Kastljósið á Íslandi í FIFA-leikjasamfélaginu

Sigurlína Valgerður Ingvarsdóttir er yfirframleiðandi FIFA tölvuleiksins og starfar í Vancouver. Hún segir Ísland njóta góðs af því gríðarlega stóra fótboltasamfélagi sem leikurinn er, og það teygir sig um allan heim, allan sólarhringinn.

Iceland2018
Auglýsing

„Já, nú er Ísland bara með jafn mikla athygli á sér í leiknum, og önnur landslið. Það er auðvitað virkilega gaman,“ segir Sigurlína Valgerður Ingvarsdóttir (Lína), yfirframleiðandi FIFA tölvuleiksins, hjá EA fyrirtækinu, sem gefur leikinn út.

Hún sinnir starfi sínu frá Vancouver í Kanada en starfsmannateymið hjá FIFA leiknum er einnig með starfsstöð í Rúmeníu.

Fótboltasamfélag í tölvuheiminum

Mörg hundruð starfsmenn vinna við að halda þessu stærsta fótboltasamfélagi í tölvuleikjaheiminum, sem fyrir finnst, gangandi. Það getur verið flókið, enda þúsundir manna að spila leikinn á öllum tímum. „Við gefum ekki út opinberar tölur um fjölda spilara, en fjöldinn er mikill, eins og fólk getur getið sér til um,“ segir Lína. 

Auglýsing

Sigurlína Valgerður Ingvarsdóttir, yfirframleiðandi FIFA.Hún segir mikinn áhuga vera á Íslandi og það sé gaman að finna fyrir því, en íslenska landsliðið kom nýtt inn í leikinn í FIFA 18 útgáfunni.

Lína hefur unnið um skeið hjá EA og sinnti áður yfirmannastöðu hjá Star Wars Battlefront tölvuleiknum og starfaði í Stokkhólmi í Svíþjóð. „Þegar ég hitti fólk úr FIFA teyminu á ráðstefnum og á fundum, þá nefndi ég nú oft við þau að það væri gaman að sjá Ísland í leiknum. Í fyrstu var hlegið að því, en síðan kom þetta nú bara eftir því sem meira kastljós kom á Ísland og árangurinn var betri,“ segir Lína.

Öll flóra mannlífsins

Hún segir að margir geri sér ekki grein fyrir hversu gríðarlega mikið umfang sé á öllu markaðsstarfi sem fylgi tölvuleik eins og FIFA, og að allur heimurinn sé undir, og það í lifandi heimi allan sólarhringinn. „Tölvuleikjaiðnaðurinn er nú þegar kominn fram úr kvikmyndaiðnaði og ég hef alltaf litið á tölvuleiki sem einn miðil í boði er. Svipað og bækur eða annað þar sem upplýsingum er miðlað. Þetta er lifandi heimur og það er mikill misskilningur að þeir sem spili tölvuleiki séu fyrst og fremst strákar og karlmenn á aldrinum 18 til 35 ára. Tölvuleikir eru farnir að ná til allra hópa,“ segir Lína.

Hún segir það líka ánægjulegt, að konur séu sífellt að fá meiri athygli í íþróttaleikjum. Í FIFA eru kvennalandslið þegar komin til leiks, og það sama má segja um NBA Live þar sem WNBA lið eru meðal þeirra sem notendur geta stýrt. „Þetta er ánægjulegt, hefur fengið góðar viðtökur og á eftir að aukast enn frekar, geri ég ráð fyrir,“ segir Lína.

Í nýjustu útgáfu leiksins, sérstakri viðhafnarútgáfu vegna HM í Rússlandi, er íslenska liðið mætt til leiks í nýjum búningum. Víkingaklappið er komið á sinn stað, en margir söknuðu þess að það hefði ekki fylgt með inn í leikinn þegar íslenska liðið var loksins komið í leikinn. „Það var nú ekki hægt að sleppa því,“ segir Lína.

HÚH!

Þegar spilaðir eru leikir með Íslandi í leiknum, og það vinnur, þá fagna leikmenn með áhorfendum, með Aron Einar Gunnarsson fyrirliða í broddi fylkingar, og taka víkingaklappið víðfræga. Sannarlega skemmtilegt að sjá hverstu djúpt þessi fögnuður - sem fór eins og eldur í sinu um heiminn frá EM í Frakklandi 2016 - náð í samfélögum víða. Ímynd Íslands er beinlínis orðin beintengd klappinu.


Lína stóð á sviðinu á einni stærstu leikjaráðstefnu sem fram fer árlega í heiminum, Electronic Entertainment Expo í Los Angeles, og kynnti þar nýjungar í FIFA tölvuleiknum. EA heldur viðburðadagskrá sína í vikunni áður en ráðstefnan sjálf hefst, og var margmenni á henni.

Stærstu tíðindin í þetta skiptið voru þau, að nú er Meistaradeild Evrópu komin inn í tölvuleikinn og verður hluti af nýjum leik, FIFA 19, sem kemur út 28. september næstkomandi. „Notendur leiksins höfðu kallað eftir því að fá Meistaradeildina inn og nú er hún að koma inn,“ segir Lína.

Lína á ráðstefnu EA á dögunum, þar sem Meistaradeild Evrópu var kynnt inn sem hluti af FIFA leiknum.

Hlutabréfin hafa rokið upp

EA er stórt fyrirtæki í tölvuleikjaheiminum, og nemur markaðsvirði þess 42,7 milljörðum Bandaríkjadala, eða sem nemur um 5 þúsund milljörðum króna. Það er upphæð sem nemur um áttföldu virði íslenska hlutabréfamarkaðarins. 

Gengi bréfa félagsins hefur rokið upp að undanförnu, er nú í kringum 140, en í desember síðastliðnum var það um 100.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Losun koldíoxíðs út í andrúmsloftið á stóran þátt í því að þolmarkadagur jarðar er jafn snemma á árinu og raun ber vitni.
Þolmarkadagur jarðarinnar er runninn upp
Mannkynið hefur frá upphafi árs notað þær auðlindir sem jörðin er fær um að endurnýja á heilu ári. Til þess að viðhalda neyslunni þyrfti 1,7 jörð.
Kjarninn 29. júlí 2021
Örn Bárður Jónsson
Ný stjórnarskrá í 10 ár – Viska almennings og máttur kvenna
Kjarninn 29. júlí 2021
Til að fá að fljúga með flugfélaginu Play verða farþegar að skila inn vottorði um neikvæða niðurstöðu úr PCR-prófi eða hraðprófi.
Hafa þurft að vísa vottorðalausum farþegum frá
Flugfélagið Play hefur fengið jákvæð viðbrögð við þeirri ákvörðun að meina farþegum um flug sem ekki hafa vottorð um neikvætt COVID próf. Fyrirkomulagið verður enn í gildi hjá Play þrátt fyrir að vottorðalausum muni bjóðast sýnataka á landamærunum.
Kjarninn 29. júlí 2021
Kamilla Jósefsdóttir og Alma Möller landlæknir.
Sértæk bóluefni gegn delta-afbrigði „okkar helsta von“
Frá því að fjórða bylgja faraldursins hófst hér á landi hafa sextán sjúklingar legið á Landspítala með COVID-19. Tíu eru inniliggjandi í dag, þar af tveir á gjörgæslu.
Kjarninn 29. júlí 2021
Kort Sóttvarnastofnunar Evrópu sem uppfært var í dag.
Ísland orðið appelsínugult á korti Sóttvarnastofnunar Evrópu
Mikil fjölgun greindra smita hér á landi hefur haft það í för með sér að Ísland er ekki lengur grænt á korti Sóttvarnastofnunar Evrópu. Væru nýjustu upplýsingar um faraldurinn notaðar yrði Ísland rautt á kortinu.
Kjarninn 29. júlí 2021
Jóhann Björn Skúlason, yfirmaður smitrakningateymis almannavarna.
Smitrakningunni „sjálfhætt“ ef fjöldi smita vex gríðarlega úr þessu
Miklar annir eru nú hjá smitrakningarteymi almannavarna. Á bilinu 180-200 þúsund notendur eru með smitrakningarforrit yfirvalda í símum sínum og það gæti reynst vel ef álagið verður svo mikið að rakningarteymið hafi ekki undan. Sem gæti gerst.
Kjarninn 29. júlí 2021
Ari Trausti Guðmundsson
Faraldur er ekki fyrirsjáanlegur
Kjarninn 29. júlí 2021
Áslaug Arna Sigurbjörnsdóttir dómsmálaráðherra.
„Ekki má hringla með marklínuna“
Dómsmálaráðherra vonar að stjórnarandstöðunni „auðnist ekki að slíta í sundur þá einingu sem ríkt hefur meðal landsmanna í baráttunni gegn veirunni“. Samhliða útbreiddri bólusetningu þurfi að slá nýjan takt og „leggja grunn að eðlilegu lífi á ný“.
Kjarninn 29. júlí 2021
Meira úr sama flokkiViðtal