Rúmlega hálfur milljarður króna til viðbótar úr ríkissjóði vegna flóttamanna

Heildarútgjöld vegna útlendingamála verða aðeins lægri í ár en 2017 þótt fyrir liggi að umsóknum um hæli hérlendis muni fækka umtalsvert. Á fjáraukalögum er rúmlega hálfum milljarði króna ráðstafað í málaflokkinn.

germany-migrants_21057571505_o.jpg
Auglýsing

Í fjár­auka­lögum árs­ins 2019 var sam­þykkt að leggja 500 millj­óna króna við­bót­ar­fram­lag til að mæta auknum kostn­aði vegna þjón­ustu við umsækj­endur um alþjóð­lega vernd. Auk þess var fram­lag til að mæta auknum kostn­aði við flýti­með­ferð dval­ar- og atvinnu­leyfa hækkað um 29,2 millj­ónir króna. Því fram­lagi er ætlað að mæta launa­kostn­aði þriggja starfs­manna sem ráða þurfti til að sinna þess­ari þjón­ustu.

Í frum­varpi vegna fjár­auka­laga segir að þrátt fyrir að dregið hafi úr til­hæfu­lausum umsóknum vegna breyt­inga á reglu­verki, hafi umsóknum um alþjóð­lega vernd fjölg­að. „Miklar sveiflur hafa ein­kennt mála­flokk­inn bæði hvað varðar fjölda umsókna, eðli mála, máls­með­ferð­ar­tíma og dvöl í þjón­ustu eins sem heil­brigðis­kostn­aður hefur verið stór óvissu­þátt­ur.“

Fram­lög á fjár­lögum hafa dreg­ist saman og flótta­mönnum fækkað

Heild­ar­út­gjöld vegna útlend­inga­mála voru um 4,2 millj­arðar króna árið 2017. Þau áttu að lækka umtals­vert á þessu ári og sam­kvæmt fjár­lögum var reiknað með því að þau yrðu tæp­lega 3,6 millj­arðar króna. Með við­bót­ar­fram­lag­inu munu þau ekki ná því að vera jafn há og þau voru árið 2017.

Auglýsing
Samkvæmt fjár­laga­frum­varpi árs­ins 2019 var gert ráð fyrir að heild­ar­út­gjöld vegna útlend­inga­mála verði rúm­lega 3,6 millj­arðar króna.

Í lok nóv­em­ber síð­ast­liðnum höfðu alls 710 sótt um vernd á Íslandi það sem af er ári. Alls fengu 154 vernd hér­lendis á fyrstu ell­efu mán­uðum árs­ins.

Það er því nokkuð ljóst að mun færri flótta­­menn sæki um hæli á Íslandi í ár en á und­an­­förnum árum. Á öllu árinu 2017 sóttu hér um 1.096 manns um slíkt og því stefnir í að fjöldi hæl­­is­­leit­enda verði tæp­­lega 60 pró­­sent af því sem hann var í fyrra. Þá fengu 115 flótta­­menn hæli hér.

Flestir flótta­­menn komu hingað til lands árið 2016 þegar þeir voru 1.130 tals­ins. Þá fengu 110 manns hæli á Íslandi.

Fyrir utan þá flótta­­menn sem koma að sjálfs­dáðum til lands­ins þá tekur Ísland líka við svoköll­uðum kvótaflótta­­mönn­­um. Stefnt er að því að taka við allt að 75 slíkum á næsta ári, að mestu Sýr­­lend­ingum sem eru staddir í Líbanon og hinsegin flótta­­mönnum og fjöl­­skyldum þeirra frá Kenýa.

Áður hafði Ísland tekið við sam­tals 695 kvótaflótta­­mönnum á 62 árum.

Borga flótta­mönnum fyrir að draga umsóknir til baka

Kjarn­inn greindi frá því í ágúst að Sig­ríður Á. And­er­sen dóms­­mála­ráð­herra vildi að Útlend­inga­­stofnun fengi heim­ild til þess að greiða end­urað­lög­un­­ar- og ferða­­styrk til umsækj­enda um alþjóð­­lega vernd í til­­­teknum til­­vik­­um.Sigríður Á. Andersen dómsmálaráðherra. MYND: Bára Huld Beck.

Þau til­­vik sem um ræðir eru þegar flótta­­maður hefur annað hvort dregið umsókn sína um vernd hér­­­lendis til baka eða hann hefur fengið synjun og ákvörðun hefur verið tekin um að veita aðstoð til sjálf­viljugrar heim­far­­ar.

Þeim yrði þá greitt fyrir að fara frá Íslandi í tveimur greiðsl­­um. Sú fyrri, svo­­kall­aður ferða­­styrk­­ur, yrði greiddur út á Kefla­vík­­­ur­flug­velli. Sá síð­­­ari, svo­­kall­aður end­urað­lög­un­­ar­­styrk­­ur, yrði greiddur í heima­­ríki við­kom­andi.

Reglu­gerð sem inn­leiddi þessar greiðslur tók gildi í byrjun nóv­em­ber síð­ast­lið­ins.

Auglýsing
Upp­hæð­irnar sem standa til boða sem styrkur til þess­­ara aðila fara meðal ann­­ars eftir því hvort við­kom­andi er barn eða full­orð­inn og hvaðan hann kem­­ur. Þannig eiga full­orðnir ein­stak­l­ingar frá Afganistan, Íran, Írak, Níger­­íu, Sómal­­íu, Palest­ínu og Pakistan að fá allt að eitt þús­und evr­­­ur, um 123 þús­und krón­­ur, ef þeir sam­­þykkja að fara sjálf­vilj­ugur frá íslandi eða hafa fengið synjun á beiðni um alþjóð­­lega vernd. Barn frá sömu löndum getur hins vegar fengið 600 evrur sam­tals, um 74 þús­und krón­­ur.

Full­orðnir ein­stak­l­ingar frá Alsír, Egypta­landi, Kasakstan og Marokkó eiga að fá allt að 700 evr­­­ur, 86 þús­und krón­­ur, fyrir að fara frá Íslandi en börn frá sömu löndum fá 37 þús­und krónur sam­tals í ferða- og end­urað­lög­un­­ar­­styrk.

Fylgd­­ar­­laus börn frá öllum ofan­­greindum ríkjum geta fengið allt að eitt þús­und evr­­­ur, 123 þús­und krón­­ur, sam­­þykki þau að draga vernd­­ar­um­­sókn sína til baka eða að það sé þegar búið að synja þeim um alþjóð­­lega vernd.

Flótta­­menn frá öðrum löndum en ofan­­greindum geta fengið á  bil­inu 100 til 200 evrur í ferða- og end­urað­lög­un­­ar­­styrk fall­ist þeir á þau skil­yrði sem eru fyrir styrk­veit­ing­unni.

Þurfa að und­ir­­rita skulda­við­­ur­­kenn­ingu

Umsókn um end­urað­lög­un­­ar­­styrk skal lögð fram innan tveggja daga frá því umsókn um alþjóð­­lega vernd er dregin til baka eða henni synj­að. Ef umsókn um vernd er dregin til baka er Útlend­inga­­stofnun heim­ilt að greiða fullan end­urað­lög­un­­ar­­styrk. Ef umsókn um end­urað­lög­un­­ar­­styrk er lögð fram eftir að ákvörðun Útlend­inga­­stofn­unar liggur fyrir drag­­ast 100 evrur af heild­­ar­­upp­­hæð á hvern ein­stak­l­ing. Ef umsókn er lögð fram eftir að úrskurður kæru­­nefndar útlend­inga­­mála liggur fyrir drag­­ast 200 evrur af heild­­ar­­upp­­hæð á hvern ein­stak­l­ing.

Sam­hliða því að reglu­gerðin tók gildi fékk Útlend­inga­­stofnun heim­ild til þess að greiða styrk­ina sem um ræðir á meðan styrkt­­ar­veit­ingin rúm­­ast innan þeirra fjár­­heim­ilda sem stofn­unin hef­­ur. Hver útlend­ingur hefur ein­ungis rétt á end­urað­lög­un­­ar­­styrk einu sinni. Í drögum að reglu­gerð­inni sagði að „sam­hliða umsókn um styrk ber umsækj­anda að und­ir­­rita skulda­við­­ur­­kenn­ingu hjá Útlend­inga­­stofnun þess efnis að hann sam­­þykki að end­­ur­greiða veittan styrk komi til þess að hann sæki síðar um dval­­ar­­leyfi hér á land­i.“

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Lífeyrissjóður verzlunarmanna hefur aðsetur í Húsi verslunarinnar
Tæp tíu prósent útistandandi sjóðfélagalána LIVE í greiðsluhléi
Sjóðfélagalán í greiðsluhléi nema samtals um ellefu milljörðum króna. Til samanburðar námu útistandandi sjóðfélagalán Lífeyrissjóðs verzlunarmanna við lok árs 2019 rúmum 120 milljörðum. Ávöxtun sjóðsins á fyrstu fjórum mánuðum ársins áætluð 3,5 prósent.
Kjarninn 3. júní 2020
Tæknivarpið
Tæknivarpið
Tæknivarpið – Twitter tekur á rugli og Síminn sektaður
Kjarninn 3. júní 2020
Ástþór Ólafsson
Árið 1970 og upp úr
Kjarninn 3. júní 2020
Bjarni Benediktsson formaður Sjálfstæðisflokksins.
Sjálfstæðisflokkurinn áfram nærri kjörfylgi í nýrri könnun Gallup
Afar litlar breytingar urðu á fylgi flokka á milli mánaða, samkvæmt nýjum þjóðarpúlsi Gallup. Sjálfstæðisflokkurinn er áfram nærri kjörfylgi sínu og stuðningur við ríkisstjórnina mælist tæp 60 prósent á meðal þeirra sem taka afstöðu.
Kjarninn 3. júní 2020
Sex sakborningar í málinu, þeirra á meðal Bernhard Esau og Sacky Shanghala fyrrverandi ráðherrar í ríkisstjórn Namibíu, verða í gæsluvarðhaldi til 28. ágúst.
Namibísk yfirvöld hafa óskað liðsinnis Interpol vegna Samherjamálsins
Sex menn sem hafa verið í haldi namibískra yfirvalda vegna rannsóknar á Samherjaskjölunum verða áfram í haldi til 28. ágúst. Rannsókn málsins hefur reynst flókin og haf namibísk yfirvöld beðið Interpol um aðstoð.
Kjarninn 3. júní 2020
Fólk hefur flykkst á markaði víðsvegar um Indland eftir að útgöngubanni var aflétt.
Smitum á Indlandi fjölgar ört
Stjórnvöld á Indlandi eru að hefjast handa við að aflétta umfangsmesta útgöngubanni sem sett var á í kjölfar kórónuveirufaraldursins. Sjúkrahús í Mumbai hafa vart undan við að sinna sýktum en fellibylurinn Nisarga herjar nú á nágrenni borgarinnar.
Kjarninn 3. júní 2020
Samtök ferðaþjónustunnar telja að um 250 þúsund ferðamenn gætu komið hingað til lands það sem eftir lifir árs.
Ferðamenn greiði kostnað af skimun
Með greiðslu ferðamanna fyrir sýnatöku má stuðla að því að þeir sem sækja landið heim séu efnameiri ferðamenn sem eyði meiru og dvelji lengur, segir í greinargerð fjármálaráðuneytisins um hagræn áhrif þess að aflétta ferðatakmörkunum til Íslands.
Kjarninn 3. júní 2020
Ekkert pláss fyrir íhald í stjórnmálum næstu árin
Alvarlegt ástand er nú komið upp í íslensku efnahagslífi. Mörg hundruð milljarða króna tap í ríkisrekstri er fyrirsjáanlegt, tugir þúsunda verða án atvinnu að öllu leyti eða hluta og þúsundir fyrirtækja standa frammi fyrir algjörri óvissu.
Kjarninn 3. júní 2020
Meira eftir höfundinnÞórður Snær Júlíusson
Meira úr sama flokkiFréttaskýringar