Fimm varnarsíður vegna hrunmála

Ýmsir athafnamenn sem hafa þurft að takast á við umdeild mál síðastliðinn tæpa áratug hafa valið að setja upp sérstök vefsvæði til að koma málflutningi sínum á framfæri. Hér eru þau helstu.

Ólafur Ólafsson
Auglýsing

1.www.bt­b.is

Frum­kvöð­ull í því að setja upp umfangs­mikið vef­svæði til að koma á fram­færi sinni hlið á álita­málum tengdum hrun­inu var Björgólfur Thor Björg­ólfs­son. Hann setti í loftið vef­síð­una btb.is þann 19. ágúst 2010, þar sem hann birti gögn yfir öll sín við­skipti á Íslandi aftur til árs­ins 2002. Auk þess var greint frá því á þeim tíma að síðan myndi verða eins­konar blogg­síða Björg­ólfs Thors þegar hann fyndi hjá sér til­efni til að koma á fram­færi upp­lýs­ingum við Íslend­inga. Síðan var sett í loftið fjórum mán­uðum eftir að skýrsla rann­sókn­ar­nefndar Alþingis um aðdrag­anda og orsakir falls íslensku bank­anna 2008 var gerð opin­ber. Þar var Björgólfur Thor og við­skipti hans og lán­tökur til umfjöll­un­ar.Björgólfur Thor Björgólfsson.

Á síð­unni er einka­væð­inga­ferli Lands­bank­ans rakið með gögn­um, tæpt á starfs­háttum Lands­banka Íslands eftir að Björgólfur Thor og við­skipta­fé­lagar hans urðu kjöl­festu­eig­endur bank­ans  Straum­s-­Burða­r­áss rak­in, farið yfir aðkomu Björg­ólfs Thors að Act­a­vis frá upp­hafi og birt yfir­lit yfir önnur við­skipti Björg­ólfs Thors á Íslandi. Þá fer Björgólfur Thor vit­an­lega yfir hrun­ið, líkt og hann upp­lifði það.

Síðan er enn virk tæpum sjö árum eftir að hún var sett í loft­ið. Á árinu 2016 voru alls settar inn tíu færsl­ur, flestar frekar langar og ítar­leg­ar. Síð­asta færslan mar sett inn í lok mars síð­ast­lið­ins í kjöl­far þess að skýrslan um Hauck & Auf­häuser flétt­una var gerð opin­ber.

Auglýsing

Björgólfur Thor hefur ekki verið ákærður í neinu hrun­máli. Hópur fyrr­ver­andi hlut­hafa í Lands­banka Íslands lét reyna á hóp­mál­sókn gegn Björgólfi Thor og sak­aði hann um að hafa leynt upp­lýs­ingum um eign­ar­hald sitt á bank­an­um. Mál­inu var vísað frá í Hæsta­rétti í fyrra. mögu­legt er  að reynt verði að stefna Björgólfi á nýjan leik þannig að málið verði dómtækt. Ekki er til sér­stök Face­book-­síða fyrir btb.is.

2. www.einsa­er.is

Þann 18. sept­em­ber fór í loftið vef­síðan einsa­er.is. Eina efnið á henni er hug­leið­ing um refsi­dóm sem lög­mað­ur­inn Bjarn­freður Ólafs­son hlaut, auk ítar­efnis sem höf­undur hug­leið­ing­ar­inn­ar, Bjarn­freður sjálf­ur, telur að styðji við mál­flutn­ing sinn.

Bjarn­freður var dæmdur í sex mán­aða fang­elsi í Hæsta­rétti 13. mars 2014, þar af þrjá skil­orðs­bundna, og missti lög­­­manns­rétt­indi sín í eitt ár. Hann var dæmdur  fyrir að hafa sent ranga til­­kynn­ingu til fyr­ir­tækja­­skrár í hinu svo­­kall­aða Exista-­­máli. Þá var til­­kynnt um hluta­fjár­­aukn­ingu upp á 50 millj­­arða í lok árs 2008, en aðeins var greitt fyrir það um einn millj­­arður króna. Einsaer.is, vefsvæði Bjarnfreðar Ólafssonar.

Lýður Guð­­munds­­son fjár­­­fest­ir, oft kenndur við Bakka­vör, var einnig dæmdur í mál­inu, í átta mán­aða fang­elsi. Þar af voru fimm mán­uðir skil­orðs­bundn­­ir. Hér­­aðs­­dómur Reykja­víkur hafði áður dæmt Lýð til að greiða tveggja millj­­óna króna sekt. Bjarn­freður var hins vegar sýkn­aður af sínum þætti máls­ins í hér­­aði.

Bjarn­freður fékk lög­manns­rétt­indi sín aftur vorið 2015. Ekki er til Face­book-­síða fyrir einsa­er.is.

3. www.­dagsljos.is (1.050 like á Face­book)

Í byrjun júlí 2016 var sett í loftið vef­síðan Dags­ljós.is. Um var að ræða sam­starfs­verk­efni Hreið­ars Más Sig­urðs­son­ar, Sig­urðar Ein­ars­son­ar, Magn­úsar Guð­munds­sonar og Ólafs Ólafs­sonar sem allir hlutu þunga dóma í svoköll­uðu Al-T­hani máli.  Á síð­unni segir að þeir hafi allir „stöðugt haldið fram sak­leysi sínu og er málið til rann­sóknar hjá Mann­rétt­inda­dóm­stóli Evr­ópu sem hefur krafið íslensk stjórn­völd svara vegna máls­með­ferð sak­sókn­ara og dóm­stóla í Al-T­hani mál­in­u.“Sigurður Einarsson og Ólafur Ólafsson eru tveir þeirra sem standa að Dagsljósi.

Freyr Ein­ars­son, fyrr­ver­andi yfir­­­maður sjón­­varps, frétta og íþrótta hjá 365, var feng­inn til að halda utan um verk­efnið fyrir fjór­menn­ing­anna. Í sam­tali við Kjarn­ann sagði Freyr: „Þetta verður hugsað sem gagna­veita. Við erum að byggja upp ákveð­inn gagna­grunn með þeim mikla fjölda gagna sem til­­heyra í mál­inu og von­­ast til þess í leið­inni að ný gögn líti dags­ins ljós.“ Næstu mán­uði fór mikið fyrir Dags­ljósi. Tugir frétta voru birtar og stuðn­ings­greinar við mál­stað mann­anna sem birtar voru í öðrum fjöl­miðlum voru end­ur­birtar á síð­unn­i. 

Í kringum frétta­flutn­ing af fjár­fest­ingum dóm­ara við Hæsta­rétt, í des­em­ber 2016, birt­ust á annan tug frétta á síð­unni bara um það mál. Síð­asta frétt sem birt­ist á Dags­ljósi var birt­ing á end­ur­upp­töku­beiðni Magn­úsar Guð­munds­sonar í Al-T­hani mál­inu eftir að end­ur­upp­töku allra sem sótt­ust eftir slíkri í mál­inu var hafn­að. Það gerð­ist í byrjun mars 2017. Síð­asta deil­ing á frétt á Face­book-­síðu Dags­ljós, sem var mjög virk um tíma, átti sér stað 16. mars. Síðan þá hefur ríkt algjör þögn á síð­unni og á Face­book-­síðu hennar (1.050 like).

4. www.­sölu­ferli.is (9 like á Face­book)

Almanna­tengsla­fyr­ir­tækið KOM gerði vef­síð­una Sölu­ferli.is fyrir athafna­mann­inn Ólaf Ólafs­son vegna rann­sóknar nefndar á þátt­töku þýska bank­ans Hauck & Auf­häuser í kaupum S-hóps­ins á Bún­að­ar­bank­an­um. Lénið var skráð í lok nóv­em­ber 2016, áður en Ólaf­ur, sem leiddi S-hóp­inn, hafði gefið skýrslu fyrir nefnd­inni. Síðan var hins vegar ekki sett í loftið fyrr en 17. maí, sama dag og Ólafur kom fyrir stjórn­skip­un­ar- og eft­ir­lits­nefnd til að svara spurn­ingum vegna skýrsl­unn­ar.

Rann­­­sókn­­­ar­­­nefnd sem rann­sak­aði aðkomu þýska bank­ans Hauck & Auf­häuser að kaupum á 45,8 pró­­­sent hlut í Bún­­­að­­­ar­­­bank­­­anum í jan­úar 2003 skil­aði af sér skýrslu 29. mars síð­­­ast­lið­inn. Helstu nið­­­ur­­­stöður nefnd­­­ar­innar voru þær að stjórn­­­völd, almenn­ingur og fjöl­miðlar hefðu verið blekktir við söl­una. Ítar­­­leg gögn sýni með óyggj­andi hætti að þýski bank­inn Hauck & Auf­häuser, Kaup­­­­þing hf. á Íslandi, Kaupt­hing Bank Lux­em­bo­urg og hópur manna sem vann fyrir og í þágu Ólafs Ólafs­­­­sonar not­uðu leyn­i­­­­lega samn­inga til að fela raun­veru­­­­legt eign­­­­ar­hald þess hlutar sem Hauck & Auf­häuser átti í Bún­­­­að­­­­ar­­­­bank­­­­anum í orði kveðnu.

Á vef­síð­unni býður Ólafur upp á aðra skýr­ingu. Á henni er hægt að skoða málið líkt og það horfið við hon­um. For­saga þess er rak­in, sölu­ferlið, eft­ir­málar og ýmis gögn birt. Mið­punktur síð­unnar er 50 mín­útna langt ávarp Ólafs Ólafs­sonar þar sem hann fer yfir málið eins og það horfir við hon­um. Kjarn­inn í þeim mál­flutn­ingi er að ðkoma erlends fjár­­­mála­­fyr­ir­tækis hafi ekki verið grund­vall­­ar­­for­­senda fyrir sölu rík­­is­ins á hlut í Bún­­að­­ar­­bank­an­­um. Þá liggi það fyrir að Hauck & Auf­häuser hafi verið raun­veru­­legur hlut­hafi í félag­inu Eglu, sem var hluti S-hóps­ins sem keypti ráð­andi hlut í bank­an­­um.

Sölu­ferli.is var mjög virk fyrstu dag­anna eftir að hún fór í loftið en síðan hægð­ist á flóði frétta. Virknin hefur hins vegar tekið kipp síð­ustu daga og fjórar fréttir hafa birst á síð­ustu tíu dög­um.

Ekki virð­ist vera mik­ill áhugi á Face­book-­síðu sem sett hefur verið upp til að deila boð­skapi Sölu­ferl­is.is. Ein­ungis níu manns hafa líkað við hana þrátt fyrir að keypt hafi verið aug­lýs­ing fyrir hana til að gera síð­una sýni­legri.

5. www.jonas­geirjo­hann­es­son.is (79 like á Face­book)

Vef­síðan Jónás­geirjó­hann­es­son.is var sett í loftið 18. maí 2017 til að koma á fram­færi mál­flutn­ingi Jóns Ásgeirs Jóhann­es­sonar í ýmsum málum sem að honum snúa. Lén hennar var skráð  31. jan­úar 2017. Fyrsta færslan sem þar birt­ist var vegna máls sem Jón Ásgeir og Tryggvi Jóns­son unnu gegn íslenska rík­inu fyrir Mann­rétt­inda­dóm­stóli Evr­ópu. Nið­ur­staðan var sú að ekki mætti refsa þeim tvisvar fyrir sama lög­brot­ið, en í þessu til­felli hafði þegar verið end­ur­á­lagt á þá skatta sem ekki voru rétt greiddir og þeir síðan ákærðir og dæmdir fyrir sömu atvik.

Jón Ásgeir Jóhannesson.Aðrar fréttir sem birtar hafa verið á síð­unni snú­ast um Grím Gríms­son, yfir­lög­reglu­þjón hjá lög­regl­unni á höf­uð­borg­ar­svæð­inu. Jón Ásgeir birti opið bréf í Frétta­­blað­inu, dag­­blaði sem er að mestu í eigu eig­in­­konu hans, fyrir þremur árum síð­­­an. Í bréf­inu sak­aði Jón Ásgeir Grím og annan lög­­­reglu­­mann, Svein Ing­i­berg Magn­ús­­son, um óheið­­ar­­leika. Jón Ásgeir sagði menn­ina tvo hafa farið fremsta í flokki í rann­­sóknum á sér á und­an­­förnum árum. Orð­rétt sagði í bréf­inu: „Ég leyfi mér að vona að fleiri jafn óheið­­ar­­legir lög­­­reglu­­menn fyr­ir­f­inn­ist ekki hér á land­i.“ Grímur kom í við­tal á RÚV seint í maí og var þar spurður út í bréf Jóns Ásgeirs. Grímur sagði að hann hafi orðið ósáttur þegar ásökun Jóns Ásgeirs var lögð fram. „Mér lík­­aði það ekki. Hvorki ég né vinn­u­­fé­lagi minn erum óheið­­ar­­legir og mér líkar það ekki vel þegar slíkt er sagt opin­ber­­lega.“

Jón Ásgeir svar­aði á nýju vef­síð­unni sinni og sagði að Grímur hafi sýnt af sér það sem honum finnst vera „óheið­­ar­­leiki á hæsta stigi þegar rann­sak­endur halda undan gögnum sem benda til sak­­leysis þeirra sem eru ákærð­­ir. Í Banda­­ríkj­un­um ­gætu slíkir rann­sak­endur átti yfir höfði sér fang­els­is­­dóma.“  

Í byrjun maí var búin til Face­book-­síða fyrir Jón Ásgeir sem deilir fréttum um vef­síð­unni og öðrum sem tengj­ast þeim málum sem eru þar til umfjöll­un­ar. Þar var frétt síð­ast deilt 30. maí. Alls hafa 79 manns líkað við síð­una.

Jón Ásgeir er á meðal þeirra sem ákærðir eru í Aur­um-­mál­inu svo­kall­aða. Hann hlaut einnig dóm í Baugs­mál­inu svo­kall­aða.  

Meira úr sama flokkiFréttaskýringar