Auglýsing

Það er eitt­hvað fram­andi en þó svo kunn­ug­legt við frétta­flutn­ing síð­ustu daga. Það er allt á upp­leið. Árangur áfram, ekk­ert stopp! En samt fær maður sting í hjart­að.

Landið fyllist af ferða­mönnum en við höfum ekki haft tíma til að búa til skilti svo þeir fari sér ekki að voða eða smíða skyn­sam­legt reglu­verk í kringum grein­ina. Á meðan eng­inn er nátt­úrupassinn, bíla­stæða- eða komu­gjöldin – enda íslensk nátt­úra ókeypis og því einskis virði – kemur ekki til greina að ráða land­verði á hættu­lega staði. Fólk verður bara að læra að passa sig! 

Bank­arnir eru á blússandi sigl­ingu. Græddu 108 millj­arða á síð­asta ári.  Alls eru þeir búnir að græða tæpa 500 millj­arða frá því við þurftum að bjarga þeim, því í mata­dor­hag­kerf­inu okkar geta þeir sem komu okkur um koll grætt mest á hrun­inu. Þetta tekst þeim þrátt fyrir að verð­mætar eignir eins og Borgun séu seldar vild­ar­vinum á gjaf­virði. Banka­stjóri Lands­bank­ans seg­ist reyndar ekki hafa gert það vilj­andi, hann hafi fengið upp­lýs­ingar frá fjár­mála­fyr­ir­tæki og treyst þeim. Nú ætti hann að skilja hvernig öðrum lands­mönnum líð­ur. Kom­inn tími á bónus­ana aft­ur? Þetta er nátt­úru­lega undra­verður „ár­ang­ur“ enda hafa bæði Íslands­banki og Arion þegar gjald­fært 2,4 millj­arða í „ár­ang­urstengdar greiðsl­ur“ til starfs­manna. Á meðan borgum við hin bara af verð­tryggðu lán­unum okkar og hæstu vexti sem sést hafa á byggðu bóli. Og guð hjálpi þeim sem eru á leigu­mark­að­i. 

Auglýsing

Og sjáv­ar­út­veg­ur­inn. Í fyrra græddi HB Grandi ríf­lega fimm millj­arða á því að veiða fisk á Íslands­miðum sem er lögum sam­kvæmt sam­eign íslensku þjóð­ar­inn­ar! Eig­endur þessa eina fyr­ir­tæk­is­ins borga sér þrjá millj­arða í arð á meðan eig­andi auð­lind­ar­innar fær bara einn millj­arð í veiði­gjald. Sann­gjarnt? 

Á sama tíma fáum við fréttir af því að börn með geð­rænan vanda fái ekki þá þjón­ustu sem þeim ber. Þau geta til dæmis þurft að bíða í upp undir eitt og hálft ár til að kom­ast að hjá Barna- og ung­linga­geð­deild Land­spít­al­ans. Ef maður er sex ára jafn­gildir það fjórð­ungi ævinn­ar. Og með hverjum deg­inum sem líður kann vandi barns­ins að vaxa og stundum missum við hrein­lega af tæki­fær­inu til að leiða börnin á rétta braut. 

Við fengum líka fréttir af því að Land­spít­al­inn væri myglað­ur. Flest vissum við það reyndar  fyrir en það voru nýjar fréttir fyrir mig að nýbak­aðar mæður sem þjást af fæð­ing­ar­þung­lyndi og nýfæddu börnin þeirra væru einmitt höfð í sér­lega myglaðri bygg­ingu þar sem helsti sam­veru­stað­ur­inn er þar að auki glugga­laus. 

Háskól­arnir okkar eru und­ir­fjár­magn­að­ir, það var líka í frétt­um. Þeir standa sam­an­burð­ar­skólum á hinum Norð­ur­lönd­unum og í öðrum ríkjum sem við berum okkur saman við langt að baki þegar kemur að opin­berum fjár­veit­ing­um. En Ísland er auð­vitað í grunn­inn ver­stöð og það hentar atvinnu­líf­inu ekk­ert endi­lega að lands­menn mennti sig um of. 

Draum­ur­inn um nýtt Ísland

Eftir hrunið eygðu mörg okkar tæki­færi til að byggja landið okkar aftur upp í nýrri mynd. Við vildum meira lýð­ræði, mann­eskju­legra sam­fé­lag, rétt­læti, heið­ar­leika, virð­ingu og ábyrgð. Og við vildum sjálf fá arð­inn af auð­lind­unum okk­ar. Farið var í marg­vís­leg verk­efni sem áttu að skapa betra sam­fé­lag. Skýrasta dæmið var ný stjórn­ar­skrá, samin af þjóð­inni í ein­stöku ferli sem vakið hefur verð­skuld­aða athygli víða um heim. 

Sér­ís­lensk blanda af svik­um, hug­leysi og und­ir­lægju­hætti varð til þess að nýja stjórn­ar­skráin okkar tók ekki gildi. Það var ekki vegna þess að fólki fynd­ist hún ekki skipta máli. Aðspurðir svör­uðu kjós­endur því til í könn­unum að hún skipti máli. Hún skipti hins vegar ekki mestu máli heldur var svona í þriðja eða fjórða sæti. Okk­ur, sem vildum breyta kerf­inu, mistókst nefni­lega að tengja nýju stjórn­ar­skrána við dag­legt líf fólks, aðstæður þess og budd­una. 

Samt er ekk­ert eitt sem við gætum breytt sem hefði meiri áhrif á líf okkar og aðbúnað en eitt lítið en þó svo stórt ákvæði í nýju stjórn­ar­skránni. Auð­linda­á­kvæðið sem kveður á um að auð­lindir sem ekki eru í einka­eigu séu sam­eig­in­lega og ævar­andi eign íslensku þjóð­ar­innar og að þær megi aðrir ekki nýta nema gegn fullu gjaldi og í tak­mark­aðan tíma í senn. Þetta þýðir að fisk­veiði­kvót­inn yrði að fara á markað og útgerðin fengi sjálf að ráða hvað hún vildi borga fyrir veiði­heim­ild­irn­ar. Og stjórn­mála­menn þyrftu að hætta að gefa ork­una. Við getum líka velt fyrir okkur hvort ferða­þjón­ustu­fyr­ir­tækj­unum væri heim­ilt að selja ferðir til okkar helstu nátt­úruperla án þess að greiða okkur eðli­legt gjald fyrir það.

Allir stjórn­mála­menn tala eins og brýnt sé að setja auð­linda­á­kvæði í stjórn­ar­skrána og allir stjórn­mála­flokkar hafa haft það á stefnu­skránni. Og einmitt þessa dag­ana ber­ast okkur fréttir af því að stjórn­ar­skrár­nefnd for­sæt­is­ráð­herra hafi sent frá sér þrjú ákvæði til breyt­ingar á þeirri gömlu. Hugs­an­lega fáum við að kjósa um þau 29. febr­úar að ári. Eitt þess­ara ákvæða er um auð­lind­irn­ar. RÚV greindi frá því að for­sæt­is­ráð­herra teldi víð­tækan vilja til sam­komu­lags: „Ég held að það sé mjög æski­legt að nota tæki­færið til þess að klára þarna nokkur atriði sem lengi hafa verið til umræðu og menn hafa lengi tek­ist á um. Menn hafa nú náð saman um svo­leiðis að ef það er sam­staða um málið þá er um að gera að nýta það.“ Gall­inn er bara sá að það ákvæði sem stjórn­mála­menn­irnir hafa náð svo víð­tæku sam­komu­lagi um er gagns­laust. For­maður nefnd­ar­inn­ar, Páll Þór­halls­son, stað­festi það í fréttum RÚV  þar sem hann játar hið aug­ljósa að ákvæði nefnd­ar­innar myndi ekki breyta neinu um kvóta­kerf­ið. 

Það er því alveg ljóst að for­sæt­is­ráð­herra er ekki með hags­muni þjóð­ar­innar í huga þegar hann telur „mjög æski­legt að nota tæki­færið til þess að klára þarna nokkur atrið­i.“ Hann ber hags­muni útgerð­ar­manna fyrir brjósti, ekki almenn­ings. Stjórn­mála­menn eins og Sig­mundur Davíð treysta á að almenn­ingur fatti ekki sam­hengið á milli þess að sett sé ónýtt auð­linda­á­kvæði í stjórn­ar­skrána og þess að Land­spít­al­inn sé ónýt­ur, börn með geð­rask­anir fái ekki þjón­ustu og skól­arnir okkar hangi á horrim­inn­i. 

Hættum að láta ræna okk­ur. 

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Flensusprautan gagnast vel gegn alvarlegum veikindum af inflúensu.
Mikill veikindavetur framundan
COVID-19, inflúensa og RS-veiran. Margir smitsjúkdómar á kreiki á sama tíma kalla á aukna varúð. Alþjóða heilbrigðismálastofnunin hvetur yfirvöld til að vera vel á verði og almenning til að gæta að persónulegum sóttvörnum sínum.
Kjarninn 6. desember 2022
Kristrún Frostadóttir formaður Samfylkingarinnar á blaðamannafundinum í dag.
Vilja færa 13 milljarða í kjarabætur til almennings með sértækum skattahækkunum
Samfylkingin kynnti í dag breytingatillögur við fjárlagafrumvarp ríkisstjórnarinnar. Flokkurinn leggur til að um 17 milljarðar króna verði sóttir með sértækum skattahækkunum til þess að fjármagna almennar kjarabótaaðgerðir fyrir launafólk.
Kjarninn 6. desember 2022
Jóhannes Hraunfjörð Karlsson
Ponzi-leikur eða fjárfesting til framtíðar?
Kjarninn 6. desember 2022
Lenya Rún Taha Karim, varaþingmaður Pírata.
„Þau hefðu bara átt góðan séns á því að fá hæli á Íslandi“
Hælisleitendur, sem vísað var úr landi í lok október, eru í hópi þeirra sem eiga rétt á að mál þeirra verði tekin til efnislegrar meðferðar samkvæmt nýjum úrskurði kærunefndar útlendingamála.
Kjarninn 6. desember 2022
Dagur B. Eggertsson borgarstjóri.
Borgarstjóri lagði til að nær allar breytingatillögur minnihlutans yrðu felldar
Dagur B. Eggertsson borgarstjóri lagði til að nær allar breytingatillögur minnihluta borgarstjórnar við fjárhagsáætlun borgarinnar yrðu felldar. Búast má við því að umræðan um hagræðingu í Reykjavíkurborg standi fram á kvöld.
Kjarninn 6. desember 2022
Sérstaklega á að styrkja landsbyggðarmiðla sem framleiða sjónvarpsefni.
100 milljóna framlag vegna reksturs fjölmiðla á landsbyggðinni sem framleiða fyrir sjónvarp
Ein breyting var gerð á framlögum til fjölmiðla milli fyrstu og annarrar umræðu fjárlaga. Meirihluti stjórnarflokkanna ætlar að setja 100 milljónir króna í styrki vegna „reksturs fjölmiðla á landsbyggðinni sem framleiða eigið efni fyrir sjónvarpsstöð.“
Kjarninn 6. desember 2022
„Atvinnulífið hefur ekki sýnt vott af samfélagsábyrgð á miklum óvissutímum“
Formaður VR segir atvinnulífið hafa nýtt sér viðkvæma stöðu í samfélaginu, Þar sem verðbólga er há og vextir í hæstu hæðum, til að skapa sér „fordæmalaust góðæri á kostnað almennings.“
Kjarninn 6. desember 2022
Gæti verið að ein hæð úr SAS-hótelinu í Kaupmannahöfn leynist á hafsbotni?
Hótelið á hafsbotni
Í áratugi hafa gengið sögur um að á hafsbotni norðan við Helsingjaborg í Svíþjóð liggi stærðar steypuhlunkur sem átti að vera hluti eins þekktasta hótels á Norðurlöndum. En skyldi þetta nú vera rétt?
Kjarninn 6. desember 2022
Meira úr sama flokkiSleggjan
None