Samfélagsmiðlarnir þagga niður í Trump

Twitter er ekki eini samfélagsmiðillinn sem hefur lokað á Trump vegna ummæla hans og ofbeldisins sem talið er að fylgi þeim, en að minnsta kosti tólf samfélagsmiðlar hafa bannað eða takmarkað aðgang Bandaríkjaforseta og fylgismanna hans á síðustu dögum.

Donald Trump fráfarandi Bandaríkjaforseti
Donald Trump fráfarandi Bandaríkjaforseti
Auglýsing

Sam­fé­lags­mið­ill­inn Twitter lok­aði í gær aðgang Banda­ríkja­for­seta Don­ald Trump, en for­set­inn hefur notað mið­il­inn óspart til að koma sjón­ar­miðum sínum á fram­færi á síð­ustu árum. Til við­bótar við Trump hefur Twitt­er  lok­að  aðgöngum fjöl­margra fylg­is­manna hans sem trúa á sam­sær­is­kenn­ing­una QAnon síð­asta sól­ar­hring­inn í svoköll­uðum „hreins­un­ar­að­gerð­u­m“.

Sam­kvæmt til­kynn­ingu frá for­svars­mönnum mið­ils­ins stafar hætta á því að Twitt­er-­færslur Trump leiði til meira ofbeld­is, en fimm manns eru nú látin eftir að stuðn­ings­menn hans réð­ust inn í banda­ríska þing­húsið síð­asta mið­viku­dag. 

Aðgerðir for­svars­manna Twitter eru ekki eins­dæmi, en fjöl­margir miðlar hafa ákveðið að loka aðgöngum tengdum Trump og fylg­is­mönnum hans af ótta við að þeir leiði til ofbeld­is. Vef­mið­ill­inn Axios tók saman alla þá miðla, en að með­töldum Twitter þeir eru 12 tals­ins.  

Auglýsing

Twitch

Streym­is­mið­ill­inn Twitch hefur bannað rás for­set­ans, sem rekin hefur verið af fram­boðsteym­inu hans síðan í októ­ber 2019. Þar hafa birst mynd­bönd af fram­boðs­fundum Trump, en rásinni var einnig lokað tíma­bundið síð­asta sumar eftir að rasísk ummæli for­set­ans birt­ust þar, sam­kvæmt The Verge. Í við­tali við Axios sögð­ust for­svars­menn Twitch telja lok­un­ina vera nauð­syn­lega til þess að koma í veg fyrir að mið­ill­inn yrði not­aður til þess að ýta undir frekara ofbeld­i. 

Reddit

Sam­fé­lags­mið­ill­inn Reddit hefur einnig lokkað einu af stærstu stjórn­mála­spjall­borðum síð­unnar sem er til­einkað umræðum um for­set­ann, r/Don­ald­Trump. Í sam­tali við Axios segja for­svars­menn Reddit að síðan banni allt efni sem ýtir undir hatur eða ofbeldi gagn­vart ein­stak­lingum eða hópum fólks.

Youtube

Þá hefur mynd­banda­síðan Youtube sömu­leiðis hert not­enda­reglur sínar í kjöl­far inn­rásar stuðn­ings­manna Trump í þing­hús­ið. Nú verða not­endur síð­unnar settir í tíma­bundið bann ef þeir hlaða inn mynd­bandi þar sem því er haldið fram að Trump hafi í raun og veru unnið for­seta­kosn­ing­arnar í Banda­ríkj­un­um. Ef not­endur síð­unnar brjóta af sér með þessum hætti í þrí­gang verði þeir settir í var­an­legt bann. Sam­kvæmt Axios hefur Youtube einnig fjar­lægt fyrstu yfir­lýs­ingu Don­ald Trump vegna inn­rás­ar­innar sem birt­ist síð­asta mið­viku­dag, en í því for­dæmdi hann ekki inn­rás­ina beint, heldur sagð­ist hann elska þá sem að baki henni stóð­u. 

Face­book og Instagram

Mark Zucker­berg, for­stjóri Face­book og Instagram, lýsti því svo yfir á fimmtu­dag­inn að Trump væri í tíma­bundnu banni á báðum miðl­unum þangað til að Joe Biden tekur við for­seta­emb­ætt­inu 20. jan­ú­ar. Í yfir­lýs­ingu sinni sagði Zucker­berg áhætt­una af því að leyfa for­set­anum að tjá sig í gegnum miðl­ana vera ein­fald­lega allt of mikla. Rétt eins og Youtube ákvað Face­book líka að fjar­lægja umrætt mynd­band sem Trump birti á sama dag og ráð­ist var inn í þing­hús­ið.

Snapchat

Sam­fé­lags­mið­ill­inn Snapchat ákvað að læsa aðgangi Trump strax á mið­viku­dag­inn. Í við­tali við Axios sagði tals­maður Snapchat að mið­ill­inn teldi for­set­ann dreifa hatri og hvetja til ofbeld­is. Mið­ill­inn læsti einnig aðgangi Trump tíma­bundið í fyrra­sumar í kjöl­far óeirða vegna lög­reglu­of­beldis og kyn­þátta­hat­urs í Banda­ríkj­un­um.  

Tiktok

Mið­ill­inn Tikt­ok, sem birtir stutt mynd­bönd frá not­endum sínum brást einnig við atburðum mið­viku­dags­ins með því að banna mynd­bönd sem inni­héldu ákveðin myllu­merki. Merkið #stormt­hecapitol, sem hvatti til inn­rásar í þing­hús­ið, var bann­að, sem og merkið #pat­riot­par­ty, en tals­maður mið­ils­ins sagði að öll mynd­bönd sem hvöttu til ofbeldis yrðu fjar­lægð í við­tali við Axios.  

Discord

Til við­bótar við þetta greindi blaða­mað­ur­inn Casey Newton frá því að sam­skipta­mið­ill­inn Discord hafi bannað spjall­svæði innan þess undir nafn­inu The Don­ald, sem til­einkað var umræðum um for­set­ann. Tals­menn mið­ils­ins segja svæðið hafa skýra teng­ingu við annað spjall­svæði sem er notað til að hvetja til ofbeld­is. 

Par­ler

Apple og Google hafa einnig sent frá sér yfir­lýs­ingar varð­andi sam­skipta­mið­il­inn Par­ler  sem var í vef­verslun fyr­ir­tækj­anna tveggja, en sam­kvæmt frétt Axios er mið­ill­inn mikið not­aður af íhalds­mönnum og öfga­hægri­mönn­um. Google fjar­lægði mið­il­inn úr vef­verslun sinni stuttu eftir að óeirð­irnar hófust, en Apple hót­aði einnig að gera slíkt hið sama í gær ef mið­ill­inn hyggst ekki ætla að sporna gegn hat­urs­orð­ræðu sjálf­ur.

Shopify

Sölu­torgið Shopify hefur einnig fjar­lægttvær versl­anir sem seldu varn­ing tengdum Trump og fram­boði hans, þar sem fyr­ir­tækið telur að for­set­inn ali á ofbeldi. „Shopify líður ekki gjörðir sem hvetja til ofbeld­is. Í ljósi nýlið­inna atburða teljum við að Don­ald J. Trump Banda­ríkja­for­seti brjóti okkar not­enda­skil­mála, sem leggur blátt bann við stofn­anir og fólk sem hvetja til ofbeldis til að ná fram mál­staðnum sín­um,“ sagði fyr­ir­tækið í sam­tali við Axios.

Pinter­est

Að lokum hefur sam­fé­lags­mið­ill­inn Pinter­est tak­markað notkun á ákveðnum myllu­merkjum sem stuðn­ings­menn Trump hafa not­að, líkt og #Stopt­hesteal, sem vísar til meintra kosn­inga­svika í nýliðnum for­seta­kosn­ing­um. Trump hefur ekki sjálfur aðgang að miðl­in­um, en tals­menn fyr­ir­tæk­is­ins segj­ast munu fylgj­ast með öllu efni sem birt­ist þar og fjar­lægja það sem teng­ist sam­sær­is­kenn­ingum sem gætu hvatt til ofbeld­is.



Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Var Ríkisendurskoðun að misskilja eða veitti Bankasýslan ráðherra ekki réttar upplýsingar?
Skýrsla Ríkisendurskoðunar um söluferli Íslandsbanka hefur verið mikið til umfjöllunar undanfarnar vikur. Þar hefur meðal annars verið tekist á um hvort Bankasýsla ríkisins hafi verið að fullu meðvituð um hver eftirspurn eftir bréfum í bankanum.
Kjarninn 3. desember 2022
Elísabet Englandsdrottning og hirðdaman Susan Hussey voru nánar vinkonur og samstarfskonur.
Aldursfordómar að kenna elli hirðdömu um kynþáttafordóma
Hirðdama á níræðisaldri hefur sagt skilið við bresku hirðina eftir að hafa látið rasísk ummæli falla um formann góðgerðarsamtaka í móttöku í Buckingham-höll. Þetta er síður en svo í fyrsta skipti sem kynþáttafordómar varpa skugga á konungsfjölskylduna.
Kjarninn 2. desember 2022
Lilja Alfreðsdóttir er menningar- og viðskiptaráðherra.
Stefnt að því að framlengja fjölmiðlastyrki til tveggja ára en ekki eins árs
Þvert á það sem Kjarninn hefur heimildir fyrir að hafi orðið niðurstaðan á ríkisstjórnarfundi fyrr í vikunni er nú komið fram frumvarp sem framlengir styrkjakerfi fyrir einkarekna fjölmiðla til tveggja ára.
Kjarninn 2. desember 2022
Helgi Þór Ingason
Yfirmaður minn – vitvélin?
Kjarninn 2. desember 2022
Frá fundi borgarstjórnar Reykjavíkurborgar.
Starfsmenn voru að meðaltali 4,5 sekúndur að slá inn kennitöluna í mötuneytinu
Sérfræðingar borgarinnar fylgdust með starfsmönnum stjórnsýslunnar í borginni skammta sér á diska og komust að þeirri niðurstöðu að tillaga fulltrúa Sjálfstæðisflokks um stafræna umbreytingu í mötuneytum svaraði vart kostnaði.
Kjarninn 2. desember 2022
Forsvarsmenn Bankasýslunnar á fundi stjórnskipunar- og eftirlitsnefndar í morgun, ásamt tveimur lögfræðingum frá Logos.
Bankasýslumenn ekki orðnir afhuga tilboðsfyrirkomulaginu
Forsvarsmenn Bankasýslunnar sátu fyrir svörum í stjórnskipunar- og eftirlitsnefnd í morgun og voru þar spurðir hvort þeir myndu mæla með tilboðsfyrirkomulagi í framtíðar bankasölum ríkisins.
Kjarninn 2. desember 2022
Mótmæli hafa orðið að nokkurskonar þjóðaríþrótt Íslendinga eftir bankahrunið.
Tíu atburðir og ákvarðanir sem okkur hefur verið sagt að læra af
Síðastliðin 14 ár hafa verið stormasöm. Margar rannsóknarskýrslur hafa verið gerðar sem sýndu aðra mynd en haldin var að almenningi. Stjórnmálamenn hafa tekið ákvarðanir sem hafa virst vera í andstöðu við gildandi lög eða þau viðmið sem eru ráðandi.
Kjarninn 2. desember 2022
Guðlaugur Þór Þórðarson umhverfis-, orku- og loftslagsráðherra.
Skrítið ef „enginn staður á Íslandi kæmi til greina fyrir vindorku“
Umhverfis-, orku- og loftslagsráðherra segir að tvöfalda þurfi orkuframleiðslu á Íslandi „hið minnsta“ til að ná fram orkuskiptum. Íslendingar séu langt á eftir öðrum þegar komi að vindorkunni.
Kjarninn 2. desember 2022
Meira eftir höfundinnJónas Atli Gunnarsson
Meira úr sama flokkiFréttaskýringar