Þinglok strönduðu á Sjálfstæðisflokknum

Samkomulag náðist við Miðflokkinn um þinglok í gær. Áður hafði meirihluti stjórnarandstöðu náð slíku samkomulagi við ríkisstjórnina. Á endanum strandaði samkomulagið á Sjálfstæðisflokknum. Hluti þingmanna hans vildi ekki samþykkja það.

Bjarni Benediktsson, Sigmundur Davíð Gunnlaugsson og Katrín Jakobsdóttir voru í aðalhlutverkum í samningaviðræðum um þinglok í gærkvöldi.
Bjarni Benediktsson, Sigmundur Davíð Gunnlaugsson og Katrín Jakobsdóttir voru í aðalhlutverkum í samningaviðræðum um þinglok í gærkvöldi.
Auglýsing

Ekki náð­ist sam­komu­lag um þing­lok í gær­kvöldi, líkt og stefnt hafði verið að. Þegar lá fyrir sam­komu­lag milli rík­is­stjórn­ar­flokk­anna og fjög­urra stjórn­ar­and­stöðu­flokka um að þing­störfum gæti lokið á laug­ar­dag eða þriðju­dag, líkt og Kjarn­inn greindi frá í gær.

Síð­degis í gær átti eftir að semja við Mið­flokk­inn sér­stak­lega um hvað þyrfti til að hann myndi sam­þykkja þing­lok. Þegar leið á dag­inn lá þó fyrir að slíkt sam­komu­lag yrði und­ir­ritað af Mið­flokkn­um. Það sner­ist um að umræðum um þriðja orku­pakk­ann yrði áfram­haldið í tvo til þrjá daga á sér­stökum þing­fundi í lok ágúst eða byrjun sept­em­ber.

Önnur mál sem röt­uðu í umræð­una í gær, eins og mót­staða Mið­flokks­ins við frum­varp um kyn­rænt sjálf­ræði eða frek­ari frestun á heim­ild til inn­flutn­ings á ófrosnu kjöti, voru af flestum við­mæl­endum Kjarn­ans sögð vera póli­tísk stæri­læti, en ekki alvöru ásteyt­ing­ar­steinar hvað varð­aði þing­lok. Hlé var gert á þing­fundi á ell­efta tím­anum í gær­kvöldi til að full­trúar mis­mun­andi flokka gætu lesið yfir fyr­ir­liggj­andi sam­komu­lag.

Auglýsing
Á end­anum strand­aði þing­loka­sam­komu­lagið á Sjálf­stæð­is­flokkn­um. Bæði Vinstri græn og Fram­sókn­ar­flokkur voru sam­þykk því að ljúka störfum á þeim nótum sem sam­komu­lagið sagði til um, en ekki gekk að fá það sam­þykkt hjá Sjálf­stæð­is­flokknum þegar á reyndi.

Heim­ild­ar­menn Kjarn­ans segja að þungt hafi verið yfir bæði Katrínu Jak­obs­dóttur for­sæt­is­ráð­herra og Stein­grími J. Sig­fús­syni, for­seta Alþing­is, vegna þess­arar stöðu þegar hún teikn­að­ist upp seint í gær­kvöldi þegar þing­fundi var frestað klukkan 23:54.

Orku­pakk­inn áfram erf­iður

Opin­bera skýr­ingin sem gefin er á þess­ari stöðu sé að stjórn­ar­flokk­arnir og Mið­flokk­ur­inn séu enn að henda á mill sín hug­myndum og að ekki hefði náðst saman á end­anum í gær. Sam­kvæmt heim­ildum Kjarn­ans, bæði innan og utan stjórn­ar­flokk­anna, er raun­veru­leg ástæða þess að hluti Sjálf­stæð­is­flokks­ins vildi ekki sam­þykkja þing­loka­sam­komu­lagið vegna fram­setn­ingar á mála­lokum umræðna vegna þriðja orku­pakk­ans. Málið hefur leitt af sér mikil átök innan Sjálf­stæð­is­flokks­ins og nokkrir þunga­vigt­ar­þing­menn og ráð­herrar tekið mjög ein­arða afstöðu í því sem hefur ekki verið vin­sæl alls stað­ar. Þar ber helst að nefna Guð­laug Þór Þórð­ar­son utan­rík­is­ráð­herra, Þór­dísi Kol­brúnu Reyk­fjörð Gylfa­dótt­ur, ráð­herra ferða­mála-, iðn­að­ar-, nýsköp­unar og dóms­mála, og Áslaugu Örnu Sig­ur­björns­dótt­ur, for­mann utan­rík­is­mála­nefnd­ar. Þau hafa öll lagt umtals­vert undir í stuðn­ingi sínum við fram­gangi máls­ins á þingi og tekið erf­iða slagi. Því skipti miklu máli hvernig orða­lag um orku­pakka­málið yrði fram­sett í þing­loka­samn­ing­um.

Auglýsing
Til við­bótar bætt­ust vend­ingar vegna nýrra fyr­ir­hug­aðra laga um fisk­eldi, en Sam­tök fyr­ir­tækja í sjáv­ar­út­vegi (SFS), ein öfl­ug­ustu og áhrifa­rík­ustu hags­muna­gæslu­sam­tök lands­ins, höfðu komið óform­lega á fram­færi athuga­semdum vegna þeirra síð­ustu daga, meðal ann­ars til nefnd­ar­manna í atvinnu­vega­nefnd. Í gær sendu þau svo frá sér yfir­lýs­ingu þar sem sam­tökin lýstu því form­lega að þau vildu að frum­varp­inu yrði frestað þar sem það fæli í sér íþyngj­andi atriði fyrir fisk­eld­is­iðn­að­inn.

Nær allir við­mæl­endur Kjarn­ans, bæði innan stjórn­ar­liðs­ins og innan meiri­hluta stjórn­ar­and­stöð­unn­ar, voru þó á einu máli um að stóra málið væri afgreiðsla orku­pakka­máls­ins.

Reynt að ná nið­ur­stöðu í dag

Áfram verður unnið að málum í dag. Rík­is­stjórnin hitt­ist á hefð­bundnum rík­is­stjórn­ar­fundi í morgun og þar átti að leggja upp næstu skref. Auk þess hófst fundur þing­flokks­for­manna allra flokka klukkan 10:15.

Katrín Jak­obs­dóttir hefur hingað til borið hit­ann og þung­ann af því að reyna að ná sam­komu­lagi. Það sem gerð­ist í gær breytir þó þeirri stöðu, í ljósi þess að mót­staðan nú er ein­ungis í Sjálf­stæð­is­flokkn­um. Búið var að ná öllum stjórn­ar­and­stöðu­flokk­unum að borð­inu.

Nú sé það í höndum Sjálf­stæð­is­flokks­ins að finna leið til að ljúka þing­störf­um, í ljósi þess að and­staða innan hans hafi ein stöðvað þá nið­ur­stöðu í gær­kvöldi.

Drónaárás skekur markaði um allan heim
Þegar olíuverð hækkar um 10 til 20 prósent yfir nótt þá myndast óhjákvæmilega skjálfti á mörkuðum. Hann náði til Íslands, og stóra spurningin er - hvað gerist næst, og hversu lengi verður framleiðsla Aramco í lamasessi?
Kjarninn 16. september 2019
Landsréttarmálið flutt í yfirdeild MDE 5. febrúar 2020
Ákveðið hefur verið hvaða dómarar muni sitja í yfirdeild Mannréttindadómstóls Evrópu þegar Landsréttarmálið svokallaða verður tekið þar fyrir snemma á næsta ári. Á meðal þeirra er Róbert Spanó, sem sat einnig í dómnum sem felldi áfellisdóm í mars.
Kjarninn 16. september 2019
Hallgrímur Hróðmarsson
Enn er von – Traust almennings til Alþingis mun aukast
Kjarninn 16. september 2019
Agnes M. Sigurðardóttir er biskup Íslands.
Óásættanlegt að þjóðkirkjuprestur hafi brotið á konum
Biskup Íslands og tveir vígslubiskupar hafa sent frá sé yfirlýsingu þar sem þau harma brot fyrrverandi sóknarprests gagnvart konum. Prestinum var meðal annars gefið að hafa sleikt eyrnasnepla konu sem vann með honum.
Kjarninn 16. september 2019
OECD vill að ríkið selja banka, létti á regluverki og setji á veggjöld
Lífskjör eru mikil á Íslandi og flestar breytur í efnahagslífi okkar eru jákvæðar. Hér ríkir jöfnuður og hagvöxtur sem sýni að það geti haldist í hendur. Ýmsar hættur eru þó til staðar og margt má laga. Þetta er mat OECD á íslensku efnahagslífi.
Kjarninn 16. september 2019
Kemur ekki til greina að gera starfslokasamning við Harald að svo stöddu
Ekki kemur til greina hjá dómsmálaráðherra að gera starfslokasamning við Harald Johannessen, ríkislögreglustjóra, að svo stöddu.
Kjarninn 16. september 2019
Hitler, Hekla og hindúismi: Nýaldarnasistinn Savitri Devi
Tungutak fasista er farið að sjást aftur. Savitri Devi er ein einkennilegasta persónan sem komið hefur fram í uppsprettu öfgahópa. Flosi Þorgeirsson, sagnfræðingur, hefur kynnt sér sögu hennar.
Kjarninn 16. september 2019
Níu manns sækja um stöðu í Seðlabanka Íslands
Níu manns hafa sótt um stöðu framkvæmdastjóra fjármálastöðugleikasviðs í Seðlabanka Íslands. Á meðal umsækjenda eru Ásdís Kristjánsdóttir, Guðrún Ögmundsdóttir og Bryndís Ásbjarnardóttir.
Kjarninn 16. september 2019
Meira eftir höfundinnÞórður Snær Júlíusson
Meira úr sama flokkiFréttaskýringar