Skiptastjóri félags Björgólfs Thors og Róberts stefnir Glitni

Björgólfur Thor Björgólfsson ábyrgist greiðslu kostnaðar í riftunarmáli félags sem á engar eignir gegn Glitni HoldCo. Hann er annar af tveimur kröfuhöfum sem lýstu samtals 13,9 milljörðum króna í búið. Hinn er stefndi í málinu, Glitnir HoldCo.

wessman btb
Auglýsing

Skipta­stjóri þrota­bús Main­see Hold­ing ehf. hefur stefnt Glitni HoldCo, félagi utan um eft­ir­stand­andi eignir hins fallna banka Glitis og vill rifta greiðslu á skuld Main­see Hold­ing við Glitni HoldCo upp á tæp­lega 6,7 millj­ónir evra  sem fram fór með yfir­töku Glitnis HoldCo á hendur félag­inu Salt Invest­ment, sem í dag heitir Bell­mann ehf. 

­Eig­endur þess félags eru skráðir Róbert Wessman (87,5 pró­sent), Matth­ías H. Johann­es­sen (1,9 pró­sent) auk þess sem Bell­mann á 10,6 pró­sent hlut í sjálfu sér.

Vegna þess­arar rift­unar vill þrota­búið að Glitnir HoldCo greiði sér tæp­lega 1,1 millj­arð króna auk vaxta og máls­kostn­að­ar. 

Gert er ráð fyrir að sex menn verði látnir bera vitni í mál­inu: Björgólfur Thor Björg­ólfs­son, Róbert Wess­man, Árna Harð­ar­son, Gunnar Eng­il­berts­son, Sig­ur­geir Guð­laugs­son og Matth­ías H. Johann­es­sen.

Björgólfur Thor borgar

Það sem er athygl­is­vert við stefn­una er að stærsti kröfu­hafi Main­see Hold­ing er Glitnir HoldCo. Af þeim 13,9 millj­arða kröfum sem lýst var í búið lýsti félagið 9,1 millj­örðum króna í það. Því er verið að stefna stærsta kröfu­haf­an­um.

Einn annar kröfu­hafi er til stað­ar, Björgólfur Thor Björg­ólfs­son, sem lýsti kröfu upp á 4,7 millj­arða króna. Í stefn­unni, sem Kjarn­inn hefur undir hönd­um, segir að á skipta­fundi þann 7. sept­em­ber 2018 hafi skipta­stjóri þrota­bús­ins, Sveinn Andri Sveins­son, upp­lýst að ekki væru til fjár­munir í búinu til að höfða rift­un­ar­mál vegna greiðslu á skuld Main­see Hold­ing við Glitni. Til að hægt yrði að ráð­ast í máls­höfðun yrði að koma til ábyrgðar frá ein­hverjum kröfu­hafa.

Auglýsing
Síðan segir orð­rétt: „Lög­maður Björg­ólfs Thors óskaði bókað að hann stað­festi fyrir hönd hans að hann ábyrgist greiðslu alls kostn­aðar skipta­stjóra (þóknun og útlagður kostn­að­ur) vegna þess rift­un­ar­máls sem skipta­stjóri hefði boðað að yrði höfð­að.“

Deilur sem teygja sig langt aftur

Main­see Hold­ing var úrskurðað gjald­þrota 7. febr­úar síð­ast­lið­inn og Sveinn Andri skip­aður skipta­stjóri. Félagið var stofnað í júlí 2007 og var í jafnri eigu Novator Pharma, fé­lags Björg­ólfs Thor Björg­ólfs­­son­­ar, og Salt Pharma, sem var í eigu Ró­berts Wessman í gegn­um fé­lagið Salt Invest­ment. Þeir tveir voru sam­starfs­menn á árum áður en hafa tek­ist hart á, bæði opin­ber­lega og í dóm­sölum síð­ast­lið­inn ára­tug.

Main­see Hold­ing hélt utan um hlut þeirra í þýska lyfja­­fyr­ir­tæk­inu Main­see Pharma GmbH. Björgólfur Thor og Róbert Wessman geng­ust báðir undir per­sónu­legar ábyrgð á efndum láns sem félagið fékk hjá Glitni haustið 2007.

Sam­kvæmt stefn­unni tók Glitnir HoldCo yfir Main­see Hold­ing 4. nóv­em­ber 2009. „Var félagið síðar selt dótt­ur­fé­lagi bank­ans, GL Invest­ments ehf. Rúmu ári síðar seldi bank­inn þýsku dótt­ur­fé­lagi Act­a­vis Group hf. lyf­sölu-­rekstur og ýmsar eigur Main­see Pharma GmbH en umsamið kaup­verð var 30 millj­ónir evra. Í sölu­samn­ingi var tekið fram að und­an­skilin væri við sölu eigna Main­see Pharma GmbH krafa félags­ins á hendur Salt Invest­ments ehf.“

Auglýsing
Sú krafa stafaði, sam­kvæmt stefn­unni, af milli­færslu fjár­muna upp á 4.450.000 evrur í eigu Main­see Pharma GmbHH inn á reikn­ing Salt Invest­ment ehf.

Björgólfur Thor stefndi Róberti Wessman og við­skipta­fé­laga hans Árna Harð­ar­sonar vegna þessa máls og sak­aði þá um fjár­drátt. Hann vildi að þeir myndu greiða honum tvær millj­ónir evra vegna þess. Róbert og Árni höfn­uðu ætið mála­til­bún­að­inum og sögðu hann ekki eiga sér stoð í raun­veru­leik­an­um. Þeir voru sýkn­aðir af þessum kröfum í fyrra í Hæsta­rétti. Í þeim dómi kom hins vegar fram að milli­færslan hefði verið ólög­mæt. Björgólfur Thor greiddi þann hluta Main­see-skuld­ar­innar sem hann var í per­sónu­legri ábyrgð fyrir í skulda­upp­gjöri sínu sem fram fór árið 2010 og byggði krafa hans á því að end­ur­heimta það fé.

Ræddu sættir

Sum­arið 2011 var gerð sam­runa­á­ætlun fyrir Main­see Pharma GmbH og Main­see Hold­ing. Við það rann fyrr­nefnda félagið inn í Main­see Hold­ing, þar á meðal krafan sem það átti á hendur Salt Invest­ment. Sam­kvæmt sam­runa­efna­hags­reikn­ingi var skuldin þá rúm­lega einn millj­arður króna. Í síð­ari árs­reikn­ingum hafði þessi krafa hins vegar fallið út.

Í stefn­unni seg­ir: „Aðspurður um það við skýrslu­töku hjá skipta­stjóra þann 12. febr­úar 2018...hvernig upp­gjör á kröfu Salt Invest­ment hefði farið fram, greindi Ingólfur Hauks­son stjórn­ar­for­maður frá því að þann 15. febr­úar 2011 hefði verið gert sam­komu­lag milli Glitnis Banka hf (núna Glitnir HoldCo) og Main­see GmbH þar sem Glitnir keypti kröf­una á hendur Salt Invest­ment miðað við stöðu kröf­unnar þá, á 6.668.309 evra. Kom þessi fjár­hæð til lækk­unar á kröfu Glitnis á hendur Main­see Gmb­H[...]Einnig greindi Ingólfur frá því að ástæða þess að beðið var um skipti á stefn­anda var að félagið hafði enga starf­semi með hönd­um, tekjur voru engar og skuldir mjög miklar við Glitni, þ.e.a.s. eft­ir­stöðvar á þess­ari upp­haf­legu fjár­mögnun Glitnis Banka.“

Skipta­stjóri Main­see Hold­ing sendi Glitni HoldCo bréf 29. júní 2018 þar sem hann til­kynnti um að kaupum Glitnis HoldCo á kröfu á Salt Invest­ment væri rift og fór fram á að Glitnir HoldCo myndi greiða þrota­bú­inu tæp­lega 1,1 millj­arð króna auk vaxta. Glitnir HoldCo hafn­aði þessum mála­til­bún­aði og hélt því fram að hin fram­selda krafa hefði verið einskis virði.

Á skipta­fundi 7. sept­em­ber lét lög­maður Björg­ólfs Thors bóka að hann væri sam­mála þeirri afstöðu skipta­stjóra sem fram kæmi í bréfum hans til Glitnis HoldCo. „Lýsti hann því yfir að hann teldi fullt til­efni til þess að höfða rift­un­ar­mál vegna kaupa stefnda á kröfu stefn­anda á hend-ur Salt Invest­ments.“ Í kjöl­farið stað­festi lög­mað­ur­inn að Björgólfur Thor væri til­búin að ábyrgj­ast greiðslu alls kostn­aðar vegna rift­un­ar­máls­ins.

Lög­menn kröfu­hafanna, Glitnis HoldCo og Björg­ólfs Thors, ræddu um sættir í mál­inu bæði fyrir og eftir skipta­fund­inn. Þær sættir náð­ust ekki og því ákvað þrota­búið að stefna Glitni HoldCo vegna máls­ins.

Andlát og skilnaður valda titringi í Seattle-hagkerfinu
Ævintýraleg auðsöfnun stofnenda verðmætustu fyrirtækja heimsins, Microsoft og Amazon, hefur haft mikil áhrif á Seattle svæðið. Skyndilegt andlát Paul Allen og skilnaður Jeff Bezos, hafa valdið titringi í hagkerfi borgarinnar.
Kjarninn 18. janúar 2019
Furða sig á skýrslu um hvalveiðar við Ísland
Forsætisráðherra segir skýrslu um hvalveiðar við Ísland sérkennilegt útspil. Stjórn Hvalaskoðunarsamtaka Íslands gagnrýnir skýrsluna harðlega.
Kjarninn 18. janúar 2019
Meirihluti Íslendinga vill seinka klukkunni – Kjósendur Miðflokksins eru því andvígastir
Munur er á viðhorfi til klukkunnar eftir því hvaða stjórnmálaflokk fólk myndi kjósa. Kjósendur Viðreisnar eru hlynntastir því að klukkunni yrði seinkað en kjósendur Miðflokksins andvígastir.
Kjarninn 18. janúar 2019
Sólveig Anna Jónsdóttir, formaður Eflingar.
Efling hafnar tillögum SA um vinnutímabreytingu
Stjórn, trúnaðarráð og samninganefnd Eflingar hafna tillögum SA um að víkka út ramma dagvinnutíma, að taka út launaða kaffitíma og að lengja uppgjörtímabil yfirvinnu. Þau telja að framkvæmd þessara tillagna yrði mikil afturför fyrir kjör almennings.
Kjarninn 18. janúar 2019
Skuldabréfaeigendur WOW samþykkja breytingar á skilmálum
Stærsta fyrirstaðan fyrir því að Indigo Partners klári aðkomu sína að WOW air hefur verið rutt úr vegi. Skuldabréfaeigendur hafa samþykkt að breyta skilmálum.
Kjarninn 18. janúar 2019
Nýr gagnagrunnur um þróun lífskjara á Íslandi
Forsætisráðherra opnaði vefinn Tekjusagan.is í dag sem er nýr gagnagrunnur stjórnvalda. Gagnagrunnurinn gerir almenningi kleift að skoða með aðgengilegum hætti breytingar á lífskjörum einstakra hópa á 25 ára tímabili, frá árinu 1991 til 2017.
Kjarninn 18. janúar 2019
Hagar reka meðal annars Bónus.
Jóni Ásgeiri hafnað í stjórnarkjöri í Högum
Ný stjórn var kjörin í Högum í dag. Þeir fimm sem tilnefningarnefnd mælti með voru kjörin. Jón Ásgeir Jóhannesson sóttist eftir stjórnarsetu en náði ekki kjöri.
Kjarninn 18. janúar 2019
Tæknivarpið
Tæknivarpið
Tæknivarpið – Rafíþróttir á Íslandi og stórleikir í Höllinni
Kjarninn 18. janúar 2019
Meira eftir höfundinnÞórður Snær Júlíusson
Meira úr sama flokkiFréttaskýringar