Borgun uppfyllir ekki kröfur laga um aðgerðir gegn peningaþvætti

FME skoðaði 16 erlenda viðskiptamenn Borgunar í athugun sem stóð í um níu mánuði. Í tilviki 13 af 16 viðskiptamanna var ekki framkvæmd könnun á áreiðanleika upplýsinga um viðskiptamennina. Borgun hefur tvo mánuði til að ljúka úrbótum.

borgunfme
Auglýsing

Fjár­mála­eft­ir­litið (FME) hefur kom­ist að þeirri nið­ur­stöðu, eftir athugun sem stóð í um níu mán­uði, að fram­kvæmd, verk­lag og eft­ir­lit Borg­unar í tengslum við aðgerðir gegn pen­inga­þvætti og fjár­mögnun hryðju­verka vegna færslu­hirð­ingar félags­ins erlendis upp­fylli ekki með við­un­andi hætti þær megin kröfur sem gerðar eru í lög­um. Borgun hefur tvo mán­uði til að ljúka úrbótum vegna athuga­semda eft­ir­lits­ins.

Fjár­mála­eft­ir­litið tók úrtak 16 við­skipta­manna á alþjóða­sviði Borg­unar þegar það fram­kvæmdi athugun á eft­ir­liti með pen­inga­þvætti og fjár­mögnun hryðju­verka hjá fyr­ir­tæk­inu. Í til­viki 13 af 16 við­skipta­manna var ekki fram­kvæmd könnun á áreið­an­leika upp­lýs­inga um við­skipta­menn­ina sam­kvæmt lögum um aðgerðir gegn pen­inga­þvætti og fjár­mögnun hryðju­verka. Á meðan að á athugun Fjár­mála­eft­ir­lits­ins stóð, en hún hófst 27. maí 2016 og lauk í febr­úar 2017, sleit Borgun við­skipta­sam­bandi við þrjá þess­ara við­skipta­manna. Þetta er meðal þess sem kemur fram í nið­ur­stöðu athug­unar Fjár­mála­eft­ir­lits­ins.

Þar segir einnig að eft­ir­litið hafi gert athuga­semd við að í til­viki fimm af 16 við­skipta­vina Borg­unar sem voru kann­aðir hafi Borgun ekki greitt fyrstu greiðslu á grund­velli samn­ings um færslu­hirð­ingu inn á reikn­ing við­skipta­maanns­ins, eins og lög segja til um. „Í öllum til­vikum var um að ræða við­skipta­menn sem eru ein­göngu í starf­semi erlendis og voru ekki á staðnum til að sanna deili á sér við upp­haf við­skipta. Þá voru ekki fyr­ir­liggj­andi samn­ingar um að Borgun hf. hefði útvi­stað fram­kvæmd áreið­an­leikakann­anna til þriðja aðila sem staddur væri á sama stað og við­skipta­mað­ur­inn og þannig tryggt að við­skipta­mað­ur­inn teld­ist vera á staðnum til að sanna á sér deili við fram­kvæmd áreið­an­leika­könn­un­ar.“

Auglýsing

Til við­bótar gerði Fjár­mála­eft­ir­litið fjórar aðrar athuga­semdir við fram­fylgni Borg­unar við lög um aðgerðir gegn pen­inga­þvætti og fjár­mögnun hryðju­verka. Þær eru:

  • að Borgun hf. sinni almennt ekki með full­nægj­andi hætti reglu­bundnu eft­ir­liti með samn­ings­sam­bandi við við­skipta­menn vegna færslu­hirð­ingar félags­ins fyrir þá erlend­is.

  • að Borgun hf. hafi ekki gripið til ráð­staf­ana til að sinna með full­nægj­andi hætti rann­sókn­ar­skyldu sinni og mögu­legri til­kynn­ing­ar­skyldu vegna við­skipta sem grunur leikur á að rekja megi til pen­inga­þvættis og fjár­mögn­unar hryðju­verka vegna færslu­hirð­ingar félags­ins erlend­is.

  • að Borgun hf. hafi ekki séð til þess að starfs­menn hafi fengið full­nægj­andi þjálfun í aðgerðum gegn pen­inga­þvætti og fjár­mögnun hryðju­verka vegna færslu­hirð­ingar félags­ins erlend­is.

  • að Borgun hf. búi ekki yfir kerfi sem gerir félag­inu kleift að bregð­ast skjótt við fyr­ir­spurnum frá lög­reglu og öðru lög­bærum yfir­völd­um, þ.m.t. Fjár­mála­eft­ir­lits­ins.

Þá gerði Fjár­mála­eft­ir­litið athuga­semdir við að innri reglur Borg­unar væri ekki að fullu í sam­ræmi við lög.

Upp­fylla ekki kröfur laga

Sam­an­dregið þá er það nið­ur­staða Fjár­mála­eft­ir­lits­ins að fram­kvæmd, verk­lag og eft­ir­lit Borg­unar hf. í tengslum við aðgerðir gegn pen­inga­þvætti og fjár­mögnun hryðju­verka vegna færslu­hirð­ingar félags­ins erlendis upp­fyllti ekki með við­un­andi hætti þær megin kröfur sem gerðar eru í lög­um. Auk úrbóta­kröfu gerði eft­ir­litið kröfu um að Borgun fari yfir fram­kvæmd áreið­an­leikakann­anna vegna ann­arra við­skipta­manna á alþjóða­sviði, en þeirra sem voru í úrtak­inu, og gæti Borgun hf. ekki full­nægt skil­yrðum laga skyldi félagið án tafar binda enda á við­skipta­sam­band við þá við­skipta­menn. „Varð­andi aðrar athuga­semdir Fjár­mála­eft­ir­lits­ins um fram­fylgni Borg­unar hf. við lög um aðgerðir gegn pen­inga­þvætti og fjár­mögnun hryðju­verka krafð­ist Fjár­mála­eft­ir­litið við­eig­andi úrbóta og að félagið skil­aði aðgerð­ar­á­ætlun til Fjár­mála­eft­ir­lits­ins þar sem sýnt væri hvernig það hygð­ist bregð­ast við athuga­semdum og úrbóta­kröfum og hvernig tryggt yrði að aðgerðir fyr­ir­tæk­is­ins gegn pen­inga­þvætti sam­ræmd­ust lögum nr. 64/2006, leið­bein­andi til­mælum Fjár­mála­eft­ir­lits­ins nr. 5/2014 og innri reglum félags­ins. Fjár­mála­eft­ir­litið veitti Borgun hf. tvo mán­uði, frá dag­setn­ingu loka­skýrslu, til að ljúka fram­an­greindum úrbót­u­m,“ segir í nið­ur­stöðu eft­ir­lits­ins.

Gríð­ar­legur hagn­aður á síð­ustu árum

Borgun sendi frá sér frétta­til­kynn­ingu í morg­un, áður en að nið­ur­staða Fjár­mála­eft­ir­lits­ins var birt, þar sem for­stjóri fyr­ir­tæk­is­ins, Haukur Odds­son, seg­ist taka athuga­semdum þess alvar­lega og að það muni „tryggja í sam­­starfi við FME að starf­­semin full­nægi betur en nú er ítr­­ustu skil­yrðum laga m.t.t. könn­unar á áreið­an­­leika við­­skipta­­manna og skyldum þátt­um, en lítið hefur reynt á túlkun þess­­ara reglna, sem eru um ýmis­­­legt mats­­kennd­­ar, í íslenskri stjórn­­­sýslu- og rétt­­ar­fram­­kvæmd. Borgun hefur þess í stað reitt sig á regl­­ur, túlkun og úttektir korta­­fé­lag­anna Visa og MasterCard sem byggja á sömu evr­­ópu­lögum og hér um ræð­­ir. Það er brýnt að taka fram að hvorki er um að ræða grun um pen­inga­þvætti né fjár­­­mögnun hryðju­verka. Borgun hefur þegar haf­ist handa við að upp­­­fylla fyr­ir­­mæli FME, meðal ann­­ars með því að segja upp við­­skipta­­sam­­bandi við nokkra aðila.“

Rekstur Borg­unar hefur gengið vel á und­an­­förnum árum. Hagn­aður árs­ins af reglu­­legri starf­­semi var undir einum millj­­arði króna árið 2013.

Í fyrra var hann rúm­­lega 1,6 millj­­arðar króna. Í til­kynn­ingu sem fyr­ir­tækið sendi frá sér fyrir viku sagði: „Meiri­hluti þjón­ustu­tekna Borg­unar hf. kemur frá Alþjóða­sviði þar sem vöxtur félags­ins hefur verið mest­ur.  Mikil aukn­ing varð á árinu í færslu­hirð­ingu erlend­is, svo sem í Bret­landi, Ung­verja­landi og Tékk­landi og eru erlendir við­skipta­vinir Borg­unar hf. í þessum löndum nú þegar orðnir fleiri en íslenskir við­skipta­vin­ir“. 

En hlut­­deild fyr­ir­tæk­is­ins í söl­unni á Visa Europe skiptir mestu máli þegar virð­is­aukn­ing fyr­ir­tæk­is­ins er met­in. Sú sala skil­aði Borgun 6,2 millj­­örðum króna. Sam­tals verða greiddir 7,7 millj­­­arðar króna í arð­greiðslur til eig­enda Borg­unar vegna síð­­­ustu þriggja ára.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira eftir höfundinnÞórður Snær Júlíusson
Meira úr sama flokkiFréttaskýringar
None