Eigendur Morgunblaðsins setja 200 milljónir króna í viðbót í reksturinn

Hlutafé í Þórsmörk, eiganda Morgunblaðsins og tengdra miðla, var aukið um 200 milljónir í janúar. Auk þess var veitt heimild til að auka hlutaféð um 400 milljónir til viðbótar á þessu ári. Eigendur hafa þegar lagt rekstrinum til 1,6 milljarða á tíu árum.

Morgunblaðið
Auglýsing

Hlutafé í Þórs­mörk ehf., eig­anda Árvak­urs, var aukið um 200 millj­ónir króna þann 21. jan­úar síð­ast­lið­inn. Auk þess var sam­þykktum félags­ins breytt á þann veg að stjórn þess er heim­ilt að hækka hluta­féð um allt að 400 millj­ónir króna til við­bótar með útgáfu nýrra hluta. Sú heim­ild gildir til árs­loka 2019.

Þetta kemur fram í skjölum sem send hafa verið inn til fyr­ir­tækja­skráar vegna hluta­fjár­aukn­ing­ar­innar og breyt­inga á sam­þykkt­um.

Auglýsing
Árvakur er útgáfu­fé­lag Morg­un­blaðs­ins, mbl.is og útvarps­stöðv­ar­innar K100. Félagið er eina eign Þórs­merk­ur. Árvakur hefur glímt við mik­inn halla­rekstur á und­an­förnum árum og hlut­hafar þess hafa ítrekað þurft að leggja útgáf­unni til fé. Tap félags­ins á árinu 2017 var til að mynda 284 millj­ónir króna. Það var fimm­falt meira tap en árið 2016. Frá því að nýir eig­endur tóku við rekstr­inum árið 2009 og fram til loka árs 2017 tap­aði félagið tæp­­lega 1,8 millj­­örðum króna. Miðað við það að eig­and­inn, Þórs­mörk, er að leggja því enn til nýtt fé verður að telj­ast lík­legt að tap hafi verið á rekstr­inum í fyrra líka.

Pen­ing­arnir koma ekki frá nýjum fjár­festum

Í Frétta­blað­inu í dag er haft eftir Sig­ur­birni Magn­ús­syni, stjórn­ar­for­manni Þórs­merk­ur, að hluta­fjár­aukn­ingin hafi öll komið frá þeim hlut­höfum sem fyrir voru. Því hafi hlut­hafa­hópur félags­ins ekki tekið breyt­ing­um. Nýjar upp­lýs­ingar um eign­ar­hald hafa ekki verið sendar til fjöl­miðla­nefnd­ar. Sam­kvæmt heima­síðu hennar, þar sem eign­ar­hald á fjöl­miðlum lands­ins er sýnt, voru slíkar upp­lýs­ingar síð­ast upp­færðar fyrir um einu og hálfu ári síð­an, eða í sept­em­ber 2017.

Félög tengd Ísfé­lagi Vest­­­manna­eyja eru sam­kvæmt þeim upp­lýs­ingum með sam­an­lagt stærstan eign­­­ar­hlut í Þor­s­mörk, og þar með Árvakri. Ísfé­lagið á sjálft 13,43 pró­­­sent hlut og félagið Hlynur A, í eigu Guð­­­bjargar Matt­h­í­a­s­dótt­­­ur, aðal­­­eig­anda Ísfé­lags­ins, á 16,45 pró­­­sent hlut.  Hlynur A mat eign­­ar­hlut sinn í Þór­s­­mörk á 177,7 millj­­ónir króna í lok árs 2016 en mat eign­­ar­hlut­inn á 135 millj­­ónir króna í lok árs 2017. Það þýðir að heild­­ar­virði Þór­s­­merk­­ur, og þar af leið­andi Árvak­­urs, fór úr um 1.080 millj­­ónum króna í 820 millj­­ónir króna á einu ári.

Aðrir stórir eig­endur eru félagið Ram­ses II, í eigu Eyþórs Arn­alds, odd­vita Sjálf­stæð­is­flokks­ins í Reykja­vík­ur­borg, með 22,87 pró­sent eign­ar­hlut og Kaup­fé­lag Skag­firð­inga, í gegnum félagið Íslenskar sjáv­ar­af­urð­ir, með 15,84 pró­sent eign­ar­hlut. Flestir minni eig­endur eru tengdir sjáv­ar­út­vegs­fyr­ir­tækj­um.

Við­­skipta­­banki Árvak­­urs, Íslands­­­banki, hefur afskrifað um 4,5 millj­­arða króna af skuldum félags­­ins frá árinu 2009. Þorri þeirra afskrifta átti sér stað í aðdrag­anda þess að félagið var selt nýjum eig­enda­hópi á því ári. Síð­­­ari lota afskrifta átti sér svo stað árið 2011 og var upp á einn millj­­arð króna.

Fjár­fest í útvarps­rekstri

Þegar árs­reikn­ingur Árvak­urs fyrir árið 2017 var gerður opin­ber í byrjun sept­em­ber í fyrra birt­ist frétt um rekstur félags­ins í Morg­un­blað­inu. Þar sagði Har­aldur Johann­essen, fram­­kvæmda­­stjóri Árvak­­urs og annar rit­stjóri Morg­un­blaðs­ins, að rekstr­­ar­um­hverfið væri erfitt og að það hafi bitnað á rekstr­in­­um. Sam­keppnin við Rík­­is­út­­varpið hefur farið harðn­­andi vegna auk­inna umsvifa þess, einkum á aug­lýs­inga­­mark­aði. Erlend sam­keppni hefur einnig harðnað mjög og þar keppa inn­­­lendir miðlar við erlenda miðla sem búa við allt aðrar aðstæð­­ur, svo sem í skatta­­legu til­­liti og í tæki­­færum til aug­lýs­inga­­sölu. Enn­fremur hefur launa­­kostn­aður hér á landi hækkað ört og fyrir fyr­ir­tæki þar sem sá liður vegur lang­­sam­­lega þyngst í rekstr­in­um, þá er óhjá­­kvæmi­­legt að það hafi veru­­leg áhrif. Hluti af tapi síð­­asta árs stafar þó einnig af því að við erum að byggja upp nýja starf­­semi og sú upp­­­bygg­ing hefur kostað tölu­vert fé, en við gerum ráð fyrir að hún muni skila sér í auknum tekj­um, meiri hag­­kvæmni og jákvæðri afkomu.Davíð Oddsson var ráðinn ritstjóri Morgunblaðsins síðla árs 2009. Hann hefur því gegnt þeirri stöðu í tíu ár í haust. Árið 2016 tók hann sér leyfi frá störfum og bauð sig fram til forseta. Hann hlaut 13,7 prósent atkvæða og var ekki kjörinn. MYND: Birgir Þór Harðarson

Sú nýja starf­semi fólst fyrst og síð­ast í kaupum á útvarps­stöð­inni K100 árið 2016 og fjár­fest­ingum í upp­bygg­ingu henn­ar. Henni hefur ekki tek­ist blanda sér í bar­átt­una við stærstu útvarps­stöðvar lands­ins á þeim tíma sem lið­inn er frá því að Árvakur keypti hana. Í síð­ustu mæl­ingum Gallup, sem sýna hlustum um síð­ustu mán­aða­mót, mæld­ist hlut­deild K100 í hlustun 2,7 pró­sent. Bylgjan var á sama tíma með mesta hlut­deild í hlust­un, 36,7 pró­sent, og rík­is­út­varp­stöðv­arnar tvær, Rás 2 (26,4 pró­sent) og Rás 1 (24,6 pró­sent) fylgdu þar fast á eft­ir.

mbl.is enn í sterkri stöðu en lestur blaðs­ins dalar

Lestur Morg­un­blaðs­ins hefur dalað hratt á und­an­förnum árum, líkt og flest allra prent­miðla, þrátt fyrir að blaðið hafi nú um nokk­urt skeið í raun verið blanda af áskrift­ar­blaði og frí­blaði, þar sem að það er í aldreif­ingu flesta fimmtu­daga, þegar því er dreift inn á öll heim­ili á höf­uð­borg­ar­svæð­inu án end­ur­gjalds. 

Árið 2009, þegar nýir eig­endur tóku við blað­inu og núver­andi rit­­stjórar þess, Davíð Odds­son og Har­aldur Johann­essen, voru ráðn­­ir, lásu 43 pró­­sent lands­­manna blað­ið. Í síð­ustu mæl­ingu Gallup, sem sýnir lestur í jan­úar 2019, mæld­ist lest­ur­inn 24,1 pró­sent. Í ald­urs­hópnum 18-49 ára mæld­ist hann 14,4 pró­sent. Ekki er við­búið að miklar breyt­ingar verði á skipan mála á Morg­un­blað­inu í nán­ustu fram­tíð. Davíð sagð­ist í við­tali við Páll Magn­ús­son, þing­mann Sjálf­stæð­is­flokks­ins og þátta­stjórn­anda á K100, í maí 2018 að hann liti svo á að hann gæti setið í rit­stjóra­stóli í fimm, sex eða sjö ár til við­bót­ar. Í tekju­blaði Frjálsrar versl­unar sem kom út í fyrra­sumar kom fram að Davíð væri með 5,7 millj­ónir króna á mán­uði, sem gerðu hann að tekju­hæsta fjöl­miðla­manni lands­ins. Þau laun eru þó að hluta til eft­ir­laun vegna ráð­herra­setu hans og starfa sem seðla­banka­stjóri á árunum 2005 til 2009. Har­ald­ur, meðrit­stjóri hans og fram­kvæmda­stjóri Árvak­urs, var í öðru sæti á list­anum með tæp­lega 4,4 millj­ónir króna á mán­uði og Logi Berg­mann Eiðs­son, dag­skrár­gerð­ar­maður hjá Árvakri, í fjórða sæt­inu með tæp­lega 1,8 milljón króna á mán­uð­i. 

Þar með er þó ekki nema hálf sagan sögð vegna þess að mikið af efni úr Morg­un­blað­inu fer líka inn á mbl.is, umfangs­mesta frétta­vef lands­ins árum sam­an, sem rekur einnig stóra og öfl­uga rit­stjórn. Sam­kvæmt nýj­ustu mæl­ingum Gallup voru meðal not­endur vefs­ins í síð­ustu mældu viku 168.232 og viku­legir not­endur alls 454.226. Vís­ir.is, hinn ris­inn á vefrétta­mark­aði, er þó á afar svip­uðum slóð­um.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Ráðast þyrfti í nauðsynlegar styrkingar vega vegna þungaflutninganna til og frá Mýrdalssandi.
Vikurnám á Mýrdalssandi myndi hafa „verulegan kostnað fyrir samfélagið“
Fullhlaðinn sex öxla vörubíll slítur burðarlagi á við 20-30 þúsund fólksbíla, bendir Umhverfisstofnun á varðandi áformaða vikurflutninga frá Mýrdalssandi til Þorlákshafnar. Ráðast þyrfti í mikla uppbyggingu vegakerfis vegna flutninganna.
Kjarninn 6. október 2022
Ólafur Þ. Harðarson prófessor emerítus í stjórnmálafræði.
„Íslendingar eiga langt í land“ með jöfnuð atkvæðavægis eftir búsetu
Frumvarp sem formaður Viðreisnar mælti fyrir á þingi í september myndi eyða misvægi atkvæða milli bæði flokka og kjördæma, eins og kostur er. Ólafur Þ. Harðarson telur að þingið ætti að samþykkja breytingarnar.
Kjarninn 6. október 2022
Fóru inn í tölvupósta Sólveigar Önnu og Viðars
Þá starfandi formaður Eflingar hafði aðgang að tölvupósthólfum fyrirrennara síns, Sólveigar Önnu Jónsdóttur, og fyrrverandi framkvæmdastjóra Eflingar, Viðars Þorsteinssonar, frá því í janúar á þessu ári og fram í apríl.
Kjarninn 6. október 2022
Hallarekstur SÁÁ stefnir í 450 milljónir
Færri innlagnir, færri meðferðir við ópíóðafíkn og sumarlokanir verður staðan hjá SÁÁ á næsta ári miðað við fyrirliggjandi fjárlagafrumvarp. Samtökin áætla að rekstrargrunnur samtakanna verði vanfjármagnaður um 450 milljónir króna á næsta ári.
Kjarninn 6. október 2022
Seðlabankinn hafnar því að aflétta leynd um ESÍ á grundvelli almannahagsmuna
Árið 2019 var ákvæði bætt við lög um Seðlabanka Íslands sem veitir bankanum heimild til að víkja frá þagnarskylduákvæði ef hagsmunir almennings af birtingu gagna vega þyngra en hagsmunir sem mæla með leynd.
Kjarninn 6. október 2022
Í austurvegi
Í austurvegi
Í austurvegi – Komdu í leirkerið 请君入瓮
Kjarninn 6. október 2022
Jón Björnsson, forstjóri Origo.
Eigið fé Origo margfaldast við söluna í Tempo fyrir 28 milljarða króna
Árið 2009 stofnuðu starfsmenn TM Software lítið hugbúnaðarfyrirtæki, sem nefnt var Tempo. Í dag er það metið á 85,4 milljarða króna og Origo var að selja hlut sinn í því á 28 milljarða króna. Við það fer eigið fé Origo úr níu milljörðum í 31 milljarða.
Kjarninn 6. október 2022
Kjartan Magnússon borgarfulltrúi bar tillöguna fram í borgarstjórn.
Borgarhverfi framtíðarinnar eða loftslagsskógur á Geldinganesi?
Tillögu sjálfstæðismanna í borgarstjórn Reykjavíkur um að skipuleggja Geldinganes undir íbúabyggð var hafnað á fundi borgarstjórnar á þriðjudag. Afar mismunandi sjónarmið komu fram um það hvernig skyldi nýta nesið til framtíðar.
Kjarninn 5. október 2022
Meira eftir höfundinnÞórður Snær Júlíusson
Meira úr sama flokkiFréttaskýringar