

Sótt­varn­ar­ráð­h.: (Óeðli­lega hátt) Þeir sem voru utan sótt­kvíar í gær voru til­tölu­lega nýkom­inn til lands­ins og gætu hafa sloppið í gegnum kerfið á landa­mær­unum og valdið smit­um. Þetta þarf að skoða. Hins vegar hefur smitum á landa­mær­unum fækkað að und­an­förnu og þær aðgerðir sem gripið hefur verið til hafa vænt­an­lega hjálpað þar til­. Ég held að það sé engin sér­stök ástæða til að hafa áhyggj­ur. Núgild­andi aðgerðir duga gegn B.1.617. myndi ég halda. 

Litli símam.: (Enn hlæj­andi) Herra Sótt­varn­ar­ráð­herra heitir vænti ég ekki Ragnar Reykás?

For­sæt­is­ráð­h.: Ég bið fund­ar­menn að gæta allrar kurt­eisi. (Reiði­lega til litla síma­manns­ins) Og enga hót­fyndni hér.

(Há­vær hlátur litla síma­manns­ins kveður við og deyr smán saman út).

Tjaldið

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Sigrún Huld Þorgrímsdóttir
Það er líf eftir greiningu
Kjarninn 28. júní 2022
Nicola Sturgeon fyrsti ráðherra Skotlands.
Stefnir á atkvæðagreiðslu um sjálfstætt Skotland í október 2023
Nicola Sturgeon leiðtogi Skoska þjóðarflokksins stefnir á að halda þjóðaratkvæðagreiðslu um sjálfstæði Skotlands á ný næsta haust – með eða án leyfis bresku ríkisstjórnarinnar.
Kjarninn 28. júní 2022
Guðmundur Andri Thorsson
Ráfað um í Keflavíkurgöngu
Kjarninn 28. júní 2022
Samkvæmt tilkynningu frá Borgarlínu er gert ráð fyrir því að vagnar Borgarlínunnar byrji að ganga á milli Hamraborgar og Háskóla Íslands árið 2025, þrátt fyrir að framkvæmdum á þeim kafla verði ekki að fullu lokið þá.
Tímalínu framkvæmda við fyrstu lotu Borgarlínu seinkað
Endurskoðuð tímaáætlun framkvæmda við fyrstu lotu Borgarlínu gerir ráð fyrir því að framkvæmdalok verði á árunum 2026 og 2027, en ekki 2024 eða 2025 eins og lagt var upp með. Samstilling við aðrar framkvæmdir, eins og Sæbrautarstokk, spila inn í.
Kjarninn 28. júní 2022
Það að vera kvenkyns lögmaður eykur líkur á að mál falli umbjóðandanum í vil samkvæmt nýrri íslenskri rannsókn.
Kvenkyns lögmenn líklegri til að vinna mál í héraði
Kvenkyns málflytjendur skila betri árangri fyrir dómstólum og eldri dómarar eru líklegri til að dæma varnaraðila í vil en þeir sem yngri eru, samkvæmt nýrri íslenskri rannsókn.
Kjarninn 28. júní 2022
Örn Bárður Jónsson
Þungunarrof, samkynhneigð og kynusli
Kjarninn 28. júní 2022
Katrín Jakobsdóttir, formaður Vinstri grænna og forsætisráðherra, og Ásgeir Jónsson seðlabankastjóri.
Ætlar ekki að láta Seðlabankann afhenda sér gögn um ráðstöfun opinberra hagsmuna
Seðlabanki Íslands hefur ekki viljað leggja mat á hagsmuni almennings af birtingu upplýsinga um þá sem fengu að nýta sér fjárfestingaleið hans né af því að stöðugleikasamnirnir við kröfuhafa verði gerðir opinberir.
Kjarninn 28. júní 2022
Kristrún Frostadóttir, þingmaður Samfylkingarinnar.
Kristrún íhugar formannsframboð
Kristrún Frostadóttir, þingmaður Samfylkingarinnar, segist „íhuga alvarlega“ að bjóða sig fram til formanns á landsfundi flokksins í október. Logi Einarsson tilkynnti um miðjan júní að hann muni ekki bjóða sig fram að nýju.
Kjarninn 28. júní 2022
Meira úr sama flokkiAðsendar greinar