Plastagnirnar úr þvottavélinni

Ógrynni míkróplastagna fer í hafið í gegnum úrgangsvatnið okkar. Hluti af plastinu sem við skolum út kemur úr snyrtivörum, svo sem tannkremum og hreinsikremum. En stór hluti skolast líka úr fötunum okkar þegar við setjum þau í þvottavél.

plast hvatinn
Auglýsing

Ein stærsta umhverfisvá sem við þurfum að takast á við í dag er plastmengun. Plast er því miður of mikið notað í heiminum og of lítið endurunnið. Mjög stór hluti af plastinu sem er notað endar því í umhverfinu okkar og þar á meðal hafinu. Þar stafar lífríkinu mikil hætta af plastinu þar sem sjávardýr geta t.d. flækt sig í plastinu og dáið eða étið það og kafnað (eins og á reyndar við um landdýr líka).

Fyrir utan stóra plastið sem við missum í hafið fer þangað líka ógrynni af míkróplastögnum í gegnum úrgangsvatnið okkar. Hluti af plastinu sem við skolum út kemur úr snyrtivörum, svo sem tannkremum og hreinsikremum. En stór hluti skolast líka úr fötunum okkar, sem eru gerð úr ákveðnum efnum, þegar við setjum þau í þvottavélina.

Í rannsókn sem var birt í Environmental Science and Technology í síðasta mánuði, skoðar vísindahópur frá Sviss hvernig plastagnir losna úr flíkum og enda í hafinu. Vísindahópurinn skoðaði m.a. hitastig og lengd þvottarins, sem bæði virðast líklegir áhrifaþættir við losun plastagna úr flíkum.

Auglýsing

Það kom vísindahópnum þess vegna á óvart þegar í ljós kom að sama magn plastagna losnaði úr flíkunum við mismunandi hitastig og magnið jókst ekki heldur þegar þvottahringurinn var lengdur. Þrátt fyrir að rannsóknin hafi sýnt þveröfuga niðurstöðu við það sem vísindahópurinn lagði af stað með í upphafi eru þessar niðurstöður fyrsta skrefið í að komast að því hvernig plastagnirnar losna og fara út í umhverfið.

Ef hægt er að skilgreina hvaða ferli valda losun plastagna er mögulega hægt að breyta þvottavélum eða þvottaefnum til að takmarka þessa losun. Á meðan getur hinn almenni neytandi lagt sitt af mörkum með því að takmarka notkun á fatnaði sem gefur frá sér plastagnir eins og t.d. pólýester-efnum.

Að lokum er rétt að minna á átakið plastlaus júlí sem allir geta tekið þátt í með lítilli fyrirhöfn. Markmið átaksins er að nota eins lítið plast og við komumst upp með (helst ekkert) í heilan mánuð. Átök eins og plastlaus júlí geta hjálpað okkur að uppgötva hversu auðveldlega við getum minnkað plastnotkun inn á heimilinu, svo endilega takið þátt!

Fréttin birtist einnig á Hvatanum.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Steinar Frímannsson
Einkarekstur í forgrunni – Umhverfisstefna Sjálfstæðisflokksins
Kjarninn 19. september 2021
Magnús Gottfreðsson, prófessor við læknadeild Háskóla Íslands.
Segir gæði vísindastarfs á Landspítala hafa hrakað á síðustu árum
Prófessor við læknadeild Háskóla Íslands segir að öfugþróun hafi átt sér stað í vísindastarfi á Landspítala eftir að hann var gerður að háskólasjúkrahúsi árið 2000, og að ekkert skilgreint fjármagn hafi fengist til að sinna því.
Kjarninn 19. september 2021
Jean-Rémi Chareyre
VG og loftslagsmálin: Að hugsa lengra en þjóðarnefið nær
Kjarninn 19. september 2021
Árni Stefán Árnason
Dýravernd í aðdraganda alþingiskosninganna 2021 – Hluti I
Kjarninn 19. september 2021
Bjarni Jónsson
Stjórnmálaflokkarnir og dánaraðstoð
Kjarninn 19. september 2021
Soffía Sigurðardóttir
Samvinna til árangurs
Kjarninn 19. september 2021
Lesendum Morgunblaðsins og Fréttablaðsins fækkað um 20 prósent frá miðju ári 2019
Lestur Fréttablaðsins hefur helmingast á rúmum áratug og minnkað um 20 prósent frá því nýir eigendur keyptu blaðið um mitt ár 2019. Þróun á lesendahópi Morgunblaðsins er nánast sú sama. Mikið tap er á rekstri beggja dagblaða.
Kjarninn 19. september 2021
Jón Ormur Halldórsson
Pólitíska miðjan hennar Merkel
Kjarninn 19. september 2021
Meira úr sama flokkiFólk