Gífurleg aukning í fjölda nýskráðra rafbíla

Fjöldi nýskráðra rafbíla eftir mánuðum hefur aukist um nær 200% á einu ári. Útlit er fyrir frekari fjölgun meðfram uppbyggingu fleiri hleðslustöðva, en hægt verður að keyra hringinn á þeim fyrir árslok, gangi spár eftir.

Fjöldi hraðhleðslustöðva um landið hefur aukist töluvert á síðustu árum.
Fjöldi hraðhleðslustöðva um landið hefur aukist töluvert á síðustu árum.
Auglýsing

Vin­sældir raf­bíla hafa vaxið hratt á Íslandi, en mán­að­ar­legar nýskrán­ingar slíkra bíla hafa nær þre­fald­ast á einu ári. Sam­hliða mik­illi aukn­ingu mun hrað­hleðslu­stöðvum fjölga um allt land, en útlit er fyrir því að hægt verði að keyra hring­veg­inn á raf­bíl fyrir ára­mót. Búist er við því að hlut­deild raf­-og tvinn­bíla í bíla­flot­anum muni aukast enn frekar í fram­tíð­inni þar sem hag­kvæmni þeirra á eftir að aukast.

Í lok júní voru hreinir raf­bílar orðnir rúm­lega 1400 á meðan fjöldi tengil-t­vinn­bíla er 1700. Þannig eru bílar sem nota hleðslu­stöðvar á Íslandi (hér nefndir tengi­bíl­ar) sam­tals orðnir fleiri en þrjú þús­und, sem er um það bil 1,5% af virkum bíla­flota Íslend­inga. Mikil aukn­ing hefur átt sér stað í nýskrán­ingum slíkra bíla, en að sögn Sig­urðar Inga Frið­leifs­son­ar, fram­kvæmda­stjóra Orku­set­urs, má vænta enn frek­ari aukn­ingar á næstu mán­uðum með komu fjölda nýrra raf­bíla­teg­unda, þar á meðal nýjar gerðir af E-Golf og Nissan Leaf. Einnig er beðið eftir raf­bílnum Tesla 3 með mik­illli eft­ir­vænt­ingu, en Kjarn­inn greindi frá því fyrir stuttu.

Auglýsing

Vax­andi hlut­deild

Alls voru 252 tengi­bílar nýskráðir í júní, en það er 186% aukn­ing milli júní­mán­aða 2016 og 2017. Mynd hér að neðan sýnir hvernig þróun nýskráðra tengi­bíla hefur verið frá því árið 2012, en heild­ar­fjöldi á því ári var 17. Til sam­an­burðar voru yfir þús­und tengi­bílar nýskráðir á fyrstu sex mán­uðum árs­ins 2017.

Einnig kom fram í síð­ustu árbók bíl­greina­sam­bands­ins að fleiri öku­menn hyggj­ast kaupa næst raf­magns­bíl en bens­ín­bíl, sam­kvæmt nýrri könnun Gallup. Því má vænta að nýskráðum raf­bílum muni halda áfram að fjölga hratt í fram­tíð­inn­i. 

Nýskráning tengibíla eftir mánuðum 2012 til júní 2017. Heimild:Orkusetur

Rétt er að minn­ast á að heild­ar­fjöldi nýskráðra bíla á Íslandi hafi stór­auk­ist frá árinu 2012 og er það að miklu leyti vegna batn­andi efna­hags­á­stands og upp­gangs bíla­leigu­fyr­ir­tækja fyrir ferða­menn. Hins vegar hefur hlut­deild tengi­bíla í nýskrán­ingum öku­tækja einnig auk­ist jafn og þétt sam­hliða fjölgun bíla í umferð. Það sem af er árs 2017 eru tæp 10% nýskráðra öku­tækja annað hvort raf­magns- eða tvinn­bíl­ar.

Ísland virð­ist standa sig vel í alþjóð­legum sam­an­burði, en sam­kvæmt evr­ópsku sam­tök­unum EAFO er mark­aðs­hlut­deild nýskráðra tengi­bíla á Íslandi næst­stærst í Evr­ópu. Þó er hlut­deildin meira en fjórum sinnum hærri í Nor­egi, eða 33% miðað við 8% hér á land­i. 

Nýskráningar tengibíla sem hlutfall af heildarfjölda nýskráðra bíla. Ekki fundust tölur fyrir árið 2015. Heimild: Samgöngustofa

Hægt að keyra hring­inn fyrir árs­lok

16 hrað­hleðslu­stöðvar hafa verið reistar af Orku Nátt­úr­unnar (ON), dótt­ur­fé­lag Orku­veitu Reykja­vík­ur, á síð­ustu árum.  Af þessum 16 hafa þrjár þeirra verið reistar það sem af er ári, en til stendur að reisa enn fleiri í við­bót víðs vegar um landið á næstu miss­er­um.

Bjarni Már Júl­í­us­son, fram­kvæmda­stjóri ON, segir í sam­tali við Kjarn­ann að stefnt sé að því að opna hring­veg­inn fyrir raf­bíla fyrir árs­lok. Verk­efnið sé hins vegar ekki ein­ungis í höndum ON, en Orku­sjóður hefur veitt ýmsum fyr­ir­tækjum styrk fyrir upp­bygg­ingu stöðva sem reisa á á 80-100 kíló­metra milli­bili hring­inn í kringum land­ið.

Upp­settar hleðslu­stöðvar ON 

Heimild: Orka Náttúrunnar

Á mynd hér að ofan má sjá upp­settar hleðslu­stöðvar ON víðs vegar um land­ið. Fjöldi nýrra stöðva er vænt­an­legur á þessu ári, meðal ann­ars mun ein rísa á Hvols­velli.

Stöðv­arnar sem ON hyggst reisa um landið eru kall­aðar hlöð­ur, en þær munu inni­halda eina hrað­teng­ingu og eina venju­lega teng­ingu fyrir bíl­ana. Bjarni Már segir kostnað við upp­setn­ingu hverrar stöðvar fara eftir atvik­um, en hún sé allt að tíu millj­ón­um. Núver­andi verk­efni muni þannig kosta á annan hund­rað millj­óna, en allt að helm­ingur þeirrar upp­hæðar verður greiddur í opin­berum styrkjum frá Orku­sjóði. Sjóð­ur­inn hefur skuld­bundið sig til þess að veita styrk að upp­hæð 67 millj­óna, árlega í þrjú ár, til upp­bygg­ingar á innviðum fyrir raf­bíla.

Að sögn Bjarna Más er upp­setn­ing hlað­ana úti á landi ekki enn orðin arð­bær fjár­fest­ing þar sem notkun þeirra sé lít­il. Hins vegar gætu þær hrint af stað jákvæðri hringrás þar sem fleiri muni kaupa raf­bíla vegna auk­ins úrvals hleðslu­stöðv­a. 

Hag­kvæmnin eykst 

Sam­kvæmt þings­á­lyktun rík­is­stjórn­ar­innar sem sam­þykkt var fyrir rúmum mán­uði síðan er stefnt að því að hlut­deild end­ur­nýj­an­legrar orku í sam­göngum á Íslandi verði 40% eftir 13 ár, en hlut­deildin er 6% núna. Ef það á að ger­ast þyrfti hag­kvæmni raf­bíla að aukast þannig að fólk sjái sér hag í að kaupa þá.

Ýmsir fjár­hags­legir hvatar eru nú þegar til staðar fyrir neyt­endur til raf­bíla­kaupa. Til dæmis þarf ekki að greiða vöru­gjöld af þeim auk þess sem þeir eru und­an­þegnir virð­is­auka­skatti að hámarki 1,4 millj­ónir króna. Einnig fylgja fríð­indi frá trygg­inga­fé­lög­un­um, en eig­endur tengi­bíla greiða jafnan lægri iðgjöld. 

­Þrátt fyrir umrædda hvata virð­ast enn vera ljón í veg­in­um. Til að mynda hefur verið bent á hversu erfitt það er að koma upp hleðslu­stöð fyrir íbúa í fjöl­býli þar sem innstungur er gjarnan ekki að finna nálægt bíla­stæðum íbú­anna. Hins vegar gæti það breyst á næstu miss­erum, en umhverf­is­ráðu­neytið vinnur nú að því að setja bind­andi ákvæði um tengi­búnað fyrir raf­bíla í bygg­ing­ar­reglu­gerð.

Að lokum er elds­neyt­is­verð bens­ín­bíla ráð­andi þáttur í hvort hag­kvæmt sé að eign­ast bíl sem knú­inn er á annarri orku. Olíu­verð á heims­mark­aði hefur verið lágt und­an­farin miss­eri, en lang­tíma­spár benda til þess að raun­virði hennar muni hækka um tæp 60% á næstu þremur árum. Sam­hliða hækkun olíu­verðs verður hag­kvæmara að kaupa raf­bíl ef raf­magns­verð mun ekki hækka jafn­mikið á sama tíma­bili.



Börn eiga alltaf rétt á stuðningi og heildstæðu mati
Rósa Björk Brynjólfsdóttir þingmaður Vinstri grænna hefur lagt fram frumvarp til laga um breytingar á útlendingalögum.
Kjarninn 18. febrúar 2019
Orð Ragnars Þórs „ómakleg árás“ á leigufélag sem rutt hefur brautina
Almenna leigufélagið hafnar því alfarið að félagið hafi hagað sér með óábyrgum hætti á markaði.
Kjarninn 18. febrúar 2019
Ragnar gefur Kviku frest til að „rifta“ kaupunum
Ragnar Þór Ingólfsson formaður VR segir stjórn félagsins standa þétt saman og hún sætti sig ekki við það hvernig Almenna leigufélagið starfar.
Kjarninn 18. febrúar 2019
Guðlaugur ræddi við Guaidó og lýsti yfir formlegum stuðningi ríkisstjórnarinnar
Utanríkisráðherra hefur ákveðið að auka við fjárstuðning við flóttamenn frá Venesúela.
Kjarninn 18. febrúar 2019
Ármann: Höfum ekkert með stjórn GAMMA að gera
Kvika er ekki orðinn eigandi Gamma. Forstjóri Kviku segir að misskilningur birtist í opnu bréfi VR.
Kjarninn 18. febrúar 2019
Ólafur Kristófersson
Er árið 2007 komið á ný?
Kjarninn 18. febrúar 2019
Segja hækkun á leigu vera grimmd, taumlausa græðgi og mannvonsku
VR gefur Kviku banka 4 daga frest til þess að láta Almenna leigufélagið hætta því sem VR kallar grimmdarverk. VR mun taka allt sitt fé úr eignastýringu hjá þeim ef leiga félagsins hækkar umfram verðlag og ef leigjendum verður ekki tryggt húsnæðisöryggi.
Kjarninn 18. febrúar 2019
Leifsstöð
Áætla að sætaframboð WOW air dragist saman um 44 prósent
Samkvæmt ferðaáætlunum flugfélaganna sem fljúga um Keflavíkurflugvöll á komandi sumri mun framboð sæta hjá WOW air dragast saman um 44%. Icelandair áformar að auka sætaframboð sitt yfir sumartímann um 14%.
Kjarninn 18. febrúar 2019
Meira eftir höfundinnJónas Atli Gunnarsson
Meira úr sama flokkiFréttaskýringar