Karolina Fund: Myndir sem gefa vísbendingar um aðstæður

sögur
Auglýsing

Sig­urður Mar Hall­dórs­son ljós­mynd­ari hefur lengi notað mynda­vél­ina sem tæki til að skrá­setja atburði og segja sögur vænt­an­legt er smá­sagna­safn eftir hann sem nefn­ist ein­fald­lega Sög­ur. Bókin er óvenju­leg að því leyti að í henni eru engin orð heldur aðeins ljós­mynd­ir. Myndir sem gefa vís­bend­ingar um aðstæð­ur, atburði eða augna­blik og skilja eftir spurn­ingar sem les­and­inn verður að leita svara við hjá sjálfum sér og spinna upp sínar eigin sög­ur. Kjarn­inn hitti Sig­urð og tók hann tali.

Hver er þín baksaga?

„Ég er fæddur og upp­al­inn á Mið­húsum á Egils­stöð­um. Ég ætl­aði upp­haf­lega að verða smiður eins og aðrir í fjöl­skyld­unni en lang­aði samt í Mynd­lista- og hand­íða­skól­ann. Þorði hins­vegar ekki í inn­töku­próf því mér fannst ég svo lélegur að teikna. Ég var því ekki stór þegar ég tók mér mynda­vél í hönd og lærði að fram­kalla filmur og stækka svart­hvítar mynd­ir. Eftir stúd­ents­próf fékk ég tæki­færi sem ljós­mynd­ari á Þjóð­vilj­anum sál­uga og fór síðan til náms í ljós­myndun í Gauta­borg. Þegar ég kom til baka eftir nám þá flutt­ist ég til Egils­staða og starf­aði jöfnum höndum við smíðar og ljós­mynd­un. Síð­ustu 16 ár hef ég búið á Höfn í Horna­firði og kenni m.a. ljós­myndun við Fram­halds­skól­ann í Aust­ur-Skafta­fells­sýslu og í fjar­kennslu við Mennta­skól­ann á Trölla­skaga. Ég er félagi í FÍSL, Félagi íslenskra sam­tímaljós­mynd­ara og hef tekið þátt í tveimur sam­sýn­ingum félags­ins en einnig haldið nokkrar einka­sýn­ing­ar.“

Auglýsing

Sögur.Hvers konar verk er ‘Sög­ur’?

„Þetta er ekki venju­leg ljós­mynda­bók sem maður flettir og dáist af fal­legum mynd­um. Meira eins og smá­sagna­safn nema það eru engin orð bara mynd­ir. Mynd­irnar gefa vís­bend­ingar um atburði eða augna­blik sem les­and­inn getur notað til að skálda upp sínar eigin sögur eða í það minnsta velta fyrir sér hvað gæti hugs­an­lega verið að ger­ast á mynd­un­um. Mynd­irnar eru mjög ólíkar enda segja þær mjög ólíkar sög­ur. Allar sög­urnar fjalla um konur enda hefur verið nægt fram­boð af sögum af körlum í gegn um tíð­ina en sögur af íslenskum alþýðu­konum eru mun sjaldnar sagð­ar.“

Hver er sagan á bak­við verk­ið?

„Það er eig­in­lega áhugi minn á þjóð­sög­um, ævin­týrum og goð­sögum sem er kveikjan að þessu öllu sam­an. Mig lang­aði að vinna með þennan sagna­arf. Ég hef lengst af sýslað við að skrá­setja sam­tím­ann með mynda­vél­inni, taka frétta­myndir eða dokúm­entera ein­hverja atburði. Þá er maður að segja frá með mynda­vél­inni og mynd­irnar eiga að geta staðið einar og óstuddar og gefið skýra mynd af atburð­in­um.

Í bók­inni sný ég þessu eig­in­lega við og mynd­irnar eru augna­blik í atburða­rás sem eng­inn veit hver er þannig að myndin segir alls ekki alla sög­una. En auð­vitað er ég með ein­hverja sögu eða aðstæður í huga. Stundum eru það þjóð­sagna­per­sónur eða goð­sagna­verur sem eru kveikjan að mynd­unum en einnig ákveðnir staðir sem mér fannst kalla á ein­hverjar aðstæð­ur. Á marga þess­ara staða kom ég oft með hund­inn minn og meðan hann hljóp og hnus­aði, tók ég myndir á sím­ann og pældi í hvað hefði kannski gerst á þessum stað. Svo voru ákveðnir hlutir sem mig lang­aði að hafa með á mynd eins og fjós­lukt sem afi minn í Loð­mund­ar­firði átti og myndin spannst í kring um hana.

Við mann­fólkið höfum alltaf skemmt okkur með því að segja sögur og þær hafa gengið mann fram af manni og orðið að þjóð­sög­um. Í seinni tíð eru fáir að lesa þjóð­sögur eða ævin­týri og við fáum okkar skammt með því að horfa á Game of Thro­nes eða álíka þætti sem er frá­bært. Gall­inn er hins­vegar sá að þar er verið að mata okkur á sögum og ég held að við séum að missa smám saman hæfi­leik­ann til að láta hug­mynda­flugið blása okkur í brjóst nýjar og skemmti­legar sög­ur. Ég fór þá leið í bók­inni að búa til myndir sem eru eins og augna­blik í ein­hverri sögu sem eng­inn veit hver er. Mig lang­aði að skapa myndir sem hefðu þann eig­in­leika að áhorf­and­inn færi að spek­úlera í hvað væri eig­in­lega að ger­ast.

Nú stendur yfir söfnun á hóp­fjár­mögn­un­ar­vefnum Karol­ina Fund þar sem unn­endur sagna­listar og ljós­mynd­unar geta eign­ast skemmti­lega og öðru­vísi bók og stuðlað að því að fjár­magna prentun henn­ar. Þar sem bókin bygg­ist á myndum en ekki orðum getur hún gagn­ast hverjum sem er, óháð móð­ur­máli eða lestr­ar­kunn­átt­u.“ 

Verk­efnið er að finna hér.

Guðlaugur Þór Þórðarson
Rúmar 16 milljónir í aðkeypta ráðgjöf og álit vegna þriðja orkupakkans
Kostnaður vegna innlendrar ráðgjafar og álita nemur rúmlega 7,6 milljónum króna og erlends tæpum 8,5 milljónum króna.
Kjarninn 18. ágúst 2019
Katrín Jakobsdóttir forsætisráðherra.
Sex ríkisforstjórar með hærri laun en forsætisráðherra
Laun bankastjóra Landsbankans hafa hækkað mest allra ríkisforstjóra, eða um 82 prósent, frá því að bankaráð bankans tók yfir ákvörðun um launakjör hans. Átta ríkisforstjórar eru með hærri laun en flestir ráðherrar.
Kjarninn 18. ágúst 2019
Vilja steypa Boris Johnson af stóli
Breska stjórnarandstaðan leitar nú að nýjum þingmanni sem gæti orðið forsætisráðherra Bretlands í stað Borisar Johnson. Jeremy Corbyn telur sig vera manninn í verkið, en ekki eru allir innan stjórnarandstöðunnar á sama máli.
Kjarninn 18. ágúst 2019
Draumur um landakaup
Einhverjir hafa kannski, til öryggis, litið á dagatalið sl. föstudag þegar fréttir bárust af því að Bandaríkjaforseti hefði viðrað þá hugmynd að kaupa Grænland. Þetta var þó ekki aprílgabb og ekki í fyrsta skipti sem þessi hugmynd skýtur upp kollinum.
Kjarninn 18. ágúst 2019
Katrín Jakobsdóttir
Ok skiptir heiminn máli
Kjarninn 17. ágúst 2019
Peningastefnunefnd í tíu ár
Gylfi Zoega segir að framtíðin muni leiða í ljós hvort áfram takist að ná góðum árangri eins og hafi verið gert með peningastefnu síðustu 10 ára á Íslandi en reynslan síðasta áratuginn sé samt staðfesting þess að það sé hægt ef vilji sé fyrir hendi.
Kjarninn 17. ágúst 2019
Gunnar Hólmsteinn Ársælsson
Nýir tímar á Norðurslóðum?
Kjarninn 17. ágúst 2019
Kristján Guy Burgess
Lífeyrissjóðir og loftslagsváin
Kjarninn 17. ágúst 2019
Meira úr sama flokkiFólk
None