Mun færri flóttamenn hafa sótt um hæli í ár en árin á undan

Miðað við þann fjölda flóttamanna sem sótt hefur um hæli hérlendis það sem af er ári mun þeim sem sækja hér um hæli fækka um rúmlega 40 prósent milli ára. Til stendur að borga flóttamönnum fyrir að draga umsóknir til baka.

Flestir þeirra kvótaflóttamanna sem koma til Íslands eru Sýrlendingar sem dvelja í Líbanon. Á meðan að kvótaflóttamönnum fjölgar fækkar þeim sem koma hingað á eigin vegum til að sækja um hæli.
Flestir þeirra kvótaflóttamanna sem koma til Íslands eru Sýrlendingar sem dvelja í Líbanon. Á meðan að kvótaflóttamönnum fjölgar fækkar þeim sem koma hingað á eigin vegum til að sækja um hæli.
Auglýsing

lls hafa 533 ein­stak­lingar sótt um alþjóð­lega vernd á Íslandi á fyrstu tíu mán­uðum árs­ins 2018. Flestir þeirra koma frá Írak, alls 89 tals­ins. Þá komu 70 frá Alban­íu, sem flokk­ast sem er á lista stjórn­valda yfir örugg ríki þar sem grund­vall­­ar­­mann­rétt­indi eru almennt talin virt. Þeim sem sækja um hæli frá öruggum ríkjum er yfir­­­leitt ekki veitt hæli hér­­­lend­­is.

Af þeim sem sótt hafa um hæli það sem af er ári eru 319 full­orðnir karl­menn, 86 kon­ur, 64 drengir og 54 stúlk­ur. Þar af eru tíu fylgd­ar­laus börn. Alls hafa 577 mál verið afgreidd á árinu 2018. Í þeim hafa 114 manns fengið hæli hér­lend­is, 187 verið synjað um slíkt, 117 verið sendir aftur til þess lands sem þeir komu fyrst til innan Evr­ópu á grund­velli Dyfl­in­ar-­reglu­gerð­ar­inn­ar, 47 hafa fengið vernd í öðru ríki og 112 hafa hlotið önnur en óskil­greind mála­lok.

Þetta kemur fram í nýrri töl­fræði vernd­ar­sviðs Útlend­inga­stofn­unar sem birt var í síð­ustu viku.

Auglýsing

Mun færri flótta­menn en 2016 og 2017

Það stefnir allt í að mun færri flótta­menn sæki um hæli á Íslandi í ár en á und­an­förnum árum. Á öllu árinu 2017 sóttu hér um 1.096 manns um slíkt og því stefnir í að fjöldi hæl­is­leit­enda verði tæp­lega 60 pró­sent af því sem hann var í fyrra. Þá fengu 115 flótta­menn hæli hér, eða nán­ast sami fjöldi og hefur fengið slíkt það sem af er ári.

Flestir flótta­menn komu hingað til lands árið 2017 þegar þeir voru 1.130 tals­ins. Þá fengu 110 manns hæli á Íslandi.

Sam­kvæmt rík­is­reikn­ingi fyrir árið 2017, sem birtur var í síð­ustu viku, var heild­ar­kostn­aður rík­is­sjóðs vegna hæl­is­leit­enda 3.093 millj­ónir króna í fyrra. Það er 105 millj­ónum króna minna en fjár­hags­á­ætlun fyrir árið hafði gert ráð fyr­ir.

Fyrir utan þá flótta­menn sem koma að sjálfs­dáðum til lands­ins þá tekur Ísland líka við svoköll­uðum kvótaflótta­mönn­um. Stefnt er að því að taka við allt að 75 slíkum á næsta ári, að mestu Sýr­lend­ingum sem eru staddir í Líbanon og hinsegin flótta­mönnum og fjöl­skyldum þeirra frá Kenýa.

Áður hafði Ísland tekið við sam­tals 695 kvótaflótta­mönnum á 62 árum.

Vill borga flótta­mönnum fyrir að draga umsóknir til baka

Sig­ríður Á. And­er­sen dóms­mála­ráð­herra hefur lagt fram drög að reglu­gerð sem í felst að Útlend­inga­stofnun fái heim­ild til þess að greiða end­urað­lög­un­­ar- og ferða­­styrk til umsækj­enda um alþjóð­­lega vernd í til­­­teknum til­­vik­­um. Þau til­­vik sem um ræðir eru þegar flótta­­maður hefur annað hvort dregið umsókn sína um vernd hér­­­lendis til baka eða hann hefur fengið synjun og ákvörðun hefur verið tekin um að veita aðstoð til sjálf­viljugrar heim­far­­ar.

Þeim yrði þá greitt fyrir að fara frá Íslandi í tveimur greiðsl­­um. Sú fyrri, svo­­kall­aður ferða­­styrk­­ur, yrði greiddur út á Kefla­vík­­­ur­flug­velli. Sá síð­­­ari, svo­­kall­aður end­urað­lög­un­­ar­­styrk­­ur, yrði greiddur í heima­­ríki við­kom­andi.

Upp­­hæð­­irnar sem standa til boða sem styrkur til þess­­ara aðila fara meðal ann­­ars eftir því hvort við­kom­andi er barn eða full­orð­inn og hvaðan hann kem­­ur. Þannig eiga full­orðnir ein­stak­l­ingar frá Afganistan, Íran, Írak, Níger­­íu, Sómal­­íu, Palest­ínu og Pakistan að fá allt að eitt þús­und evr­­­ur, um 123 þús­und krón­­ur, ef þeir sam­­þykkja að fara sjálf­vilj­ugur frá íslandi eða hafa fengið synjun á beiðni um alþjóð­­lega vernd. Barn frá sömu löndum getur hins vegar fengið 600 evrur sam­tals, um 74 þús­und krón­­ur.

Full­orðnir ein­stak­l­ingar frá Alsír, Egypta­landi, Kasakstan og Marokkó eiga að fá allt að 700 evr­­­ur, 86 þús­und krón­­ur, fyrir að fara frá Íslandi en börn frá sömu löndum fá 37 þús­und krónur sam­tals í ferða- og end­urað­lög­un­­ar­­styrk.

Fylgd­­ar­­laus börn frá öllum ofan­­greindum ríkjum geta fengið allt að eitt þús­und evr­­­ur, 123 þús­und krón­­ur, sam­­þykki þau að draga vernd­­ar­um­­sókn sína til baka eða að það sé þegar búið að synja þeim um alþjóð­­lega vernd.

Flótta­­menn frá öðrum löndum en ofan­­greindum geta fengið á  bil­inu 100 til 200 evrur í ferða- og end­urað­lög­un­­ar­­styrk fall­ist þeir á þau skil­yrði sem eru fyrir styrk­veit­ing­unni.

Drögin voru birt í sam­ráðs­gátt stjórn­valda 17. ágúst síð­ast­lið­inn og sam­ráðið stóð yfir í tíu daga. Engar umsagnir bár­ust.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Bjarni Benediktsson er formaður Sjálfstæðisflokksins.
Bjarni segir rangt að hann „vilji Sósíalistaflokkinn feigan“
Formaður Sjálfstæðisflokksins segir að Gunnar Smári Egilsson snúi út úr orðum sínum um styrki til stjórnmálaflokka. Honum þyki 120 milljóna styrkur á kjörtímabilinu til flokks sem fékk enga þingmenn kjörna einfaldlega of há fjárhæð.
Kjarninn 16. ágúst 2022
Finnur Birgisson
Saga tekjutengingar ellilífeyris almannatrygginga frá 1946
Kjarninn 16. ágúst 2022
Gunnar Smári Egilsson er formaður framkvæmdastjórnar Sósíalistaflokks Íslands.
Segir Bjarna vilja ýkja völd Sjálfstæðisflokks umfram fylgi og draga úr áhrifum annarra
Bjarni Benediktsson hefur sagt að hann vilji draga úr opinberum styrkjum til stjórnmálaflokka. Gunnar Smári Egilsson segir ástæðuna þá að Sjálfstæðisflokkurinn þurfi ekki jafn mikið á greiðslu frá ríkinu að halda og áður.
Kjarninn 16. ágúst 2022
Hér má sjá Drífu Snædal, fyrrverandi forseta ASÍ, og Sólveigu Önnu Jónsdóttur, formann Eflingar þegar betur áraði i samskiptum þeirra á milli.
Segir ASÍ hafa beinlínis unnið gegn nýjum öflum innan verkalýðshreyfingarinnar
Formaður Eflingar segir fram­kvæmda­stjóra SA ekki missa svefn yfir útbreiddum svikum atvinnu­rek­enda á þeim kjara­samn­ingum sem hann gerir fyrir þeirra hönd. Í greinaflokki, sem byrjaði að birtast í morgun, ætlar hún að rekja sögu ágreinings innan ASÍ.
Kjarninn 16. ágúst 2022
Horft niður í Hvalfjörð frá Brekkukambi í Hvalfjarðarsveit. Á fjallinu stendur til að byggja vindorkuver.
Íslenskir sérhagsmunaaðilar með „erlenda orkurisa í farteskinu“
Þótt ekkert vindorkuver sé risið hafa áform um fjölmörg slík þegar valdið sundrungu og deilum innan samfélaga út um landið, segir Andrés Skúlason, verkefnisstjóri hjá Landvernd. Hann segir vindorkufyrirtæki beita miklum þrýstingi og jafnvel blekkingum.
Kjarninn 16. ágúst 2022
Auglýsing frá upphafi áttunda áratugar síðustu aldar.
Ævintýrið um Carmen rúllurnar
Hvað gerir danskur kaupmaður sem finnst hann ekki hafa nóg fyrir stafni? Hjá Arne Bybjerg kaupmanni í danska bænum Kalundborg var svarið einfalt: að framleiða hárrúllur. Hann gaf þeim nafnið Carmen.
Kjarninn 16. ágúst 2022
Eitt og annað ... einkum danskt
Eitt og annað ... einkum danskt
Ævintýrið um Carmen rúllurnar
Kjarninn 16. ágúst 2022
Sólveig Anna Jónsdóttir
Villimenn við borgarhliðið: Kreppa íslensku verkalýðshreyfingarinnar I
Kjarninn 16. ágúst 2022
Meira eftir höfundinnÞórður Snær Júlíusson
Meira úr sama flokkiFréttaskýringar