Laun forstjóra Íslandspósts hækkuðu tvisvar í fyrra og um 43 prósent á innan við ári

Alls hafa laun Ingimundar Sigurpálssonar, forstjóra Íslandspósts, hækkað um 43 prósent í yfir tvær milljónir króna á mánuði frá því að ákvörðun um þau var færð undan kjararáði. Ingimundur telur hækkanirnar samt ekki í samræmi við ráðningarsamning sinn.

Ingimundur Sigurpálsson er forstjóri Íslandspósts.
Ingimundur Sigurpálsson er forstjóri Íslandspósts.
Auglýsing

Ingi­mundur Sig­ur­páls­son, for­stjóri rík­is­fyr­ir­tæk­is­ins Íslands­pósts, hækk­aði tví­vegis í launum á árinu 2018. Fyrst hækk­uðu laun hans í 1.992 þús­und krónur á mán­uði fyrsta jan­úar 2018 og svo aftur um þrjú pró­sent 1. maí sama ár. Eftir það voru laun hans 2.052 þús­und krónur á mán­uði.

­Laun Ingi­mundar hafa hækkað um tæp 43 pró­sent frá miðju ári 2017, þegar ákvörðun um laun hans var færð frá kjara­ráði til stjórnar Íslands­pósts.

Þetta er meðal þess sem fram kemur í svar­bréfi sem for­maður stjórnar Íslands­pósts sendi Bjarna Bene­dikts­syni, fjár­mála- og efna­hagsáð­herra, vegna óska hans um upp­lýs­ingar um hvernig stjórn Íslands­pósts hafi brugð­ist við til­mælum fyr­ir­renn­ara Bjarna í starfi um að sýna hóf­semi við ákvörðun launa og starfs­kjara for­stjóra.

Ingi­mundur er einnig stjórn­ar­for­maður Isa­via, sem einnig er í eigu rík­is­ins. Kjarn­inn greindi frá því í morgun að stjórn þess fyr­ir­tækis hafi hækkað heild­ar­laun Björns Óla Hauks­­­son­­­ar, for­­­stjóra Isa­via, um 43,3 pró­­sent frá því að ákvörðun launa var færð frá kjara­ráði árið 2017 til stjórn­­ar ­fyr­ir­tæk­is­ins á ný.

Taldi launin ekki í sam­ræmi við ráðn­ing­ar­samn­ing

Í bréfi stjórn­ar­for­manns Íslands­pósts, Bjarna Jóns­son­ar, segir að stjórn Íslands­pósts hafi á árinu 2017 aflað sér úttektar frá fyr­ir­tæk­inu Interl­lecta ehf. um hver laun for­stjóra fyr­ir­tækja almennt væru „í því skyni að fá við­mið um hver væru laun for­stjóra á almennum vinnu­mark­aði og þar talin sam­keppn­is­hæf.“ 

Auglýsing
Samkvæmt skýrslu sem Intellecta skil­aði til til stjórn­ar­innar í apríl 2017 var nið­ur­staðan sú að mán­að­ar­laun í sam­bæri­legu fyr­ir­tæki og Íslands­póstur væru á bil­inu 2.717 til 3.601 þús­und krónur á mán­uði. „Stjórn félags­ins ákvað á fundi sínum þann 20.12.17. að laun for­stjóra skyldu hækka úr 1.436 þkr. í 1.795 þkr. frá og með 01.07.17. og 1.992 þkr. frá 01.01.18. Síðan þá hafa laun for­stjóra hækkað um 3,0 % frá 1. maí 2018 í sam­ræmi við ákvæði ráðn­ing­ar­samn­ings og kjara­samn­inga um launa­breyt­ingar á almennum vinnu­mark­að­i.“

Ingi­mundur taldi að ákvörðun stjórn­ar­innar um laun hans hefði ekki verið í sam­ræmi við ákvæði ráðn­ing­ar­samn­ings hans og stjórnar frá því í nóv­em­ber 2004 og lét bóka þá afstöðu sína á stjórn­ar­fundi þann 29. jan­úar 2018.

Á fundi stjórnar Íslands­pósts sem hald­inn var 9. apríl 2018 var sam­þykkt að fela Ingi­mundi að láta taka saman grein­ar­gerð um þróun launa sinna í sam­an­burði við launa­þróun og þróun launa við­mið­un­ar­hópa frá því fyrir gild­is­töku laga um breyt­ingu kjara­ráði, sem sett voru árið 2009 og fólu í sér að allir rík­is­for­stjórar ættu að vera með lægri laun en þáver­andi for­sæt­is­ráð­herra, Jóhanna Sig­urð­ar­dótt­ir. Stjórn Íslands­pósts sendi Bjarna grein­ar­gerð frá ann­ars vegar Intellecta, dag­setta í maí 2018, og grein­ar­gerð frá Gísla Gísla­syn­i-­Launa­ráð­gjöf, dag­sett í sama mán­uði, en þær voru ekki birtar með bréfi stjórn­ar­for­manns Íslands­pósts.

Þess má geta að vara­for­maður stjórnar Íslands­pósts er Svan­hildur Hólm Vals­dótt­ir, aðstoð­ar­maður Bjarna Bene­dikts­son­ar, fjár­mála- og efna­hags­ráð­herra, til margra ára.

Þarf allt að 1,5 millj­arði króna frá rík­inu

Fjár­hags­staða Íslands­pósts hefur verið afar var­huga­verð um nokkurn tíma. Í sept­em­ber í fyrra leit­aði Íslands­póstur á náðir rík­is­ins og fékk 500 millj­ónir króna að láni til að bregð­­ast við lausa­­fjár­­skorti eftir að við­­skipta­­banki þess, Lands­­banki Íslands, hafði lokað á frek­­ari lán­veit­ing­­ar. Nokkrum mán­uðum síð­­­ar, í des­em­ber, sam­­þykkti Alþingi að lána fyr­ir­tæk­inu allt að millj­­arð til við­­bót­­ar.

Í umsögn Rík­­­­is­end­­­­ur­­­­skoð­un­­ar, um auka fjár­­veit­ingu rík­is­ins til Íslands­­­pósts, sagði að ­­­­Rík­­­­­is­end­­­­­ur­­­­­skoðun teldi að það væri óheppi­­­­­legt að ekki liggi nákvæm­­­­­lega fyrir hvernig fyr­ir­hugað sé að taka á rekstr­­­­­ar­­­­­vanda Íslands­­­­­­­­­pósts þannig að til­­­­­skil­inn árangur náist áður en tekin er ákvörðun um fram­lög úr rík­­­­­is­­­­­sjóði til félags­­­­­ins. Þá væri orsök fjár­­­hags­vand­ans alls ógreind, ekki lægi fyrir hvort hann stafi af sam­keppn­is­­­rekstri eða starf­­­semi innan einka­rétt­­­ar.

Fjár­­laga­­nefnd Alþingis sam­­þykkti því í jan­úar á þessu ári beiðni til Rík­­is­end­­ur­­skoð­anda um að unnin yrði stjórn­­­sýslu­út­­­tekt á starf­­semi Íslands­­­pósts.

Fjár­fest­ingar og jeppa­kaup

Frá árinu 2006 hefur Íslands­­­­­póstur varið rúm­­­lega 5,8 millj­­­örðum króna í fjár­­­­­fest­ingar í fast­­­eign­um, lóð­um, áhöld­um, tækjum og bif­­­reið­­­um. Á móti hafa eignir fyrir rúmar 600 millj­­­ónir króna verið seld­­­ar. Nettófjár­­­­­fest­ing á tíma­bil­inu er því rúmir fimm millj­­­arðar króna.

Árið 2015 greidd­i Ís­lands­­póstur 29,5 millj­­ónir króna fyrir fimm jeppa og einn fólks­bíl sem for­­stjóri og fram­­kvæmda­­stjórar fyr­ir­tæk­is­ins hafa til umráða sam­­kvæmt ráðn­­ing­­ar­­samn­ing­­um. Í svari Íslands­­­póst við fyr­ir­­spurn DV í fyrra sagði að fyr­ir­tækið hafi á að skipa öfl­­ug­u ­stjórn­­enda­teymi og það eigi við um stjórn­­endur sem og aðra starfs­­menn ­fyr­ir­tæk­is­ins, að það verði að vera sam­keppn­is­hæft í launum til að eiga kost á að laða til síns hæfa starfs­­menn.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Höfuðstöðvar Neytendastofu í Borgartúni.
Grímur sem ekki uppfylla kröfur hafa verið teknar úr sölu
Neytendastofa fylgist með grímumarkaðnum á Íslandi, nú þegar spurn eftir grímum er í hæstu hæðum. Dæmi eru um að grímur til sölu uppfylli ekki lágmarkskröfur og það vill Neytendastofa alls ekki.
Kjarninn 15. ágúst 2020
Hundruð milljarða mögulegur ávinningur af því að forðast harðar sóttvarnaaðgerðir
Stjórnvöld hafa lagt mat á efnahagsleg áhrif þess að opna landið og borið það saman við ábatann af því að hleypa ferðamönnum inn.
Kjarninn 14. ágúst 2020
Fjöldi erlenda ríkisborgara starfar við mannvirkjagerð á Íslandi.
Atvinnuleysi útlendinga á Íslandi komið yfir 20 prósent
Heildaratvinnuleysi á Íslandi mældist 8,8 prósent um síðustu mánaðamót. Atvinnuleysi er miklu hærra á meðal erlendra ríkisborgara en íslenskra. Rúmlega helmingur allra atvinnulausra útlendinga eru frá Póllandi.
Kjarninn 14. ágúst 2020
Þorsteinn Kristinsson
Lærdómar frá Taívan
Kjarninn 14. ágúst 2020
Þórdís Kolbrún Reykjförð Gylfadóttir á fundi í Safnahúsinu við Hverfisgötu fyrr í ár.
Ákvörðunin „vonbrigði í sjálfu sér“
Ferðamála-, iðnaðar- og nýsköpunarráðherra sagði það skipta miklu máli að aðgerðir á landamærum væri stöðugt til endurskoðunar hjá stjórnvöldum. Hún sagði stjórnvöld vera heppin með sóttvarnayfirvöld sem hjálpi til við ákvarðanatöku.
Kjarninn 14. ágúst 2020
Svandís Svavarsdóttir á fundi stjórnvalda í Safnahúsinu í apríl.
Samfélag er „ekki bara hagtölur“
„Það er svo óendanlega mikils virði að samfélagið virki þannig að okkur líði vel í því,“ sagði heilbrigðisráðherra á upplýsingafundi ríkisstjórnarinnar fyrr í dag. Á fundinum voru kynntar hertar aðgerðir á landamærunum.
Kjarninn 14. ágúst 2020
Frá Keflavíkurflugvelli
Allir komufarþegar eiga að fara í skimun og 4-5 daga sóttkví
Ríkisstjórnin ákvað á fundi sínum í dag að allir sem til Íslands koma þyrftu frá og með 19. ágúst að fara í skimun á landamærum, svo í sóttkví í 4-5 daga og að því búnu aftur í skimun.
Kjarninn 14. ágúst 2020
Í skýrslu HMS segir að fasteignaverð á höfuðborgarsvæðinu hafi hækkað um 5,1 prósent milli ára.
Hlutfall fyrstu kaupenda á fasteignamarkaði hefur aldrei verið jafn hátt
Í nýrri mánaðarskýrslu Húsnæðis- og mannvirkjastofnunar segir að það sem af er ári hefur hlutfall fyrstu kaupenda verið nærri 30 prósentum. Fasteignamarkaðurinn er einkar líflegur nú um stundir en umsvif eru að jafnaði minni á sumrin en á öðrum árstíðum.
Kjarninn 14. ágúst 2020
Meira eftir höfundinnÞórður Snær Júlíusson
Meira úr sama flokkiFréttaskýringar