Kötturinn Larry óvæntasta stjarna Brexit

Miklar hræringar hafa verið í breskum stjórnmálum eftir Brexit. Kötturinn Larry er óvæntasta stjarna þeirra hræringa, en hann verður áfram í forsætisráðuneytinu þrátt fyrir að skipt hafi verið um ráðherra.

Kötturinn Larry er víðfrægur, enda vanur að ganga um fyrir utan heimili sitt í Downingstræti, þar sem fjölmiðlar eru mjög reglulegir gestir.
Kötturinn Larry er víðfrægur, enda vanur að ganga um fyrir utan heimili sitt í Downingstræti, þar sem fjölmiðlar eru mjög reglulegir gestir.
Auglýsing

Óvæntasta stjarna umbreyt­ing­anna í breskum stjórn­málum í síð­ustu viku var lík­lega kött­ur­inn Larry. Larry er heim­il­is­kött­ur­inn í Down­ing-­stræti 10, þar sem for­sæt­is­ráð­herra Bret­lands hverju sinni heldur til. Mikið var fjallað um bless­aðan kött­inn og það hvort hann myndi flytja burt með David Cameron og fjöl­skyldu hans þegar þau yfir­gáfu svæðið um miðja viku. Fljótt var til­kynnt að svo yrði ekki, Larry er ekki eign Cameron fjöl­skyld­unnar heldur emb­ætt­is­manna og þurfti því ekki að flytja burt þótt Ther­esa May og eig­in­maður hennar Philip flyttu inn. Sem dæmi um frægð katt­ar­ins not­aði Cameron meira að segja tíma í síð­asta spurn­inga­tíma sínum sem for­sæt­is­ráð­herra til að ræða kött­inn.

Feng­inn sem yfir­músa­veið­ari 

Kött­ur­inn hefur öðl­ast frægð frá því að hann kom í Down­ing-­stræti árið 2011. Hann heldur reglu­lega til fyrir utan húsið við Down­ing-­stræti, þar sem fjöl­miðlar eru mjög reglu­legir gest­ir, og hann hefur vakið þar athygli og glatt við­stadda. Eins og sjá má hér að neðan tók hann reglu­lega á móti og kvaddi með­limi rík­is­stjórn­ar­innar þegar þeir komu á rík­is­stjórn­ar­fundi að heim­ili hans. 

Larry kveður þáverandi varnarmálaráðherra og núverandi fjármálaráðherrann Philip Hammond að loknum ríkisstjórnarfundi árið 2013. Mynd: EPA

Auglýsing

Larry kom til for­sæt­is­ráðu­neyt­is­ins árið 2011, sem fyrr seg­ir, og var þá fjög­urra ára gam­all fyrrum villi­kött­ur. Hann var feng­inn þangað eftir að rottur sáust í og við hús­ið, meðal ann­ars í frétt­um. Hann var í dýra­at­hvarf­inu Batt­er­sea Dogs & Cats Home og athvarfið mælti með honum vegna hæfi­leika hans við músa­veið­ar. 

Larry fékk opin­bera tit­il­inn Chief Mouser, eða yfir­maður músa­veiða, og um hann er fjallað sem slíkan á vef­síðu for­sæt­is­ráðu­neyt­is­ins. Þar er hann sagður fyrsti kött­ur­inn í Down­ing-­stræti 10 til þess að hljóta þennan titil form­lega. 

Hins vegar er mjög löng hefð fyrir því að kettir sinni þessu hlut­verki fyrir rík­is­stjórn eða ráð­herra, enda músa- og rottu­gangur algengur í gömlum og oft lélegum húsum Bret­lands. Það er sagt að kettir hafi fylgt stjórn­völdum allt frá tímum Hin­riks átt­unda. Opin­ber gögn frá árinu 1929 sýna að þá hafi verið gefið leyfi fyrir því að verja smárri upp­hæð í uppi­hald á ketti. Larry er hins vegar ekki á fjár­lög­um, heldur hafa starfs­menn for­sæt­is­ráðu­neyt­is­ins borið ábyrgð á uppi­haldi hans. Hann fær hins vegar sendar gjafir og mat upp á nán­ast hvern dag eftir að hann öðl­að­ist frægð. 

Löng saga músa­veið­ara

Þrír aðrir kettir munu hafa fengið opin­bera tit­il­inn yfir­maður músa­veiða í rík­is­stjórn­inni. Þeir hétu og heita Hump­hrey, Sybil og Freya. Hump­hrey var í for­sæt­is­ráðu­neyt­inu frá 1989 til 1997 og starf­aði undir for­sæti Mar­grétar Thatcher, John Major og Tony Bla­ir. Sagan segir að Cherie Blair hafi ekki kunnað að meta ketti og því hafi Hump­hrey verið settur á eft­ir­laun aðeins hálfu ári eftir að Bla­ir-hjónin fluttu inn í Down­ing-­stræti 10. Þess var meira að segja kraf­ist að stjórn­völd sönn­uðu að hann hefði ekki verið svæfð­ur. Og þá var því einnig vísað á bug að Cherie væri illa við kett­i. 

Sybil var köttur Alistair Dar­l­ing og fjöl­skyldu hans, og var fluttur í Down­ing-­stræti 11 þegar Alistair Dar­l­ing var fjár­mála­ráð­herra. Þegar Sybil kom í Down­ing-­stræti árið 2006 hafði eng­inn köttur verið þar frá því að Bla­ir-hjónin los­uðu sig við Hump­hrey. Sybil festi hins vegar aldrei rætur í London og flutti aftur til Skotlands árið 2009. Freya kom til Down­ing-­strætis með næsta fjár­mála­ráð­herra, George Osborne, og fjöl­skyldu hans. Hún og Larry eld­uðu víst grátt silfur sam­an, enda að sinna sama starf­inu um tíma. Það voru sagðar fréttir af því árið 2012 að Larry hefði verið rek­inn sökum lélegrar frammi­stöðu, en svo var víst ekki. Freya flutti hins vegar burt árið 2014 og skildi Larry eft­ir. 

Not­aði síð­asta spurn­inga­tím­ann til að sanna ást á Larry 

Cameron mætti í síð­asta sinn í spurn­inga­tíma for­sæt­is­ráð­herra, sem for­sæt­is­ráð­herra, á mið­viku­dag­inn. Það var hans síð­asta verk áður en hann fór á fund drottn­ingar og sagði af sér. Í þessum síð­asta spurn­inga­tíma ákvað hann að tala um Larry. „Slúðrið er að ég elski ekki Larry. Það geri ég. Og ég hef mynd­ræna sönnun fyrir  því,“ sagði hann við þingið og veif­aði mynd af sér að klappa kett­in­um. Hann setti mynd­ina einnig á Twitt­er, eins og sjá má hér að ofan.

Hann sagði að því miður gæti hann ekki tekið Larry með sér. „Hann til­heyrir hús­inu, og starfs­fólkið elskar hann mjög mik­ið, rétt eins og ég.“ 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Eggert Gunnþór Jónsson er hér til vinstri í leik gegn Hvíta-Rússlandi á Evrópumóti U-21 landsliða árið 2011.
Eggert Gunnþór segist saklaus
Knattspyrnumaðurinn Eggert Gunnþór Jónsson hafnar ásökunum um kynferðisbrot í Kaupmannahöfn árið 2010 og segist fullkomlega saklaus.
Kjarninn 22. október 2021
Ingrid Kuhlman
Munurinn á dánaraðstoð og sjálfsvígi er mikill
Kjarninn 22. október 2021
Sérfræðingar frá Syndis og Advania hafa tekið þátt í að skoða málið undanfarna daga.
Hætta á að tölvuþrjótar hafi komist yfir tölvupósta frá starfsmönnum HR
Rektor HR tilkynnti starfsfólki skólans það eftir hádegi í dag að möguleiki væri á því að tölvupóstar, jafnvel ár aftur í tímann, væru í höndum tölvuþrjóta. Ekki er þó ljóst hvort svo sé eða ekki, eða hvort afleiðingar af því verði einhverjar.
Kjarninn 22. október 2021
Ari Trausti Guðmundsson
Rafmagnað Grænland og Ísland?
Kjarninn 22. október 2021
Biður hagsmunasamtök að tjá sig ekki um verðhækkanir
Samkeppniseftirlitið brýnir fyrir forsvarsmönnum hagsmunasamtaka að taka ekki þátt í umfjöllunum um hækkandi vöruverð, þar sem samtökin eiga að fara gætilega þegar kemur að umræðu sem hefur áhrif á verðlagningu fyrirtækja.
Kjarninn 22. október 2021
Saga Japans
Saga Japans
Saga Japans – 44. þáttur: Drukkni sjóguninn
Kjarninn 22. október 2021
Samherji hf. er á lista yfir framúrskarandi fyrirtæki og raunar einnig Samherji Ísland ehf. og fleiri dótturfélög Samherja. Hins vegar er Samherji Holding ehf. ekki á lista, líklega þar sem félagið hefur ekki enn skilað ársreikningi fyrir árið 2019.
Bæði Samherji og Init ofarlega á listum yfir „framúrskarandi fyrirtæki“ ársins
Alls eru 878 fyrirtæki á lista CreditInfo yfir Framúrskarandi fyrirtæki árið 2021. Sum þeirra sem skipa efstu sætin á listum hafa verið til umfjöllunar undanfarin misseri fyrir hátterni sem erfitt er að tengja við það að skara fram úr.
Kjarninn 22. október 2021
Hallgrímskirkja
„Við eigum sögu sem við þurfum heldur betur að læra af“
Sam­skipta­stjóri Bisk­ups­stofu segir að það sé skylda kirkj­unnar að læra af sögu hennar er varðar við­brögð við kyn­ferð­is­legri áreitni og ofbeldi. Ein formleg ásökun hefur borist á borð Biskupsstofu frá því Agnes M. Sigurðar­dóttir tók við embætti.
Kjarninn 22. október 2021
Meira eftir höfundinnÞórunn Elísabet Bogadóttir
Meira úr sama flokkiFréttaskýringar
None