Sífellt fleiri styðja Vinstri græn

Vinstri græn eru nú með 26,1 prósent fylgi miðað við kosningaspána og eru að ná forskoti á Sjálfstæðisflokkinn. Samstarfsflokkar Sjálfstæðisflokksins eru með minnstan stuðning allra framboða sem mælast í könnunum.

Vinstri hreyf­ingin – grænt fram­boð nýtur sífellt meiri stuðn­ings meðal almenn­ings, ef marka má kosn­inga­spá Bald­urs Héð­ins­sonar og Kjarn­ans sem unnin var um helg­ina. Flokk­ur­inn, með Katrínu Jak­obs­dóttur í far­ar­broddi, nýtur nú stuðn­ings 26,1 pró­sent kjós­enda í kosn­inga­spánni.

Eins og í síð­ustu Kosn­inga­spám mælist Sjálf­stæð­is­flokk­ur­inn næst stærsta stjórn­mála­aflið á Íslandi með 23,6 pró­sent stuðn­ing. Það er litlu meira en flokkur Bjarna Bene­dikts­sonar mæld­ist með fyrir helgi. Sam­an­lagt styðja um það bil 49 pró­sent kjós­enda annan þess­ara flokka.

Á miðj­unni – ef svo má að orði kom­ast – hafa einnig orðið nokkrar vend­ingar síðan kosn­inga­spáin var gerð síð­ast. Sam­fylk­ingin er nú að öllum lík­indum með 9,1 pró­sent fylgi, meira en Flokkur fólks­ins sem nýtur stuðn­ings 8,6 pró­sent kjós­enda.

Stuðningur við framboð 1. október 2017

Mældur stuðningur við stjórnmálaflokka sem bjóða fram í Alþingiskosningunum næstkomandi, miðað við kosningaspána.

Stuðn­ingur við Pírata minnkar einnig, og er 10,5 pró­sent. Sífellt færri styðja Pírata miðað við kosn­inga­spána, en síðan rík­is­stjórnin féll 15. sept­em­ber síð­ast­lið­inn hefur stuðn­ingur við Pírata minnkað í hvert sinn sem kosn­inga­spáin hefur verið gerð.

Mið­flokk­ur­inn og Fram­sókn­ar­flokk­ur­inn

Mið­flokkur Sig­mundar Dav­íðs Gunn­laugs­sonar var mældur í fyrsta sinn í kosn­inga­spánni 28. sept­em­ber og var stuðn­ingur við fram­boð hans þá 7,1 pró­sent. Eins og útskýrt var á þessum vett­vangi á laug­ar­dag­inn þá var mæl­ingin á fram­boði hans sú óáreið­an­leg­asta vegna þess að aðeins ein könnun hafði mælt stuðn­ing við fram­boð hans.

Í nýj­ustu kosn­inga­spánni mældu allar þrjár kann­an­irnar sem spáin byggir á Mið­flokk­inn og því er útreikn­ingur á stuðn­ingi við fram­boð hans jafn áreið­an­legt og allra hinna fram­boð­anna í kosn­inga­spánni. Mið­flokk­ur­inn mælist með 6,1 pró­sent stuðn­ing.

Fram­sókn­ar­flokk­ur­inn virð­ist enn líða fyrir klofn­ing­inn og fylgi við flokk­inn minnkar enn og mælist nú 7,8 pró­sent. Það er minna en Fram­sókn­ar­flokk­ur­inn hefur mælst með nokkru sinni í kosn­inga­spánni. Fyrsta kosn­inga­spáin fyrir Alþing­is­kosn­ingar var unnin 20. jan­úar 2016.

Sam­an­lagt er stuðn­ingur við Fram­sókn­ar­flokk­inn og Mið­flokk­inn 13,9 pró­sent. Það er hins vegar mun meira en Fram­sókn­ar­flokk­ur­inn hefur mælst með síðan kosn­inga­spáin var fyrst unnin fyrir Alþing­is­kosn­ing­ar. Stuðn­ing­ur­inn var mestur 1. apríl 2016, áður en Panama­skjölin skóku íslensk stjórn­mál, þegar Fram­sókn­ar­flokkur Sig­mundar Dav­íðs mælist með 12,3 pró­sent.

Þróun stuðnings við stjórnmálaflokka í kosningaspánni

Mældur stuðningur við stjórnmálaflokka sem bjóða fram í Alþingiskosningunum næstkomandi, miðað við kosningaspána.

A B C D F M P S V Aðrir

Afhroð stjórn­ar­flokka

Stjórn­mála­flokkar hafa fæstir riðið feitum hesti frá kosn­ingum eftir að hafa starfað með Sjálf­stæð­is­flokknum í rík­is­stjórn. Sagan virð­ist ætla að end­ur­taka sig í ár því Við­reisn og Björt fram­tíð mæl­ast enn með mjög lítið fylgi.

Við­reisn mælist með 4,4 pró­sent fylgi í kosn­inga­spánni, minna en flokk­ur­inn hefur haft síðan 2. júní 2016. Björt fram­tíð rekur lest­ina í kosn­inga­spánni með 3,8 pró­sent.

Það er ágæt þum­al­putta­regla að miða við að flokkur þurfi að fá fimm pró­sent atkvæða í kosn­ingum á lands­vísu til þess að ná kjöri. Það gæti hins vegar verið svo að flokkur fái mun meira fylgi í einu kjör­dæmi umfram önnur og náð kjöri þannig, þrátt fyrir lítið fylgi á lands­vísu.

Kann­anir til grund­vallar kosn­inga­spá

Nýjasta kosn­inga­spáin byggir á nið­ur­stöðum þriggja skoð­ana­kann­ana. Þær eru eft­ir­far­andi:

  • Skoð­ana­könnun MMR 26. – 28. sept­em­ber (vægi 35,1%)
  • Þjóð­ar­púls Gallup 15. – 28. sept­em­ber (vægi 35,0%)
  • Þjóð­mála­könnun Félags­vís­inda­stofn­unar HÍ fyrir Morg­un­blaðið 25. – 28. sept­em­ber (vægi 29,9%)

Hvað er kosn­­inga­­spá­in?

Fyrir hverjar kosn­ingar um allan heim birta fjöl­miðlar gríð­ar­legt magn af upp­lýs­ing­um. Þessar upp­lýs­ingar eru oftar en ekki töl­fræði­leg­ar, byggðar á skoð­ana­könn­unum þar sem fólk hefur verið spurt hvernig það upp­lifir stjórn­málin og hvað það getur ímyndað sér að kjósa. Stjórn­mála­fræð­ingar og fjöl­miðlar kepp­ast svo við að túlka nið­ur­stöð­urnar og veita almenn­ingi enn meiri upp­lýs­ingar um stöð­una í heimi stjórn­mál­anna.

Allar þessar kann­anir og allar mögu­legar túlk­anir á nið­ur­stöðum þeirra kunna að vera rugl­andi fyrir hinn almenna neyt­anda. Einn kannar skoð­anir fólks yfir ákveðið tíma­bil og annar kannar sömu skoð­anir á öðrum tíma og með öðrum aðferð­um. Hvor könn­unin er nákvæm­ari? Hverri skal treysta bet­ur? Svarið er oftar en ekki óljóst því vand­inn er að hinn almenni kjós­andi hefur ekki for­sendur til að meta áreið­an­leika hverrar könn­un­ar.

Þar kemur kosn­inga­spáin til sög­unn­ar.

Kosn­­­inga­­­spálíkan Bald­­­urs Héð­ins­­­sonar miðar að því að setja upp­­­lýs­ing­­­arnar sem skoð­ana­kann­­­anir veita í sam­hengi. Fyr­ir­liggj­andi skoð­ana­kann­­­anir eru teknar saman og þeim gefið vægi til þess að spá fyrir um úrslit kosn­­­inga. Nið­ur­stöður spálík­ans­ins eru svo birtar hér á Kjarn­anum reglu­lega í aðdrag­anda kosn­inga.

Til útskýr­ingar má segja að vægi kann­ana er gefið eftir því hversu næmur könn­un­ar­að­il­inn og aðferðir hans eru á raun­veru­legar hreyf­ingar í sam­fé­lag­inu. Kosn­ingar eru auð­vitað eini mæli­kvarð­inn á það hversu vel könn­un­ar­að­ilum tekst upp svo miðað er við sögu­leg gögn og þau borin saman við kosn­inga­úr­slit til að ákvarða áreið­an­leika. Þá skiptir máli hversu langt er liðið síðan könn­unin var gerð og hversu margir tóku þátt í henni.

Kjarn­inn birti Kosn­­­inga­­­spá Bald­­­urs fyrst í aðdrag­anda sveit­­­ar­­­stjórn­­­­­ar­­­kosn­­­ing­­a 2014 og reynd­ist sú til­­­raun vel. Á vefnum kosn­­­inga­­­spá.is má lesa nið­­­ur­­­stöður þeirrar spár og hvernig vægi kann­ana var í takt við frá­­­vik kann­ana miðað við kosn­­­inga­úr­slit­in.

Kosn­­­inga­­­spá Kjarn­ans og Bald­­­urs Héð­ins­­­sonar er nú keyrð í aðdrag­anda Alþing­is­kosn­inga 28. októ­ber í annað sinn. Kosn­inga­spáin fékk mikla athygli fyrir síð­ustu Alþing­is­kosn­ingar 2016, ekki síst fyrir þing­sæta­spána þar sem spáð var um hvaða fram­bjóð­endur myndu ná kjöri. Nánar um það hér að neð­an.

Í nýj­­­ustu kosn­­­inga­­­spánni hverju sinni eru nýj­ustu kann­anir könn­un­ar­að­ila vegnar eftir áreið­an­leika. Fylgi ein­stakra fram­boða er svo fundið með vegnu með­al­tali úr þeim könn­unum sem liggja til grund­vallar hverri spá fyrir sig. Spálíkanið sem Baldur hefur útbúið byggir að veru­legu leyti á aðferðum Nate Sil­ver. Um það má lesa hér. Vægi hverrar könn­unar fyrir sig er metið út frá fyr­ir­fram gefnum for­send­um, eins og stærð úrtaks, fjölda svar­enda, lengd könn­un­ar­tíma­bils og áreið­an­leika könn­un­ar­að­ila. Áreið­an­leiki könn­un­ar­að­ila byggir á því hversu nærri kann­an­irnar hafa kom­ist nið­ur­stöðum kosn­inga á und­an­förnum árum.

Þær kann­anir sem teknar eru gildar í kosn­inga­spánni verða að upp­fylla lág­marks skil­yrði töl­fræði­legrar aðferða­fræði. Þar er litið til stærðar úrtaks­ins, fjölda svar­enda, könn­un­ar­tíma­bils og þess hvort úrtakið stand­ist kröfur til að reyn­ast mark­tækt, svo fátt eitt sé nefnt.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Meira eftir höfundinnBirgir Þór Harðarson
Meira úr sama flokkiFréttaskýringar