8% líkur á meirihluta Vinstri grænna og Samfylkingar
Þingsætaspáin reiknar líkur á því hvaða meirihluta verður hægt að mynda að loknum kosningum. Vinstristjórn er líklegri en hægri stjórn.
Það eru átta prósent líkur á því að Vinstri græn og Samfylkingin geti saman stjórnað meirihluta þingmanna að kosningum loknum, miðað við þingsætaspá kosningaspárinnar. Ef Framsóknarflokkurinn er til að starfa með þessum tveimur flokkum eru líkurnar 33 prósent á að flokkarnir geti myndað meirihluta.
| Þingmenn | DM | DFM | ACD | BD | BDM | BDFM | BDSM | BSV | BPSV | PSV | PV | DV | SV |
|---|---|---|---|---|---|---|---|---|---|---|---|---|---|
| >=38 | 0% | 0% | 0% | 0% | 0% | 1% | 15% | 3% | 32% | 9% | 0% | 13% | 0% |
| >=37 | 0% | 0% | 0% | 0% | 0% | 2% | 21% | 5% | 41% | 13% | 0% | 18% | 0% |
| >=36 | 0% | 0% | 0% | 0% | 0% | 4% | 28% | 8% | 51% | 19% | 0% | 24% | 1% |
| >=35 | 0% | 1% | 0% | 0% | 1% | 6% | 35% | 12% | 60% | 26% | 0% | 32% | 2% |
| >=34 | 0% | 2% | 0% | 0% | 1% | 10% | 44% | 18% | 68% | 34% | 0% | 40% | 3% |
| >=33 | 0% | 3% | 0% | 0% | 2% | 15% | 53% | 25% | 76% | 43% | 1% | 50% | 5% |
| >=32 | 0% | 4% | 0% | 0% | 5% | 21% | 63% | 33% | 82% | 52% | 2% | 59% | 8% |
| >=31 | 1% | 7% | 0% | 0% | 7% | 28% | 71% | 42% | 88% | 61% | 3% | 69% | 12% |
| >=30 | 1% | 11% | 1% | 0% | 11% | 36% | 79% | 51% | 92% | 70% | 5% | 77% | 18% |
| >=29 | 2% | 16% | 1% | 1% | 17% | 45% | 85% | 60% | 95% | 78% | 9% | 84% | 25% |
| >=28 | 4% | 22% | 1% | 1% | 23% | 54% | 89% | 69% | 97% | 85% | 13% | 89% | 33% |
| >=27 | 7% | 29% | 3% | 3% | 31% | 63% | 93% | 76% | 98% | 89% | 20% | 93% | 43% |
| >=26 | 11% | 38% | 4% | 5% | 40% | 71% | 96% | 83% | 99% | 93% | 28% | 96% | 53% |
| >=25 | 16% | 47% | 7% | 8% | 49% | 79% | 97% | 89% | 99% | 96% | 37% | 98% | 63% |
| >=24 | 23% | 57% | 11% | 12% | 58% | 85% | 98% | 92% | 100% | 98% | 48% | 99% | 73% |
| >=23 | 31% | 66% | 16% | 18% | 67% | 90% | 99% | 95% | 100% | 99% | 58% | 100% | 81% |
| >=22 | 41% | 74% | 22% | 25% | 76% | 93% | 99% | 97% | 100% | 99% | 68% | 100% | 87% |
| >=21 | 52% | 81% | 30% | 34% | 83% | 96% | 100% | 98% | 100% | 100% | 77% | 100% | 91% |
| >=20 | 62% | 87% | 40% | 44% | 88% | 98% | 100% | 99% | 100% | 100% | 84% | 100% | 95% |
| >=19 | 72% | 91% | 49% | 55% | 92% | 99% | 100% | 100% | 100% | 100% | 89% | 100% | 97% |
Kosningaspáin er unnin af Baldri Héðinssyni í samstarfi við Kjarnann. Í kosningaspánni eru fyrirliggjandi skoðanakannanir á fylgi framboða í Alþingiskosningum vegnar og niðurstöður þeirra lagðar saman til þess að fá sem skýrasta mynd af þróun stuðnings við stjórnmálaöfl.
Nýjasta kosningaspáin var gerð laugardagsmorguninn 14. október. Þar sést að stuðningur við Vinstri græna er nú 25,2 prósent, stuðningur við Sjálfstæðisflokkinn er 22,5 prósent og stuðningur við Samfylkinguna er 13 prósent.
Samfylkingin hefur aldrei mælst svo vinsæl í kosningaspánni fyrir framboð til Alþingis. Fyrsta kosningaspáin fyrir Alþingiskosningar var gerð 20. janúar 2016. Það eitt og sér eykur líkurnar á því að Vinstri græn og Samfylkingin geti myndað ríkisstjórn að loknum kosningum.
Nánar má lesa um aðferðafræðina á bak við gerð kosningaspárinnar og þingsætaspárinnar hér á vefnum, kjarninn.is/kosningaspá. Einnig má lesa um niðurstöðu kosningaspárinnar á vefnum kosningaspá.is
Píratar mælast nú með 9,5 prósent stuðning í kosningaspánni. Líklegast er að með slíkan stuðning á landsvísu fái Píratar sex þingmenn. Vinstri flokkarnir og Framsóknarflokkurinn gætu þess vegna rennt hýru auga til Pírata. Við það eitt að setja Pírata með í jöfnuna verða líkurnar á því að samanlagðir þingflokkar Framsóknar (B), Pírata (P), Samfylkingarinnar (S) og Vinstri grænna (V) geti myndað meirihluta eftir kosningar 82 prósent.
Flóknara að mynda stjórn til hægri
Erfiðara gæti reynst að mynda ríkisstjórn þar sem Sjálfstæðisflokkurinn verður burðarásinn. Sú þeir flokkar sem stóðu að ríkisstjórninni sem sat á kjörtímabilinu eiga enga möguleika á að mynda meirihluta á þingi að kosningum loknum miðað við kosningaspána.
Þingsætaspáin er unninn þannig að framkvæmdar eru 100.000 sýndarkosningar þar sem niðurstöður kosningaspárinnar eru hafðar sem líklegasta niðurstaða kosninga. Vikmörk og skekkja, auk sögulegs misræmis í fylgi milli kjördæma eru höfð til hliðsjónar til þess að skilgreina dreifingu atkvæða. Í engum af þessum 100.000 sýndarkosningum fengu Sjálfstæðisflokkurinn, Viðreisn og Björt framtíð nógu marga þingmenn til þess að mynda meirihluta.
Bjarni Benediktsson, formaður Sjálfstæðisflokksins, mun þess vegna þurfa að leita á náðir annarra flokka ef hann vill mynda ríkisstjórn að loknum kosningum. Ef hann vill mynda stjórn til hægri gæti Sjálfstæðisflokkurinn boðið Miðflokknum og Flokki fólksins upp í dans. Líkurnar á því að þessir þrír flokkar geti myndað meirihluta á þinginu eftir kosningar er fjögur prósent.
Ef Bjarna tekst að sætta Sigmund Davíð Gunnlaugsson á að taka þátt í ríkisstjórnarsamstarfi með Framsóknarflokknum gætu Sjálfstæðisflokkurinn, Framsóknarflokkurinn og Miðflokkurinn hugsanlega myndað meirihluta á þinginu. Líkurnar á því að það verði mögulegt eru fimm prósent.
Nánar má lesa í nýjustu kosningaspána í kosningamiðstöð Kjarnans eða á vefnum kosningaspá.is.
Þær kannanir sem liggja til grundvallar nýjustu kosningaspánni eru eftirfarandi:
- Þjóðmálakönnun Félagsvísindastofnunar HÍ fyrir Morgunblaðið 9. – 12. október (vægi 27,7%)
- Þjóðarpúls Gallup 29. september – 12 október. (vægi 30,5%)
- Skoðanakönnun MMR 6. – 11. október (vægi 22,0%)
- Skoðanakannanir Fréttablaðsins, Stöðvar 2 og Vísis 2-3. okt og 10. okt (vægi 19,8%)
