Farsinn sem breyttist í harmleik

Skrautlegar sögur af „bunga bunga“ kynlífsveislum Silvio Berlusconi fyrrum forsætisráðherra Ítalíu falla í skuggann af ásökunum um vændi við ólögráða stúlku og dómsmáli þar sem eitt lykilvitnið lést á grunsamlegan hátt.

Silvio Berlusconi, fyrrum forsætisráðherra Ítalíu.
Silvio Berlusconi, fyrrum forsætisráðherra Ítalíu.
Auglýsing

Ýmis rétt­ar­höld hafa staðið yfir­ Sil­vi­o Berluscon­i og svo­kall­aða „Ru­byga­te“ mál­inu á Ítalíu í nær ára­tug. Í þeim hefur fyrr­ver­andi for­sæt­is­ráð­herr­ann verið sak­aður um að hafa keypt vændi af 17 ára stelpu í stórfurðu­legri kyn­lífs­veislu, mútað fjölda vitna til að þegja um atvikið og mis­notað emb­ætti sitt til að sleppa stelp­unni úr haldi lög­reglu. Fyrr í mán­uð­inum lést eitt lyk­il­vitni í mál­inu skyndi­lega, en grunur leikur á um að fyrir henni hafi verið eitr­að.

Ítal­ski Trump

Þrátt fyrir að hafa verið far­sæll við­skipta­jöfur og vin­sæl­asti stjórn­mála­maður Ítalíu um ára­tuga­skeið er Sil­vi­o Berluscon­i langt frá því að vera óum­deildur mað­ur. Allt frá því hann hóf feril sinn í stjórn­málum um miðja tíunda ára­tug­inn sem eig­andi fjöl­miðla­veld­is­ins ­Medi­a­set og fót­boltaliðs­ins AC Milan hefur hann verið við­rið­inn ótal hneyksl­is­mál­um. Þeirra á meðal eru mál sem tengj­ast skattsvikum, hags­muna­á­rekstrum hans sem stjórn­mála- og við­skipta­maður auk ýmissa ummæla sem sýndu kven­fyr­ir­litn­ingu, ras­isma eða for­dóma gagn­vart sam­kyn­hneigðum. Vegna fyrr­nefndra atriða auk hás ald­urs, fjölda lýta­að­gerða og gíf­ur­legs per­sónu­fylgis hafa margir blaða­menn bent á lík­indi hans og Don­ald Trump ­Banda­ríkja­for­seta.

Rubygate

Eitt hneyksl­is­mál Berluscon­i hefur þó dregið langan dilk á eftir sér og gæti leitt til þess að fyrrum for­sæt­is­ráð­herr­ann verði dæmdur til fang­els­is­vistar, en það er hið svo­kall­aða „Ru­byga­te“ mál. Málið vísar til marokkóskrar vænd­is­konu að nafn­i Ka­rima El Ma­hrough sem gekk undir nafn­in­u Ru­by Ru­bacuori, eða Ru­by Hjarta­þjóf­ur. Berluscon­i liggur undir grun fyrir að hafa keypt vændi af Ru­by árið 2010 þegar hún var aðeins 17 ára göm­ul, en hann gegndi emb­ætti for­sæt­is­ráð­herra Ítalíu á þessum tíma. 

Auglýsing

Frænka Mu­barak

Upp­tök máls­ins má rekja til hand­töku Karimu í ­Mílanó ­vegna gruns um þjófn­að, en þar sem hún var ólög­ráða átti hún að vera vistuð á ung­linga­heim­ili. Hins veg­ar, áður en að því kom, hringd­i Berluscon­i ­sjálfur í lög­reglu­stjóra borg­ar­innar og krafð­ist þess að hún yrði látin laus und­ir­eins. For­sæt­is­ráð­herr­ann sagði lög­reglu­stjór­anum að Ka­rima væri í raun frænka þáver­andi ein­ræð­is­herra Egypta­lands, Hosn­i Mu­barak, og að rétt­ast væri að sleppa henni til að afstýra diplómat­ískri krísu milli land­anna. 

Bunga bunga

Karima El Marough, eða Ruby Rubacouri, í dómssal.Upp komst að Ka­rima væri ótengd egypska ein­ræð­is­herr­anum og var hún því yfir­heyrð af lög­reglu skömmu síð­ar. Þar greindi hún frá sam­bandi sínu við Berluscon­i og sagði hann hafa boðið henni í veislur á sveita­setri sínu og borgað henni fyrir að taka þátt í svoköll­uðum „bunga bunga“ kyn­lífs­at­höfn­um. Lýs­ingar á þessum veislum eru stórfurðu­legar, en þær hafa meðal ann­ars inni­haldið súlu­dans hjá ungum stelpum í nunnu­bún­ingum og fata­fellu í AC Milan ­treyju með grímu af brasil­ísku fót­bolta­stjörn­unn­i Ron­ald­in­ho, sam­kvæmt lýs­ingu sjón­ar­votta.

Sek­ur, sak­laus og aftur sek­ur?

Berluscon­i hefur stað­fast­lega neitað ásök­unum um að nokk­urs konar kyn­lífs­veisla hafi átt sér stað á sveita­setri sínu og hefur lýst umræddum veislum sem „fínum kvöld­verð­ar­boð­u­m.“ Hins vegar var hann dæmdur árið 2013 til 7 ára fang­els­is­vistar fyrir að hafa keypt vændi af ólög­ráða stelpu og mis­notað emb­ætti sitt sem for­sæt­is­ráð­herra. Berluscon­i á­frýj­aði dómnum og var sýkn­aður af báðum ákærum, fyrst af áfrýj­un­ar­dóm­stóli árið 2014 og síðar af hæsta­rétti Ítalíu árið 2015. 

Þrátt fyrir sýkn­una hófst nýtt dóms­mál gegn Berluscon­i ­seinna sama ár þar sem grunur lék á um að hann hafi borgað vitnum máls­ins alls um tíu millj­ónir evra og gefið þeim fjölda gjafa fyrir að milda vitn­is­burð sinn. Meðal slíkra gjafa voru milli­færslur til­ Karimu frá banka­reikn­ingi í Antigua og afnot ann­ars vitnis afíbúð á 22. Hæð í Velasca-­turn­inum í Mílanó. Dóms­málið er ansi viða­mikið og stendur enn yfir, en ásam­t Berluscon­i eru 27 aðrir ein­stak­lingar ákærðir fyrir að hafa annað hvort borgað eða þegið mút­ur. 

Ima­ne Fa­dil

Imane Fadil, eitt af lykilvitnunum gegn BerlusconiEitt af lyk­il­vitn­unum í mál­inu var Ima­ne Fa­dil, marokkósk fyr­ir­sæta sem á að hafa tekið þátt í „bunga bunga“ partýj­unum hjá Sil­vi­o Berlusconi.Í við­tali við Ima­ne í jan­úar síð­ast­liðnum sagð­ist hún hafa þurft að gjalda dýru verði vegna vitn­is­burðar síns vegna árása frá­ Berluscon­i ­sjálfum og fylgd­ar­liði hans. Nokkrum dögum seinna var hún lögð inn á spít­ala vegna heift­ar­legra maga­verkja og tíðra upp­kasta. Á spít­al­anum var hún fyrst greind með­ bein­merg­s­bil­un, en heilsu hennar hrak­aði stöðugt auk þess sem hún létt­ist tölu­vert. Þann fyrsta mars síð­ast­lið­inn lést Ima­ne svo á spít­al­an­um, 34 ára að aldri. 

Ima­ne ­sjálfa grun­aði að eitrað hafi verið fyrir henni og bað starfs­fólk spít­al­ans um að leita að spilli­efnum í lík­ama henn­ar. Nið­ur­stöður úr fyrstu eit­ur­efna­grein­ing­unni lágu fyrir þann 6. mars, en sam­kvæmt þeim eru engin aug­ljós merki um eitr­un, þótt magn hinna ýmsu málma hafi verið óvenju­hátt í blóð­inu henn­ar. Síð­asta föstu­dag úrskurð­uðu læknar í Mílanó svo að úti­lokað sé að eitrað hafi verið fyrir henni með geisla­virkum efn­um. 

Þrátt fyrir úrskurð lækn­ana er enn óljóst hvort eitrað hafi verið fyrir henni með öðrum hætti, en lög­fræð­ing­ur Ima­ne ­segir mögu­legt að henni hafi verið byrlað með málm­um. Aðrir læknar hafa tekið undir þessar vanga­velt­ur, en ekk­ert er hægt að segja um það fyrr en nið­ur­stöður úr krufn­ingu á Ima­ne liggur fyrir á næstu dög­um.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
„Algeggjuð“ hugmynd um sameiningu banka
Í Vísbendingu, sem kom til áskrifenda á föstudaginn, er fjallað um þá hugmynd að sameina tvo af kerfislægt mikilvægu bönkum landsins.
Kjarninn 15. desember 2019
SMS og MMS ganga í endurnýjun lífdaga
Eftir að hafa lotið í lægra haldi fyrir nýjum samskiptaforritum á borð við Messenger og WhatsApp eru gömlu góðu SMS- og MMS-skilaboðin að eiga endurkomu. Þeim fjölgar nú eftir áralangan samdrátt.
Kjarninn 15. desember 2019
Ferðalag á mörkum ljóss og myrkurs, í átt til dögunar
Rökkursöngvar Sverris Guðjónssonar kontratenórs eru að koma út. Safnað er fyrir þeim á Karolina Fund.
Kjarninn 15. desember 2019
Ársreikningaskrá heyrir undir embætti ríkisskattstjóra.
Skil á ársreikningum hafa tekið stakkaskiptum eftir að viðurlög voru hert
Eftir að viðurlög við því að skila ekki ársreikningum á réttum tíma voru hert skila mun fleiri fyrirtæki þeim á réttum tíma. Enn þarf almenningur, fjölmiðlar og aðrir áhugasamir þó að greiða fyrir aðgang að ársreikningum.
Kjarninn 15. desember 2019
Hin harða barátta um sjónvarpið og internetið
Síminn fékk nýverið níu milljóna króna stjórnvaldssekt fyrir að hafa margbrotið ákvæði fjölmiðlalaga, með því að í raun vöndla saman sölu á interneti og sjónvarpi. Brotin voru sögð meðvituð, markviss og ítrekuð.
Kjarninn 15. desember 2019
Réttast að senda pöndubirnina heim
Upplýsingar um fund kínverska sendiherrans í Danmörku með færeyskum ráðamönnum um fjarskiptasamning hafa valdið fjaðrafoki í Færeyjum og meðal danskra þingmanna. Sendiherrann neitar að reyna að beita Færeyinga þrýstingi.
Kjarninn 15. desember 2019
Lilja D. Alfreðsdóttir, mennta- og menningarmálaráðherra.
Drög að nýjum þjónustusamningi við RÚV kynnt
Mennta- og menningarmálaráðherra hefur kynnt nýjan þjónustusamning við Ríkisútvarpið fyrir ríkisstjórn en núgildandi samningur rennur út um áramótin.
Kjarninn 14. desember 2019
Agnar Snædahl
Frá kreppuþakuppbyggingu og myglu
Kjarninn 14. desember 2019
Meira eftir höfundinnJónas Atli Gunnarsson
Meira úr sama flokkiFréttaskýringar