Fylgi Vinstri grænna á höfuðborgarsvæðinu hefur hrunið frá síðustu kosningum

Fylgi Vinstri grænna, flokks forsætisráðherra, hefur ekki mælst lægra í könnunum MMR frá því í apríl 2013. Í síðustu kosningum var sterkasta vígi flokksins á höfuðborgarsvæðinu. Stuðningur við flokkinn þar hefur dregist verulega saman á kjörtímabilinu.

Katrín Jakobsdóttir, formaður Vinstri grænna og forsætisráðherra.
Katrín Jakobsdóttir, formaður Vinstri grænna og forsætisráðherra.
Auglýsing

Í síð­ustu könnun MMR fyrir kosn­ing­arnar 2017, og þeirri fyrstu eftir þær, mæld­ist með­al­tals­fylgi Vinstri grænna 14,9 pró­sent. Það var aðeins lægra en flokk­ur­inn fékk í kosn­ing­unum sjálf­um, sem var 16,9 pró­sent. Mun­ur­inn var þó innan skekkju­marka. 

Kannanir MMR sýndu að fylgi Vinstri grænna var mest á höf­uð­borg­ar­svæð­inu, sem sam­anstendur af báðum Reykja­vík­ur­kjör­dæm­unum og Krag­anum svo­kall­aða, nágranna­sveit­ar­fé­lögum höf­uð­borg­ar­inn­ar. Þar búa tveir af hverjum þremur íbúum lands­ins. Með­al­tal fylgis Vinstri grænna á höf­uð­borg­ar­svæð­inu í áður­nefndum tveimur könn­nunum MMR var 16,3 pró­sent. 

Hvergi á land­inu mæld­ist það meira enda hafði árang­ur­inn í Reykja­vík verið mjög góður í kosn­ing­un­um. Í Reykja­vík norð­ur, þar sem Katrín Jak­obs­dótt­ir, for­maður flokks­ins, leiddi list­ann, fengu Vinstri græn 21,5 pró­sent atkvæða. 

Það var mesta fylgi sem flokk­ur­inn fékk í nokkru kjör­dæmi í síð­ustu kosn­ing­um.  

Odd­vitar lista Vinstri grænna í þessum þremur kjör­dæmum voru þrjár kon­ur: for­mað­ur­inn Katrín, Svan­dís Svav­ars­dóttir og Rósa Björk Brynj­ólfs­dótt­ir. Tvær fyrr­nefndu kon­urnar sett­ust í rík­is­stjórn með Sjálf­stæð­is­flokki og Fram­sókn­ar­flokki að kosn­ingum loknum sem leidd er af Katrín­u. 

Sú síð­ast­nefnda studdi ekki stjórn­ar­sátt­mála þeirrar rík­is­stjórnar og sagði sig úr Vinstri grænum fyrr á þessu ári. 

Fylgið ekki minna í sjö og hálft ár

Í síð­ustu tveimur könn­unum MMR hefur fylgi Vinstri grænna mælst að með­al­tali 7,9 pró­sent. Það er níu pró­sentu­stigum undir kjör­fylg­i. 

Því er ljóst að miðað við þá stöðu hefur flokk­ur­inn tapað miklum stuðn­ingi á kjör­tíma­bil­in­u. 

Í könn­un­inni sem birt var í lið­inni viku, og vigtar um helm­ing af ofan­greindu með­al­tali, mæld­ist fylgið 7,5 pró­sent. Það hefur ekki mælst lægra í könn­unum MMR frá því í apríl 2013, nokkrum dögum fyrir þing­kosn­ingar þess árs, þegar fyrsta hreina tveggja flokka vinstri­st­jórnin var að ljúka átaka­drif­inni valda­setu sinni sem feiki­lega óvin­sæl minni­hluta­stjórn.Jóhanna Sigurðardóttir og Steingrímur J. Sigfússon stóðu í stafni þeirrar ríkisstjórnar sem lauk störfum vorið 2013. Fylgi Vinstri grænna hefur ekki mælst minna frá því í aprílmánuði það ár.

Það er merki­legt í ljósi þess að Katrín Jak­obs­dóttir er sá ráð­herra sem flestir lands­menn segj­ast treysta, sam­kvæmt könnun Zenter fyrir Frétta­blaðið sem birt var í síð­asta mán­uði. Þar sögð­ust 18,1 pró­sent lands­manna bera mest traust til for­sæt­is­ráð­herr­ans. 

Það traust virð­ist hins vegar ekki skila sér í auknu fylgi Vinstri grænna. Þvert á móti.

Flótti kjós­enda frá Vinstri grænum er fyrst og síð­asta að eiga sér stað á höf­uð­borg­ar­svæð­inu, þar sem for­mað­ur­inn leiðir lista flokks­ins í einu þriggja kjör­dæma. Þar segj­ast 7,6 pró­sent kjós­enda styðja flokk­inn í dag, eða 8,7 pró­sentu­stigum færri en í könn­unum MMR í kringum kosn­ing­arnar 2017. Ef reiknað er með­al­tals­fylgi Vinstri grænna í kosn­ing­unum sjálfum í þeim þremur kjör­dæmum sem mynda höf­uð­borg­ar­svæðið þá var það um 17 pró­sent. Flokk­ur­inn hefur því tapað næstum tíu pró­sentu­stigum á þessu fjöl­mennasta, og þétt­býlasta, svæði lands­ins á þeim rúmu þremur árum sem hann hefur leitt rík­is­stjórn.

Fylgið dalar víða

Vinstri græn tapa fylgi á öllum land­svæð­um, nema á Vest­ur­landi og Vest­fjörð­um, á þeim slóðum þar sem Lilja Raf­ney Magn­ús­dóttir er odd­viti flokks­ins. Þar eykst fylgið lít­il­lega. 

Flokk­ur­inn hefur ætið átt sterkt vígi í Norð­aust­ur­kjör­dæmi, þar sem stofn­and­inn og fyrr­ver­andi for­mað­ur­inn Stein­grímur J. Sig­fús­son hefur verið í for­ystu fyrir hann frá stofnun 1999. Stein­grímur til­kynnti nýverið að hann ætl­aði að hætta á þingi í aðdrag­anda næstu kosn­inga og því liggur fyrir að nýr odd­viti mun leiða í kjör­dæm­inu. Óli Hall­dórs­son hefur þegar til­kynnt fram­boð í það hlut­verk.

Auglýsing
Í kosn­ing­unum 2017 fengu Vinstri græn 19,9 pró­sent atkvæða í Norð­aust­ur­kjör­dæmi og voru næst stærsti flokk­ur­inn. Þau fengu ein­ungis 88 færri atkvæði en Sjálf­stæð­is­flokk­ur­inn þá. Í síð­ustu könn­unum MMR mælist fylgi Vinstri grænna á Norð­ur­landi ein­ungis 10,7 pró­sent og á Aust­ur­landi 8,8 pró­sent.

 Vinstri græn fengu 11,8 pró­sent atkvæða í Suð­ur­kjör­dæmi í síð­ustu kosn­ing­um. um er að ræða víð­feðm­asta kjör­dæmi lands­ins sem teygir sig frá Höfn í Horna­firði til Suð­ur­nesja. Nú mælist stuðn­ingur við flokk­inn á Suð­ur­landi og á Suð­ur­nesjum ein­ungis 4,5 pró­sent. Það myndi ekki duga Vinstri grænum til að ná inn manni í kjör­dæm­in­u. 

Staðan var sterk hjá konum

Í könn­unum MMR í kringum síð­ustu kosn­ingar kom skýrt fram að Vinstri græn voru flokkur sem höfð­aði mun frekar til kvenna en karla. Alls mæld­ist stuðn­ingur við flokk­inn 21 pró­sent meðal kvenna en 9,6 pró­sent meðal karla. Ein­ungis Sjálf­stæð­is­flokk­ur­inn, með 21,8 pró­sent kvenna­fylgi, var vin­sælli hjá kon­um. 

Í dag er staðan önn­ur. Fylgi Vinstri grænna á meðal kvenna mælist 12,4 pró­sent og karla­fylgið hefur helm­ing­ast. Nú segj­ast fleiri konur kjósa Sjálf­stæð­is­flokk, Sam­fylk­ingu og Pírata en Vinstri græn. 

Þegar horft er á menntun og tekjur þá hefur stuðn­ingur við Vinstri græn dreg­ist saman í öllum flokk­um. Sam­drátt­ur­inn á stuðn­ingi er meiri hjá tekju­hærri en tekju­lægri en meiri hjá þeim sem eru með grunn­skóla­próf sem æðstu menntun en öðrum sem hafa lokið lengri skóla­göngu.

Úttekt á bakgrunni stuðningsmanna flokka

Kjarn­inn hefur fengið aðgang að gögnum um bak­grunns­breytur þeirra sem svarað hafa könn­unum MMR um fylgi stjórn­mála­flokka. Þær breytur sem um ræðir eru kyn, ald­ur, búseta, menntun og heim­il­is­tekj­ur. Gögnin eru ann­ars vegar úr síð­ustu tveimur könn­unum MMR, sem gerðar voru 23-28. októ­ber og 6-11. nóv­em­ber 2020 (sam­tals 1.858 svar­end­ur), og hins vegar úr tveimur könn­unum sem gerðar voru öðru hvoru megin við síð­ustu þing­kosn­ingar árið 2017. Með því að skoða þær kann­an­ir, sem fram­kvæmdar voru 26-27. októ­ber og 14.-17. nóv­em­ber 2017 (sam­tals 1.924 svar­end­ur), er hægt að sjá þær breyt­ingar sem orðið hafa á bak­grunns­breytum stuðn­ings­manna flokk­anna frá þeim tíma. Næstu daga mun Kjarn­inn birta umfjöllun um alla þá átta flokka sem mældir eru í könn­unum MMR og í kjöl­farið ýmis konar aðra umfjöllun byggða þeim upp­lýs­ingum sem gagna­safnið geym­ir. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Vindmyllurnar sem yrðu notaðar í vindorkuverið í Hvalfirði yrðu um 250 metrar á hæð. Þær yrðu á fjalli sem er 647 metrar á hæð og því sjást mjög víða að.
Vindorkuverið hefði „veruleg áhrif á ásýnd“ Hvalfjarðar og nágrennis
Hvalfjörður er þekktur fyrir fjölbreytt og fallegt landslag. Stofnanir segja „mjög vandasamt“ að skipuleggja svo stórt inngrip sem vindorkuver er á slíku svæði og að það yrði „mikil áskorun“ að ná sátt um byggingu þess.
Kjarninn 14. ágúst 2022
Mikið var látið með HBO Max þegar streymisþjónustan var kynnt til leiks vorið 2020 og hún auglýst gríðarlega.
Bylting á HBO Max veldur því að veitan kemur seinna til Íslands og efnisframboð minnkar
Bið Íslendinga eftir HBO Max mun lengjast um rúm tvö ár. Ástæðan er sameining móðurfélags HBO við fjölmiðlarisann Discovery. Ný stjórn er í brúnni og allt virðist vera gert til að spara pening.
Kjarninn 14. ágúst 2022
Kristjanía er eins konar undraland í miðri Kaupmannahöfn.
Kristjaníubúar fá tilboð
Danska ríkið hefur gert íbúum Kristjaníu tilboð sem felur í sér umtalsverðar breytingar frá núverandi skipulagi. Íbúum „fríríkisins“ myndi fjölga talsvert ef breytingarnar ganga eftir. Samningaviðræður milli íbúanna og ríkisins standa yfir.
Kjarninn 14. ágúst 2022
Fjármálaeftirlit Seðlabanka Íslands birti samkomulag um sátt við FX Iceland í liðinni viku.
Fékk 2,7 milljóna króna sekt fyrir margháttuð og alvarleg brot á peningaþvættislögum
Annmarkar voru á flestum þáttum starfsemi gjaldeyrisskiptamiðstöðvar sem hóf starfsemi snemma árs 2020. Fyrirtækið stundaði meðal annars áfram viðskipti við aðila eftir að peningaþvættiseftirlitið hafði sent tilkynningu um grunsamleg viðskipti þeirra.
Kjarninn 13. ágúst 2022
Um er að ræða enn eitt skrefið í margþættri rannsókn á tilraunum Trump til þess að halda völdum.
Geymdi háleynileg gögn heima hjá sér
Meðal þess sem alríkislögreglan lagði hald á í húsleit á heimili Donalds Trump voru háleynileg gögn sem ekki má opna nema undir öryggisgæslu innan ríkisstofnana Bandaríkjanna.
Kjarninn 13. ágúst 2022
Flest þeirra starfa sem orðið hafa til síðustu mánuði eru í ferðaþjónustu.
Færri atvinnulausir en fleiri fastir í langtímaatvinnuleysi
Í febrúar 2020, þegar atvinnulífið var enn að glíma við afleiðingar af gjaldþroti WOW air og loðnubrest, voru 21 prósent allra atvinnulausra flokkaðir langtímaatvinnulausir. Nú er það hlutfall 38 prósent.
Kjarninn 13. ágúst 2022
Eggert Þór Kristófersson.
Eggert kominn með nýtt forstjórastarf tæpum tveimur vikum eftir að hann hætti hjá Festi
Fyrrverandi forstjóri Festi hefur verið ráðinn til að stýra stóru landeldisfyrirtæki á Suðurlandi sem er í þriðjungseigu Stoða. Hann fékk fimmtánföld mánaðarlaun greidd út við starfslok hjá Festi.
Kjarninn 13. ágúst 2022
Jimmie Åkesson, formaður Svíþjóðardemókratanna.
Gömlu blokkirnar brotna í breyttu pólitísku landslagi
Innreið öfgahægriflokks Svíþjóðardemókrata inn í meginstraum sænskra stjórnmála hefur verið áberandi undanfarið á sama tíma og glæpatíðni vex. Lengi neituðu allir aðrir flokkar að vinna með Svíþjóðardemókrötum – þar til á síðasta ári.
Kjarninn 13. ágúst 2022
Meira eftir höfundinnÞórður Snær Júlíusson
Meira úr sama flokkiFréttaskýringar