Vilja að utanaðkomandi aðilar meti virði Ögurvíkur

HB Grandi hefur gert samkomulag um að kaupa félagið Ögurvík af stærsta eiganda sínum og forstjóra, Guðmundi Kristjánssyni, á 12,3 milljarða króna. Stjórn og hluthafafundur eiga eftir að samþykkja kaupin.

Guðmundur Kristjánsson er stærsti eigandi HB Grandi og settist nýverið sjálfur í forstjórastól félagsins.
Guðmundur Kristjánsson er stærsti eigandi HB Grandi og settist nýverið sjálfur í forstjórastól félagsins.
Auglýsing

Hlut­hafar í HB Granda, sem Kjarn­inn hefur rætt við, vilja að utan­að­kom­andi aðilar verði fengnir til að meta virði Ögur­víkur ehf. áður en að gengið verði frá kaupum á félag­inu. Til­kynnt var um það eftir lokun mark­aða á föstu­dag að HB Grandi hefði gert sam­komu­lag um að kaupa Ögur­vík á 12,3 millj­arða króna.

Það sem er sér­stakt við kaupin er að núver­andi eig­andi Ögur­vík­ur, Brim hf., er líka stærsti eig­andi HB Granda með 35 pró­sent eign­ar­hlut. Guð­mundur Krist­jáns­son, eig­andi Brim, sett­ist auk þess nýverið í for­stjóra­stól HB Granda. Með sam­komu­lag­inu er væri HB Grandi því að kaupa eign af stærsta eig­anda sín­um, sem er í eigu for­stjóra félags­ins.

Í gær var send út til­kynn­ing til Kaup­hallar þar sem greint var frá því að boðað hafi verið til stjórn­ar­fundar í HB Granda næst­kom­andi fimmtu­dag þar sem fjallað verður um sam­komu­lag­ið, en stjórn og hlut­hafa­fundur félags­ins þurfa að sam­þykkja það áður en hægt verður að ganga frá kaup­un­um.

Líf­eyr­is­sjóðir eiga stóran hlut í HB Granda

Stærstu eig­endur HB Granda, að Brim frá­töldu, eru íslenskir líf­eyr­is­sjóð­ir. Líf­eyr­is­sjóður verzl­un­ar­manna á 13,66 pró­sent hlut, Líf­eyr­is­sjóður starfs­manna rík­is­ins á 9,94 pró­sent hlut, Gildi líf­eyr­is­sjóður á 8,62 pró­sent hlut og Birta líf­eyr­is­sjóður á 8,62 pró­sent hlut.

Auglýsing
Fulltrúar ann­arra hlut­hafa sem Kjarn­inn hefur rætt við segja að eðli­legt sé að hin ætl­uðu kaup verði kynnt á hlut­hafa­fundi svo þeir geti tekið afstöðu til þeirra. Þeir leggja einnig mikla áherslu á að utan­að­kom­andi aðilar verði fengnir til að leggja mat á þau verð­mæti sem HB Grandi er að kaupa, í ljósi þess að verið sé að kaupa félag sem fyrir er í eigu for­stjóra HB Granda og stærsta eig­anda þess.

Við­skiptin eru einnig háð sam­þykki Sam­keppn­is­eft­ir­lits­ins. Til stendur að fjár­magna kaupin með eigin fé og láns­fjár­magni.

Hár marg­fald­ari á eigið fé

Kjarn­inn greindi frá því á mánu­dag að sam­kvæmt árs­reikn­ingi Ögur­víkur fyrir árið 2017 þá hafi hagn­aður félags­ins numið 37 millj­ónum króna. Það hagn­að­ist hins vegar um 485 árið 2017. Félagið var með 747 millj­­ónir í eigið fé í lok árs. Eignir námu 6,25 millj­­örðum króna en skuldir 5,5 millj­­örðum króna. Þar af voru lang­­tíma­skuldir í erlendri mynt, 4,8 millj­­arðar króna.

Verð­mið­inn sem til­­kynnt var um til kaup­hallar er því 16,4 sinnum eigið fé félags­­ins, miðað við stöð­una eins og hún var í lok árs í fyrra.

Til sam­an­­burðar er verð­mið­inn á HB Granda nú 56,5 millj­­arðar króna, en eigið fé félags­­ins var um mitt þetta ár 250 millj­­ónir evra, eða sem nemur um 32,5 millj­­örðum króna. Mark­aðsvirðið er því 1,7 sinnum eigið fé félags­­ins.

Gerir út einn frysti­tog­ara

Ögur­vík er útgerð­ar­fé­lag í Reykja­vík sem gerir út frysti­togar­ann Vigra RE 71. Afla­heim­ildir hans á fisk­veiði­ár­inu sem hófst í byrjun mán­aðar eru 7.680 tonn af botn­fiski og 1.663 tonn af mak­ríl. Vigri RE er eitt kvóta­hæsta fiski­skip íslenska flot­ans.

Rúm tvö ár eru síðan að Brim keypti Ögur­vík, en þá var kaup­verðið sagt trún­að­ar­mál.

Borgarstjóri: Óvissu eytt um borgarlínu og framkvæmdir hefjast 2020
Skrifað hefur verið undir viljayfirlýsingu og samkomulag sem á að tryggja fjármögnun borgarlínu.
Kjarninn 21. september 2018
Breytingar hafa leitt til verulega bætts árangurs peningastefnunnar
Aðalhagfræðingur Seðlabanka Íslands segir að þær breytingar sem gerðar hafa verið á framkvæmd peningastefnunnar hafi skilað miklum árangri.
Kjarninn 21. september 2018
Steinunn Þorvaldsdóttir
Afleitur handavandi
Kjarninn 21. september 2018
WOW air greiðir hærri vexti en önnur flugfélög
Bloomberg segir að vextirnir sem WOW air borgar vegna skuldabréfaútgáfu sinnar séu hærri en vextir í útboðum annarra evrópskra flugfélaga sem farið hafa fram á síðustu árum.
Kjarninn 21. september 2018
Birkir Hólm Guðnason
Birkir Hólm Guðnason nýr forstjóri Samskipa
Pálmar Óli Magnússon lætur af störfum sem forstjóri Samskipa og Birkir Hólm Guðnason tekur við.
Kjarninn 21. september 2018
Þórdís Kolbrún R. Gylfadóttir, ferðamála-, iðnaðar- og nýsköpunarráðherra.
Ráðherra skipar stýri­hóp um mótun nýsköp­un­ar­stefnu fyrir Ísland
Þórdís Kolbrún R. Gylfadóttir hefur skipað stýrihóp um mótun heildstæðrar nýsköpunarstefnu fyrir Ísland. Stefnan skal liggja fyrir ekki síðar en 1. maí næstkomandi.
Kjarninn 21. september 2018
Vilja þyrlupall á Heimaey
Fimm þingmenn hafa nú lagt fram þingsályktunartillögu þar sem samgöngu- og sveitarstjórnarráðherra er falið að gera ráðstafanir til að hanna og staðsetja þyrlupall á Heimaey til að auka enn frekar öryggi í sjúkra- og neyðarflugi til Vestmannaeyja.
Kjarninn 21. september 2018
Helmingur landsmanna sækir fréttir af vefsíðum fréttamiðla
Samkvæmt nýrri könnun MMR sækja einungis 4 prósent Íslendinga helst fréttir í dagblöð en 9 prósent af samfélagsmiðlum.
Kjarninn 21. september 2018
Meira eftir höfundinnÞórður Snær Júlíusson
Meira úr sama flokkiFréttaskýringar