Framundan eru mál­sóknir á hendur Mark Zucker­berg, for­stjóra og stofn­anda Face­book, en hlut­hafar eru ósáttir við ganga mála hjá fyr­ir­tæk­inu eftir að verð­miði þess hrundi um fimmt­ung fyrr í vik­unni eftir að upp­gjör félags­ins var birt, sem var langt undir vænt­ing­um.

Verð­miði fyr­ir­tæk­is­ins er nú búinn að lækka um 119 millj­arða Banda­ríkja­dala á tveimur síð­ustu við­skipta­dög­um, eða sem nemur meira en 12 þús­und millj­örðum króna.

Í umfjöllun Reuters kemur fram að einn hlut­hafi fyr­ir­tæk­is­ins, James Kacouris, sé að und­ir­búa hóp­mál­sókn en hann hefur sjálfur lagt fram kæru. Hún snýr að því að Face­book hafi brotið gegn lögum um verð­bréfa­við­skipti, með ónægri eða rangri upp­lýs­inga­gjöf til mark­að­ar­ins og fjár­festa.

Óhætt er að segja að Zucker­berg hafi staðið í ströngu und­an­farin miss­eri, enda hefur fyri­tækið verið sakað um að vera mið­punkt­ur­inn í upp­gangi popúl­isma í stjórn­málum í heim­inum og að hags­muna­að­ilar hafi með óeðli­legum hætti kom­ist yfir gögn um not­endur og nýtt þau til þess að hafa áhrif á kosn­ing­ar.