Eigið fé sjóðs GAMMA þurrkaðist nánast út

Eigið fé GAMMA: Novus, sjóðs í stýringu hjá GAMMA sem á fasteignafélagið Upphaf, var metið á 4,4 milljarða króna um síðustu áramót. Eftir að eignir sjóðsins voru endurmetnar er eigið féð 40 milljónir króna.

hús
Auglýsing

Sam­kvæmt árs­upp­gjöri árs­ins 2018 var eigið fé fag­fjár­festa­sjóðs­ins GAMMA: Novus metið á 4,4 millj­arða króna. Eftir nýlegt end­ur­mat á eignum sjóðs­ins er eigið fé hans hins vegar áætlað 42 millj­ónir króna. Það var því ofmetið um rúm­lega 4,3 millj­arða króna um síð­ustu ára­mót. Um mitt ár í fyrra voru eignir umfram skuldir metnar á rúm­lega 4,8 millj­arða króna. 

Þetta kemur fram í ein­blöð­ungum frá GAMMA:Novus, meðal ann­ars einum sem dag­settur er í dag, sem ætl­aður er hlut­deild­ars­kirtein­is­höfum en Kjarn­inn hefur undir hönd­um. 

Helsta eign sjóðs­ins er Upp­haf fast­eigna­fé­lag slhf. og í ein­blöð­ungnum kemur fram að und­an­farið hafi nýtt teymi sér­fræð­inga, auk utan­að­kom­andi ráð­gjafa, unnið að mál­efnum sjóðs­ins. Upp­haf stendur fyrir bygg­ingu á nokkur hund­ruð íbúðum á höf­uð­borg­ar­svæð­inu.

Raun­veru­leg fram­vinda reynd­ist ofmetin

Í ein­blöð­ungi sem sendur var út vegna stöðu sjóðs­ins um síð­ustu ára­mót, þegar eigið fé Novus var sagt 4,4 millj­arðar króna, sagði: „Góð ávöxtun sjóðs­ins á rætur að rekja til vel tíma­settra fjár­fest­inga og ágætrar fram­vindu í þró­un, fram­kvæmdum og sölu á vegum sjóðs­ins. Helsta ástæða þess að gengi sjóðs­ins hefur gefið eftir á sl. 12 mán­uðum er sú að upp­færsla kostn­að­ar­á­ætl­ana hefur leitt í ljós að bygg­ing­ar­kostn­aður var van­metin í fyrri áætl­un­um, en einnig hafa horfur um raun­hækkun fast­eigna­verðs að mati grein­inga­deilda lækkað sem lækkar áætl­aðan hagnað í hverju verk­efni fyrir sig. Verk­efnin eru enn hag­kvæm þótt áætl­aður hagn­aður þeirra sé lægri en gert var ráð fyrir í upp­hafi árs 2018.“

Auglýsing
Í ein­blöð­ungnum sem sendur var út í dag er hins vegar birt allt önnur og mun verri staða. Eigið fé Novus hefur nán­ast þurrkast út eftir end­ur­mat. Þar kemur fram að breyt­ingar á stöðu sjóðs­ins skýrist af mörgum þátt­um. Meðal ann­ars hafi raun­veru­leg fram­vinda til­tek­inna verk­efna verið ofmet­in. „Þá hefur fram­kvæmda­kostn­aður verið tals­vert yfir áætl­unum á árinu. Fyrri mats­að­ferðir tóku ekki að fullu til­lit til fjár­magns­kostn­aðar félags­ins auk þess sem hann hækk­aði veru­lega með útgáfu skulda­bréfs (UPP­H21 0530) í vor. Vænt­ingar um sölu­verð íbúða og þró­un­ar­eigna hafa einnig verið end­ur­metn­ar.“

Bitnar ekki á afkomu Kviku

Fyrr í dag sendi Kvika banki, sem keypti GAMMA síð­ast­liðið vor, frá sér til­kynn­ingu til Kaup­hallar Íslands þar sem greint var frá því að tveir fag­fjár­festa­sjóð­ir, Novus og Ang­lia, hefðu verið í mun verra ásig­komu­lagi en gert hafði verið ráð fyrir og að skráð gengi þeirra hefði verið lækkað sem því nem­ur. Í til­kynn­ing­unni var hins vegar ekki greint frá því um hversu mikið sjóð­irnir voru færði nið­ur. 

Nið­ur­færslan á sjóð­unum mun ekki hafa nein telj­andi áhrif á afkomu Kviku banka á þessu ári. Enn er áætlað að afkoman verði jákvæð um 2,9 millj­­arða króna fyrir skatta líkt og greint var frá í afkomu­­spá sem birt var sam­hliða hálf­s­ár­s­­upp­­­gjöri bank­ans. Það þýðir að Kvika banki hafi tryggt sig vel fyrir því að sjóðir í eigu GAMMA gætu verið súrir þegar bank­inn gekk frá kaupum á félag­in­u. 

Búið að greiða út 850 millj­ónir

Í ein­blöð­ungnum sem sendur var út í dag, 30. sept­em­ber, er bent á að stofnfé Novu­s-­sjóðs­ins hafi verið 2,5 millj­arðar króna og að 850 millj­ónir króna hafi þegar verið greiddar til baka til eig­enda. Miðað við að eigið fé sjóðs­ins sé ein­ungis 40 millj­ónir króna sam­kvæmt nýju mati er þó ljóst að þeir sem fjár­festu í sjóðn­um, sem voru meðal ann­ars íslenskir líf­eyr­is­sjóð­ir, geti að óbreyttu ekki búist við því að fá mikla við­bótar ávöxtun úr sjóðn­um. 

Auglýsing
Sjóðurinn var stofn­aður í sept­em­ber 2013 og selja átti eignir úr honum frá sept­em­ber 2016 fram til mars 2021. 

Nýráð­inn fram­kvæmda­stjóri GAMMA, Máni Atla­son, hefur verið skip­aður nýr sjóð­stjóri yfir GAMMA: Novus og nýr fjár­fest­inga­stjóri GAMMA, Ásgeir Bald­ur­s,hef­ur  leitt vinnu við end­ur­mat á eignum sjóðs­ins. Áður var Ingvi Hrafn Ósk­ars­son, fyrr­ver­andi fram­kvæmda­stjóri sér­hæfðra fjár­fest­inga hjá GAMMA, sjóðs­stjóri Novus. Hann starfar enn hjá félag­inu en nú sem for­stöðu­maður nýbygg­inga og þró­un­ar. 

Þarf að gefa út for­gangs­skulda­bréf til að klára fram­kvæmdir

Í ein­blöð­ungnum segir að staða Upp­hafs fast­eign­ar­fé­lags sé þannig að það glími „nú við lausa­fjár­vanda en nýir stjórn­endur hafa lagt fram áætlun um fram­tíð félags­ins þar sem m.a. er unnið að við­bót­ar­fjár­mögnun til að mæta lausa­fjár­vand­an­um. Unnið er að útgáfu nýs for­gangs­skulda­bréfs að fjár­hæð 1 ma.kr. til að klára þær fram­kvæmdir sem félagið hefur með höndum til að hámarka virði eigna. Gert er ráð fyrir að nið­ur­stöður við­ræðna um frek­ari fjár­mögnun liggi fyrir um miðjan októ­ber 2019.“

Hlut­deild­ar­skír­tein­is­hafar verða upp­lýstir um fjár­mögnun félags­ins um leið og nið­ur­staða liggur fyr­ir, sam­kvæmt því sem fram kemur í skjal­inu. „Nýtt bráða­birgða­gengi sjóðs­ins byggir á því að áform um við­bót­ar­fjár­magn gangi eft­ir. Sam­hliða end­ur­mati eigna og vinnu við fjár­mögnun hefur félagið styrkt teymið sem hefur umsjón með fram­kvæmdum með ráðn­ingu bygg­ing­ar­verk­fræð­ings og bygg­ing­ar­tækni­fræð­ings sem sam­tals búa yfir 40 ára reynslu úr bygg­ing­ar­geir­an­um.“

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Aðalsteinn Leifsson
Aðalsteinn Leifsson nýr ríkissáttasemjari
Félags- og barnamálaráðherra hefur skipað Aðalstein Leifsson framkvæmdastjóra hjá EFTA sem ríkissáttasemjara frá og með 1.apríl næstkomandi.
Kjarninn 25. febrúar 2020
Stefán Eiríksson, sem nýverið var valinn af stjórn RÚV til að stýra fyrirtækinu til næstu fimm ára hið minnsta.
Verðandi útvarpsstjóri vill opna safn RÚV fyrir fjölmiðlum og almenningi
Stefán Eiríksson vill að allt efni sem er til staðar í safni RÚV, og er ekki bundið rétthafatakmörkunum, verði opið og aðgengilegt öllum almenningi og öðrum fjölmiðlum til frjálsra nota.
Kjarninn 25. febrúar 2020
Ástráður með það til skoðunar að stefna íslenska ríkinu ... aftur
Ástráður Haraldsson hefur fjórum sinnum sóst eftir því að komast að sem dómari við Landsrétt. Þrívegis hefur honum verið hafnað en ekki hefur verið tekin ákvörðun um eina umsókn hans. Ástráður telur sig hafa mátt þola ítrekuð réttarbrot.
Kjarninn 25. febrúar 2020
Mannréttindadómstóll Evrópu: Ríkið þarf að greiða Elínu bætur
Mannréttindadómstóll Evrópu hefur kveðið upp dóm í máli Elínar Sigfúsdóttur, fyrrverandi framkvæmdastjóra fyrirtækjasviðs Landsbankans, gegn íslenska ríkinu.
Kjarninn 25. febrúar 2020
Margar konur af erlendum uppruna vissi ekki af kvennafrídeginum 2018 og unnu á meðan íslenskar konur tóku þátt.
Konur af erlendum uppruna vinna meira, eru í einhæfari störfum og á lægri launum
Ný skýrsla unnin fyrir félagsmálaráðuneytið sýnir að líta þurfi til margra þátta þegar hugað er að því hvar kreppir að varðandi stöðu kvenna af erlendum uppruna á Íslandi.
Kjarninn 25. febrúar 2020
Veiran skekur markaði
Ótti við að kórónaveiran muni valda miklum efnahagslegum vandamálum, eins og hún hefur nú þegar gert í Kína, virðist hræða markaði um allan heim. Þeir einkenndust af röðum tölum lækkunar í dag.
Kjarninn 24. febrúar 2020
Harvey Weinstein
Harvey Weinstein fundinn sekur
Kviðdómur í New York hefur sakfellt Harvey Weinstein fyrir kynferðisbrot.
Kjarninn 24. febrúar 2020
Rauður dagur í kauphöllinni – Icelandair féll um tæp níu prósent
Heildarvirði félaga sem skráð eru á íslenskan hlutabréfamarkað dróst saman um tugi milljarða í dag.
Kjarninn 24. febrúar 2020
Meira eftir höfundinnÞórður Snær Júlíusson
Meira úr sama flokkiFréttaskýringar