Karolina Fund: „Popup“ fótboltaÓpera á nýrri hátíð

Opera
Auglýsing

Óperu­dag­ar í Kópa­vogi er ný óperu­há­tíð sem verður haldin dag­ana 1.­til 5. júní 2016 í Kópa­vogi. Hún er skipu­lögð af ungu tón­list­ar­fólki í nánu sam­starfi við Kópa­vogsbæ en mark­miðið er að breyta Kópa­vogsbæ í óperu­ og leik­svið í nokkra daga. Gestum og gang­andi verður boðið upp á fjöl­breytta dag­skrá á sem flest­u­m ­stöðum þar sem flytj­endur og áhorf­endur munu eiga í fjör­ugu sam­tali við óp­eru­form­ið. S tað­setn­ing við­burða verða á ýmsum stöð­um, í Saln­um, í Leik­fé­lag­i Kópa­vogs við Funa­lind, í Smára­lind og víðs­vegar um bæinn.

Óperu­dag­ar í Kópa­vogi eru unnir í sam­starfi við Menn­ing­ar­húsin í Kópa­vogi með Örnu Schram í far­ar­broddi. Kópa­vogs­bær er aðal­bak­hjarl Óperu­daga og hátíðin er styrkt af Lista­ og menn­ing­ar­sjóði bæj­ar­ins. L ist­rænn stjórn­andi Óperu­daga er Guja Sand­holt og verk­efna­stjóri er Jóhanna Kristín Jóns­dótt­ir. Hönnun vef­síðu var í höndum Jóns Inga Stef­áns­son­ar. Kjarn­inn ræddi við Guju og Jöhönnu.

Auglýsing

Hvernig fara Óperu­dagar í Kópa­vogi fram?

Fjöld­i ungs lista­fólks kemur að hátíð­inni sem verður sú fyrsta sinnar teg­undar á Ís­landi og mikil áhersla verður lögð á sam­fé­lags­lega nánd og þátt­töku. F jöl­margir við­burðir verða í boði og eru þeir nær allir ókeyp­is. Aðeins þarf að greiða fyrir aðgang að hádeg­is­tón­leikum hátíð­ar­inn­ar. Á hátíð­inni verður boð­ið ­upp á Óperu­göngu og Krakka­göngu þar sem gestir verða leiddir um hjarta Kópa­vogs og munu ýmsar óvæntar óperu­legar upp­á­komur bíða þeirra. ­Göng­urnar hefj­ast við Garð­skál­ann, kaffi­húsið í Gerð­ar­safni.

Jóhanna Kristín JónsdóttirSvo má nefna að ný íslensk Fót­bolta­ópera eftir Helga R. Ingv­ars­son verður frum­flutt og tvær stuttar óperu­upp­færslur líta dags­ins ljós. Önnur þeirra er Popp­ea Rem­ixed þar sem ný og gömul tón­list mæt­ast. Sýn­ingin byggir á óper­unni Krýn­ing Poppeu eftir ítalska tónkáldið Monteverdi (1567­1643) en auk þess spil­ar hol­lenska popp­dúóið Sommer­hus eigin lög í bland. Hin er S els­ham­urinn sem er ný, íslensk sýn­ing eftir Árna Krist­jáns­son sem verður flutt í Leik­fé­lag­i Kópa­vogs en hann leik­stýrir henni jafn­framt. Hand­ritið er skrifað í kring­um þekktar óperu­ar­íur og klass­ísk ljóð sem fá nýtt sam­hengi á svið­inu.

Einnig má nefna Kaffi­kan­töt­una eftir J.S.Bach sem fyr­ir­tæki geta pantað í kaffipásur til að brjóta upp dag­inn fyrir starfs­menn og/eða við­skipta­vin­i. Frek­ari upp­lýs­ingar um hana má nálg­ast á heima­síð­unni.

Fyr­ir­ utan skipu­lagða við­burði munu ýmsar upp­á­komur eiga sér stað sem munu gleðja ­gesti og gang­andi. Lista­fólkið heim­sækir skóla og hjúkr­un­ar­heim­ili og þau ­fyr­ir­tæki sem hafa áhuga á að taka þátt. Þá verður boðið upp á kamm­er­tón­leika í heima­húsum og fimm vand­aðir hádeg­is­tón­leikar verða haldnir í Salnum og ­Leik­fé­lagi Kópa­vogs og eru gestir hvattir til að tryggja sér miða á þá við­burð­i."

 Hverjir standa á bak­við hátíð­ina?

Auk of­an­greindra aðila taka um 40 ungir lista­menn þátt í hátíð­inni Mark­miðið er að ­búa til hátíð með sterkum sam­fé­lags­legum und­ir­tóni og um leið skapa ný at­vinnu­tæki­færi fyrir söngv­ara, tón­list­ar­menn og aðra sem vinna náið með­ óp­eru­söngv­urum og í mús­ík­leik­húsi. Margir söngv­ar­anna starfa nú þegar á sín­u sviði erlendis og kynna sig nú til leiks á Íslandi. Má þar til dæmis nefna Aron Axel Cortes, barítón, Magnús Hall Jóns­son, ten­ór, Rann­veigu Kára­dótt­ur, sópran, El­ísa­betu Ein­ars­dótt­ur, sópran, Ragn­heiði Lilju Óla­dótt­ur, sópran Önnu Völu Ólafs­dótt­ur, alt og Pétur Odd­berg Heim­is­son, bass­barítón. Nokkrir langt komn­ir ­söng­nemar koma einnig fram sem hyggja á fram­halds­nám erlendis er fram líða ­stund­ir. For­sprakkar hóps­ins hafa af þessu til­efni stofnað ný félaga­sam­tök sem ­nefn­ast Óperu­kollek­tífið PERA en vonir standa til um að þau sam­tök muni í fram­tíð­inni koma að fleiri metn­að­ar­fullum við­burðum á ýmsum stöð­um.

Kópa­vogs­bær er aðal­bak­hjarl hátíð­ar­innar en auk hafa nokkur fyr­ir­tæki og stofn­anir séð sér­ ­fært um að leggja okkur lið. Má þar helst nefna Sal­inn í Kópa­vogi, Þýska ­sendi­ráðið á Íslandi, Herra­menn Rak­ara­stofu, Smára­lind, GA Smíða­járn og Svans­prent. Von okkar er sú að fleiri fyr­ir­tæki taki við sér í aðdrag­anda há­tíð­ar­innar og styðji við verk­efnið með því að til dæmis að panta tón­list­ar­flutn­ing eða með því að bjóða starfs­fólki eða við­skipta­vinum á há­deg­is­tón­leika."

Hvers­konar ópera er Fót­bolta­Óper­an?

Fót­bolta­Óper­an er glæ­nýtt „pop­up“ verk eftir Helga R. Ingv­ars­son sem hægt er að flytja hvar ­sem er. Hug­myndin að óper­unni kvikn­aði vegna Evr­ópu­móts­ins í fót­bolta og þeim ­mikla fót­bolta­á­huga sem ríkir nú í sam­fé­lag­inu. Verkið er stutt og skemmti­leg­t þar sem tvö ástríðu­full form eru látin mæt­ast. Við sjáum oft útrás sterkra ­til­finn­inga á báðum svið­um, í óperu­form­inu en einnig meðal áheyr­enda sem missa ­sig yfir spenn­andi leik. Flutn­ingur er í höndum sex ein­söngv­ara, fimmtán barna úr Skóla­kór Kárs­ness og slag­verks­leik­ara.

Fótboltaóperan.Mik­ill list­rænn metn­aður ein­kennir Óperu­daga í Kópa­vogi og má segja að þetta sé til­raun til að færa óperu­formið nær almenn­ingi með skemmti­legum og skap­and­i hætti. Það er von okkar sem stöndum að hátíð­inni að um árlegan við­burð verði að ræða og áheyr­endur sem alla jafna velja að sækja aðra list­við­burði en óp­eru­upp­færslur sjái þarna eitt­hvað nýtt, lif­andi og nær­andi í dags­ins önn.

All­ar ­nán­ari upp­lýs­ingar um óperu­daga í Kópa­vogi má finna á vef­síðu ÓK, www.operu­dag­ar.is og Fés­bók­ar­síð­unni Óperu­dagar í Kópa­vogi. Söfnun hefur ver­ið ­sett af stað á Karol­ina Fund 
og óskum við eftir fleiri styrkt­ar­að­ilum til­ að standa undir þessu viða­mikla verk­efnisem Óp­eru­dagar í Kópa­vogi eru."

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Raddir margbreytileikans
Raddir margbreytileikans
Raddir margbreytileikans – 11. þáttur: „Að fara inn í íslenskan torfkofa opnar leið inn í heim iðandi ofurlífveru“
Kjarninn 26. október 2021
Lilja Alfreðsdóttir, mennta- og menningarmálaráðherra.
„Almennt má segja að skólastarf hafi gengið ágætlega frá skólabyrjun“
Ríkisstjórnin ræddi skólastarf í leik- og grunnskólum haustið 2021 vegna COVID-19 á ríkisstjórnarfundi í morgun.
Kjarninn 26. október 2021
Hagnaður Facebook á þriðja ársfjórðungi var 9 milljarðar dollarar, eða sem nemur rúmum 1.166 milljörðum króna.
Yfir þúsund milljarða króna hagnaður í skugga uppljóstrana og fækkunar yngri notenda
Hagnaður Facebook var meiri en búist var við á þriðja ársfjórðungi. Á sama tíma fækkar notendum í yngsta aldurshópnum og Facebook hyggst „endurheimta týndu kynslóðina“.
Kjarninn 26. október 2021
Fyrsta sektarákvörðun fjölmiðlanefndar sem varðar hlaðvarpsmiðlun var birt í síðustu viku.
Fjölmiðlanefnd sektar og skammar hlaðvarpsstjórnendur – og fær bágt fyrir
Árslöngum eltingaleik fjölmiðlanefndar við nokkra hlaðvarpsþætti lauk fyrir helgi með einni sektarákvörðun og tveimur álitum. Sum hlaðvörp eru nú fjölmiðlar og skráðir sem slíkir en þær raddir heyrast að eftirlitið með þessum markaði sé fram úr hófi.
Kjarninn 26. október 2021
„Nú þurfa Íslendingar að gyrða sig í brók“
Fíknigeðlæknir segir að nú þurfi Íslendingar að gyrða sig í brók svo að hið sama verði ekki upp á teningnum á Íslandi og í Bandaríkjunum varðandi ofnotkun ópíóíða.
Kjarninn 26. október 2021
Á meðal þeirra sakborninga sem setið hafa á bak við lás og slá í Nambíu frá því undir lok árs 2019 er Bernhard Esau, fyrrverandi sjávarútvegsráðherra landsins.
Tvö mál orðin að einu í Namibíu
Í nýju ákæruskjali í sameinuðu sakamáli vegna Fishrot-skandalsins í Namibíu eru engir Íslendingar á meðal sakborninga, en alls eru 10 manns og 18 félög sökuð um margvísleg brot í tengslum við kvótaviðskipti Samherja í landinu.
Kjarninn 26. október 2021
Þjóðhættir
Þjóðhættir
Þjóðhættir – Gamla höfnin í Reykjavík, örverur, kombucha og súrdeig
Kjarninn 26. október 2021
Gagnrýnir aðstöðuleysi fyrir ungmenni í Laugardalnum
Borgarfulltrúi Sjálfstæðisflokksins segir að ungmenni í Laugardal þurfi alvöru aðstöðu til íþróttaiðkunar „ekki fleiri vinnuhópa eða góðar hugmyndir á blaði“.
Kjarninn 26. október 2021
Meira úr sama flokkiFólk
None