Rússar hefja loftárásir á skotmörk í Sýrlandi - Landher í stellingum

rsz_h_52273635.jpg
Auglýsing

Rúss­neskar her­flug­vélar hófu í morgun loft­árásir á valin skot­mörk í Sýr­landi sem bein­ast að Íslamska rík­inu. Árás­irnar eru gerðar undir vernd­ar­væng rík­is­stjórnar Bashar al-Assad, for­seta Sýr­lands, en Vladímir Pútín, for­seti Rúss­lands, hefur hvatt þjóðir heims­ins, ekki síst Banda­ríkja­menn, til þess að „stilla sér upp með“ stjórn­ar­her Sýr­lands í bar­átt­unni við Íslamska ríkið og sjálf­stæða hryðju­verka­hópa inn þessa stríðs­hrjáða rík­is­ins.

Sam­kvæmt frá­sögn Was­hington Post hafa Rússar þegar sett land­her í stell­ingar í Sýr­landi, sem er til þjón­ustu reið­bú­inn, þegar Assad og yfir­menn í stjórn­ar­her Sýr­lands gefa skip­anir um hvað skuli gera. Banda­rísk stjórn­völd hafa þegar gagn­rýnt aðgerðir Rússa og sagt að þær geti leitt til flók­innar stöðu í Mið­aust­ur­löndum og grafið undan friði og sam­stöðu.

Auglýsing


Þessi litla stúlka býr við viðvarandi ótta, eins og milljónir manna sem hafa flúið átökin í Sýrlandi, Írak og Afganistan. Mynd: EPA. Þessi litla stúlka býr við við­var­andi ótta, eins og millj­ónir manna sem hafa flúið átökin í Sýr­landi, Írak og Afganist­an. Mynd: EPA.



Spennu­þrungið ástand



Frum­kvæði Rússa kemur á tíma þar sem þeir eru ein­angr­aðir á hinu alþjóða­póli­tíska sviði. Evr­ópu­sam­bands­ríkin hafa stillt sér upp gegn Rússum, vegna aðgerð­anna í Úkra­ínu og átak­anna þar, og það sama má segja um Banda­rík­in. Við­skipta­þving­unum er beitt til þess að halda rúss­neska birn­inum niðri.



Á vef For­eign Policy kemur fram að Rússar sjái stöð­una í Sýr­landi sem ákveðna leið út úr vand­anum sem landið er í, þar sem alþjóða­sam­fé­lag­inu, með Banda­ríkja­menn í broddi fylk­ing­ar, hefur mis­tek­ist að búa til jarð­veg frið­ar. Þvert á móti eru átökin í Sýr­landi, Írak og Afganista sífellt að versna, og er nú talið að 20 til 25 millj­ónir manna séu á flótta undan hat­urs­fullu ofbeldi og átök­um. Í Sýr­landi er ástandið ver­st, en um tíu millj­ónir manna hafa flúið heim­ili sín og um fimm millj­ónir hafa kom­ist úr land­inu. Af um 22 millj­ónar heildar­í­búa­fjölda, sé tekið mið af tölum Alþjóða­bank­ans frá því í lok árs 2013, þá eru meira en fjórtán millj­ónir í hreinni neyð. Stór hópur fólks telur sig hvergi geta far­ið, og heldur til við slæmar aðstæður á heim­ilum sín­um. Almennum borg­urum stafar bæði ógn af aðgerðum stjórn­ar­hers­ins og Íslamska ríks­ins.



Pútín hefur sagt, að þjóðir heims­ins hafa engan annan kost en að hefja strax kerf­is­bundnar hern­að­ar­að­gerðir gegn Íslamska rík­inu. En hvers vegna hika aðrar þjóð­ir, Banda­rík­in, Frakk­land og Bret­land þar hel­st, við að vinna með stjórn­ar­her Sýr­lands? Ástæðan er algjört van­traust á Assad. Barack Obama, for­seti Banda­ríkj­anna, sagði í ræðu sinni á alls­herj­ar­þingi Sam­ein­uðu þjóð­anna, að Assad hafi beitt sprengjum gegn börnum í sínu eigin landi, og að hann gæti aldrei verið hluti af póli­tískri lausn á stöð­unni í Sýr­landi. Francois Hollande, for­seti Frakk­lands, og David Camer­on, for­sæt­is­ráð­herra Bret­lands, hafa báðir sagt það sama.



Sýrland. Stríðshrjáð ríki í augnablikinu. Á kortinu sést borgin Homs, þar sem gríðarlega hörð átök hafa átt sér stað, í á fjórða ár. Loftárásir stjórnarhersins í borginni hafa verið harðlega gagnrýndar. Mynd: EPA. Sýr­land. Stríðs­hrjáð ríki í augna­blik­inu. Á kort­inu sést borgin Homs, þar sem gríð­ar­lega hörð átök hafa átt sér stað, í á fjórða ár. Loft­árásir stjórn­ar­hers­ins í borg­inni hafa verið harð­lega gagn­rýnd­ar. Mynd: Google.



Hern­að­ar­lega flókin staða



Rúss­neski her­inn hefur stillt sér upp einkum á þremur stöðum í land­inu. Við Al Sanobar her­stöð­ina, skammt frá borg­inni Latakia, á Bassel al-Assad alþjóða­flug­vell­in­um, og við Tartus, sem er um hund­rað kíló­metra frá Latakia. Allir þessir staðir eru við vest­ur­strönd lands­ins, þar sem Mið­jarð­ar­hafið leggst að. Árásin í morgun var tölu­vert innar í land­inu, sam­kvæmt Was­hington Post, á svæði í grennd við borg­ina Homs, sem er með um eina milljón íbúa. Þar er ástandið hvað verst í land­inu, hús hafa verið jöfnuð við jörðu og óbreyttir borg­arar halda til við illan kost í örvænt­ingu án neyð­ar­að­stoð­ar. Íslamska ríkið er sagt byggja sínar aðgerðir úr leyni­byrgj­um, meðal ann­ars í kringum Homs, þar sem Rússar sprengdu í morg­un.



En yfir­ráð í land­inu, til þess að ná stöð­ug­leika, eru ekki handan við horn­ið. Barist er víða, ekki síst í aust­ur­hluta lands­ins sem á landa­mæri að Írak. Flótta­menn sem flýja frá Írak til Sýr­lands eru á væg­ast sagt hættu­legri leið til betra lífs.



Sér­tækar aðgerðir breska, franska og banda­ríska hers­ins, meðal ann­ars með svo­nefndum drón­um, sem eru ómönnuð loft­för, hafa meðal ann­ars miðað að því að skaða víga­menn Íslamska ríks­ins sem ráð­ast á óbreytta borg­ara sitt hvoru megin við landa­mæri Sýr­lands og Íraks. Af þeim 250 þús­und borg­urum sem hafa látið lífið í Sýr­landi frá árinu 2011, og þeim 800 þús­und sem hafa slasast, hefur stór hluti fallið á svæð­inu nærri landa­mærum Sýr­lands og Íraks. Stór hóp­ur flótta­manna innan úr Sýr­landi hefur safn­ast saman í flótta­manna­búðum í Líbanon, sem á landa­mæri að suð­vest­ur­hluta lands­ins.







Hvað gera Banda­ríkja­menn?



Frum­kvæði Rússa, og skarpar aðgerðir þeirra í Sýr­landi, hafa beint spjót­unum að Banda­ríkja­mönn­um. Hvað gera þeir nú, og hvað liggja hags­munir þeirra? Jafn­vel þó Obama hafi opnað á sam­starf við Rússa í Sýr­landi, þá er kalt á milli þess­ara stór­velda í augna­blik­inu, og efna­hags­legar þving­anir Banda­ríkj­anna til marks um það. Banda­ríkin standa nú frammi fyrir því að blanda sér beint í átök­in, ná frum­kvæði í hern­að­ar­að­gerð­um, en að láta Rússa um það að stilla til friðar í Sýr­landi með stjórn­ar­hern­um, sem síðan teygir anga sína víð­ar. Eins og segir í umföllun For­eign Policy, þá hafa banda­rísk stjórn­völd langa reynslu af því að treysta ekki Rúss­um. Ólík­legt verður að telj­ast að þau leyfi þeim að stýra ferð­inni. En eftir að Rússar form­lega hófu hern­að­ar­að­gerðir í Sýr­landi í morg­un, virð­ist blasa við að Banda­ríkja­menn, með Sam­ein­uðu þjóð­unum og eftir atvikum öðrum alþjóð­stofn­unum og bandalögum þjóða, þurfa að gera upp við sig hvernig þeir ætla að nálg­ast þetta súra epli sem Sýr­land er.



 

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Viðræðum BÍ og SA slitið
Verkfall er framundan hjá blaðamönnum, þar sem upp úr slitnaði í kjaradeilum Blaðamannafélags Íslands og Samtökum atvinnulífsins í dag.
Kjarninn 21. nóvember 2019
Ákærðir vegna viðskipta með bílastæðamiða á Keflavíkurflugvelli
Héraðssaksóknari hefur birt ákæru, en meint brot snúa að mútugreiðslum og umboðssvikum.
Kjarninn 21. nóvember 2019
Skipstjóri Samherja: Kemur á óvart að vera sakaður um brot
Arngrímur Brynjólfsson var handtekinn í Namibíu. Hann segist ekki vita til þess að skipið sem hann stýrir hafi veitt ólöglega.
Kjarninn 21. nóvember 2019
Kalla eftir hugmyndum frá almenningi um vannýtt matvæli
Verkefni á vegum sjávarútvegs- og landbúnaðarráðherra óskar eftir hugmyndum frá almenningi og framleiðendum um hvernig megi skapa verðmæti úr vannýtum matvælum. Nemendur við Hótel- og matvælaskólanum munu síðan nýta hugmyndirnar við gerð nýrra rétta.
Kjarninn 21. nóvember 2019
Ilia Shuma­nov, aðstoð­ar­fram­kvæmda­stjóri Rúss­lands­deildar Tran­sparency International
Umræðufundur um rússneskt samhengi Samherjamálsins
Á morgun fer fram umræðufundur um baráttuna gegn alþjóðlegu peningaþvætti á Sólon. Aðstoðarframkvæmdastjóri Rússlandsdeildar Transparency International mun halda fyrirlestur um helstu áskoranir peningaþvættis og leiðir til að rannsaka það.
Kjarninn 21. nóvember 2019
Jón Sigurðsson, stjórnarformaður Stoða.
Jón Sigurðsson kominn í stjórn Símans – Verður stjórnarformaður
Sitjandi stjórnarformaður Símans, Betrand Kan, var felldur í stjórnarkjöri í dag. Stoðir, stærsti hluthafi Símans, eru komin með mann inn í stjórn.
Kjarninn 21. nóvember 2019
Fimmta hvert heimili á leigumarkaði undir lágtekjumörkum
Rúmlega 31 þúsund einstaklingar voru undir lágtekjumörkum í fyrra eða um 9 prósent íbúa á Íslandi. Hlutfall leigjenda undir lágtekjumörkum er mun hærra en á meðal þeirra sem eiga húsnæði.
Kjarninn 21. nóvember 2019
Íslenskur skipstjóri í haldi í Namibíu
Skipstjóri sem starfaði árum saman hjá Samherja er í gæsluvarðhaldi í Namibíu eftir að hafa verið handtekinn fyrir ólöglegar veiðar.
Kjarninn 21. nóvember 2019
Meira eftir höfundinnMagnús Halldórsson
Meira úr sama flokkiFréttaskýringar
None