Kaupmannahöfn
Auglýsing

Dönsk stjórn­völd hafa lagt fram áætlun sem miðar að því að auka straum ferða­manna til Dan­merk­ur. Þótt ferða­mönnum sem koma til lands­ins hafi fjölgað á und­an­förnum árum þykir stjórn­völdum að betur megi gera, sér­stak­lega á svæðum við haf­ið.

Áætlun stjórn­ar­innar „Dan­mark i vækst - Den nationale stra­tegi for dansk turisme“ var birt fyrir nokkrum dög­um. Troels Lund Poul­sen ráð­herra atvinnu­mála kynnti áætl­un­ina sem nær til árs­ins 2025. Ráð­herr­ann sagði að ferða­þjón­ustan hefði sem betur fer náð sér á strik eftir mikið bakslag í kjöl­far banka­krepp­unnar en fjölgun ferða­manna væri minni en í nágranna­lönd­un­um. Við þessu þurfi að bregð­ast. 

2015 var metár í danskri ferða­þjón­ustu

Engar áreið­an­legar tölur eru til um þann fjölda ferða­manna sem heim­sækir Dan­mörku á hverju ári. Ástæða þess er að engin skrán­ing af neinu tagi fer fram þegar fólk kemur til lands­ins, enda leið­irnar marg­ar. Allar tölur um fjölda ferða­manna eru byggðar á upp­lýs­ingum gisti­staða. Gistinætur árið 2015 voru 49.1 millj­ón, fleiri en nokkru sinni fyrr. Inni í þess­ari tölu eru Danir sem ferð­ast um og gista í eigin landi. Mark­mið stjórn­valda er að árið 2025 verði gistinæt­urnar 17 millj­ónum fleiri, ­sem sé 66.1 millj­ón. Gangi þetta eftir þýðir það að veltan í danskri ferða­þjón­ustu verður 140 millj­arðar króna, 2411 millj­arðar íslensk­ir.

Auglýsing

Þjóð­verjar langstærsti hóp­ur­inn

Af íbúum ein­stakra landa, utan Dan­merk­ur, eru Þjóð­verjar lang­fjöl­menn­astir þeirra sem sækja Dan­mörku heim. Í yfir­liti danskra ferða­mála­sam­taka kemur fram að í meira en helm­ingi allra g­istinótta er­lendra gesta í land­inu, eða 56%, eiga Þjóð­verjar í hlut. Sam­tals 13.8 millj­ón­ir.  Norð­menn eru í öðru sæti með 2.6 millj­ón­ir g­istinótta, 11%. Svíar eru þriðju fjöl­menn­ustu þegar litið er til­ g­istinótta, 1.8 millj­ón­ir, 7%. Svíum sem ferð­uð­ust til Dan­merkur fækk­aði reynd­ar ­lít­ils hátt­ar í fyrra, lágt gengi sænsku krón­unnar er talin helsta ástæð­an. Rétt er að geta þess að inni í þessum tölum eru ekki ferða­menn sem koma með skemmti­ferða­skipum en fjöldi þeirra fer ört vax­andi, einkum Asíu­bú­a. 

Atvinna og tekj­ur 

Ferða­þjón­ustan er mik­il­væg atvinnu­grein í Dan­mörku, rétt eins og í mörgum öðrum lönd­um. Dönsku ferða­mála­sam­tökin telja að tals­vert á annað hund­rað þús­und Dana hafi atvinnu sína af ferða­þjón­ustu, með einum eða öðrum hætti og fari fram sem horfir stækkar sá hópur veru­lega á næstu árum. Tekjur af ferða­mönnum eru taldar hafa numið rúm­lega 100 millj­örðum króna (um 1730 millj­örðum íslenskum) á liðnu ári, sam­kvæmt yfir­liti ferða­mála­sam­tak­anna. Ýmsir telja reyndar að tekjur af ferða­mönnum séu miklu meiri. 

Verð­lagið helsta umkvört­un­ar­efnið

Dönsku ferða­mála­sam­tökin kanna reglu­lega hvað ferða­mönnum finnst um land og þjóð. Hvað það er sem þeim líkar best og einnig hvað þeim þykir miður gott hjá Dön­um. Ferða­menn eiga iðu­lega erfitt með að nefna eitt ákveðið atriði þegar spurt er um hið jákvæða. Þeir nefna t.d. sam­göng­urn­ar, mat­inn, afslappað mann­líf, Tívolí, mikið vöru­úr­val, ekki síst hönn­un­ar­vör­ur, og skemmt­ana­líf­ið. Hvað hið nei­kvæða varðar nefna lang­flestir verð­lag­ið. Það gildir um nán­ast alla hluti: mat, gist­ingu, fatn­að, hönn­un­ar­vör­ur, elds­neyti, aðgang að Tívolí og Bakk­anum svo eitt­hvað sé nefnt. Sumir nefna líka að iðu­lega sé afgreiðslu­fólk í versl­unum og þjón­ustu­fólk á veit­inga­stöðum stutt í spuna og ekki sér­lega við­móts­þýtt. Þýskir ferða­menn nefna iðu­lega að gæði veit­inga séu ekki í sam­ræmi við verð­lag­ið. Þjóð­verjarnir sem gjarna leigja sum­ar­hús á Jót­landi, gjarna við strönd­ina segja að víða sé lítil sem engin þjón­usta við þá sem vilja sleikja sól­ina og liggja á strönd­inni. Til dæmis fáir veit­inga­staðir og bar­ir.

Átak á öllum sviðum

Þeg­ar Troels Lund Poul­sen at­vinnu­mála­ráð­herra kynnti áætlun stjórn­ar­innar sagði hann að til að fjölga ferða­mönnum í Dan­mörku væri í raun allt und­ir. Það þyrfti að tryggja að ætíð væri nægi­legt gisti­rými, en sú væri ekki raunin nú, einkum í Kaup­manna­höfn og öðrum stórum bæj­um. Að mati ráð­herr­ans þarf að verja mun meiri pen­ingum í aug­lýs­ing­ar, „það veltur á stjórn­völdum að bæta þar úr“ sagði ráð­herr­ann. Hann nefndi sér­stak­lega strand­svæði lands­ins sem þyrfti að kynna miklu betur en nú er gert. Verð­lag á gist­ingu og mat ræddi ráð­herr­ann sér­stak­lega og sagði að í áætl­un­inni væri gert ráð fyrir að þeir sem leigja út hús­næði til ferða­manna geti dregið frá skatti hærri upp­hæð en lögin heim­ila nú. „þannig myndi verð á gist­ingu lækka“ sagði ráð­herr­ann. Hann nefndi einnig breyt­ingar á lögum um starfs­fólk á veit­inga­stöðum og til­tók sér­stak­lega að ung­menni, milli fimmtán ára og tví­tugs, megi vinna á veitingastöðum í eigu fjöl­skyld­unnar þótt þar sé selt áfengi. Slíkt heim­ila lögin ekki í dag. Ráð­herr­ann sagði að það hefði komið sér nokkuð á óvart að ferða­menn skyldu kvarta undan durts­hætti þjón­ustu­fólks á veit­inga­stöðum og starfs­fólks í versl­un­um. „Við teljum okkur ágæt og erum það að mörgu leyti, en við þurfum greini­lega að taka okkur á í sumu hvað varðar ferða­þjón­ust­una. Danir hafa gott orð á sér meðal þjóða heims og því þurfum að fylgja eftir og verða enn betri“.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Jeffrey Ross Gunter, sendiherra Bandaríkjanna, klippir á borða við nýtt sendiráð Bandaríkjanna hérlendis fyrr í þessum mánuði.
Bandaríska sendiráðið ásakar Fréttablaðið um að flytja falsfréttir
Sendiráð Bandaríkjanna birti stöðuuppfærslu á Facebook í nótt þar sem það segir Fréttablaðið flytja falsfréttir og sýna virðingarleysi „með því að nota COVID-19 í pólitískum tilgangi“. Ástæðan er frétt um meint smit á meðal starfsmanna sendiráðsins.
Kjarninn 30. október 2020
Hjálmar Jónsson, formaður Blaðamannafélags Íslands.
Hjálmar ætlar að hætta sem formaður Blaðamannafélags Íslands
„Tímabært að ný kynslóð taki við,“ sagði Hjálmar Jónsson, formaður Blaðamannafélagsins, á aðalfundi hans í kvöld. Hann mun ekki vera í framboði á næsta aðalfundi sem fram fer á næsta ári.
Kjarninn 29. október 2020
Mikill hagnaður hjá ríkisbönkunum
Bæði Landsbankinn og Íslandsbanki skiluðu yfir þriggja milljarða króna hagnaði á síðasta ársfjórðungi. Í báðum bönkunum hefur rekstrarkostnaður minnkað og húsnæðislánum fjölgað.
Kjarninn 29. október 2020
Þuríður Harpa Sigurðardóttir, formaður Öryrkjabandalagsins.
Segir fullyrðingar Bjarna rangar
„Það er ánægjulegt að fá loks að ræða þessi mál við þig, og við erum tilbúin til þess hvenær sem er, eins og ósvaraðir tölvupóstar síðustu þriggja ára í innhólfi tölvu þinnar bera vott um,“ segir í bréfi formanns ÖBÍ til fjármálaráðherra.
Kjarninn 29. október 2020
Jeremy Corbyn, fyrrverandi leiðtogi breska Verkamannaflokksins.
Jeremy Corbyn vikið úr Verkamannaflokknum
Fyrrverandi formanni breska Verkamannaflokksins var í dag vikið tímabundið úr flokknum vegna viðbragða sinna við nýrri skýrslu um gyðingaandúð innan flokksins. Corbyn sagði þau mál öll hafa verið blásin upp í pólitískum tilgangi.
Kjarninn 29. október 2020
Áslaug Arna Sigurbjörnsdóttir dómsmálaráðherra skrifar undir reglugerðarbreytinguna.
Ísland býður erlenda sérfræðinga velkomna ef þeir eru með milljón á mánuði eða meira
Til að fá langtímavegabréfsáritun til að stunda fjarvinnu á Íslandi þurfa útlendinga að vera með að minnsta kosti eina milljón króna á mánuði. Ef maki er með í för þurfa tekjurnar að vera að minnsta kosti 1,3 milljónir króna.
Kjarninn 29. október 2020
Sjómenn hafa á undanförnum árum ítrekað kvartað til Verðlagsstofu skiptaverðs yfir því hve lágt hráefnaverðið á uppsjávartegundum er á Íslandi.
Margt gæti skýrt að miklu meira sé greitt fyrir síld í Noregi en hér
Verðlagsstofa skiptaverðs birti á dögunum samanburð á síldarverðum í Noregi og á Íslandi, sem sýndi að hráefnisverð síldar var að meðaltali 128 prósentum hærra í Noregi en hér á landi á árunum 2012-2019, á meðan að afurðaverðið var svipað.
Kjarninn 29. október 2020
Þórólfur Guðnason sóttvarnalæknir.
Boðar hertar aðgerðir á landsvísu „sem fyrst“
Sóttvarnalæknir boðar hertar aðgerðir vegna kórónuveirufaraldursins og vill að þær verði samræmdar um allt land. Langflest smit hafa komið upp á höfuðborgarsvæðinu en þeim fjölgar nú á Norðurlandi. Á Austurlandi er ekkert smit.
Kjarninn 29. október 2020
Meira eftir höfundinnBorgþór Arngrímsson
Meira úr sama flokkiFréttaskýringar
None