Skrifstofa forsetans greiddi einnig fyrir ferð embættismanns með Elizu

Forsetaskrifstofan greiddi fyrir annan embættismann sem fór með Elizu Reid forsetafrú í ferð hennar til Rússlands á heimsmeistaramótið í knattspyrnu þar sem hún fylgdist með leik íslenska landsliðsins til Argentínu.

Eliza Reid landsliðið
Auglýsing

For­seta­skrif­stofan greiddi fyrir emb­ætt­is­mann með Elizu Reid for­seta­frú í ferð hennar til Rúss­lands á heims­meist­ara­mótið í knatt­spyrnu þar sem hún fylgd­ist með leik íslenska lands­liðs­ins til Argent­ínu. Þetta kemur fram í svari for­seta­skrif­stof­unnar við fyr­ir­spurn Kjarn­ans.

­Greint var frá því í síð­ustu viku að ferð Elizu, þar sem hún fór með sonum sínum og Guðna Th. Jóhann­es­sonar eig­in­manns hennar og for­seta Íslands, hafi verið kostuð af emb­ætti for­seta Íslands. Þrátt fyrir það leit for­seta­emb­ættið ekki svo á að hún hafi verið á leiknum sem opin­ber emb­ætt­is­mað­ur.

Í til­kynn­ingu frá rík­is­stjórn Íslands þann 26. mars var því lýst yfir að íslenskir ráða­menn yrðu ekki við­staddir HM í Rúss­landi til að mót­mæla meintri efna­vopna­árás Rússa í breska bænum Salisburygegn Sergei Skrípal, rúss­neskum njósn­ara, og dóttur hans. Þessar aðgerðir stjórn­valda voru liður í þátt­töku í sam­stilltum aðgerðum vest­rænna ríkja vegna árás­ar­innar sem talin er alvar­legt brot á alþjóða­lögum og ógn við öryggi og frið í Evr­ópu.

Auglýsing

„Eliza Reid er ekki emb­ætt­is­mað­ur, fer ekki til Rúss­lands í opin­berum erinda­gjörðum og mun ekki eiga fundi með þar­lendum ráða­mönn­um. Ferð hennar fellur hins vegar undir verk­efni hennar og verk­svið sem for­seta­frú, meðal ann­ars átakið “Team Iceland”. För hennar er því greidd af skrif­stofu for­seta Íslands eins og gildir um aðrar utan­lands­ferðir af svip­uðu tag­i,“ sagði í svari skrif­stofu for­seta við fyr­ir­spurn Vísis.

Verk­svið maka for­set­ans hvergi skil­greint

Kjarn­inn spurði for­seta­skrif­stof­una um hvort verk­efni og/eða verk­svið maka for­seta Íslands væri skil­greind ein­hvers staðar form­lega? Í svari kom fram að staða maka for­seta Íslands sé hvergi skil­greind form­lega, „og rétt að hafa í huga að ekki hafa allir for­setar átt maka. Eigi for­seti maka er jafnan til þess ætl­ast að hann taki eftir föngum þátt í við­burðum og verk­efnum sem lúta að störfum for­seta Íslands. Um líf og hlut­verk maka for­seta á síð­ustu öld, og verk þeirra og verk­svið um þá daga, má m.a. fræð­ast um í ævi­sögum for­set­anna og BA-­rit­gerð­inni „Bankað upp á að Bessa­stöð­u­m“.“

Kjarn­inn spurði einnig að því hvernig það sam­rým­ist það að mati emb­ættis for­seta Íslands þeirri ákvörðun rík­is­stjórn­ar­innar frá 26. mars síð­ast­liðn­um,. að íslenskir ráða­menn sæki ekki heims­meist­ara­mótið í Rúss­landi, að for­seta­frúin fari á kostnað rík­is­ins á mót­ið? Sú afstaða emb­ætt­is­ins að maki for­seta Íslands sé ekki emb­ætt­is­maður var ítrekuð í svari skrif­stof­unn­ar.

„Ákvörðun rík­is­stjórnar 26. mars s.l. nær ekki til maka for­seta enda hefur maki for­seta enga stjórn­skipu­lega stöðu. Þá eru það engin tíð­indi að for­seta­frú sé við­stödd við­burði, sem emb­ætti for­seta Íslands stendur straum af kostn­aði við, án þess að for­seti sé með í för. Má þar nefna Eyr­ar­rós­ina, við­ur­kenn­ingu sem veitt er menn­ing­ar­stofnun eða -starfi ár hvert á lands­byggð­inni, ráð­stefnu á Ísa­firði um tungu­mál og fjöl­menn­ingu, útskrift á Akur­eyri og þar fram eftir göt­un­um. Erlendis má til dæmis nefna ráð­stefnu í Kanada um rík­is­borg­ara­rétt, ferða­lag til flótta­manna­búða í Jórdaníu og ráð­stefnu á vegum UNESCO í Óman. Til fróð­leiks mætti nefna að frá síð­ustu mán­aða­mótum hefur Eliza í krafti sinnar óform­legu en aug­ljósu stöðu á Bessa­stöðum verið við­stödd setn­ingu Lista­há­tíðar í Reykja­vík, setið styrkt­ar­kvöld­verð á vegum Barna­hjálpar Sam­ein­uðu þjóð­anna, verið við minn­ing­ar­at­höfn og messu á Sjó­manna­degi, flutt opn­unará­varp á tungu­mála­ráð­stefnu í Ver­öld – húsi Vig­dísar og annað ávarp á nor­rænu geð­lækna­þingi, lesið inn á fræðslu­mynd­band fyrir Nor­ræna hús­ið, átt fund með Kokka­lands­liði Íslands sem vernd­ari þess, sótt verð­launa­há­tíð­ina Grímuna og flutt ávörp við útskrift í skól­um. Er þá ekki allt talið og nán­ari upp­lýs­ingar má sjá á heima­síðu for­seta­emb­ætt­is­ins, www.­for­set­i.is.,“ segir í svari for­seta­skrif­stof­unn­ar. Þá segir að allir þessir við­burði falli undir verk­svið og verk­efni for­seta­frú­ar, á sama hátt og hún hafi haldið til Moskvu og sýnt þannig í verki nú sem endranær „stuðn­ing for­seta­emb­ætt­is­ins við lands­lið Íslands í knatt­spyrnu karla og frá­bæra frammi­stöðu þess, án þess að gengið hafi verið á svig við þá ákvörðun og ósk rík­is­stjórn­ar­innar að hátt­settir ráða­menn sæki ekki Heims­meist­ara­mótið í knatt­spyrnu og leiki Íslands þar.“

Þá spurði Kjarn­inn að því hvort aðrir emb­ætt­is­menn hefðu farið með for­seta­frúnni í ferð­ina til Moskvu, í hvaða erinda­gjörðum og með hvaða hætti þeirra ferða­lag hafi verið greitt. Fram kom í svar­inu að einn starfs­maður skrif­stofu for­seta Íslands hafi verið í för með for­seta­frúnni, „ eins og venja er í ferðum for­seta­frúar af þessu tagi. Í þetta sinn var Árni Sig­ur­jóns­son skrif­stofu­stjóri með í för og stóð skrif­stofan að sjálf­sögðu straum af kostn­aði við för hans.”

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Halyna Hutchins fæddist í Úkraínu, ólst upp á herstöð á norðurslóðum og nam kvikmyndatökustjórn í Los Angeles.
Halyna Hutchins – Mögnuð listakona sem var á hraðri uppleið
Hún var elskuleg, hlý, fyndin, heillandi á hraðri uppleið. Og dásamleg móðir. Með þessum hætti er kvikmyndatökustjórans Halyna Hutchins minnst. Hún varð fyrir skoti úr leikmunabyssu á tökustað kvikmyndarinnar Rust í gær.
Kjarninn 22. október 2021
Eggert Gunnþór Jónsson er hér til vinstri í leik gegn Hvíta-Rússlandi á Evrópumóti U-21 landsliða árið 2011.
Eggert Gunnþór segist saklaus
Knattspyrnumaðurinn Eggert Gunnþór Jónsson hafnar ásökunum um kynferðisbrot í Kaupmannahöfn árið 2010 og segist fullkomlega saklaus.
Kjarninn 22. október 2021
Ingrid Kuhlman
Munurinn á dánaraðstoð og sjálfsvígi er mikill
Kjarninn 22. október 2021
Sérfræðingar frá Syndis og Advania hafa tekið þátt í að skoða málið undanfarna daga.
Hætta á að tölvuþrjótar hafi komist yfir tölvupósta frá starfsmönnum HR
Rektor HR tilkynnti starfsfólki skólans það eftir hádegi í dag að möguleiki væri á því að tölvupóstar, jafnvel ár aftur í tímann, væru í höndum tölvuþrjóta. Ekki er þó ljóst hvort svo sé eða ekki, eða hvort afleiðingar af því verði einhverjar.
Kjarninn 22. október 2021
Ari Trausti Guðmundsson
Rafmagnað Grænland og Ísland?
Kjarninn 22. október 2021
Biður hagsmunasamtök að tjá sig ekki um verðhækkanir
Samkeppniseftirlitið brýnir fyrir forsvarsmönnum hagsmunasamtaka að taka ekki þátt í umfjöllunum um hækkandi vöruverð, þar sem samtökin eiga að fara gætilega þegar kemur að umræðu sem hefur áhrif á verðlagningu fyrirtækja.
Kjarninn 22. október 2021
Saga Japans
Saga Japans
Saga Japans – 44. þáttur: Drukkni sjóguninn
Kjarninn 22. október 2021
Samherji hf. er á lista yfir framúrskarandi fyrirtæki og raunar einnig Samherji Ísland ehf. og fleiri dótturfélög Samherja. Hins vegar er Samherji Holding ehf. ekki á lista, líklega þar sem félagið hefur ekki enn skilað ársreikningi fyrir árið 2019.
Bæði Samherji og Init ofarlega á listum yfir „framúrskarandi fyrirtæki“ ársins
Alls eru 878 fyrirtæki á lista CreditInfo yfir Framúrskarandi fyrirtæki árið 2021. Sum þeirra sem skipa efstu sætin á listum hafa verið til umfjöllunar undanfarin misseri fyrir hátterni sem erfitt er að tengja við það að skara fram úr.
Kjarninn 22. október 2021
Meira eftir höfundinnFanney Birna Jónsdóttir
Meira úr sama flokkiFréttaskýringar