Forsætisráðherrann sem toppaði allt

Auglýsing

Næst þegar bók eftir mig fær slæma gagn­rýni fyrir slæ­leg vinnu­brögð ætla ég að bregð­ast skjótt við og skrifa langa grein um allt það sem ég hafi einu sinni heyrt um við­kom­andi gagn­rýn­anda í boði ein­hvers staðar austur eða vestur í bæ. Ég mun iða í sæt­inu af innri ánægju, eins konar and­legri full­nægju, meðan ég fróa sjálfri mér með því að tína til hitt og þetta sem mig minn­ir, þrátt fyrir rós­rauða áfeng­is­þok­una, að ein­hver hafi sagt þarna í boð­inu um gagn­rýn­and­ann. 

Sagði ekki ein­hver að hann væri algjör topp­ari, maður sem þyrfti alltaf að toppa síð­asta ræðu­mann? Hann reyndi meira að segja að toppa mig þarna í boð­inu, nán­ast eins og hann vildi þurrka burt þá stað­reynd að ég hef ýmis­legt – já, raunar ansi margt, gott ef ekki meira en flestir – til mál­anna að leggja. Ég er ekki frá því að hann sé ann­að­hvort með bull­andi minni­mátt­ar­kennd gagn­vart snilli minni eða hrein­lega ... já, hrein­lega, að hann beri til mín kyn­ferð­is­legar kennd­ir. Því af hverju ætti hann ann­ars að pota stöðugt í það sem ég segi og geri?

Topp­ar­inn! 

Auglýsing

Því­lík glimr­andi orð­heppni. Fólk á eftir að engj­ast um af hlátri og skála fyrir mér í hug­an­um. Ef mér verður þá ekki um megn að klára grein­ina eftir annan eins hápunkt.

Ævin­týra­legt upp­á­tæki

Að öllu gríni slepptu þá beið ég þess í ofvæni að topp­ara-­grein núver­andi for­sæt­is­ráð­herra um Kára Stef­áns­son fengi sinn sess í ára­mótaskaup­inu. Ósköp ein­fald­lega vegna þess að upp­á­tækið topp­aði svo mörg önnur óskilj­an­leg upp­á­tæki í stjórn­ar­ráð­inu síð­ast­liðin ár. Það var svo ein­stakt að Sig­mundur Davíð Gunn­laugs­son hlýtur óneit­an­lega að telj­ast vera topp­ari árs­ins 2015. 

Til­tækið er svo und­urfurðu­legt að ég er viss um að annað eins myndi fljótt afla stjórn­mála­manni frægðar í ýmsum öðrum lönd­um. Ég á erfitt með að ímynda mér Ang­elu Merkel svara gagn­rýni borg­ara á inn­viði sam­fé­lags­ins með opin­berri níð­grein um hvað ónefndir og jafn­vel rall­hálfir kunn­ingjar hennar hafi eitt sinn sagt um téðan borg­ara í boði ein­hver staðar í iðrum Mitte. 

For­sæt­is­ráð­herra Íslands lagð­ist svo lágt að svara gagn­rýni vís­inda­manns og hámennt­aðs læknis á heil­brigð­is­kerfið með rógi og dylgjum um þann sem skrifað hafði grein­ina. Athæfi sem segir óþægi­lega margt um hann sjálfan, fyrir nú utan það að greinin var með því kjána­legra sem sést hefur á prenti á Íslandi og er þó af nógu að taka. 

Rödd þjóðar

Á sama tíma og for­sæt­is­ráð­herr­ann skemmtir sér við að níða skó­inn af þeim sem gagn­rýna stofn­anir og fjár­lögin berst Rík­is­út­varpið í bökk­um, stofn­unin sem á að verja okk­ur, alla þjóð­ina, fyrir mis­vitrum stjórn­mála­mönnum með því að vera sá staður þar sem allar raddir fá að mæt­ast í einni rödd: Rödd þjóð­ar. 

Rödd Kára Stef­áns­sonar er ein af þessum ótelj­andi röddum sem þurfa að fá að heyrast, rétt eins og rödd Bjarkar Guð­munds­dóttur sem fékk að heyra að hún væri grun­sam­lega dauf til augn­anna þegar hún gagn­rýndi aðfarir valda­fólks í nátt­úru Íslands. 

Svar rík­is­stjórnar Íslands er ósköp ein­falt: Á Íslandi er allt í fínu standi, ef ein­hver efast um það er við­kom­andi ann­að­hvort dópisti eða takt­laus topp­ari í partí­um.

Að útrýma röddum

Satt að segja held ég að þessi aðferð ráða­manna til að þagga niður í óþægi­legum röddum geri ekk­ert nema efla bæði Björk og Kára til frek­ari dáða – og ugg­laust ýmsa aðra. En á móti kemur að skila­boðin eru þessi: Ef þú ætlar að gagn­rýna rík­is­stjórn­ina færð þú að heyra ýmis­legt óþægi­legt um þig. 

Því skal engan undra að þessir sömu ráða­menn sjái svart þegar pall­borð almenn­ings, Rík­is­út­varp­ið, ber á góma. Hlut­laus vett­vangur fyrir sam­tal þjóðar jafn­gildir nefni­lega áróð­ursmask­ínu í hugum þeirra. Allt sem á ekki rekstur sinn undir pen­ingamask­ínum Fram­sókn­ar­flokks­ins og Sjálf­stæð­is­flokks­ins er áróður gegn þeim sem þola ekk­ert nema fjöl­miðla sem eru reiðu­búnir til að selja ömmu sína, aftur og aft­ur, svo Sig­mundur Davíð geti setið áfram í stjórn­ar­ráð­inu og dundað sér við að skrifa hver hafi sagt hvað um hvern í einu af öllum þessum partíum sem hann hefur ein­hvern tím­ann farið í. 

Hvernig sam­fé­lag viljum við vera?

Við stöndum á tíma­mót­um, nauð­beygð til að taka afstöð­u. 

Ætlum við að búa í sam­fé­lagi þar sem allar raddir þora að láta í sér heyra og hafa til þess vett­vang? Ætlum við að búa í sam­fé­lagi þar sem allir sjúkir, fatl­aðir og aldr­aðir geta treyst á að hljóta góða lækn­is­þjón­ustu; bestu mögu­legu fag­mennsku, mann­sæm­andi tækja­búnað og lyf á pari við það sem gengur og ger­ist í nágranna­löndum okk­ar? Ætlum við að umgang­ast nátt­úru Íslands af virð­ingu eða nýta allar hennar auð­lindir til að fjár­magna Reykja­vík­ur­bréf Morg­un­blaðs­ins?

Þessi mál virð­ast í fljótu bragði óskyld en þau eru nátengd. Þau snú­ast um stoðir sam­fé­lags­ins. Ef þeir sem fara með völdin eru virki­lega svo óskamm­feilnir og skamm­sýnir að níð­ast á fjöl­miðlum og fólki sem gagn­rýnir stofn­anir sam­fé­lags­ins, þá er hætt við að einn dag­inn verði ekk­ert eftir á Íslandi nema ein stór ver­búð.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Hin flókna leið Icelandair að framhaldslífi
Þótt hluthafafundur Icelandair hafi samþykkt að leyfa félaginu að halda hlutafjárútboð eru mörg ljón í veginum að því markmiði að tryggja því rekstrarhæfi til framtíðar. Margt hefur verið gert á skömmum tíma til að gera stöðu Icelandair betri.
Kjarninn 26. maí 2020
Samtal við samfélagið – English
Samtal við samfélagið – English
Samtal við samfélagið – Does trust provide the key to changed environmental behaviour?
Kjarninn 25. maí 2020
Guðmundur Ingi Guðbrandsson, umhverfis- og auðlindaráðherra.
„Þurfum að fara varlega í vindorkuna rétt eins og annað“
Umhverfis- og auðlindaráðherra sagði á þingi í dag að Íslendingar þyrftu að skoða vindorku út frá þeim þáttum er snúa að náttúru og náttúruvernd.
Kjarninn 25. maí 2020
Þríeykið: Þórólfur, Alma og Víðir.
Takk fyrir ykkur
„Í dag er stór dagur,“ sagði sóttvarnalæknir á upplýsingafundi almannavarna í dag. Þar átti hann við enn eitt skrefið í afléttingu takmarkana. Í hugum landsmanna var dagurinn þó ekki síst stór því fundurinn var sá síðasti – í bili að minnsta kosti.
Kjarninn 25. maí 2020
Jón Baldvin Hannibalsson
Um Alaskaarðinn og íslenska arfinn
Kjarninn 25. maí 2020
Katrín Jakobsdóttir, forsætisráðherra.
„Mjög áhugavert að skoða hugmyndir um þrepaskiptan erfðafjárskatt“
Forsætisráðherra sagði á Alþingi í dag að áhugavert væri að skoða hugmyndir um þrepaskiptan erfðafjárskatt en hún var meðal annars spurð út í fram­sal hluta­bréfa­eigna aðaleigenda Samherja til afkomendanna.
Kjarninn 25. maí 2020
Svandís Svavarsdóttir heilbrigðisráðherra.
Svandís þakkar þríeykinu fyrir sitt framlag
Heilbrigðisráðherra þakkaði Ölmu, Þórólfi og Víði á síðasta upplýsingafundi almannavarna í dag. Hún minnti einnig á að baráttunni væri enn ekki lokið.
Kjarninn 25. maí 2020
Þórólfur Guðnason sóttvarnalæknir.
Veiran mögulega að missa þróttinn
Sóttvarnalæknir segir að hugsanlega sé kórónuveiran að missa þróttinn. Þeir sem smitast hafa af COVID-19 undanfarið eru ekki mikið veikir. Aðeins sex smit hafa greinst hér á landi í maí.
Kjarninn 25. maí 2020
Meira úr sama flokkiSleggjan
None