Kosningar ekki ákveðnar fyrr en þing er hafið á ný

Engin dagsetning fyrir kosningar verður ákveðin fyrr en þing verður hafið á ný. Framsóknarmenn vilja ekki ákveða dagsetningu fyrr en mál eru afgreidd. Frumvarp um afnám verðtryggingar er væntanlegt. Sigmundur Davíð ætlar að halda áfram.

Sigurður Ingi Jóhannsson forsætisráðherra hefur ekki viljað ákveða tiltekna dagsetningu fyrir komandi kosningar þar til yfirsýn fæst um þá daga sem framundan eru á Alþingi í ágúst.
Sigurður Ingi Jóhannsson forsætisráðherra hefur ekki viljað ákveða tiltekna dagsetningu fyrir komandi kosningar þar til yfirsýn fæst um þá daga sem framundan eru á Alþingi í ágúst.
Auglýsing

Engin dag­setn­ing verður ákveðin fyrir kom­andi kosn­ingar fyrr en Alþingi kemur saman á ný í ágúst og vinna verður hafin við þau mál sem þarf að afgreiða. Stór mál eins og búvöru­samn­ing­arn­ir, LÍN, afnám gjald­eyr­is­hafta og verð­trygg­ingar bíða þing­manna eftir sum­ar­frí og erfitt er að gera sér grein fyrir því hvernig þau munu vinn­ast. Rík­is­stjórnin mun leggja fram frum­varp um afnám verð­trygg­ingar fljót­lega eftir að þing kemur saman á ný. Þetta herma heim­ildir Kjarn­ans. 

Áfram stefnt að kosn­ingum í haust

Rík­is­stjórn­ar­flokk­arnir stefna báðir að því að flýta kosn­ingum en menn eru tregir til þess að ákveða dag­setn­ingu þar sem afgreiðslu mála er for­gangs­raðað ofar. Með öðrum orð­um; fyrst þarf að afgreiða þau mál sem þarf að klára, svo verður gengið til kosn­inga. Alþingi kemur saman á ný þann 15. ágúst og gerir dag­skráin ráð fyrir 13 þing­fund­ar­dög­um, að Eld­hús­deg­inum með­töld­um. Dag­setn­ingin 22. októ­ber hefur verið nefnd og sam­kvæmt heim­ildum Kjarn­ans stefna allir flokk­ar, að Fram­sókn­ar­flokk­inum und­an­skild­um, að þeirri dag­setn­ingu. Þá ber að taka fram að Sig­urður Ingi Jóhanns­son, for­sæt­is­ráð­herra og vara­for­maður Fram­sókn­ar­flokks­ins,  hefur ítrekað sagst vilja kjósa í haust, þó að hann hafi ekki getað nefnt ákveðna dag­setn­ingu. Línan innan Sjálf­stæð­is­flokks­ins hall­ast mun meira í átt að kosn­ingum í októ­ber. 

Línur að skýr­ast á list­unum

Yfir tíu flokkar stefna að því að bjóða fram til Alþing­is. Listar VG og Pírata í Norð­aust­ur­kjör­dæmi eru til­bún­ir, en víða verða líka haldin próf­kjör og hefur fjöldi fólks til­kynnt um fram­boð fyrir hina ýmsu flokka. Sem dæmi má nefna Áslaugu Örnu Sig­ur­björns­dótt­ur, rit­ara Sjálf­stæð­is­flokks­ins, Þór­dísi Kol­brúnu Reyk­fjörð Gylfa­dótt­ur, aðstoð­ar­mann inn­an­rík­is­ráð­herra, Björn Val Gísla­son, vara­for­mann VG, og Gunnar Hrafn Jóns­son, frétta­mann á RÚV, og ætlar hann á lista fyrir Pírata. 

Auglýsing

Sviðið opið fyrir Lilju

Fram­sókn­ar­flokk­ur­inn er að missa nokkra fyr­ir­ferð­ar­mikla þing­menn frá borði eftir þetta kjör­tíma­bil. Vig­dís Hauks­dótt­ir, for­maður fjár­laga­nefnd­ar, Sig­rún Magn­ús­dótt­ir, umhverf­is- og auð­linda­ráð­herra, Frosti Sig­ur­jóns­son, for­maður efna­hags- og við­skipta­nefnd­ar, og Páll Jóhann Páls­son eru öll að hætta á þingi. Með þessu opn­ast sviðið fyrir Lilju Alfreðs­dóttur utan­rík­is­ráð­herra til að gefa kost á sér í odd­vita­sæti í Reykja­vík, en það er alls óvíst hvort hún láti af því verða. 

Vig­dís segir í við­tali við DV í dag að það sé mik­ill fengur fyrir flokk­inn að hafa fengið Lilju. Það þurfi engan snill­ing í mark­aðs­málum til að sjá að það væri best fyrir flokk­inn ef hún sjálf mundi leiða Reykja­vík­ur­kjör­dæmi suður og Lilja Reykja­vík­ur­kjör­dæmi norð­ur.  

„En ég mun auð­vitað ekki gefa kost á mér svo að hún gæti valið sitt kjör­dæmi ef hún hefur áhuga,“ segir Vig­dís í DV. 

Ekki lægra fylgi hjá Fram­sókn síðan í hrun­inu

Fram­sókn hefur verið að berj­ast í bökkum und­an­farin miss­eri og hefur fylgið hríð­fallið af flokknum í hverri skoð­ana­könn­un­inni á fætur annarri. Síð­ast í gær mæld­ist flokk­ur­inn í könnun MMR með 6,4 pró­senta fylgi og hefur það ekki verið eins lágt síðan í des­em­ber 2008. Flokk­ur­inn tap­aði fimm pró­sentu­stigum milli kann­anna. 

Sig­mundur heldur áfram

Kjör­dæma­sam­band Fram­sókn­ar­fé­lag­anna í Reykja­vík óskaði í vik­unni eftir fram­boðum á lista flokks­ins og á fólk að skila inn fram­boðum í síð­asta lagi föstu­dag­inn 12. ágúst. Til stendur að halda mið­stjórn­ar­fund hjá flokknum í ágúst, en á þeim fundi verður síðan boðað til flokks­þings og er hægt að gera það með til­tölu­lega skömmum fyr­ir­vara. Á flokks­þingi verður kosið um nýja for­ystu, en Sig­mundur Davíð Gunn­laugs­son, for­maður og fyrr­ver­andi for­sæt­is­ráð­herra, mun að öllum lík­indum gefa kost á sér þar til end­ur­kjörs sem for­mað­ur.

Um þetta segir Vig­dís í DV að ef Sig­mundur fer fram og geldur afhroð sé sú staða skýr, sem og ef hann vinni stór­sig­ur. Hún studdi Hösk­uld Þór­halls­son í for­manns­kjör­inu 2009. Þá segir hún líka að ef Lilja færi í for­manns­fram­boð og Sig­mundur hætti mundi hún styðja hana. 

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Magnús Halldórsson
Raskaði rónni
Kjarninn 18. febrúar 2020
Maní og fjölskylda
Skora á íslensk stjórnvöld að sýna mannúð
Stjórn Solaris fordæmir yfirvofandi brottvísun á Maní, 17 ára trans drengs frá Íran, og skorar á íslensk stjórnvöld að sýna mannúð og tryggja að hann fá hér skjól og vernd.
Kjarninn 18. febrúar 2020
Bjarni Benediktsson er fjármála- og efnahagsráðherra.
Bankasýslan vill að bankaráð dragi úr fjárhagslegri áhættu Landsbankans vegna nýrra höfuðstöðva
Fjármála- og efnahagsráðherra hefur svarað skriflegri fyrirspurn þingmanns Miðflokksins um byggingu nýrra höfuðstöðva Landsbankans, sem munu kosta að minnsta kosti um tólf milljarða. Þar er staðfest að ákvörðunin hafi ekki verið borin undir hluthafafund.
Kjarninn 18. febrúar 2020
Kristján Þór Júlíusson er sjávarútvegs- og landbúnaðarráðherra.
Ráðherra er ekki að skoða að takmarka sölu á orkudrykkjum
Þrátt fyrir að embætti Landlæknis telji að banna eigi sölu á ákveðnum tegundum orkudrykkja er ráðherra matvælaeftirlits ekki sömu skoðunar. Til að meta neyslu ungmenna á orkudrykkjum sem innihalda koffín verður framkvæmd neyslukönnun á meðal ungmenna.
Kjarninn 18. febrúar 2020
Helmingur landsmanna telur fréttir af alvarleika hlýnunar jarðar réttar
Karlar halda frekar en konur að fréttir af alvarleika hlýnunar jarðar séu almennt ýktar, en um þriðjungur karla telur þær vera það.
Kjarninn 18. febrúar 2020
Lögðu fram tillögur að lausn kjaradeilu – Aftur fundað á morgun
Fundi vegna kjaradeilu félagsmanna Eflingar og Reykjavíkurborgar er lokið. „Samninganefnd Eflingar hefur fundað stíft síðustu daga ásamt starfsfólki og trúnaðarmönnum til að útfæra og ná sátt um tillögur,“ segir í tilkynningu Eflingar.
Kjarninn 18. febrúar 2020
Lilja Alfreðsdóttir er mennta- og menningarmálaráðherra.
Ráðuneytið leggur til breytingar á frumvarpi um stuðning við einkarekna fjölmiðla
Ef tillögur sérfræðingar mennta- og menningarmálaráðuneytisins verða teknar til greina mun endurgreiðsluhlutfall á ritsjórnarkostnaði einkarekinna fjölmiðla hækka og sjónarmiðum héraðsfréttamiðla mætt til að gera þá styrkjahæfa.
Kjarninn 18. febrúar 2020
Kristbjörn Árnason
Nú er háð mikilvægasta kjarabaráttan um áratugaskeið.
Leslistinn 18. febrúar 2020
Meira eftir höfundinnSunna Valgerðardóttir
Meira úr sama flokkiFréttaskýringar
None