Harry Bretaprins vill vernda ömmu sína – En fyrir hverju?

Harry Bretaprins vill vernda Elísabetu Englandsdrottningu. Fyrir hverju nákvæmlega er óljóst. Harry og Meghan hittu drottninguna nýlega og er þetta í fyrsta sinn sem Meghan kemur til Bretlands eftir að hjónin afsöluðu sér konunglegum titlum.

Meghan og Harry 2022
Auglýsing

Elísa­bet Eng­lands­drottn­ing var „í fínu formi“ að sögn Harry Breta­prins þegar hann fékk sér te með ömmu í Windsor-kast­ala á skír­dag ásamt Meg­han Markle eig­in­konu sinni. Þau hittu einnig Karl Breta­prins, föður Harrys. Drottn­ingin fagnar 96 ára afmæli í dag.

Her­toga­hjónin af Sus­sex komu við hjá drottn­ing­unni á leið sinni á Invict­u­s-­leik­ana í Hollandi, alþjóð­legra leika sem Harry stendur fyrir þar sem her­menn sem hafa slasast eða veikst við her­þjón­ustu etja kappi í alls konar íþrótta­grein­um. Ekki var greint sér­stak­lega frá heim­sókn­inni en í við­tali við Today Show á NBC segir prins­inn nánar frá heim­sókn­inni.

Auglýsing

„Það var frá­bært að hitta hana, sér­stak­lega í ró og næð­i,“ sagði Harry, sem kom ömmu sinni til að hlæja eins og oft áður. „Ég var bara að tryggja að hún njóti verndar og sé umkringd rétta fólk­in­u,“ segir Harry í við­tal­inu, sem birt var í heild sinni í gær­kvöldi.

Þetta er í fyrsta sinn sem Harry og Meg­han fara saman til Bret­lands eftir að þau sögðu sig frá öllum kon­ung­legum skyldum fyrir rúmum tveimur árum. Harry hefur tvisvar komið einn í heima­hag­ana, ann­ars vegar til að vera við­staddur jarð­ar­för Fil­ippusar prins, afa síns, og hins vegar þegar stytta til minn­ingar um móður hans var afhjúp­uð.

Harry segir sam­band sitt við ömmu sína ein­stakt. Aðspurður hvað sé það besta í fari Eng­lands­drottn­ingar segir Harry: „Skop­skyn hennar og hæfi­leiki hennar til að sjá það fyndna við marga hluti. Við tölum um hluti sem hún getur ekki talað um við aðra.“ Harry telur hins vegar að amma hans hugsi lítið um afmæl­is­dag­inn. „Ég held að þegar þú ert kom­inn á vissan aldur fáir þú leið á að eiga afmæli,“ segir Harry. Drottn­ingin hafði vissu­lega hægt um sig í dag og dvaldi í húsi kon­ungs­fjöl­skyld­unnar í Sandring­ham, sem var í upp­á­haldi hjá Fil­ippusi prins.

Lítur á Banda­ríkin sem heim­ili fjöl­skyld­unnar sem stendur

Harry segir Banda­ríkin vera heim­ili sitt „um þessar mund­ir“ og segir að fjöl­skyld­unni­hafi verið tekið þar með opnum örm­um.

Harry og Meg­han til­kynntu í upp­hafi árs 2020 að þau ætl­uðu að afsala sér kon­ung­legum titlum sín­um. Það gekk í gegn vorið 2020. Harry er þó áfram prins og er sjötti í erfða­röð­inni að bresku krún­unni.

Elísa­bet Eng­lands­drottn­ing studdi ákvörðun þeirra, ef marka má yfir­lýs­ingu hennar þar sem hún sagði kon­ungs­fjöl­skyld­una hafa fundið „upp­byggi­lega og stuðn­ings­ríka leið fram á við fyrir son­ar­son minn og hans fjöl­skyld­u.“ Harry, Meg­han og Archie verða alltaf elskuð af fjöl­skyld­unni, sagði einnig í yfir­lýs­ing­unni. Drottn­ingin sagð­ist hafa skiln­ing á þeim áskor­unum sem þau hafa upp­­lifað síð­­­ustu tvö ár, ver­andi undir nál­­ar­auga fjöl­miðla, „og ég styð ósk þeirra um meira sjálf­­stæð­i“.

Síðan þá hefur fjöl­skyldan stækk­að, en Lilli­bet litla sem verður eins árs í sumar hefur aldrei hitt kon­ungs­fjöl­skyld­una og Archie, sem verður þriggja ára í byrjun maí, hefur ekki hitt afa sinn og langömmu frá því að for­eldrar hans sögðu skilið við krún­una.

Höfðu betur gegn slúð­ur­press­unni eftir þriggja ára dóms­mál

Áreiti bresku götu­blað­anna, nokkuð sem móðir Harrys, Díana prinsessa, þekkti mæta­vel, var meðal ástæða þess að Harry og Meg­han sögðu skilið við lífið í höll­inni. Meg­han varð fljótt upp­á­hald slúð­ur­pressunnar sem átti að verða hin nýja „prinsessu ­fólks­ins“. Harry við­ur­kenndi í við­tali haustið 2019 að hann ótt­að­ist að Meg­han myndi hljóta sömu örlög og móðir hans, sem lést í bílslysi í París eftir að hafa verið hund­elt af ljós­mynd­ur­um.

Eftir að eitt götu­blað­anna, Mail on Sunday, birti hluta bréfs sem Meg­han skrif­aði föður sínum skömmu fyrir brúð­kaup þeirra Harry ákváðu hjónin að nóg væri kom­ið. Í októ­ber 2019 gaf Harry út yfir­lýs­ingu þar sem fram kom að hjónin hygð­ust lög­sækja Mail og Sunday fyrir að birta upp­lýs­ingar úr einka­bréfi.

Dóms­mál­lið stóð yfir í um þrjú ár en lauk í upp­hafi þessa árs þegar Meg­han voru dæmdar skaða­bætur vegna máls­ins. Upp­hæðin var þó ekki nema eitt pund, enda var það ekki upp­hæð­ins sem skipti máli heldur við­ur­kenn­ing Mail on Sunday á inn­rás í einka­líf Meg­han og stað­fest­ing á að láta ekki reyna frekar á málið fyrir dóm­stól­um.

„Ég hef séð hvað ger­ist þegar þeir sem ég elska eru gerðir að sölu­vöru og ekki lengur komið fram við þá eins og alvöru per­­són­­ur. Ég missti móður mína og nú horfi ég upp á eig­in­­kon­u mína verða fórn­­­ar­­lamb sömu valda­­miklu afla,“ sagði meðal ann­ars í yfir­lýs­ingu prins­ins.

Ekki leið langur tími þar til hjónin til­kynntu á Instagram að þau ætl­uðu að láta af ölllum kon­ung­legum skyldum sínum og dvelja á víxl í Bret­landi og Norð­ur­-Am­er­íku.

Vernda drottn­ing­una fyrir hverju?

Þar hafa þau nú dvalið í tæp tvö ár og það vakti athygli kon­ungs­legs frétta­rit­ara Breska rík­is­út­varps­ins hvað Harry átti í raun og veru við þegar hann sagð­ist hafa verið að kanna öryggi ömmu sinn­ar.

„„Vernda“ hana fyrir hverju?“ spyr Sean Coug­han, kon­ung­legur frétta­rit­ari BBC. Í broti úr við­tal­inu sem NBC hefur birt er ekki gefið upp hvers vegna Harry finnst hann þurfa að vernda ömmu sína. Er hún orðin heilsu­veil eða vill hann vernda hana frá slæmum ákvörð­un­um?

Heilsa drottn­ing­ar­innar hefur verið til umræðu upp á síðkast­ið, skilj­an­lega sökum ald­urs henn­ar. Drottn­ingin var lögð inn á spít­ala í októ­ber og í kjöl­farið hefur hún dregið úr við­veru sinni á ýmsum við­burð­um, hún sótti til að mynda ekki messu á páska­dag eins og venja er. Þá fékk hún COVID í byrjun árs og hefur greint frá því að hún þjá­ist af bak­verkj­um, eigi erfitt með gang og treysti sér því ekki til að standa lengi.

Gallabuxnakldd Meghan á Invictus-leikunum, nokkuð sem hefði líklega ekki sést ef hún hefði enn konunglegum skyldum að gegna. Mynd: EPA

Coug­han, sem birti pistil sinn áður en við­talið var birt í heild sinni, bendir rétti­lega á að áhættu­samt sé að ráð­ast í ítar­lega grein­ingu á broti úr stærra við­tali, kannski muni Harry útskýra frekar hvað hann á við þegar við­talið verður birt í heild sinni. Það gerði hann hins vegar ekki, en við­talið var á mjög léttum nót­um.

Eitt er þó ljóst í máli Harrys að mati kon­ung­lega frétta­rit­ar­ans: Hann sér fram­tíð sína og fjöl­skyld­unnar fyrir sér í Banda­ríkj­un­um, að minnsta kosti eins og sakir standa. Hvað sem kon­ung­legum genum líð­ur, lífið snýst um galla­buxur og sól­skin í Santa Bar­bara þessa stund­ina þar sem fjög­urra manna fjöl­skyldan hefur búið sér heim­ili og virð­ist vera að festa ræt­ur.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Mette Frederiksen, Ursula van der Leyen forseti framkvæmdastjórnar ESB, Olaf Scholz kanslari Þýskalands, Mark Rutte forsætisráðherra Hollands og Alexander De Croo forsætisráðherra Belgíu hittust í Esbjerg.
Tíu þúsund risastórar vindmyllur
Á næstu árum og áratugum verða reistar 10 þúsund vindmyllur, til raforkuframleiðslu, í Norðursjónum. Samkomulag um þessa risaframkvæmd, sem fjórar þjóðir standa að, var undirritað í Danmörku sl. miðvikudag.
Kjarninn 22. maí 2022
Jódís Skúladóttir þingmaður VG.
Segir náin tengsl á milli hatursglæpa, vændis, kvenhaturs og útlendingahaturs
Þingmaður Vinstri grænna segir að hinsegin fólk sem fellur undir hatt fleiri minnihlutahópa sé útsettara fyrir ofbeldi en annað hinsegin fólk og því sé aldrei hægt að gefa afslátt í málaflokkum sem viðkoma þessum hópum.
Kjarninn 21. maí 2022
Hanna Katrín Friðriksson þingmaður Viðreisnar.
„Hvernig stendur á þessari vitleysu?“
Þingflokksformaður Viðreisnar telur að líta þurfi á heilbrigðiskerfið í heild sinni og spyr hvort það sé „í alvöru til of mikils ætlast að stjórnvöld ráði við það verkefni án þess að það bitni á heilsu og líðan fólks“.
Kjarninn 21. maí 2022
Framsóknarflokkurinn í Mosfellsbæ er í lykilstöðu um myndun meirihluta bæjarstjórnar.
Viðræðum Framsóknarflokksins og Vina Mosfellsbæjar slitið
Framsóknarflokkurinn í Mosfellsbæ tilkynnti Vinum Mosfellsbæjar skömmu fyrir áætlaðan fund þeirra í morgun að ákveðið hefði verið að slíta viðræðum. Líklegast er að Framsókn horfi til þess að mynda meirihluta með Samfylkingunni og Viðreisn.
Kjarninn 21. maí 2022
Gísli Pálsson
„Svartur undir stýri“: Tungutak á tímum kynþáttafordóma
Kjarninn 21. maí 2022
Horft frá toppi Úlfarsfells yfir Blikastaði
Blikastaðir eru „fallegasta byggingarland við innanverðan Faxaflóa“
„Notaleg“ laxveiði, æðardúnn í eina sæng á ári og næstu nágrannar huldufólk í hóli og kerling í bæjarfjallinu. Blikastaðir, ein fyrsta jörðin sem Viðeyjarklaustur eignaðist á 13. öld, á sér merka sögu.
Kjarninn 21. maí 2022
Selur í sínu náttúrulega umhverfi.
Ætla að gelda selina í garðinum með lyfjum
Borgaryfirvöld fundu enga lausn á óviðunandi aðstöðu selanna í Húsdýragarðinum aðra en að stækka laugina. Þeir yngstu gætu átt 3-4 áratugi eftir ólifaða. 20-30 kópum sem fæðst hafa í garðinum hefur verið lógað frá opnun hans.
Kjarninn 21. maí 2022
Í ávarpi sínu fór Katrín yfir þann lærdóm sem hægt er að draga af kórónuveirufaraldrinum, meðal annars að samheldni samfélagsins hafi reynst okkar mestu verðmæti.
Ekki einungis hægt að vísa ábyrgð á launafólk
Katrín Jakobsdóttir segir atvinnulíf og stjórnvöld bera mikla ábyrgð á bráttunni við verðbólguna og að ekki sé hægt að vísa ábyrgðinni eingöngu á launafólk í komandi kjarasamningum.
Kjarninn 20. maí 2022
Meira eftir höfundinnErla María Markúsdóttir
Meira úr sama flokkiFréttaskýringar