Eftir fjórtán mán­aða prufu­tíma, þar sem aðeins starfs­menn Amazon máttu versla, hefur hin bylt­ing­ar­kennda nýja Amazon Go verslun fyr­ir­tæk­is­ins verið opnuð almenn­ingi í Seattle í Banda­ríkj­un­um, þar sem höf­uð­stöðvar fyr­ir­tæk­is­ins eru. 

Nú getur fólkið verslað í búð­inni án þess að nokkur búð­ar­kassi sé sjá­an­legur eða neitt slíkt. Fólk gengur inn, skannar sím­ann og velur síðan vör­urnar sem það vill, og gengur út. 

Við­skiptin fara fram í gegnum Amazon svæði not­enda í sím­an­um.

Amazon til­kynnti um tækn­ina fyrir fjórtán mán­uð­um, og opn­aði þá verslun innan starfs­svæðis Amazon í Seattle en ein­ungis starfs­menn gátu þó verslað í búð­inn­i. 

Hefur prufun á bún­að­inum í búð­inni verið í gangi síð­an, en flók­inn hug­bún­að­ur, sem meðal ann­ars vinnur með mynda­vélum og skynj­urum í lofti búð­ar­inn­ar, gerir fólki það mögu­legt að versla með þessum hætti.

Amazon er með einka­leyfi á notkun þessa bún­að­ar, og gera grein­endur ráð fyrir því að fyr­ir­tækið muni setja upp mik­inn fjölda versl­ana, vítt og breitt um Banda­ríkin á næst­unni, og síðan víðar um heim þar á eft­ir. Engin áform hafa þó verið kynnt um það, og mikil leynd sem hefur ein­kennt þró­un­ina.

Versl­unin mun ekki þurfa starfs­fólk á kassa, en Amazon hefur gefið það út að tæknin auki áreið­an­leika í við­skipt­um, geri versl­anir örugg­ari og hag­kvæm­ari.

Lager versl­un­ar­innar í Seattle er tölvu­stýrður og að mestu sjálf­virk­ur, þegar kemur að því að skipta út vörum og fylla á hill­ur. 

Í umfjöllun New York Times, þar sem blaða­maður blaðs­ins heim­sótti versl­un­ina, kemur fram að ekki sé ljóst enn hvað Amazon hygg­ist gera nákvæm­lega, með þennan bún­að. Orðrómur hafi verið um það, að Whole Foods versl­an­irn­ar, sem eru í eigu Amazon, muni taka upp bún­að­inn en fyr­ir­tækið hefur ekki stað­fest það. 

Þá hefur þá einnig verið nefnt, að Amazon ætli sér að selja öðrum versl­un­ar­rek­endum bún­að­inn til afnota, í sínum versl­un­um, og hafa þannig tekjur af hug­bún­að­inum sér­stak­lega.