Við og hinir erum við öll

„Ég vara sterklega við því að gera erlenda atvinnuleitendur að blórabögglum fyrir mögulegri nýrri bylgju faraldursins eða að stimpla þá sem hafa sýkst. Það smitast enginn að gamni sínu,“ skrifar Drífa Snædal, forseti ASÍ.

Auglýsing

Heimsfaraldur kórónuveiru hefur nú staðið í meira en ár. Hann hefur tekið af fólki lífsviðurværi, heilsuna og jafnvel lífið. Hann hefur líka tekið frá okkur daglegt líf, góðar stundir með vinum og ættingjum, ferðalög og tómstundir. Við erum öll orðin langeyg eftir eðlilegu lífi og viljum að stjórnvöld geri allt sem í þeirra valdi stendur til að koma í veg fyrir að sýkingar brjótist út að nýju.

Við slíkar kringumstæður er eðlilegt að huga að því hvernig veiran berst inn í landið og milli manna. En leit að sökudólgum getur líka verið hættuleg, því að oft er auðveldara að finna blóraböggla meðal þeirra sem standa okkur fjær. Það er stutt í „við og hinir“ hugsunina. Minnisstætt er þegar bæjarstjóri sagði sitt fólk fara vel eftir reglum og því væru smit þar fátíð. Þessi orð voru vel meinandi, en af þeim mátti skilja að öðru máli gegndi um utanbæjarfólk, sem væri þá orðið ógn við líf og heilsu bæjarbúa. Þetta eru kunnugleg stef, þau hafa valdið átökum milli fólks; allt frá slagsmálum á sveitaböllum til stríðsátaka.

Á sama tíma og við gerum allt til að sporna gegn útbreiðslu faraldursins getum við ekki látið eins og Ísland geti eitt landa heimsins orðið eyland. Veiran kom upphaflega með íslensku skíðafólki til landsins. Ef hún hefði ekki komið með þeim hefði hún komið síðar. Fólk ferðast milli landa af ýmsum ástæðum á þessum undarlegu tímum. Sumir þurfa að ferðast til að kveðja ættingja hinsta sinni, aðrir til að vera nærri fjölskyldu og vinum á erfiðum tímum. Höfum hugfast að við getum aldrei vitað að fullu hverjar aðstæður fólks eru.

Auglýsing

Ég vara sterklega við því að gera erlenda atvinnuleitendur að blórabögglum fyrir mögulegri nýrri bylgju faraldursins eða að stimpla þá sem hafa sýkst. Það smitast enginn að gamni sínu og smit eru ekki borin á milli manna að ráðnum hug. Þetta er heimsfaraldur sem hegðar sér með ófyrirséðum hætti.

ASÍ varaði við opnun landamæranna sem er áformuð voru 1. maí og að keyra ferðaþjónustuna af stað áður en markmiðum um bólusetningar hefur verið náð. Það eru réttmæt varnaðarorð. Hins vegar er ekki þar með sagt að loka eigi landamærunum alfarið. Og það vekur upp hættulegar tilhneigingar að ætla að Ísland eitt geti verið ósnert á sama tíma og heimsfaraldur blossar í öllum löndum í kringum okkur. Þrátt fyrir bakslag höfum við marga styrkleika í þessari baráttu: sóttvarnir, upplýsingar og samstöðu.

Við skulum virkja þess þætti, en leggja til hliðar þörfina fyrir að leita að sökudólgum.

Höfundur er forseti ASÍ.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorgerður Katrín Gunnarsdóttir, formaður Viðreisnar, í forystusætinu á RÚV í gærkvöldi.
Það liggur ekki fyrir hvort Ísland geti gert tvíhliða samning til að tengja krónu við evru
Staðreyndavakt Kjarnans skoðar fullyrðingu Þorgerðar Katrínar Gunnarsdóttur um það sé mögulegt fyrir Ísland að gera samkomulag við Seðlabanka Evrópu um að tengja krónuna við evru.
Kjarninn 23. september 2021
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Meira úr sama flokkiAðsendar greinar