Frændurnir í lykilhlutverkum – Peningastefnan endurskoðuð

Ný ríkisstjórn hyggst koma margvíslegum breytingum á gegnum, en nýr stjórnarsáttmáli verður kynntur í dag.

Bjarni, Óttarr og Benedikt
Auglýsing

Rík­is­stjórn Bjarna Bene­dikts­sonar er nú að mynd­ast eftir að þing­flokkar og trún­að­ar­menn Við­reisn­ar, Bjartrar fram­tíðar og Sjálf­stæð­is­flokks­ins sam­þykktu stjórn­ar­sátt­mála flokk­ana í gær­kvöldi. Eftir stjórn­ar­kreppu síð­ustu mán­aða, frá kjör­degi 29. októ­ber, sér nú loks til lands við myndun nýrrar rík­is­stjórn­ar.



Frænd­urnir Bjarni og Bene­dikt Jóhann­es­son, for­maður Við­reisn­ar, verða í lyk­il­hlut­verkum í stjórn­inni. Bjarni verður for­sæt­is­ráð­herra en Bene­dikt fjár­mála- og efna­hags­ráð­herra. Reiknað er með því að til­kynnt verði um aðra ráð­herra­skipan í dag og stjórn­ar­sátt­mál­ann sjálfan sömu­leið­is.

Fyrsta til­raun þess­ara flokka til að mynda rík­is­stjórn gekk ekki upp. Það sama átti við um tvær til­raunir flokk­anna fimm, Vinstri grænna, Pírata, Bjartrar fram­tíð­ar, Við­reisnar og Sam­fylk­ing­ar­inn­ar, en þær fóru út um þúf­ur.

Við erum HAM!

Ótt­arr Proppé, for­maður Bjartrar fram­tíðar og söngv­ari í hinni goð­sagn­ar­kenndu þung­arokks­sveit HAM, leiddi við­ræð­urnar fyrir hönd Bjartrar fram­tíðar

Auglýsing

Eins og við­ræð­urnar hafa verið til þessa, þá er gert ráð fyrir að Sjálf­­stæð­is­­flokk­­ur­inn fái, auk for­­sæt­is­ráðu­neyt­is­ins, inn­­an­­rík­­is­ráðu­neyt­ið, mennta- og menn­ing­­ar­­mála­ráðu­neyt­ið, ut­an­­rík­­is­ráðu­neytið og ráð­herra iðn­að­ar- og við­skipta­­mála í at­vinn­u­­vega- og ný­­sköp­un­­ar­ráðu­neyt­inu.



Fast­lega má búast við því að Þor­gerður Katrín Gunn­ars­dótt­ir, fyrr­ver­andi vara­for­maður Sjálf­stæð­is­flokks­ins og þing­maður um ára­bil, verði ráð­herra í rík­is­stjórn­inni, sem og Þor­steinn Víglunds­son, fyrr­ver­andi fram­kvæmda­stjóri Sam­taka atvinnu­lífs­ins.

Þorgerður Katrín Gunnarsdóttir snýr að öllum líkindum aftur í ríkisstjórn. Nú undir merkjum Viðreisnar.

Auk efna­hags- og fjár­mála­ráðu­neyt­is­ins fær Við­reisn ráð­herra sjá­v­­­ar­út­­­vegs- og land­­bún­að­ar­­­mála í at­vinn­u­­vega- og ný­­sköp­un­­ar­ráðu­neyt­inu, og ráðu­neyti fé­lags- og hús­næð­is­mála í vel­­ferð­ar­ráðu­neyt­inu. Björt fram­tíð mun hins veg­ar skipa ráð­herra heil­brigð­is­mála í vel­­ferð­ar­ráðu­neyt­inu ásamt um­hverf­is- og auð­linda­ráðu­neyt­i. 

Greint var frá þess­ari skipan í Morg­un­blað­inu í gær, en und­an­farnar vikur hafa flokk­arnir rætt það sína á milli hvernig verka­skipt­ingin skuli vera við rík­is­stjórn­ar­borð­ið.

Meiri­hluti flokk­anna mun í reynd hanga á blá­þræði frá fyrsta degi þar sem flokk­arnir eru með 32 þing­menn af 63, eða aðeins eins manns meiri­hluta í þing­inu. Mikið mun því reyna á trúnað og sam­heldni í sam­starf­inu. Sjálf­stæð­is­flokkur er með 21 þing­mann, Við­reisn sjö og Björt fram­tíð fjóra.

Pen­inga­stefn­an, jafn­launa­vottun og sjáv­ar­út­vegur

Sam­kvæmt heim­ildum Kjarn­ans kemur fram í stjórn­ar­sátt­mála flokk­anna að pen­inga­stefnan verði end­ur­skoðuð og nið­ur­staða í þeirri vinnu liggi fyrir innan árs. Þá verða búvöru­samn­ingar end­ur­skoð­aðir og miðað við að það verði gert á næstu tveimur árum, eða fyrir lok árs 2019.

Þá stefnir rík­is­stjórnin að jafn­launa­vottun og verður hún lög­fest, og miðað þar við fyr­ir­tæki með 25 starfs­menn og fleiri. Í því felst rót­tækt breyt­ing sem á að miða að því að jafna út óút­skýrðan launa­mun kynj­anna á vinnu­mark­aði.

Sam­kvæmt heim­ildum Kjarn­ans verður unnið að því að koma á náms­styrkja­kerfi að nor­rænni fyr­ir­mynd. Þá verður horft til þess að breyta sjáv­ar­út­vegs­kerf­inu. Í stað ótíma­bund­ins af­nota­rétt­ar auð­lind­ar­innar verður skoðað að taka upp leigu á afla­heim­ild­um til langs tíma, og þá horft til þess að afkomu­tengja breyt­ing­una eins og frekast er unnt, til að tryggja stöðugra rekstr­ar­um­hverf­i. 

Í stjórn­ar­sátt­mál­anum er síðan gert ráð fyrir að þingið muni ráða því hvort aðild­ar­við­ræður við Evr­ópu­sam­bandið eigi að halda áfram, og verður þings­á­lykt­un­ar­til­laga þess efnis lögð fram á síð­ari hluta kjör­tíma­bils­ins.



Frekar upp­lýs­ingar um stjórn­ar­sátt­mál­ann munu koma fram í dag, eins og áður seg­ir, og munu þær birt­ast hér á vef Kjarn­ans jafn óðum.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Fólk lagði blóm og kerti á götu í Stokkhólmi til minningar um sænska rapparann Einar sem var skotinn til bana í október í fyrra.
Sænskir ráðherrar í læri hjá Dönum
Á meðan morðum sem framin eru með skotvopnum fækkar í mörgum Evrópulöndum fjölgar þeim í Svíþjóð. Í Danmörku fækkar slíkum morðum og nú vilja Svíar læra af Dönum hvernig hægt sé að draga úr glæpum af þessu tagi.
Kjarninn 26. júní 2022
Úlfar Þormóðsson
Uppvakningar
Kjarninn 25. júní 2022
Ingrid Kuhlman
Að hlakka til einhvers er næstum jafn gott og að upplifa það
Kjarninn 25. júní 2022
Niðurhal Íslendinga stóreykst milli ára
Íslendingar notuðu 25 prósent meira gagnamagn á farsímaneti í fyrra en árið áður og 21 prósent meira gagnamagn í gegnum fastanet. Tæplega 76 prósent notenda á fastaneti eru nú með ljósleiðaratengingu, en þeir voru þriðjungur 2016.
Kjarninn 25. júní 2022
Af kosningavöku Framsóknarflokksins í fyrrahaust.
Framsókn hirti kjósendur í stórum stíl frá hinum stjórnarflokkunum og Miðflokki
Fylgisaukning Framsóknar í síðustu kosningum var tekin frá samstarfsflokkunum í ríkisstjórn og klofningsflokki. Átta hverjum tíu kjósendum Sjálfstæðisflokks voru úr kjarnafylginu. Framboð Sósíalista hafði neikvæð áhrif á fylgi Vinstri græna og Pírata.
Kjarninn 25. júní 2022
Hraðtíska nær nýjum hæðum með tilkomu tískurisans Shein
Kínverska fatafyrirtækið Shein hefur vaxið gríðarlega á undanförnum árum og er í dag eitt stærsta tískuvörufyrirtæki í heimi. Umhverfissinnar benda á að fötin séu úr svo litlum gæðum að oft séu þau aðeins notuð í eitt skipti áður en þau enda í ruslinu.
Kjarninn 25. júní 2022
Auður Önnu Magnúsdóttir
Af hverju nýta Íslendingar raforkuna sína svo illa?
Kjarninn 25. júní 2022
Sjö molar um seðlabankavexti úti í heimi
Verðbólga veldur því að vaxtalækkanir faraldursins eru að ganga til baka, víðar en hér á Íslandi. Kjarninn tók saman nokkra fróðleiksmola um þróun mála í ríkjum bæði nær og fjær.
Kjarninn 25. júní 2022
Meira eftir höfundinnMagnús Halldórsson
Meira úr sama flokkiFréttaskýringar
None