Auglýsing

Síð­asta mið­viku­dags­kvöld sá ég Njálu í Borg­ar­leik­hús­inu. Þeirri kvöld­stund var vel var­ið. Þarna var hún, erki­sagan um okk­ur, í allri sinni dýrð. Gull­sleg­in, blóð­ug, ægi­fög­ur, ljót, stór og lít­il, hams­laus, óskilj­an­leg en samt svo borð­leggj­andi. Og það sem meira er, hún á erindi við okk­ur. Þetta er nefni­lega sagan um okk­ur. Sagan um frænd­hygl­ina, þrasið, flokka­drætt­ina, partíin sem enda með skelf­ingu. Saga um þrá okkar á við­ur­kenn­ingu í útlönd­um. Sagan um drambið, snilld­ina, stolt­ið, breysk­leik­ann og hvernig við, sem ann­ars erum alltaf að þrasa, þjöppum okkur saman og göngum í takt þegar til þess er ætl­ast. Og mitt í öllum hama­gang­inum er hún þarna ljós­lif­andi, Njáls­saga. Sagan um erj­urn­ar.

Sem betur fer erum við að mestu hætt að höggva hvert annað í herðar nið­ur. En þrasið stendur enn yfir. Á það vorum við ræki­lega minnt í síð­ustu viku þegar Alþingi, það sama og þar sem Gunnar leit Hall­gerði lang­brók augum fyrst, kom saman aftur að loknu jóla­hléi. Og þrasið ómaði frétta­tíma eftir frétta­tíma og berg­mál­aði á sam­fé­lags­miðl­un­um. Efni­við í gott þras er víða að finna, því sam­fé­lag okkar stendur frammi fyrir ýmsum vanda. Heil­brigð­is­kerfið er fjársvelt (en hvaðan koma þessi 11%, eigum við að þrasa soldið um það?) Við, sem önnur ríki heims, þurfum að axla ábyrgð á flótta­manna­vand­an­um. Líf­eyr­is­þegar búa við bág kjör. Hús­næð­is­málin eru í tómu tjóni og á ég að nefna bleika fíl­inn í stof­unni, krón­una? Og kannski, svona fyrst ég er byrj­uð, vand­ræðin í lög­regl­unni, Borg­un­ar­mál­ið, yfir­vof­andi sölu bank­anna, fjár­mála­ráð­herr­ann sem skilur ekki hug­takið sam­fé­lags­banki og TISA-­samn­ingana. Það er nóg að ræða. 

Í stað þess að ráð­ast á stabbann og fara að leysa málin hófst Alþingi með þrasi um hvort selja skuli áfengi í mat­vöru­versl­un­um. Ég verð að við­ur­kenna að ég hef ákveðnar skoð­anir á því máli. Ég verð líka að við­ur­kenna að þar er ég í minni­hluta. Lang­flestum er nefni­lega alveg sama hvort áfengi fáist einkum í sér­versl­unum rík­is­ins eða í mat­vöru­búð­um. Þeim sem er ekki sama virð­ist ýmist finn­ast það tákn um hið full­komna frelsi að geta keypt Euros­hopp­er-­bjór í Bónus eða vera sann­færðir um að áfengi í mat­vöru­búðum sé bein leið til glöt­un­ar. Engin milli­leið virð­ist í sjón­máli og fjöl­miðlar greina frá töl­fræði­legum upp­lýs­ingum eins og ekk­ert sé inter­netið og ómögu­legt að kanna sann­leiks­gildi nokk­urra hluta. Það er einna helst að ein­staka blogg­ari leggi á sig örlítið gúgl. Og pól­arnir eru allt eða ekk­ert og heil hel­vít­is­gjá þar á milli. Ekki nokkrum manni dettur í hug að athuga hvaða lausnir hafa fund­ist á mál­inu í öðrum löndum né hvernig þær hafa gef­ist. Öll umræðan er í ökkla eða eyra. Og við, við erum orðin svo þreytt á þessu. 

Auglýsing

Vinna í stjórn­málum er mesta þol­in­mæð­is­verk sem ég hef kynnst. Ef eitt­hvað þok­ast áfram er það senni­lega vegna þess að það er vand­ræða­lega tíma­bært eða að það ger­ist alveg óvart og jafn­vel fyrir slysni. Jafn­vel góðu málin sem allir eru í raun sam­mála um, eru tekin í gísl­ingu og notuð sem skipti­mynt í hinu eilífa mál­þófi sem virð­ist hafa fest rætur á Alþingi. Við erum lítið land með fáa þing­menn. Samt tala alþing­is­menn lengur er starfs­bræður þeirra og -systur á hinum Norð­ur­lönd­unum þar sem þing­menn eru marg­falt fleiri. Á stórum þingum koma menn sér saman um lengd umræð­unnar fyr­ir­fram og svo skipta þing­menn með sér verkum innan flokka svo öll sjón­ar­mið flokks­ins komi örugg­lega fram. Á Íslandi er pontan nán­ast ónýt sem sam­ræðu­vett­vangur því ógjörn­ingur er að greina það sem skiptir máli frá mál­þóf­inu. Það sest eng­inn þing­maður inn í þingsal­inn til að hlusta á óend­an­lega langar umræður þar sem afar ólík­legt er að nokkuð nýtt komi fram. Slíkt væri ein­fald­lega óábyrg nýt­ing á dýr­mætum tíma. 

Samt er hug­myndin um þing frá­bær. Þegar best lætur er þingið staður þar sem einn talar í einu og aðrir hlusta. Fólk skipt­ist á skoð­un­um, skoðar öll gögn og finnur bestu lausn­ina á brýnum vanda, oft með mála­miðl­un. Þing snú­ast um svo miklu meira en að greiða atkvæði, með eða á móti, eða afgreiða allt sem frá rík­is­stjórn­inni kem­ur, nán­ast án umræð­u. 

En okkar þing er las­ið. Það er álíka lasið og fjór­flokk­ur­inn sem þar ræður ríkjum og hefur aldrei mælst veik­ari en í síð­ustu könnun MMR. Og þing­menn halda áfram að þrasa sig og flokk­ana sína í gröf­ina. Skýr krafa um kerf­is­breyt­ingu blasir við en for­sæt­is­ráð­herra er upp­tek­inn við að raða hús­unum í mið­bænum upp á nýtt á meðan stjórn­ar­skrár­nefndin hans er um það bil að kom­ast að sögu­legum sáttum um ekki neitt. 

Og við hin, við tuðum líka. Okkar vett­vangur eru sam­fé­lags­miðl­arnir þar sem Algrímur Syk­ur­bergur er umræðu­stjóri og sér til þess að við sjáum æ sjaldnar þá sem eru ósam­mála okk­ur. Algórit­m­arnir sýna okkur bara við­hlægj­endur okkar og eftir því sem við lækum og deilum meira verða þeir snjall­ari í að sýna okkur bara það sem við erum sam­mála. Góða fólkið hættir að sjá þjóð­ern­is­sinn­ana og Schen­gen-hat­ar­ana. Antisportistar sjá ekki fót­bolta­bull­urnar og sumir sjá bara afmæl­is­börn og sæta kett­linga. Þannig lag­ast heims­myndin að því sem við viljum sjá. Við hættum að takast á með rökum við þá sem við erum ósam­mála því við hættum að rekast á þá á sam­fé­lags­miðl­unum þar sem umræðan fer fram og þeir verða að lokum bara eins og óljós minn­ing þar til þeir dúkka upp í formi virkra í athuga­semd­um, inn­hringj­enda á Útvarp Sögu eða ... það sem er kannski óum­flýj­an­legt, sem heilt stjórn­mála­afl sem félli í ljúfan jarð­veg. Því þótt mörgum okkar þætti mál­flutn­ing­ur­inn senni­lega óhugn­an­legur væri hann þó alla­vega um alvöru mál. Og góða fólkið ætti engin ráð enda er það upp­tekið við að þrasa um eins lít­il­fjör­leg mál­efni og bús í búð­ir. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Kolafarmi frá Suður-Afríku skipað upp í pólskri höfn í sumar.
Pólverjum er vandi á höndum
Stærsti framleiðandi kola í Evrópu utan Rússlands er í vanda staddur eftir að hafa bannað innflutning á rússneskum kolum vegna innrásarinnar í Úkraínu.
Kjarninn 12. ágúst 2022
Kristján Loftsson forstjóri Hvals hf. virðir hér fyrir sér dauðan hval í Hvalfirði í júlímánuði.
Lögregla væntir þess að Hvalur hf. skili dróna svissneska ríkisútvarpsins í dag
Teymi frá svissneska ríkisfjölmiðlafyrirtækinu SRG SSR flaug dróna yfir hvalstöð Hvals hf. fyrr í vikunni. Starfsmenn Hvals hf. hirtu af þeim drónann og lögreglan á Akranesi hefur krafið fyrirtækið um að skila dróna Svisslendinganna.
Kjarninn 12. ágúst 2022
Hildur Björnsdóttir oddviti Sjálfstæðisflokksins í Reykjavík.
Hildur varði 9,3 milljónum í prófkjörsslaginn og átti eina og hálfa milljón afgangs
Hildur Björnsdóttir oddviti Sjálfstæðisflokksins átti 1,5 milljónir eftir í kosningasjóði sínum þegar prófkjör Sjálfstæðisflokksins í borginni var um garð gengið. Það fé ætlar hún að færa félagi sem hún sjálf stjórnar, en það heitir Frelsisborgin.
Kjarninn 12. ágúst 2022
Skúli Mogensen hefur byggt upp mikla ferðaþjónustu í Hvammsvík i Hvalfirði.
Áformin einkennist af „einhvers konar firringu“
Zephyr Iceland, sem áformar vindorkuver í Hvalfirði, „forðast að snerta á kjarna málsins“ í matsáætlun á framkvæmdinni. Kjarninn er sá að mati Skúla Mogensen, eiganda sjóbaðanna í Hvammsvík, að áformin einkennast af „einhvers konar firringu“.
Kjarninn 12. ágúst 2022
Vatnsyfirborð Rínarfljóts hefur lækkað stöðugt síðustu vikur.
Hættuástand að skapast í Rínarfljóti – Munu skipin geta siglt?
Vatnsyfirborð Rínarfljóts gæti á næstu dögum orðið hættulega lágt að mati þýskra yfirvalda. Sífellt erfiðara er að flytja vörur um ána, m.a. kol og bensín. Gríðarmiklir þurrkar hafa geisað víða í Evrópu með margvíslegum afleiðingum.
Kjarninn 11. ágúst 2022
Langreyður dregin á land í Hvalfirði með sprengiskutulinn enn í sér.
Fiskistofa mun taka upp veiðiaðferðir Hvals hf.
Ný reglugerð um verulega hert eftirlit með hvalveiðum hefur verið sett og tekur gildi þegar í stað. Veiðieftirlitsmenn munu héðan í frá verða um borð í veiðiferðum Hvals hf.
Kjarninn 11. ágúst 2022
Eldgosið í Meradölum er mikið sjónarspil, en nú bannað börnum yngri en 12 ára.
Umboðsmaður Alþingis vill fá skýringar frá lögreglustjóra á barnabanninu við eldgosið
Umboðsmaður Alþingis hefur sent bréf á lögreglustjórann á Suðurnesjum með ósk um útskýringar á umdeildu banni við umferð barna yngri en 12 ára upp að gosstöðvunum í Meradölum. Lögreglustjóri hefur sagt ákvörðunina reista á ákvæðum almannavarnarlaga.
Kjarninn 11. ágúst 2022
Bjarni Benediktsson, fjármála- og efnahagsráðherra og formaður Sjálfstæðisflokksins.
Ekki allur munurinn á að kaupa af bankanum eða byggja jafn dýrt hinu megin við götuna
Fjármála- og efnahagsráðherra segir að þegar upp sé staðið þá haldi hann að nýjar höfuðstöðvar Landsbankans, á dýrasta stað í borginni, muni vel geta staðið undir sér. Hann sjái þó ekki neina rökbundna nauðsyn á því að höfuðstöðvar bankans rísi þar.
Kjarninn 11. ágúst 2022
Meira úr sama flokkiSleggjan
None