Þetta er ógn­væn­lega spurn­ing, en hún er löngu orðin tíma­bær. Jörðin brenn­ur, jöklar bráðna, við­stöðu­laus mengun og nátt­úran grætur af sárs­auka en gráð­ugum stór­kap­ít­alistum hér á landi og ann­ars staðar er alveg sama! Skítt með börnin og barna­börn­in. 

For­múla kap­ít­alista um leiðir til að sporna gegn ham­fara­hlýnun gengur ekki upp. Það dugar engan veg­inn að gera kap­ít­al­ismann sjálf­bæran eða grænan eins og nú er boðað af þeim sem vilja hanga á kap­ít­al­isma eins og hundar á roði. Það verður að umvefja jörð­ina kær­leika, virð­ingu og umhyggju. Og það er það sem við sós­í­alistar viljum gera. Gera allt sem þarf til að bjarga mann­kyni og nátt­úr­unn­i. 

Það er óstjórn­leg tregða hjá þeim sem styðja núver­andi efna­hags­kerfi, eða kap­ít­al­isma, að kyngja því að þeirra leiðir dugi ekki til. Það er erfitt að við­ur­kenna að sú hug­mynda­fræði sem maður hefur stutt, kannski alla ævi, gangi ekki lengur upp. Það þurfi að henda henni og það fljótt til að bjarga jörð­inni og börnum okkar og barna­börn­um. Þetta er risa­stór áskorun fyrir stjórn­mála­flokka á Alþingi núna, því allir styðja þeir núver­andi kerfi mark­aðs­hyggju, sam­keppni og kap­ít­al­isma. Meira að segja Vg þó þeir þyk­ist ann­að, en gerir það þó ekki miðað við frammi­stöð­una í núver­andi rík­is­stjórn. Skoðum þetta. 

Stór­fyr­ir­tækin og gömlu sós­í­alist­arn­ir 

Núver­andi efna­hags­kerfi gengur meðal ann­ars út á að til þess að vaxa þurfi að auka hag­vöxt. En þá strax loga allar við­vör­un­ar­bjöll­ur. Því hag­vaxt­ar­for­múlan krefst auk­innar neyslu svo vöxt­ur­inn auk­ist. Auk­inni fram­leiðslu og neyslu fylgir gríð­ar­legur vöxtur í mengun og ham­fara­hlýn­un. Og það er það sem er að fara með jörð­ina að stórum hluta. Tor­tíma henn­i. 

En af hverju er ekki tekið á þessu með festu. Svarið er ein­falt. Stór­fyr­ir­tækin sem menga mest með sinni fram­leiðslu hafa engan áhuga á því, og heldur ekki þau íslensku. Mark­miðið hjá þessum fyr­ir­tækjum er sífellt meiri gróði, skítt með nátt­úr­una og fram­tíð­ina. Og þessi fyr­ir­tæki ráða öllu í heim­inum í krafti fjár­magns­ins. Þau hafa stjórn­mála­menn í vas­an­um, ráða dóms­kerf­inu leynt og ljóst sem og fram­kvæmda­vald­inu. Líka á Ísland­i. 

Svo eru það gamlir sós­í­alistar sem segj­ast hafa vitkast með árunum og styðja nú mark­aðs­kerf­ið, sam­keppni og kap­ít­al­isma. Það er svo­lítið erfitt að við­ur­kenna að hafa haft rangt fyrir sér, einkum ef fólki finnst það til­heyra intellíg­ens­í­unni á Ísland­i. 

Lóan okkar kemur ekki aft­ur? 

Nú er svo komið að líf­verur sem áður héldu til á Íslandi, finn­ast ekki leng­ur. Þær eru farnar eða á leið­inni að hverfa. Menn spá því að meira að segja lóan sem við öll elskum, vor­boð­inn okk­ar, komi ekki meir. 

Eins og fyrr segir dugar engan veg­inn til, að gera kap­ít­al­ismann sjálf­bæran eða græn­an. Það er heldur ekki nóg að gera ein­stak­ling­inn ábyrgan fyrir loft­lags­vand­an­um, eins og að fara alltaf með tau-eða papp­írs­poka út í stór­mark­að. En þar mæti fólk auð­vald­inu í allir sinni mynd, fullar hillur af plasti og öðrum meng­un­ar­vald­andi umbúð­um. Sem verða umfangs­meiri og umfangs­meiri. 

Þú sem lagðir svo mikla áherslu á tau-eða papp­írs­poka, sem þú tókst með þér að heiman, fyllir þú við kass­ann í búð­inni af plasti og umbúðum sem hafa valdið og munu valda ham­fara­hlýn­un. Og afhverju það? Vegna þess að stór­fyr­ir­tækin og fleiri fyr­ir­tæki hafa engan áhuga á að taka þátt í að verja umhverf­ið. Eins og fyrr segir er þeirra mark­mið að græða meira. Það er mik­il­vægt að fólk átti sig á þessu. Og stór­fyr­ir­tæki um alla heim ætla að nýta áfram meng­andi jarð­efna­elds­neyti og fleiri efni sem menga óstjórn­lega. Við verðum að hverfa frá kap­ít­al­isma og taka upp raun­veru­lega umhverf­is­stefnu eins og sós­í­al­ism­inn boð­ar.

Höf­undur er þing­fram­bjóð­andi Sós­í­alista­flokks Íslands í Reykja­vík­ur­kjör­dæmi suður og sós­íal­ískur femínisti.