Týndu Stelp­urnar er kvik­mynd eftir Lovísu Láru Hall­dórs­dóttur sem var tekin upp síð­ast­liðið sum­ar. Aðal­per­sónur mynd­ar­innar eru stúlkur á fjórt­ánda ald­ursári sem verða vitni að morði. Þegar þær vin­konur fara að skyggn­ast undir yfir­borðið í kjöl­far þess voveif­lega atburðar verður þeim fljótt ljóst að ekki allt sem sýn­ist. 

Lovísa Lára Hall­dórs­dóttir hefur unnið að mörgum verk­efn­um, til að mynda gerði hún stutt­mynd­irn­ar Smá­st­irni og Hrellir sem báðar hafa verið sýndar á kvik­mynda­há­tíðum um heim allan og unnið til verð­launa. Lovísa er að sögn með mörg járn í eld­in­um, til dæmis er hún að skipu­leggja fyrstu íslensku hryll­ings­mynda­há­tíð­ina, Frost­biter sem verður á Akra­nesi helg­ina 24. – 26. nóv­em­ber. Hún vinnur einnig að því að klára sína fyrstu kvik­mynd í fullri lengd; Týndu Stelp­urnar. Kjarn­inn hitti Lovísu og tók hana tali.

Hver er sögu­þráður kvik­mynd­ar­innar ‘Týndu stelp­urn­ar’?

„Týndu stelp­urnar fjallar um Láru og Telmu sem hafa verið bestu vin­konur síðan þær voru litl­ar. Þær koma af ólíkum heim­ilum og virð­ast vera algjörar and­stæður en eiga það sam­eig­in­legt að vilja sleppa frá örmum fjöl­skyldna sinna. Til að losna frá leið­in­legum hvers­dags­leik­anum stytta stelp­urnar sér stundir með því að njósna um nágranna sína og búa til sög­ur. Þegar stelp­urnar verða vitni að morði fara þær í að rann­saka málið sjálf­ar. Þær vita þó ekki að sú ákvörðun mun ekki aðeins reyna á vin­áttu þeirra heldur einnig stefna lífi þeirra í hætt­u. 

Týndu Stelp­urnar er bíó­mynd sem fjallar um for­vitni, æsku og vin­áttu. Myndin er tekin upp í þannig stíl að allt myndefni er tekið upp af per­són­unum í mynd­inni, og er því frá­brugðin öllu sem hefur áður komið í íslenskt bíó. Myndin er spenn­u/drama en þó með mik­inn húmor og hjarta.“

Að hvaða ald­urs­hópi er kvik­myndin mið­uð?

„Kvik­myndin Týndu stelp­urnar er ekki miðuð að neinum sér­stökum ald­urs­hópi, þó myndin fjalli um tvær ungar stelpu er tek­ist á við mjög alvar­leg mál­efni þannig að hún ein­skor­ast ekki bara við yngra fólk.“

Hvernig gengur fyrir unga lista­menn að fjár­magna íslenskar kvik­myndir í dag?

„Fyrir nýtt kvik­mynda­gerða­fólk er frekar erfitt að fá fjár­magn fyrir íslenskar kvik­myndir því þarf maður að hugsa svo­lítið út fyrir rammann, til dæmis með því að not­ast við hóp­fjár­mögn­un­ar­síður á borð við Karolina­fund.com. Á þeirri síðu er einmitt hægt að styrkja kvik­mynd­ina Týndu Stelp­urnar þar sem enn á eftir að fjár­magna eft­ir­vinnsl­una á henn­i.“

Hægt er að styrkja kvik­mynd­ina Týndu Stelp­urn­ar hér.

Hægt er að nálg­ast upp­lýs­ingar um fyrstu íslensku hryll­ings­mynda­há­tíð­ina, ­Frost­biter, hér.