Vörusala Haga dróst saman um 5,6 milljarða á milli ára

Umtalsverður samdráttur varð í vörusölu Haga, stærsta smásala landsins, á fyrstu níu mánuðum uppgjörsárs félagsins. Kostnaður við rekstur lækkaði hins vegar á móti, meðal annars vegna styrkingu krónunnar. Hlutabréf í Högum lækkuðu um 33,8 prósent í fyrra.

Bónus er stærsta matvöruverslanakeðja landsins. Og krúnudjásn Haga.
Bónus er stærsta matvöruverslanakeðja landsins. Og krúnudjásn Haga.
Auglýsing

Vöru­sala Haga dróst saman um tvo millj­arða króna á þriðja árs­fjórð­ungi síð­asta árs, miðað við sama árs­fjórð­ung árið 2016. Á fyrstu níu mán­uðum upp­gjörsárs félags­ins dróst hún saman um tæp­lega 5,6 millj­arða króna. Félag­inu gekk á sama tíma vel að draga úr kostn­aði. Þar skipti styrk­ing krón­unnar umtals­verðu máli. Fram­legð, mun­ur­inn á vöru­sölu og kostn­að­ar­verði seldra vara, Haga minnk­aði því ekki um sömu töl­ur. Hún dróst saman um 636 millj­ónir króna á þriðja árs­fjórð­ungi í sam­an­burði við sama árs­fjórð­ung árið 2016. Á fyrstu níu mán­uðum upp­gjörsárs­ins var sam­drátt­ur­inn í fram­legð tæp­lega 1,5 millj­arðar króna.

Of­an­greint hafði umtals­verð áhrif á afkomu Haga fyrir fjár­magnsliði, afskriftir og skatta (EBITDA) á níu mán­aða tíma­bil­inu, en EBIT­DA-hlut­fallið fór úr 7,7 pró­sent í sex pró­sent á milli ára. Hagn­aður tíma­bils­ins eftir skatta var 1,9 millj­arðar króna, sem er 1,2 millj­arði krónum minni hagn­aður en á sama tíma­bili á árinu 2016.

Þetta kemur fram í árs­hluta­upp­gjöri Haga sem birt var í gær. Reikn­ing­ur­inn er fyrir tíma­bilið 1. mars 2017 til 30. nóv­em­ber 2017.

Miklar breyt­ingar eftir inn­reið Costco

Hagar hafa gengið í gegnum miklar breyt­ingar á und­an­förnu ári og aukin sam­keppni, með inn­reið Costco á mark­að­inn í maí 2017, hafði víð­tæk áhrif á starf­semi þessa stærsta smá­sala á Íslandi. Hagar sendu frá sér tvær afkomu­við­var­anir á síð­asta ári vegna þess sölu­sam­dráttar sem átt hafði sér stað hjá félag­inu á fyrstu mán­uð­unum eftir að Costco hóf starf­semi.

Costco hefur ekki einungis náð umtalsverðri hlutdeild á dagvörumarkaði, heldur einnig á eldsneytismarkaði. Í fyrrasumar sýndu tölur að Costco seldi sjötta hvern eldsneytislítra á höfuðborgarsvæðinu. MYND: Birgir Þór HarðasonEnda lækk­uðu hluta­bréf í Högum til að mynda um 33,8 pró­sent á síð­asta ári. Lækk­un­ar­hrinan hefur gert það að verkum að mark­aðsvirði Haga hefur farið úr 64,6 millj­örðum króna dag­inn áður en að Costco opn­aði, í 41,6 millj­arða króna í dag.

Stærsta ástæða þess er sú að Costco hefur tek­ist að ná umtals­verðri mark­aðs­hlut­deild í dag­vöru og gert það að verkum að verð hefur lækkað hjá öðrum stórum leik­endum á þeim mark­aði, meðal ann­ars Hög­um. Í til­kynn­ingu til Kaup­hallar vegna upp­gjörs þriðja árs­fjórð­ungar segir að verð­hjöðnun muni áfram hafa áhrif á rekstur félags­ins. „Fram­legð félags­ins er nær óbreytt milli ára og því ljóst að verð­lækk­anir skila sér í lægra vöru­verði til hags­bóta fyrir við­skipta­vini félags­ins.“

Búið að aðlaga félagið að breyttum veru­leika

Hagar hófu und­ir­bún­ing fyrir þau umskipti sem urðu á íslenskum smá­sölu­mark­aði tölu­vert áður en að Costco opn­aði. Þannig var ákveðið að leggja af starf­semi Deb­en­hams í Smára­lind, Out­let-verslun á Korpu­torgi, Úti­lífs­verslun í Glæsi­bæ, mat­vöru­hluta Hag­kaups í Holta­görð­um, efri hæð Hag­kaups í Kringl­unni og ýmsar tísku­versl­anir í Smára­lind og Kringl­unni.

Auglýsing
Þessar breyt­ingar spila hlut­verk í því að sala á vörum dróst saman á fyrstu níu mán­uðum upp­gjörs­tíma­bils Haga. Heild­ar­sölu­sam­dráttur var 9,4 pró­sent á tíma­bil­inu, miðað við saman tíma­bil árið áður, en 5,2 pró­sent ef frá er talin aflagða starf­sem­in.

Það breytir því ekki að í mat­vöru­versl­ana­hluta sam­stæð­unnar var sölu­sam­dráttur 5,1 pró­sent þegar búið er að leið­rétta fyrir þeim versl­unum sem var lok­að.

Sam­hliða því að loka alls kyns versl­unum var ráð­ist í breyt­ingar á öðr­um. Þannig var verslun Bónus í Smára­torgi stækkuð og end­ur­bætt verslun Hag­kaups opnuð á 1. hæð í Kringl­unni. Þá opn­aði fyrir skemmstu ný ZARA verslun á tveimur hæðum í Smára­lind.

Í til­kynn­ingu Haga til Kaup­hallar í gær­kvöldi segir enn fremur að tekin hafi verið ákvörðun um að flytja versl­anir Bónus í Faxa­feni og Mos­fells­bæ. „Versl­unin í Faxa­feni mun flytja í Skeif­una 11 seinni hluta árs en þar eru að hefj­ast fram­kvæmdir við að end­ur­byggja þann hluta eign­ar­innar sem skemmd­ist í bruna árið 2014. Þá hefur verið skrifað undir kaup­samn­ing um fast­eign við Háholt 17-19 í Mos­fellsbæ og mun verslun Bónus flytja þangað á haust­mán­uð­u­m.“

Von á nið­ur­stöðu um Olís

Hagar urðu fyrir áfalli í fyrra­sumar þegar Sam­keppn­is­eft­ir­litið hafn­aði sam­runa þess við Lyfju. Hagar til­­kynntu um það í lok apríl 2017 að félagið ætl­­aði að kaupa Olís á 9,1 millj­­arða króna. Þau kaup bíða einnig sam­­þykkis Sam­keppn­is­eft­ir­lits­ins. Vænta má nið­ur­stöðu eft­ir­lits­ins um mán­aða­mótin febr­ú­ar/mars.

Helstu eig­endur Haga eru íslenskir líf­eyr­is­sjóð­ir.

Netflix vex og vex
Nýjustu tölur frá Netflix komu fjárfestum á óvart og jókst markaðsvirði félagsins um fjögur prósent í dag.
Kjarninn 16. október 2018
Enn hægir á hækkun fasteignaverðs
Íbúðir í fjölbýli á höfuðborgarsvæðinu hafa hækkað um 3,4 prósent á undanförnu ári. Á vormánuðum í fyrra var hækkun 23,5 prósent.
Kjarninn 16. október 2018
Unnur Rán Reynisdóttir
Það er kominn tími til að almenningur móti samfélagið
Kjarninn 16. október 2018
Aðförin
Aðförin
Aðförin – Nýr Landspítali, nýtt þorp
Kjarninn 16. október 2018
Vilja að refsingar vegna ærumeiðinga verði afnumdar
Verði nýtt frumvarp að lögum verða refsingar vegna ærumeiðinga afnumdar. Auk þess verður ómerking ummæla, sem úrræði vegna ærumeiðinga, afnumin, sem og núgildandi heimild til þess að dæma fjárhæð til þess að standast kostnað af birtingu dóms.
Kjarninn 16. október 2018
Þórdís Lóa Þórhallsdóttir og Jón Steindór Valdimarsson
Förum vel með almannafé
Kjarninn 16. október 2018
Írabakki
Stjórn Félags leigjenda hjá Félagsbústöðum gagnrýnir rekstur Félagsbústaða
Stjórn Félags leigjenda hjá Félagsbústöðum segir vonda fjármálastjórn Félagsbústaða aðeins hluti vandans. Hún gagnrýnir að Félagsbústaðir hafi hagað sér eins og leigufélag á almennum markaði.
Kjarninn 16. október 2018
Kröfur í þrotabúi Primera air komnar upp í rúma 16 milljarða
Í kringum 500 fyrirtæki og einstaklingar hafa lýst kröfum í þrotabú flugfélagsins Primera Air. Flugfélagið varð gjaldþrota á dögunum en forstjórinn og stærsti eigandinn hefur tekið yfir rekstur ferðaskrifstofunnar.
Kjarninn 16. október 2018
Meira eftir höfundinnÞórður Snær Júlíusson
Meira úr sama flokkiFréttaskýringar