Það er staðfest...Ísland fer á HM!

Íslenska karlalandsliðið er komið á lokamót HM í Rússlandi eftir sigur á liði Kósovo í Laugardalnum í kvöld. Lið sem hefur þegar skráð sig á spjöld knattspyrnusögunnar bætti enn við þann kafla í kvöld. Með gylltu letri.

7DM_6480_raw_171009.jpg ísland landslið fótbolti knattspyrna
Auglýsing

25 mán­uðum og tveimur dögum eftir að tauga­veiklað jafn­tefli tryggði Íslend­ingum þann sögu­lega árangur að verða fámenn­asta þjóð nokkru sinni til að ná að kom­ast á loka­mót karla­lands­liða var liðið mætt aftur með sam­bæri­legt verk­efni fyrir framan sig. Í þetta sinn lá fyrir að jafn­vel tap væri nóg til að kom­ast á HM í Rúss­landi næsta sumar og um fremja eitt mesta, ef ekki mesta, afrek sem íslenskt íþróttalið hefur fram­kvæmt.

En það var ljóst frá því þeir tæp­lega tíu þús­und manns sem urðu þeirrar gæfu aðnjót­andi að fá miða á leik kvölds­ins fóru að týn­ast í gegnum rign­ing­ar­skúr­anna á Laug­ar­dals­völl­inn að tap væri ekki inn í mynd­inni. Ísland væri komið í þá stöðu sem liðið var komið í vegna þess að liðið er á meðal bestu liða Evr­ópu. Og það ætl­aði ekki að láta Kósovo, botn­liðið í riðl­inum með eitt stig, stöðva sig í að ná hinu magn­aða mark­miði að kom­ast á HM í fyrsta sinn.

Lið­ið, umgjörð­in, áhorf­endur og bara þjóðin sem knatt­spyrnu­á­huga­menn eru komin ansi langt frá þeirri stöðu sem Ísland var í þegar fyrsti mögu­leik­inn á þátt­töku á loka­móti HM varð fyrir fjórum árum síð­an. Þá lék liðið umspils­leiki við Króa­tíu og eftir hugað jafn­tefli á heima­velli, þar sem hluti vall­ar­ins í Laug­ar­dalnum var sam­kvæmt heim­ildum spreyjaður grænn til að líta ekki of haust­lega út í sjón­varp­inu, tap­aði liðið sann­fær­andi á úti­velli. Spennustigið var aug­ljós­lega of mik­ið.

Auglýsing

Nú var staðan allt önn­ur. Liðið hafði náð að kom­ast á EM og í raun unnið loka­mótið í Frakk­landi með frammi­stöðu sinni, þótt það hafi ekki endað í fyrsta sæti. Leik­menn­irnir þekkja og ráða við press­una og eru hoknir af reynslu. Umgjörðin í kringum leik­ina og liðið hefur tekið algjörum stakka­skipt­um. Svo­kallað Fan Zone blasti til að mynda við á bíla­stæði Laug­ar­dalsvall­ar­ins, þriðja heima­leik­inn í röð. Og miðar á völl­inn seld­ust upp á nokkrum mín­út­um, líkt og þeir hafa gert á nær alla heima­leiki árum sam­an. Áhorf­endur eru vanir því að taka Vík­inga­klöpp, syngja með lög­unum og búa til hljóð­múr sem virkar eins og tólfti og stundum þrett­ándi mað­ur.

Fyrri hálf­leikur

Ein breyt­ing var gerð á lið­inu frá hinum stór­kost­lega 0-3 sigri á Tyrkjum á föstu­dag. Alfreð Finn­boga­son fór á bekk­inn og Emil Hall­freðs­son, sem var í banni í Tyrkja­leikn­um, kom aftur inn á miðj­una.

Blaða­manna­stúkan var óvenju­lega þétt­set­in, sér­stak­lega í ljósi þess að ekki var mikið um blaða­menn frá Kósovo þar að finna. Í stað þeirra voru full­trúar nokk­urra af stærstu miðlum heims að skrá­setja ævin­týr­ið. Og Stan Collymore, sem fór alla leið í upp­lif­un­ar­ferl­inu með því að hita upp á Ölveri með Tólf­unni.

Íslenska liðið kom mjög ein­beitt til leiks og gæða­mun­ur­inn á lið­unum skein í gegn á fyrstu 15 mín­útum leiks­ins. Það skap­aði hverja hættu­legu sókn­ar­stöð­una á fætur annarri án þess þó að úr þeim kæmi alvöru færi. En liðið lok­aði vel öllum svæðum og leik­menn Kósovo áttu í mestu vand­ræðum með að halda bolta innan síns liðs. Þeir náðu reyndar að skora úr fyrstu sókn sinni, en búið var að flagga rang­stöðu löngu áður en þeir settu bolt­ann í markið hjá Hann­esi Hall­dórs­syni, sem reyndi ekki einu sinni að verja.

Næstu mín­út­urnar hægð­ist á leikn­um. Íslenska liðið var þol­in­mótt í leik sínum og leit­aði að réttu leið­unum fram hjá varn­ar­múr Kósovo. Helsta vopn gest­anna virt­ist vera að þruma fram á tæp­lega tveggja metra háa og örugg­lega yfir 100 kílóa fram­herj­ann sinn, Atdhe Nuhiu. Mjög áhuga­verður leik­maður sem virt­ist í miklum vand­ræðum með að fóta sig og nýt­ast á blautum vell­in­um.

Þótt Ísland væri mun meira með bolt­ann var samt lítið að ger­ast. Og á 38 mín­útu áttu Kosovo-­menn stór­hættu­legt skot sem margir í stúkunni sáu inni. En þá gerð­ist það sem iðu­lega ger­ist með þetta ótrú­lega lið. Þeir fóru fram í sókn og innan við tveimur mín­útum síðar hafði Gylfi Sig­urðs­son, besti leik­maður sem Ísland á, prjónað sig í gegn og skor­að. Spennan lið­að­ist úr áhorf­endum á sama tíma og þeir hrein­lega sprungu úr gleði. Eins og var, þá var Ísland á leið­inni á HM. Sama hvernig aðrir leikir færu.

Þetta breytti leiknum strax. Kósovo varð að færa sig upp úr skot­gröf­unum og koma framar á völl­inn. Aug­ljóst var að það myndi opna á fleiri sókn­ar­mögu­leika fyrir íslenska lið­ið.

1-0 í hálf­leik og Ísland 45 mín­útum frá því að kom­ast á HM.

Seinni hálf­leikur

Stan Collymore var hress í hálf­leik og gant­að­ist við íslenska fjöl­miðla­menn. Hann vildi fá að vita hvort það yrði ekki örugg­lega frí hjá allri þjóð­inni á morgun ef fram færi sem horfði. Og öllum Íslend­ingum virt­ist mjög létt að þurfa ekki að fara inn í seinni hálf­leik­inn í jafnri stöðu. Leikur Úkra­ínu og Króa­tíu var reyndar enn marka­laus í hálf­leik þannig að Ísland væri hvort eð er áfram í efsta sæti rið­ils­ins sama hver staðan í okkar leik væri. En það vildi eng­inn þurfa að treysta á úrslit ann­arra leikja. Við höfðum þegar eign­ast þjóð­hetju úr öðru lands­liði í Finn­anum Pyry Soiri. Það var nóg.

Kosovo-­menn byrj­uðu hálf­leik­inn betur og voru að finna svæði á vall­ar­helm­ingi Íslands sem þeir fundu ekki í fyrri hálf­leik, en þó án þess að skapa mikla hættu. Spennustigið reis aftur hægt og bít­andi og öllum sem á horfðu var ljóst að þetta yrði gríð­ar­lega taugatrekkj­andi ef Ísland bætti ekki við marki.

Eftir klukku­tíma­leik var hetj­unni úr Tyrkja­leikn­um, Jóni Daða Böðv­ars­syni, skipt út af fyrir Alfreð Finn­boga­son. Um svipað leyti komust Króatar yfir gegn Úkra­ínu og miðað við þá stöðu var ljóst að ekk­ert nema sigur myndi duga Íslandi. Regn­inu kyngdi niður og leik­ur­inn varð þungur fyrir vik­ið. En mín­út­urnar héldu áfram að líða og liðið færð­ist nær mark­mið­inu.

Á 67 mín­útu gull­tryggðu Íslend­ingar síðan far­seð­il­inn til Rúss­land. Gylfi Sig­urðs­son tók stór­kost­lega á móti send­ingu, óð upp völl­inn, fann Birki Bjarna­son sem rendi bolt­anum aftur inn á teig­inn á Gylfa sem galdr­aði sig upp að enda­línu og fann Jóhann Berg Guð­munds­son fyrir mark­inu. 2-0.

Eftir þetta var bara partý. Liðið spil­aði skyndi­lega létt­leik­andi bolta og „Ís­land á HM“ ómaði úr stúkunni. Mark­mið­inu var náð. Og það vissu það all­ir. Svo nið­ur­neglt var það að Aron Einar Gunn­ars­son, fyr­ir­lið­inn sjálf­ur, var tek­inn út af þegar tæpar 20 mín­útur voru eft­ir. Ísland átti nokkur færi til að bæta við en það var óþarfi. Þetta var kom­ið.

Það verða margir ryðg­aðir í vinn­unni á morg­un. 

Til ham­ingju dreng­ir. Til ham­ingju þjálf­ar­ar. Til ham­ingju KSÍ. Til ham­ingju Ísland.





Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Málsmeðferð kærunefndar fær falleinkunn hjá Héraðsdómi Reykjavíkur
Kærunefnd útboðsmála er sögð hafa farið á svig við lög og stuðst við vafasama útreikninga er hún komst að þeirri niðurstöðu að rétt væri að óvirkja samning Orku náttúrunnar við Reykjavíkurborg um hraðhleðslustöðvar.
Kjarninn 27. nóvember 2021
Svandís Svavarsdóttir heilbrigðisráðherra hefur undirritað reglugerð sem markar fyrstu viðbrögð íslenskra stjórnvalda við hinu svokallað Ómíkrón-afbrigði veirunnar.
Síðasta kórónuveiruverk Svandísar að bregðast við „Ómíkrón“
Á sunnudag tekur gildi reglugerð sem felur í sér að þeir sem koma til landsins frá skilgreindum hááhættusvæðum þurfa að fara í tvö PCR-próf með sóttkví á milli. Ómíkrón-afbrigðið veldur áhyggjum víða um heim og líka hjá sóttvarnalækni.
Kjarninn 27. nóvember 2021
Vinstri græn fá sjávarútvegsmálin og Framsókn sest í heilbrigðisráðuneytið
Miklar breytingar verða gerðar á stjórnarráði Íslands, ný ráðuneyti verða til og málaflokkar færðir. Ráðherrarnir verða tólf og sá sem bætist við fellur Framsóknarflokknum í skaut. Vinstri græn stýra sjávarútvegs- og landbúnaðarmálum.
Kjarninn 27. nóvember 2021
Hjalti Hrafn Hafþórsson
Það sem ekki var talað um á COP26
Kjarninn 27. nóvember 2021
Bankastjórar þriggja stærstu banka landsins.
Útlán til heimila hafa aukist en útlán til fyrirtækja dregist saman það sem af er ári
Bankarnir nýttu svigrúm sem var gefið til að takast á við efnahagslegar afleiðingar kórónuveirunnar til að stórauka útlán til íbúðarkaupa. Útlán til fyrirtækja hafa hins vegar dregist saman.
Kjarninn 27. nóvember 2021
Lerbjergskógurinn er nú kominn í eigu og umsjá Danska náttúrusjóðsins.
Danir gripnir kaupæði – „Við stöndum frammi fyrir krísu“
Lerbjergskógurinn mun héðan í frá fá að dafna án mannlegra athafna. Hann er hluti þess lands sem Danir hafa keypt saman til að auka líffræðilegan fjölbreytileika og draga úr áhrifum loftslagsbreytinga.
Kjarninn 27. nóvember 2021
Þolendur kynfæralimlestinga, nauðgana, ofbeldis og fordóma sendir til baka til Grikklands
Tvær sómalskar konur standa nú frammi fyrir því að verða sendar til Grikklands af íslenskum stjórnvöldum og bíða þær brottfarardags. Þær eru báðar þolendur grimmilegs ofbeldis og þarfnast sárlega aðstoðar fagfólks til að vinna í sínum málum.
Kjarninn 27. nóvember 2021
Undirbúa sókn fjárfesta í flesta innviði samfélagsins „til að létta undir með hinu opinbera“
Í nýlegri kynningu vegna fyrirhugaðrar stofnunar á 20 milljarða innviðasjóði er lagt upp með að fjölmörg tækifæri séu í fjárfestingu á innviðum á Íslandi. Það eru ekki einungis hagrænir innviðir heldur líka félagslegir.
Kjarninn 27. nóvember 2021
Meira eftir höfundinnÞórður Snær Júlíusson
Meira úr sama flokkiFréttaskýringar