Undandreginn skattstofn mála sem hafa verið niðurfelld er 9,7 milljarðar

Alls hafa verið felld niður 62 skattsvikamál vegna þess að rof varð á rannsóknum þeirra. Fleiri mál verða líkast til felld niður, þrátt fyrir að rökstuddur grunur sé um stórfelld skattsvik. Umfangsmesta málið snýst um skattsstofn upp á 2,2 milljarða.

Flestir þeirra sem voru til rannsóknar, en sleppa nú við ákæru, færðu fjármagn sem átti að skattleggjast á Íslandi til annarra landa og gáfu ekki réttar upplýsingar um skattstofn þess til að reyna að komast hjá greiðslu lögboðina skatta.
Flestir þeirra sem voru til rannsóknar, en sleppa nú við ákæru, færðu fjármagn sem átti að skattleggjast á Íslandi til annarra landa og gáfu ekki réttar upplýsingar um skattstofn þess til að reyna að komast hjá greiðslu lögboðina skatta.
Auglýsing

Und­an­dregin skatt­stofn þeirra 62 skattsvika­mála sem hér­aðs­sak­sókn­ari hefur fellt niður er alls 9,7 millj­arðar króna. Um er að ræða 5,7 millj­arða króna í van­fram­taldar tekjur og fjóra millj­arða króna í van­fram­taldar fjár­magnstekj­ur.

Um­fangs­mesta málið snýst um van­fram­taldar tekjur og fjár­magnstekjur vegna greiðslna frá erlendu félagi, vaxta­greiðslna og hluta­bréfa­við­skipta upp á sam­tals um 2,2 millj­ónir króna. Annað stórt mál snýst um van­fram­taldar tekjur upp á 876 millj­ónir króna vegna kaupa á hluta­bréfum á lægra verði en gang­verði, óheim­ilar úthlut­unar úr lög­að­ila og van­fram­tal­inna stjórn­ar­launa.

Þetta kemur fram í yfir­liti yfir þau mál sem voru látin niður falla sem Kjarn­inn fékk frá emb­ætti skatt­rann­sókn­ar­stjóra.

Málin voru felld niður vegna þess að máls­með­ferð þeirra hjá ann­ars vegar skatt­yf­ir­völdum og hins vegar hér­aðs­sak­sókn­ara var ekki nægi­lega sam­tvinnuð í efni og tíma, aðal­lega vegna þess að þeim var slegið á frest vegna þess að beðið var nið­ur­stöðu máls sem var til með­ferðar hjá Mann­rétt­inda­dóm­stóli Evr­ópu.

Það rof sem varð vegna þess að málin voru sett á bið varð á end­anum til þess að þau voru látin niður falla.

Lík­legt að fleiri mál verði látin falla niður

Kjarn­inn greindi frá því í gær að mál­in, sem eru gegn ein­stak­lingum sem grun­aðir eru um að hafa framið skattsvik, hefðu verið látin niður falla. Á meðal þeirra mála sem felld voru niður eru mál ein­stak­linga sem komu fyrir í Panama­skjöl­unum svoköll­uðu. Búist er við því að enn fleiri mál tengd ætl­uðum skattsvikum verði felld niður á næst­unni, en sam­tals eru 152 slík mál til með­ferðar hjá emb­ætti hér­aðs­sak­sókn­ara. Alls er skatt­stofn­inn í öllum þeim málum yfir 30 millj­arðar króna.

Auglýsing
Þegar er búið að end­ur­á­kvarða skatt­greiðslur á flesta þeirra sem undir eru í þeim rann­sókn­um. En í þeim málum sem felld hafa verið niður mun ekki verða hægt að leggja sektir á þá sem þau snú­ast um. Sekt fyrir skatt­svik getur verið frá því að vera tvö­föld sú skatt­fjár­hæð sem skotið var undan og upp að tífaldri þeirra fjár­hæð. Því er ljóst að íslenska ríkið verður af miklum fjár­hæðum vegna þessa og þeir sem sviku stór­fellt undan skatti munu enn fremur ekki þurfa að sæta refs­ingu fyrir að hafa framið hegn­ing­ar­laga­brot.

Íslensku sjó­menn­irnir sleppa

Engar upp­lýs­ingar fást hjá emb­ættum skatt­rann­sókn­ar­stjóra eða hér­aðs­sak­sókn­ara um hvaða ein­stak­lingar séu undir í þeim málum sem hafa verið látin niður falla. Sam­kvæmt heim­ildum Kjarn­ans eru mál íslenskra sjó­manna sem störf­uðu hjá íslenskum útgerðum erlendis þó á meðal þeirra mála sem felld voru nið­ur. Hin meintu brot mann­anna fólust í því að þeir greiddu ekki skatt af launum sínum á Íslandi á meðan að þeir unnu hjá íslenskum útgerðum í Afr­íku, þótt þeir hafi átt heim­il­is­­festi hér. Alls eru 33 þeirra mála sem hafa verið látin niður falla vegna tekna sem urðu til vegna starfa erlend­is. Um tugi millj­óna króna er um að ræða í van­fram­töldum tekjum í hverju til­felli fyrir sig. Sá ein­stak­lingur sem van­fram­taldi mest af tekjum vegna starfa erlendis var sam­tals með 114,5 millj­ónir króna í tekj­ur.

En stóru töl­urnar í mál­unum sem hafa verið látin niður falla eru í málum af öðrum toga. Líkt og áður sagði snú­ast tvö stærstu mál­in, sem sam­tals snú­ast um vantaldar tekjur upp á rúm­lega þrjá millj­arða króna, um ann­ars vegar greiðslur frá erlendu félagi, vaxta­tekjur og hluta­bréfa­við­skipti og hins vegar um van­fram­taldar tekjur vegna kaupa á hluta­bréfum á lægra verði en gang­verði, óheim­ilar úthlut­unar úr lög­að­ila og van­fram­tal­inna stjórn­ar­launa.

Þá eru stór mál sem snú­ast um tekjur vegna óheim­ilar úthlut­unar úr félögum og vegna fram­virkra samn­inga. Þar eru van­fram­taldar tekjur og fjár­magnstekjur upp á mörg hund­ruð millj­ónir króna í ein­stökum mál­um.



Tillagan um breytingu á skilyrðum fyrir stjórn FME kemur frá fjármálaráðuneytinu
Starfshópur fjallaði um hæfisskilyrði þeirra sem geta tekið sæti í stjórn Fjármálaeftirlitsins.
Kjarninn 20. nóvember 2018
Trump styður Sádi-Arabíu og olían hríðfellur
Eftir að Donald Trump lýsti yfir stuðningi við Sádí-Arabíu vegna morðsins á Jamal Khashoggi hrundi verðið á hráolíu.
Kjarninn 20. nóvember 2018
Raunverð fasteigna hækkað um 1,3 prósent undanfarið ár
Að teknu tilliti til verðbólgu hefur fasteignaverð lítið sem ekkert hækkað í eitt ár.
Kjarninn 20. nóvember 2018
Til lítils að fjölga leikskólarýmum ef leikskólarnir standa ómannaðir
Sjálfstæðismenn telja áætlanir meirihlutans í borginni ekki ganga upp.
Kjarninn 20. nóvember 2018
Baldur Blöndal
Gleymdur tími
Kjarninn 20. nóvember 2018
Bláa lónið
Grímur kaupir hlut Horns II í Bláa lóninu
Breyting hefur orðið á eignarhaldi í Bláa Lóninu en samningur hefur verið gerður um kaup Kólfs ehf., eignarhaldsfélags í meirihlutaeigu Gríms Sæmundsen, á hlut Horns II í Hvatningu hf. en Hvatning heldur á um 40% hlut í Bláa Lóninu hf..
Kjarninn 20. nóvember 2018
Heimavellir voru skráðir á markað fyrr á þessu ári.
Heimavellir ákveða að selja fleiri fasteignir
Í skráningarlýsingu Heimavalla frá því í vor kom fram að félagið ætlaði að selja fasteignir fyrir tíu milljarða fyrir árslok 2020. Nú hefur það ákveðið að selja eignir fyrir 17 milljarða á tímabilinu.
Kjarninn 20. nóvember 2018
Vandræði á Facebook
Gengið hefur brösulega fyrir notendur samfélagsmiðilsins Facebook að skoða efni á síðunni síðan í hádeginu í dag.
Kjarninn 20. nóvember 2018
Meira eftir höfundinnÞórður Snær Júlíusson
Meira úr sama flokkiFréttaskýringar