Maðurinn sem vildi verða kóngur

Henrik prins, eiginmaður Danadrottningar, hefur aldrei sætt sig við stöðu sína sem maki þjóðhöfðingja. Fréttir af ummælum hans hafa komið á óvart en engar þó eins og sú nýjasta: hann vill ekki hvíla við hlið eiginkonunnar þegar hérvistinni lýkur.

Henrik drottningarmaður. Og eiginkona hans Margrét Þórhildur.
Henrik drottningarmaður. Og eiginkona hans Margrét Þórhildur.
Auglýsing

Stór­frétt lið­innar viku í dönskum fjöl­miðl­um, og reyndar víða um heim, var sú ákvörðun Hen­riks prins að þegar kallið kæmi myndi hann ekki hvíla við hlið Mar­grétar Þór­hild­ar. Drottn­ingin verð­ur, eins og kon­ung­lega hefðin býð­ur, jarð­sett í Hró­arskeldu, en þvert á það sem gengið hafði verið að sem vísu verður eig­in­mað­ur­inn Hen­rik ekki við hlið henn­ar. Hvar hann verður lagður til hinstu hvílu hefur ekki verið til­kynnt, að öðru leyti en því að það verði í Dan­mörku.

Kín­verski spá­mað­ur­inn

Hen­rik (Henri) prins sem er 83 ára, fæddur í Frakk­landi 11. júní 1934, ólst upp í Frakk­landi og franska Indokína (La­os, Kambodíu og Víetna­m). For­eldrar hans voru efna­fólk, með fyr­ir­tækja­rekstur í Frakk­landi og Asíu. Hen­rik lauk her­skyldu, eins og lög gerðu ráð fyr­ir, og síð­ar magister­prófi í frönskum bók­menntum og asískum tungu­mál­um.

Árið 1958 fór Hen­rik, sem þá var í Asíu, til kín­versks spá­manns ásamt vin­konu sinni. Spá­mað­ur­inn til­kynnti Hen­rik að hann myndi ekki gift­ast þess­ari vin­konu sinni en hann myndi gift­ast konu sem byggi langt í burtu. „Líf þitt verður spenn­andi en fullt af hindr­unum og ýmsum erf­ið­leik­um. Þú verður þekktur og ríkur og þú eyðir megn­inu af ævi þinni í landi umkringdu vatn­i.“

Auglýsing

Nýtt hlut­verk

Árið 1962 varð Hen­rik starfs­maður Asíu­deildar franska utan­rík­is­ráðu­neyt­is­ins og var árið eftir sendur til starfa við sendi­ráð Frakk­lands í London. Þar kynnt­ist hann, í kvöld­verð­ar­boði árið 1964, danska rík­is­arf­anum Mar­gréti Þór­hildi. Þau hitt­ust aftur skömmu síðar og 10. júní árið 1967 voru þau gefin saman í Hólms­ins kirkju í Kaup­manna­höfn. Hen­rik var nú nefndur prins en hlut­verk hans sem eig­in­manns rík­is­arfa og síðar þjóð­höfð­ingja (1972) var ann­ars algjör­lega ómót­að. „Það var engin upp­skrift, engin hefð, autt blað“ sagði Hen­rik síðar í við­tali. Hann sagði einnig í við­tali, skömmu eftir gift­ing­una að sér væri hlut­verk sitt sem maka rík­is­arfans vel ljóst og hann sætti sig fylli­lega við að „ganga alltaf tveimur skrefum á eftir drottn­ing­unn­i.“ Það átti eftir að breyt­ast.

Skyldur þjóð­höfð­ingj­ans og makans eru margar og marg­vís­legar en þau hjónin hafa líka áhuga­mál sem þau hafa lagt rækt við. Mar­grét Þór­hildur hefur löngum feng­ist við mynd­list, bæði hefð­bundin mál­verk og hún hefur margoft gert leik­myndir og bún­inga­teikn­ing­ar, meðal ann­ars fyrir Kon­ung­lega leik­húsið og Tívolí.

Hen­rik hefur haft mörg járn í eld­in­um. Hann sótti árum saman tíma í þrí­vídd­ar­mynd­mennt í Kon­ung­lega lista­há­skól­anum og eftir hann liggur fjöld­inn allur af brons­verk­um. Hann hefur sent frá sér átta ljóða­bæk­ur, sumar með eigin mynd­skreyt­ing­um. Hann er lið­tækur píanó­leik­ari og hefur samið nokkur tón­verk. Hen­rik er mik­ill áhuga­maður um mat og mat­ar­gerð, hefur skrif­að amk. þrjár mat­reiðslu­bækur og svo var hann um ára­bil vín­bóndi í Frakk­landi.  

Af hverju ekki kóng­ur?

Margrét Danadrottning er vinsæl meðal þegna sinna. Hún giftist Henrik árið 1967 og hefur setið sem drottning frá árinu 1972. Mynd: EPAÞótt svo að Hen­rik hafi í upp­hafi sagt að hann sætti sig full­kom­lega við hlut­verk sitt sem eig­in­maður drottn­ingar fór hann fyrir mörgum árum, fyrst 1992, að láta í ljós óánægju með eitt og annað varð­andi þetta hlut­skipti sem hann hafði tek­ist á hend­ur. Hen­rik hefur margoft í við­tölum lýst undrun og óánægju með að hann skuli ekki vera titl­aður kóng­ur. „Hvers konar jafn­rétti er það að eig­in­konur kónga séu drottn­ingar en eig­in­maður dönsku drottn­ing­ar­inn­ar, þjóð­höfð­ingj­ans, verður að láta sér lynda að vera prins?“ Þótt mörgum þyki þetta kannski ekki skipta öllu máli hefur þetta angrað Hen­rik og það erg­elsi hefur auk­ist með árun­um. Af hverju þetta er svona, prins en ekki kóng­ur, er ein­fald­lega hin evr­ópska hefð og Hen­rik að þessu leyti eins settur og Fil­ippus eig­in­maður Elísa­betar Eng­lands­drottn­ing­ar. Mar­grét Þór­hildur hefur ætíð neitað að ræða þessi titla­mál við fjöl­miðla.

Drottn­ing­ar­maður

Eftir að barna­börn Mar­grétar Þór­hildar og Hen­riks komu til sög­unnar (eru nú átta) var orðið mikið prinsa- og prinsessu­kraðak á Amali­en­borg. Árið 2005 var því ákveðið að Hen­rik skyldi hér eftir bera tit­il­inn „prins­gemal“, drottn­ing­ar­mað­ur. Drottn­ing­ar­mað­ur­inn tjáði sig ekki oft um þessa breyt­ingu en ítrek­aði þó, að minnsta kosti einu sinni, í við­tali óánægju sína með að fá ekki að heita kóng­ur.

Afmælið og eft­ir­launin

16. apríl 2015 varð Mar­grét Þór­hildur 75 ára. Af því til­efni var efnt til mik­illar og fjöl­mennrar veislu í höll­inni. Þar var margt kónga­fólk ásamt öðrum gestum sam­an­kom­ið. Einn, sem flestir hefðu talið sjálf­sagt að tæki þátt í gleð­inni, var hins­vegar fjar­ver­andi: Hen­rik drottn­ing­ar­mað­ur. Fjar­vera hans vakti mikla athygli en skýr­ingin sögð sú að hann væri las­inn. Tveimur dögum síðar sást hins vegar til hans í Fen­eyjum þar sem hann virt­ist hinn hress­asti. Danskir fjöl­miðlar veltu vöngum yfir þess­ari fjar­veru drottn­ing­ar­manns­ins og lögðu flestir út á sama veg: Hen­rik væri í lang­tíma­fýlu sem hann léti æ oftar í ljós með sífellt skýr­ari tákn­rænum hætti.

Í ára­móta­ávarpi sínu til dönsku þjóð­ar­innar 31. des­em­ber 2015 til­kynnti Mar­grét Þór­hildur að Hen­rik myndi frá og með árs­byrjun 2016 fara á eft­ir­laun (drossle ned) og eft­ir­leiðis  taka þátt í færri við­burð­um, opin­berum mót­tök­um, veisl­um o.þ.h. Flestir virtu­st, að sögn dönsku fjöl­miðl­anna, hafa skiln­ing á þessu, mað­ur­inn jú kom­inn vel yfir átt­rætt.

Aftur prins, gull­brúð­kaup

Í apríl 2016 til­kynnti Hen­rik að nú vildi hann ekki lengur bera tit­il­inn prins­gemal. Í sam­ræmi við þær breyt­ingar sem orðið hefðu (eft­ir­laun­in) væri eðli­legt að hann yrði aftur prins Hen­rik.

Um svipað leyti til­kynnti full­trúi drottn­ingar að gull­brúð­kaup Mar­grétar Þór­hildar og Hen­riks yrði fagnað „prí­vat“, ein­ungis með fjöl­skyld­unni. Sú fjöl­skyldu­veisla fór fram 10. júní sl. nákvæm­lega hálfri öld eftir að drottn­ingin og prins­inn ját­uð­ust hvort öðru í Hólms­ins kirkju.

Danir í senn undr­andi og reiðir

Eins og getið var í upp­hafi þessa pistils hefur Hen­rik prins oft komið þjóð­inni á óvart með ummælum sín­um. Aldrei þó eins og sl. fimmtu­dag þegar hann til­kynnti að hann vildi ekki liggja við hlið drottn­ingar í Hró­arskeldu eftir and­lát. Ástæðan sem hann gaf upp er ein­föld: „maður sem ekki stendur jafn­fætis konu sinni verð­skuldar ekki að hvíla við hlið hennar í gröf­inn­i.“

Við­brögðin hafa ekki látið á sér standa. Yfir­gnæf­andi meiri­hluta Dana er ósáttur við ákvörðun prins­ins, margir segja hana lýsa eig­in­girni og til­lits­leysi manns sem hugsi fyrst og síð­ast um sjálfan sig. Þótt margir Danir seg­ist skilja óánægju Hen­riks með að fá ekki að heita kóngur hafi hann núna farið langt yfir strik­ið. Svikið bæði eig­in­kon­una og þjóð­ina. Tals­maður drottn­ingar sagði að hún virti ákvörðun bónda síns en væri síður en svo sátt.

Hvar?  

Síðan hin óvænta til­kynn­ing prins­ins birt­ist sl. fimmtu­dag hafa fjöl­miðl­arnir velt því fyrir sér hvar hann vilji hvíla þegar jarð­vist hans lýk­ur. Góður vinur Hen­riks sagði frá því í við­tali að prins­inn hefði spurt sig hvort hann vildi vita hvar hann hygð­ist láta jarða sig. Vin­ur­inn svar­aði því til að það vildi hann ekki „ég sagði Hen­rik að ég gæti þá misst það út úr mér í hugs­un­ar­leysi og best væri fyrir mig að vita það ekki. En ég spái að það verði við dóm­kirkj­una í Hró­arskeldu, í nágrenni við leg­stað drottn­ing­ar.“ 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Hildur Björnsdóttir vill verða borgarstjóri – Ætlar að velta Eyþóri Arnalds úr oddvitasæti
Það stefnir i oddvitaslag hjá Sjálfstæðisflokknum í Reykjavík í prófkjöri flokksins fyrir komandi borgarstjórnarkosningar. Hildur Björnsdóttir ætlar að skora Eyþór Arnalds á hólm.
Kjarninn 8. desember 2021
Um þriðjungi allra matvæla sem framleidd eru í heiminum er hent.
Minni matarsóun en markmiðum ekki náð
Matarsóun Norðmanna dróst saman um 10 prósent á árunum 2015 til 2020. Í því fellst vissulega árangur en hann er engu að síður langt frá þeim markmiðum sem sett hafa verið. Umhverfisstofnun Noregs segir enn skorta yfirsýn í málaflokknum.
Kjarninn 8. desember 2021
Arndís Anna Kristínardóttir Gunnarsdóttir þingmaður Pírata.
Þingmaður fékk netfang upp á 53 stafbil
Nýr þingmaður Pírata biðlar til forseta Alþingis að beita sér fyrir því að þingið „þurfi ekki að beygja sig undir óþarfa duttlunga stjórnsýslunnar“.
Kjarninn 8. desember 2021
Árni Stefán Árnason
Blóðmeraníðið – fjandsamleg yfirhylming MAST og fordæming FEIF – Hluti II
Kjarninn 8. desember 2021
Ragnar Sigurðsson, fyrrverandi landsliðsmaður í knattspyrnu.
Fyrrverandi eiginkona Ragnar Sigurðssonar segir landsliðsnefndarmann ljúga
Magnús Gylfason, fyrrverandi landsliðsnefndarmaður hjá KSÍ, sagði við úttektarnefnd að hann hefði hitt Ragnar Sigurðsson og þáverandi eiginkonu hans á kaffihúsi daginn eftir að hann var talinn hafa beitt hana ofbeldi. Konan segir þetta ekki rétt.
Kjarninn 8. desember 2021
Róbert segist meðal annars ætla að fara aftur í fjallaleiðsögn.
Róbert hættir sem upplýsingafulltrúi ríkisstjórnarinnar – „Frelsinu feginn“
Upplýsingafulltrúi ríkisstjórnarinnar mun hætta störfum um áramótin. Hann segist vera þakklátur fyrir dýrmæta reynslu með frábærum vinnufélögum en líka frelsinu feginn.
Kjarninn 8. desember 2021
Í austurvegi
Í austurvegi
Í austurvegi – Samskiptasaga Kína og Íslands
Kjarninn 8. desember 2021
Stjórnmálaflokkar fá rúmlega 3,6 milljarða króna úr ríkissjóði á fimm árum
Níu stjórnmálaflokkar skipta með sér 728 milljónum krónum úr ríkissjóði árlega. Áætluð framlög voru 442 milljónum krónum lægri í upphafi síðasta kjörtímabils.
Kjarninn 8. desember 2021
Meira eftir höfundinnBorgþór Arngrímsson
Meira úr sama flokkiFréttaskýringar