17 starfsmenn Kaupþings fengu 3,5 milljarða í laun í fyrra

Stjórn Kaupþings, sem telur fjóra til fimm einstaklinga, fékk 1,2 milljarð króna í laun á árinu 2018. Aðrir starfsmenn fengu líka verulega vel greitt. Meðalgreiðsla til starfsmanns var 17,4 milljónir króna á mánuði, sem eru margföld árslaun meðalmanns.

Þrátt fyrir að ellefu ár séu liðin frá því að Kaupþing fór á hausinn þá er bankinn samt sem áður ekki hættur að skila þeim sem vinna að eftirmálum þess þrots digrum launagreiðslum.
Þrátt fyrir að ellefu ár séu liðin frá því að Kaupþing fór á hausinn þá er bankinn samt sem áður ekki hættur að skila þeim sem vinna að eftirmálum þess þrots digrum launagreiðslum.
Auglýsing

Stjórn og for­stjóri Kaup­þings ehf., félags utan um eft­ir­stand­andi eignir þrota­bús hins fallna banka Kaup­þings, voru sam­tals með 1.216 millj­ónir króna í laun í fyrra. Alls námu greiðslur til starfs­manna félags­ins, sem voru 17 tals­ins, í heild rúm­lega 3,5 millj­örðum króna á árinu 2018 og hækk­uðu um 900 millj­ónir króna þrátt fyrir að starfs­fólki hefði fækk­að. Frá árinu 2016 hafa greiðslur til starfs­fólks Kaup­þings auk­ist um 1,9 millj­arð króna en starfs­fólk­inu sjálfu fækkað úr 30 í 17. 

Þetta kemur fram í árs­reikn­ingi Kaup­þings fyrir árið 2018. Í því ein­taki reikn­ings­ins sem skilað var inn til fyr­ir­tækja­skráar í sumar vant­aði þrjár blað­síður hans, 17-19. Á þeim koma meðal ann­ars fram upp­lýs­ingar um launa­greiðslur til starfs­manna Kaup­þings.

Auglýsing
Kjarninn kall­aði eftir því að fá blað­síð­urnar afhentar hjá Kaup­þingi og fékk þær um liðna helgi. Starfs­maður félags­ins sagði í svari til Kjarn­ans að svo virt­ist sem að mis­tök hafi orðið hjá Rík­is­skatt­stjóra við skönnun reikn­ings­ins og þess vegna hafi blað­síð­urnar vant­að. Kaup­þing ætlar að láta fyr­ir­tækja­skrá emb­ætt­is­ins vita af mis­tök­un­um.

Fækk­aði um einn í stjórn síðla árs

Í stjórn Kaup­þings sitja Allan Jef­frey Carr, Paul Cop­ley, Óttar Páls­­­son og Piergi­orgio Lo Greco. Copley er einnig for­stjóri Kaup­­­þing. Það fækk­aði um einn í stjórn félags­ins á milli ára, en Bene­dikt Gísla­son hætti í henni í ágúst 2018 og tók þess í stað sæti í stjórn Arion banka, sem þá var að að stóru leyti enn í eigu Kaup­þings. Bene­dikt var svo ráð­inn banka­stjóri Arion banka í sum­ar. Því verður að gera ráð fyrir að greiðslur til Bene­dikts fram að þeim tíma sem hann hætti hjá Kaup­þingi telj­ist með í heild­ar­upp­hæð launa­greiðslna til stjórn­ar. Benedikt Gíslason hætti í stjórn Kaupþings í ágúst í fyrra og færði sig yfir í stjórn Arion banka. Hann var svo ráðinn bankastjóri Arion banka sumarið 2019. Mynd: Arion banki

Launa­greiðslur til stjórnar juk­ust úr 544 millj­ónum króna í 1.216 millj­ónir króna á árinu 2018,eða um 672 millj­ónir króna. 

Eini Íslend­ing­ur­inn sem var eftir í stjórn Kaup­þings, lög­mað­ur­inn Óttar Páls­son, hefur setið þar frá árinu 2016 að ósk helstu eig­enda Kaup­þings, sem eru banda­rískir vog­un­ar- og áhættu­sjóð­ir. Hann starf­aði áður sem ráð­gjafi fyrir þá. 

208 millj­ónir að með­al­tali

Alls störf­uðu 17 manns hjá Kaup­þingi í fyrra, að með­töldum stjórn og for­stjóra. Stöðu­gildum fækk­aði um tvö á árinu. Heild­ar­laun og launa­tengd gjöld til þessa hóps voru 3.541 milljón króna á síð­asta ári. Það þýðir að með­al­tal launa hjá Kaup­þingi var 208,3 millj­ónir króna á ári, eða tæp­lega 17,4 millj­ónir króna á mán­uði. Til sam­an­burðar var mið­gildi heild­ar­launa á Íslandi árið 2018 632 þús­und krónur á mán­uði. Helm­ingur þjóð­ar­innar hafði minna en þá upp­hæð í laun mán­að­ar­lega í fyrra. Árs­laun þess sem hafði mið­gild­is­laun voru tæp­lega 7,6 millj­ónir króna á ári, eða 44 pró­sent af með­al­tals mán­að­ar­launum innan Kaup­þings. 

Auglýsing
Aðkeypt sér­fræði­þjón­usta um fjórum millj­örðum króna. Þar af nam lög­fræð­is­þjón­usta 2.153 millj­ónum króna en „önnur sér­fræði­þjón­usta“ kost­aði rúm­lega 1,6 millj­arð króna. Annar rekstr­ar­kostn­að­ur, sem er ekki sér­stak­lega skil­greindur í árs­reikn­ingn­um, nam 577 millj­ónum króna á árinu 2018.

Bón­us­greiðslur fyrir að selja eignir

Greint var frá því fyrir þremur árum síðan að um 20 manna hóp­ur lyk­il­­starfs­­manna Kaup­­þings gæti fengið allt að 1,5 millj­­arða króna til að skipta á milli sín ef hámörkum á virði óseldra eigna Kaup­­­þings myndi nást. Næð­ust mark­miðin átti að greiða út bón­us­greiðsl­­­urnar eigi síðar en í apríl 2018.

Langstærsta óselda eign Kaup­­­þings á þeim tíma var 87 pró­­­sent hlutur félags­­­ins í Arion banka, sem nú hefur verið seld að öllu leyti eftir að bank­inn var skráður á mark­að. Umræddar bón­us­greiðslur áttu ein­ungis að ná til starfs­­­manna Kaup­­­þings, ekki stjórn­­­­­ar­­­manna og ráð­gjafa sem unnið höfðu fyrir félag­ið. Greiðslur til þeirra áttu að koma til við­­­bótar því sem greidd­ist til starfs­­­manna.

Kaup­­þing hefur hingað til aldrei viljað upp­­lýsa um hvort búið sé að greiða bón­us­anna út né hver áætluð heild­­ar­greiðsla sé. Miðað við hversu há greiðslan til starfs­manna Kaup­þings var á síð­asta ári þá verður að gera ráð fyrir því að þeir hafi fengið bón­us­greiðsl­urnar í fyrra, líkt og stefnt hafði verið að.

Líka stærstir í Arion banka

Kaup­þing gerði sam­komu­lag við íslenska ríkið árinu 2015 og fékk nauða­samn­ing sinn sam­þykkt í des­em­ber það ár. Félagið er vinna úr eft­ir­stand­andi eignum sínum og á meðal þeirra voru Arion banki, sem var skráður á markað í fyrra. Kaup­þing hefur síðan þá selt allan hlut sinn í bank­anum en stærstu eig­endur félags­ins, banda­rískir vog­un­ar­sjóð­ir, eru þó enn á meðal stærstu eig­enda bank­ans með beinni eign­ar­að­i­ild

Auglýsing
Laun- og launa­tengdur kostn­aður Kaup­þings hefur hækkað mikið síð­ustu ár, eða frá því að nauða­samn­ing­ur­inn var sam­þykkt­ur. Hann jókst í heild sinni um einn millj­arð króna milli áranna 2016 og 2017 þrátt fyrir að starfs­fólki hefði fækkað úr 30 í 19. Í fyrra jókst hann aftur um tæpan millj­arð króna og var, líkt og áður sagði, rúm­lega 3,5 millj­arðar króna þrátt fyrir að enn hefði starfs­mönnum fækk­að, nú úr 19 í 17. 

Sjóðir í eigu Taconic Capi­tal eru langstærstu eig­endur Kaup­þings, með sam­tals 47,8 pró­sent eign­ar­hlut. Sjóðir tengdir CCP Credit Aquisition með sam­tals 9,3 pró­­sent eign­­ar­hlut og  sjóð­­ur­inn Sculptor Invest­ments s.a.r.l., sem er tengdur Och-Ziff sjóðs­­stýr­ing­­ar­­fyr­ir­tæk­inu, á 6,2 pró­sent hlut. Sjóðir í stýr­ingu Attestor Capi­tal eiga 5,9 pró­sent. 

Sjóður á vegum Taconic er líka stærsti eig­andi Arion banka með 23,53 pró­sent hlut. Næst stærsti eig­andi bank­ans er skráður Och-Ziff Capi­tal Mana­gement með 9,25 pró­sent.

Í upphafi árs 2020

Við á Kjarnanum göngum bjartsýn og einbeitt inn í nýtt ár og þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Sighvatur Björgvinsson
Enginn ber ábyrgð – bara þjóðin
Kjarninn 20. janúar 2020
Heimavellir eiga meðal annars húsnæði sem hefur verið í byggingu á Hlíðarendasvæðinu.
Norskt leigufélag komið með yfir tíu prósent í Heimavöllum
Norska leigufélagið Fredensborg er að koma sér fyrir á íslenskum fasteignamarkaði. Það keypti í dag 10,22 prósent hlut í stærsta leigufélagi landsins á almennum leigumarkaði.
Kjarninn 20. janúar 2020
Efnt var til fyrstu mótmæla þann 23. nóvember 2019 eftir að Samherjamálið komst upp.
Fyrsti þingfundur ársins í dag – Mótmælendur ætla að láta í sér heyra
Fyrsti þingfundur á Alþingi hefst í dag eftir jólafrí og munu formenn stjórnmálaflokkanna eða staðgenglar þeirra taka til máls. Við tilefnið verður blásið til mótmæla þar sem þess er meðal annars krafist að sjávarútvegsráðherra segi af sér.
Kjarninn 20. janúar 2020
Togarinn Heinaste.
Ríkisútgerðin í Namibíu á ekki fyrir launum rúmlega þúsund starfsmanna
Fischor, ríkisútgerðin í Namibíu, þurfti að fá viðbótarkvóta frá ríkinu til að geta átt fyrir launum. Fiskinn á mögulega að veiða á Heinaste, verksmiðjutogara sem Samherji er ásakaður um að vera að reyna að selja sjálfum sér á hrakvirði.
Kjarninn 20. janúar 2020
Sólveig Anna Jónsdóttir, formaður Eflingar, og Dagur B. Eggertsson, borgarstjóri í Reykjavík.
Efling sakar Reykjavíkurborg um að hafa dreift villandi upplýsingum
„Borgin er í okkar höndum!“ Þetta segir Sólveig Anna Jónsdóttir, formaður Eflingar í opnu bréfi til borgarstjóra, þar sem honum er tilkynnt um algjör viðræðuslit vegna kjarasamningagerðar. Efling segir borgina hafa brotið bæði trúnað og lög.
Kjarninn 20. janúar 2020
Heimavellir voru skráðir í Kauphöll Íslands vorið 2018.
Norskt félag kaupir rúmlega sjö prósent í Heimavöllum fyrir tæpan milljarð
Virði bréfa í Heimavöllum, sem hefur vart haggast mánuðum saman, tók kipp í morgun þegar greint var frá því að norskt leigufélag hefði keypt stóran hlut í félaginu. Kaupverðið var í kringum milljarð króna.
Kjarninn 20. janúar 2020
Bilið á milli ríkra og fátækra heldur áfram að aukast samkvæmt Oxfam-samtökunum.
Rúmlega tvö þúsund manns eiga meiri auð en 60 prósent íbúa jarðar
Í árlegri skýrslu Oxfam-samtakanna kemur fram að 22 ríkustu karlar í heimi eigi meira af auði en allar konur sem búa í Afríku samanlagt. Ef tveir ríkustu karlar heims myndu stafla öllum fé sínu upp í bunka, og setjast á hann, þá sætu þeir í geimnum.
Kjarninn 20. janúar 2020
Fimm tæknifyrirtæki í einstakri yfirburðastöðu sem efi er um að sé sjálfbær
Apple, Microsoft, Alphabet (móðurfélag Google), Amazon og Facebook eru verðmætustu fyrirtæki Bandaríkjanna. Það er einsdæmi að fimm fyrirtæki úr tengdum geira séu í fimm efstu sætunum á slíkum lista. Í raun eru þau markaðssvæði, ekki eiginleg fyrirtæki.
Kjarninn 20. janúar 2020
Meira eftir höfundinnÞórður Snær Júlíusson
Meira úr sama flokkiFréttaskýringar